路加福音第16章客家话和合本对照

相关章：

快速到节：

书卷列表：

和合本2010版路加福音16:1不义的管家耶稣又对门徒说：「某财主有一个管家，有人向主人告管家浪费他的财物。

现代客语汉字路加福音16:1精明个管家耶稣㧯厥学生讲：「有一个财主，佢有一个管家；别人对佢报告讲，厥管家浪费佢个财产。

现代客语全罗路加福音16:1Chîn-mìn ke Kón-kâ Yâ-sû lâu kiâ ho̍k-sâng kóng: “Yû yit-ke chhòi-chú, kì yû yit-ke kón-kâ; phe̍t-ngìn tui kì po-ko kóng, kiâ kón-kâ long-fi kì ke chhòi-sán.

和合本2010版路加福音16:2 主人叫他来，对他说：『我听到了，你做的是甚么事？把你所经管的交代清楚，你不能再作我的管家了。』

现代客语汉字路加福音16:2主人就喊管家来，对佢讲：『𠊎有听到关係你个事情，到底係样般呢？将你所管个点清楚，因为你做毋得再做𠊎个管家了！』

现代客语全罗路加福音16:2 Chú-ngìn chhiu ham kón-kâ lòi, tui kì kóng: ‘Ngài yû thâng-tó koân-he ngì ke sṳ-chhìn, to-tái he ngióng-pân nè? Chiông ngì só kón ke tiám chhîn-chhú, yîn-vi ngì cho-m̀-tet chai cho ngài ke kón-kâ lé!’

和合本2010版路加福音16:3 那管家心裏说：『主人辞我，不用我再作管家，我将来做甚么呢？锄地嘛，没有力气；讨饭嘛，怕羞。

现代客语汉字路加福音16:3该管家心肝想：『头家爱辞𠊎个头路！𠊎爱做么介正好呢？擎钁头，𠊎无力；做乞食，又惊见笑。

现代客语全罗路加福音16:3 Ke kón-kâ sîm-kôn sióng: ‘Thèu-kâ oi chhṳ̀ ngài ke thèu-lu! Ngài oi cho má-ke chang hó nè? Khià kiok-thèu, ngài mò li̍t; cho khiet-sṳ̍t, yu kiâng kien-seu.

和合本2010版路加福音16:4 我知道怎么做，好叫人们在我不作管家之后，接我到他们家裏去。』

现代客语汉字路加福音16:4係哪！𠊎知爱样般做，等到𠊎失业个时，朋友正会接𠊎到佢等个屋下去住。』

现代客语全罗路加福音16:4 He nâ! Ngài tî oi ngióng-pân cho, tén-to ngài sṳt-ngia̍p ke sṳ̀, phèn-yû chang voi chiap ngài to kì-têu ke vuk-hâ hi he̍t.’

和合本2010版路加福音16:5 于是他把欠他主人债的，一个一个地叫了来，问头一个说：『你欠我主人多少？』

现代客语汉字路加福音16:5「所以，佢将厥头家个债主一个一个喊来。佢对头一个讲：『你欠𠊎头家几多？』

现代客语全罗路加福音16:5 “Só-yî, kì chiông kiâ thèu-kâ ke chai-chú yit-ke yit-ke hêm lòi. Kì tui thèu-yit-ke kóng: ‘Ngì khiam ngài thèu-kâ kí-tô?’

和合本2010版路加福音16:6 他说：『一百篓( [ 16.6] 「篓」：参「度量衡表」。)油。』管家对他说：『拿你的账，快坐下，写五十。』

现代客语汉字路加福音16:6该人应讲：『一百桶橄榄油。』管家讲：『这係你个借条，拿去，坐下来，遽遽写做五十桶。』

现代客语全罗路加福音16:6 Ke-ngìn en-kóng: ‘Yit-pak thúng kám-lám-yù.’ Kón-kâ kóng: ‘Liá he ngì ke chia-thiàu, nâ-hi, chhô-hâ-lòi, kiak-kiak siá-cho ńg-sṳ̍p thúng.’

和合本2010版路加福音16:7 他问另一个说：『你欠多少？』他说：『一百石麦子。』管家对他说：『拿你的账，写八十。』

现代客语汉字路加福音16:7佢又问另外一个讲：『你呢，你欠几多？』该人应讲：『一百石麦仔。』管家讲：『这係你个借条，拿去，写做八十石。』

现代客语全罗路加福音16:7 Kì yu mun nang-ngoi yit-ke kóng: ‘Ngì nè, ngì khiam kí-tô?’ Ke-ngìn en-kóng: ‘Yit-pak sa̍k ma̍k-é.’ Kón-kâ kóng: ‘Liá he ngì ke chia-thiàu, nâ-hi, siá-cho pat-sṳ̍p sa̍k.’

和合本2010版路加福音16:8 主人就夸奖这不义的管家做事精明，因为今世之子应付自己的世代比光明之子更加精明。

现代客语汉字路加福音16:8「主人就夸奖这不义个管家做事精明。因为处理世间个事，世俗个人比光明个人较精明。」

现代客语全罗路加福音16:8 “Chú-ngìn chhiu khoâ-chióng liá put-ngi ke kón-kâ cho-se chîn-mìn. Yîn-vi chhú-lî sṳ-kiên ke sṳ, sṳ-siu̍k ke ngìn pí kông-mìn ke ngìn kha chîn-mìn.”

和合本2010版路加福音16:9 我又告诉你们，要藉着那不义的钱财结交朋友，到了钱财无用的时候，他们可以接你们到永远的住处( [ 16.9] 「住处」：原文直译「帐幕」。)去。

现代客语汉字路加福音16:9接等，耶稣又讲：「𠊎㧯你等讲，爱用现世个金钱交朋友，恁样，金钱无用个时，你等就会受接到永远个家乡去。

现代客语全罗路加福音16:9 Chiap-tén, Yâ-sû yu kóng: “Ngài lâu ngì-têu kóng, oi yung hien-sṳ ke kîm-chhièn kâu phèn-yû, án-ngiòng, kîm-chhièn mò yung ke sṳ̀, ngì-têu chhiu voi su-chiap to yún-yén ke kâ-hiông hi.

和合本2010版路加福音16:10 人在最小的事上忠心，在大事上也忠心；在最小的事上不义，在大事上也不义。

现代客语汉字路加福音16:10「一个人对细事忠实，对大事也会忠实；一个人对细事无老实，对大事也毋会老实。

现代客语全罗路加福音16:10 “Yit-ke ngìn tui se-sṳ chûng-sṳ̍t, tui thai-sṳ ya voi chûng-sṳ̍t; yit-ke ngìn tui se-sṳ mò ló-sṳ̍t, tui thai-sṳ ya m̀-voi ló-sṳ̍t.

和合本2010版路加福音16:11 若是你们在不义的钱财上不忠心，谁还把那真实的钱财託付你们呢？

现代客语汉字路加福音16:11若係你等处理世间个钱财就无忠实，么人会将该真实个财宝交託你等呢？

现代客语全罗路加福音16:11 Na-he ngì-têu chhú-lî sṳ-kiên ke chhièn-chhòi chhiu mò chûng-sṳ̍t, má-ngìn voi chiông ke chṳ̂n-sṳ̍t ke chhòi-pó kâu-thok ngì-têu nè?

和合本2010版路加福音16:12 如果你们在别人的东西上不忠心，谁还把你们自己的东西给你们呢？

现代客语汉字路加福音16:12若係你等对属别人个东西无忠实，么人会将你等自家个东西交给你等呢？

现代客语全罗路加福音16:12 Na-he ngì-têu tui su̍k phe̍t-ngìn ke tûng-sî mò chûng-sṳ̍t, má-ngìn voi chiông ngì-têu chhṳ-kâ ke tûng-sî kâu-pûn ngì-têu nè?

和合本2010版路加福音16:13 一个僕人不能服侍两个主；他不是恨这个爱那个，就是重这个轻那个。你们不能又服侍上帝，又服侍玛门( [ 16.13] 「玛门」意思是「钱财」。)。」 律法和上帝的国

现代客语汉字路加福音16:13「无一个僕人能服事两个主人。毋係恼这个、爱该个，就係看重这个、看轻该个。你等无可能同时做上帝个僕人，又做金钱个奴才。」其他个教训

现代客语全罗路加福音16:13 “Mò yit-ke phu̍k-ngìn nèn fu̍k-sṳ lióng-ke chú-ngìn. M̀-he nâu liá-ke, oi ke-ke, chhiu-he khon-chhung liá-ke, khon-khiâng ke-ke. Ngì-têu mò khó-nèn thùng-sṳ̀ cho Song-ti ke phu̍k-ngìn, yu cho kîm-chhièn ke nùng-chhòi.” Khì-thâ ke Kau-hiun

和合本2010版路加福音16:14（太 5:31-32 11:12-13 可 10:11-12 ）法利赛人是贪爱钱财的；他们听见这一切话，就嘲笑耶稣。

现代客语汉字路加福音16:14( 马太5:18，31-32 11:12-13 马可10:11-12 )该兜爱钱个法利赛人听到这兜话，就笑耶稣。

现代客语全罗路加福音16:14( Mâ-thai 5:18, 31-32 11:12-13 Mâ-khó 10:11-12 ) Ke-têu oi chhièn ke Fap-li-soi-ngìn thâng-tó liá-têu fa, chhiu seu Yâ-sû.

和合本2010版路加福音16:15 耶稣对他们说：「你们是在人面前自称为义的，你们的心，上帝却知道；因为人以为尊贵的，是上帝看为可憎恶的。

现代客语汉字路加福音16:15耶稣对佢等讲：「你等在人个面前自称係正人君子，总係上帝清楚知你等个内心；因为人看做尽高贵个，在上帝来看反转係邪恶个。

现代客语全罗路加福音16:15 Yâ-sû tui kì-têu kóng: “Ngì-têu chhai ngìn ke mien-chhièn chhṳ-chhṳ̂n he chṳn-ngìn kiûn-chṳ́, chúng-he Song-ti chhîn-chhú tî ngì-têu ke nui-sîm; yîn-vi ngìn khon-cho chhin kô-kui ke, chhai Song-ti lòi khon fán-chón he sià-ok ke.

和合本2010版路加福音16:16 律法和先知到约翰为止，从此上帝国的福音传开了，人人努力要进去。

现代客语汉字路加福音16:16「摩西个法律㧯先知个书，它兜个效力係到施洗约翰为止；对该时开始，上帝国个福音就传出来，逐侪全部争等入去。

现代客语全罗路加福音16:16 “Mô-sî ke fap-li̍t lâu siên-tî ke sû, kì-têu ke háu-li̍t he to Sṳ̂-sé Yok-hon vì-chṳ́; tui ke-sṳ̀ khôi-sṳ́, Song-ti koet ke fuk-yîm chhiu chhòn chhut-lòi, tak-sà chhiòn-phu châng-tén ngi̍p-hi.

和合本2010版路加福音16:17 天地废去比律法的一点一画落空还要容易。

现代客语汉字路加福音16:17总係天地无掉去，比法律个一笔一画失效还较容易呢！

现代客语全罗路加福音16:17 Chúng-he thiên-thi mò-thet-hi, pí fap-li̍t ke yit-pit yit-va̍k sṳt-háu hàn-kha yùng-yi nè!

和合本2010版路加福音16:18 凡休妻另娶的，就是犯姦淫；娶被丈夫休了的妇人的，也是犯姦淫。」 财主和拉撒路

现代客语汉字路加福音16:18「无论么人离掉𡜵娘，重新㧯别个妇人家结婚，就係犯姦淫；讨被人离掉个妇人家也係犯姦淫。财主㧯拉撒路

现代客语全罗路加福音16:18 “Mò-lun má-ngìn lì-thet pû-ngiòng, chhùng-sîn lâu phe̍t ke fu-ngìn-kâ kiet-fûn, chhiu-he fam kiên-yìm; thó pûn-ngìn lì-thet ke fu-ngìn-kâ ya he fam kiên-yìm. Chhòi-chú lâu Lâ-sat-lu

和合本2010版路加福音16:19 「有一个财主穿着紫色袍和细麻布衣服，天天奢华宴乐。

现代客语汉字路加福音16:19「头摆有一个财主，逐日着等紫色高贵个靓衫，过奢华宴乐个日仔。

现代客语全罗路加福音16:19 “Thèu-pái yû yit-ke chhòi-chú, tak-ngit chok-tén chṳ́-set kô-kui ke chiâng-sâm, ko chhâ-fà yen-lo̍k ke ngit-è.

和合本2010版路加福音16:20 又有一个讨饭的，名叫拉撒路，浑身长疮，被人放在财主门口，

现代客语汉字路加福音16:20又有一个穷苦人，名安到拉撒路，归身发疮，常常被人带到财主个门口，

现代客语全罗路加福音16:20 Yu yû yit-ke khiùng-khú-ngìn, miàng ôn-to Lâ-sat-lu, kûi-sṳ̂n pot-chhông, sòng-sòng pûn-ngìn tai-to chhòi-chú ke mùn-héu,

和合本2010版路加福音16:21 想得财主桌子上掉下来的碎食充饥，甚至还有狗来舔他的疮。

现代客语汉字路加福音16:21希望拈兜财主桌顶跌下来个东西来止饥；连狗也来舐佢个疮。

现代客语全罗路加福音16:21 hî-mong ngiâm têu chhòi-chú chok-táng tiet-hâ-lòi ke tûng-sî lòi chṳ́-kî; lièn kiéu ya lòi sê kì ke chhông.

和合本2010版路加福音16:22 后来那讨饭的死了，被天使带去放在亚伯拉罕的怀裏。财主也死了，并且埋葬了。

现代客语汉字路加福音16:22「后来，这穷苦人死掉，天使带佢去坐在亚伯拉罕个塍头，享受天顶个筵席；该财主也死掉，并埋葬。

现代客语全罗路加福音16:22 “Heu-lòi, liá khiùng-khú-ngìn sí-thet, thiên-sṳ́ tai kì hi chhô chhai Â-pak-lâ-hón ke sùn-thèu, hióng-su thiên-táng ke yèn-si̍t; ke chhòi-chú ya sí-thet, pin mài-chong.

和合本2010版路加福音16:23 他在阴间受苦，举目远远地望见亚伯拉罕，又望见拉撒路在他怀裏，

现代客语汉字路加福音16:23财主在阴间非常痛苦；佢昂头看到亚伯拉罕在尽远个所在，又看到拉撒路坐在塍头，

现代客语全罗路加福音16:23 Chhòi-chú chhai yîm-kiên fî-sòng thung-khú; kì ngo-thèu khon-tó Â-pak-lâ-hón chhai chhin-yén ke só-chhai, yu khon-tó Lâ-sat-lu chhô chhai sùn-thèu,

和合本2010版路加福音16:24 他就喊着说：『我祖亚伯拉罕哪，可怜我吧！请打发拉撒路来，用指头尖蘸点水，凉凉我的舌头，因为我在这火焰裏，极其痛苦。』

现代客语汉字路加福音16:24就喊讲：『𠊎个祖公亚伯拉罕啊，可怜𠊎啊！求你喊拉撒路用手指头蘸兜水来凉𠊎个舌乸，因为𠊎在这火焰中非常痛苦！』

现代客语全罗路加福音16:24 chhiu hêm-kóng: ‘Ngài ke chú-kûng Â-pak-lâ-hón â, khó-lièn ngài â! Khiù ngì ham Lâ-sat-lu yung sú-chṳ́-thèu chiám têu súi lòi liòng ngài ke sa̍t-mà, yîn-vi ngài chhai liá fó-yam-chûng fî-sòng thung-khú!’

和合本2010版路加福音16:25 亚伯拉罕说：『孩子啊，你该回想你生前享过福，拉撒路也同样受过苦，如今他在这裏得安慰，你却受痛苦。

现代客语汉字路加福音16:25「总係亚伯拉罕应佢讲：『细子啊，你应当还记得，你还生个时节享尽福乐，总係拉撒路过尽艰苦个日仔；这下佢在这位得到安慰，你却落在痛苦中。

现代客语全罗路加福音16:25 “Chúng-he Â-pak-lâ-hón en kì kóng: ‘Se-chṳ́ â, ngì yin-tông hàn ki-tet, ngì hàn sâng ke sṳ̀-chiet hióng-chhin fuk-lo̍k, chúng-he Lâ-sat-lu ko chhin kân-khú ke ngit-è; liá-ha kì chhai liá-vi tet-tó ôn-ví, ngì sa lo̍k chhai thung-khú-chûng.

和合本2010版路加福音16:26 除此之外，在你们和我们之间，有深渊隔开，以致人要从这边过到你们那边是不可能的；要从那边过到这边也是不可能的。』

现代客语汉字路加福音16:26毋单净恁样，在你等㧯𠊎等中间有深渊隔等，人无可能对这片去你等该片；爱对该片来𠊎等这片也无可能。』

现代客语全罗路加福音16:26 M̀ tân-chhiang án-ngiòng, chhai ngì-têu lâu ngài-têu chûng-kiên yû chhṳ̂m-yên kak-tén, ngìn mò khó-nèn tui liá-phién hi ngì-têu ke-phién; oi tui ke-phién lòi ngài-têu liá-phién ya mò khó-nèn.’

和合本2010版路加福音16:27 财主说：『我祖啊，既然这样，求你打发拉撒路到我父家去，

现代客语汉字路加福音16:27财主讲：『𠊎个祖公啊，既然係恁样，𠊎求你喊拉撒路去吾爸个屋下；

现代客语全罗路加福音16:27 Chhòi-chú kóng: ‘Ngài ke chú-kûng â, ki-yèn he án-ngiòng, ngài khiù ngì ham Lâ-sat-lu hi ngâ-pâ ke vuk-hâ;

和合本2010版路加福音16:28 因为我还有五个兄弟，他可以警告他们，免得他们也来到这痛苦的地方。』

现代客语汉字路加福音16:28因为𠊎还有五个兄弟，佢做得警告佢等，免得佢等也来到这恁痛苦个所在。』

现代客语全罗路加福音16:28 yîn-vi ngài hàn-yû ńg-ke hiûng-thi, kì cho-tet kín-ko kì-têu, miên-tet kì-têu ya lòi-to liá án thung-khú ke só-chhai.’

和合本2010版路加福音16:29 亚伯拉罕说：『他们有摩西和先知的话可以听从。』

现代客语汉字路加福音16:29「亚伯拉罕讲：『你个兄弟有摩西㧯先知个话好听，佢等做得听啊！』

现代客语全罗路加福音16:29 “Â-pak-lâ-hón kóng: ‘Ngì ke hiûng-thi yû Mô-sî lâu siên-tî ke fa hó thâng, kì-têu cho-tet thâng â!’

和合本2010版路加福音16:30 他说：『不！我祖亚伯拉罕哪，假如有一个人从死人中到他们那裏去，他们一定会悔改。』

现代客语汉字路加福音16:30财主讲：『𠊎个祖公亚伯拉罕啊，恁样毋罅！若係有人对死复活，到佢等该位去，佢等就会悔改。』

现代客语全罗路加福音16:30 Chhòi-chú kóng: ‘Ngài ke chú-kûng Â-pak-lâ-hón â, án-ngiòng m̀-la! Na-he yû ngìn tui sí fu̍k-fa̍t, to kì-têu ke-vi hi, kì-têu chhiu voi fí-kói.’

和合本2010版路加福音16:31 亚伯拉罕对他说：『如果他们不听从摩西和先知的话，就是有人从死人中复活，他们也不会信服的。』」

现代客语汉字路加福音16:31总係亚伯拉罕讲：『若係佢等毋听摩西㧯先知个话，就算有人对死复活，也无法度说服佢等！』」

现代客语全罗路加福音16:31 Chúng-he Â-pak-lâ-hón kóng: ‘Na-he kì-têu m̀ thâng Mô-sî lâu siên-tî ke fa, chhiu-son yû ngìn tui sí fu̍k-fa̍t, ya mò fap-thu sot-fu̍k kì-têu!’ ”