约伯记第1章客家话和合本对照

相关章：

快速到节：

书卷列表：

和合本2010版约伯记1:1撒但试探约伯乌斯地有一个人名叫约伯。这人完全、正直、敬畏上帝、远离恶事。

现代客语汉字约伯记1:1撒但试探约伯有一个人安到约伯，住在乌斯地区(11:1「乌斯地区」：确实地点无清楚；可能在约旦河东南片、以东地区。)；佢係一个好人，做人正直，敬畏上帝，远离坏事。

现代客语全罗约伯记1:1Sat-tan Sṳ-tham Yok-pak Yû yit-ke ngìn ôn-to Yok-pak, he̍t chhai Vû-sṳ̂ thi-khî( 1 1:1 “Vû-sṳ̂ thi-khî”: Khok-sṳ̍t thi-tiám mò chhîn-chhú; khó-nèn chhai Yok-tan-hò tûng-nàm phién, Yî-tûng thi-khî.); kì he yit-ke hó ngìn, cho-ngìn chṳn-chhṳ̍t, kin-vi Song-ti, yén-lì fái-sṳ.

和合本2010版约伯记1:2 他生了七个儿子，三个女儿。

现代客语汉字约伯记1:2佢有七个孻仔，三个妹仔。

现代客语全罗约伯记1:2 Kì yû chhit-ke lai-é, sâm-ke moi-é.

和合本2010版约伯记1:3 他的家产有七千只羊，三千匹骆驼，五百对牛，五百匹母驴，并有许多僕婢。这人在东方人中为至大。

现代客语汉字约伯记1:3佢有七千只羊，三千只骆驼，五百对牛，五百只驴乸；还有尽多个僕人。在东方人当中，佢算係最发个。

现代客语全罗约伯记1:3 Kì yû chhit-chhiên chak yòng, sâm-chhiên chak lo̍k-thò, ńg-pak tui ngiù, ńg-pak chak lì-mà; hàn-yû chhin-tô ke phu̍k-ngìn. Chhai tûng-fông ngìn tông-chûng, kì son-he chui pot ke.

和合本2010版约伯记1:4 他的儿子按着日子各在自己家裏摆设宴席，派人去请他们的三个姊妹来，与他们一同吃喝。

现代客语汉字约伯记1:4约伯该兜孻仔常常轮流在自家屋下办桌，也派人去请佢等个三个姊妹共下来啉食。

现代客语全罗约伯记1:4 Yok-pak ke-têu lai-é sòng-sòng lùn-liù chhai chhṳ-kâ vuk-hâ phan-chok, ya phai-ngìn hi chhiáng kì-têu ke sâm-ke chí-moi khiung-ha lòi lîm-sṳ̍t.

和合本2010版约伯记1:5 宴席的日子过了，约伯派人去叫他们自洁。他清早起来，按着他们众人的数目献燔祭，因为他说：「恐怕我的儿子犯了罪，心中背弃( [ 1.5] 「背弃」：原文是「诅咒」；11节同。)上帝。」约伯常常这样行。

现代客语汉字约伯记1:5逐摆筵席个日期过后，约伯就打早䟘起来，为逐个子女献烧化祭，喊佢等行洁净个礼仪。佢常常恁样做，因为佢想：「惊怕𠊎该兜子女有犯罪，在心肚咒骂上帝。」

现代客语全罗约伯记1:5 Tak-pái yèn-si̍t ke ngit-khì ko-heu, Yok-pak chhiu tá-chó hong hí-lòi, vi tak-ke chṳ́-ńg hien sêu-fa-chi, ham kì-têu hàng kiet-chhiang ke lî-ngì. Kì sòng-sòng án-ngiòng cho, yîn-vi kì sióng: “Kiâng-pha ngài ke-têu chṳ́-ńg yû fam-chhui, chhai sîm-tú chu-ma Song-ti.”

和合本2010版约伯记1:6 有一天，上帝的众使者( [ 1.6] 「上帝的众使者」：原文直译「上帝的众子」。)来侍立在耶和华面前，撒但也来在其中。

现代客语汉字约伯记1:6有一日，天顶个众神子(21:6「天顶个众神子」抑係译做「众天使」，希伯来文直译係「上帝个众子」；指到该兜在天庭服事上帝个一种超自然个存在。)来朝见上主，撒但(31:6「撒但」希伯来文个意思係「对敌者」，指反对抑係对敌人类个一种超自然个存在。)也在佢等当中。

现代客语全罗约伯记1:6 Yû yit-ngit, thiên-táng ke chung sṳ̀n-chṳ́( 2 1:6 “thiên-táng ke chung sṳ̀n-chṳ́” ya-he yi̍t-cho “chung thiên-sṳ́”, Hî-pak-lòi-vùn chhṳ̍t-yi̍t he “Song-ti ke chung chṳ́”; chṳ́-to ke-têu chhai thiên-thìn fu̍k-sṳ Song-ti ke yit-chúng chhêu-chhṳ-yèn ke chhùn-chhai.) lòi chhèu-kien Song-chú, Sat-tan( 3 1:6 “Sat-tan” Hî-pak-lòi-vùn ke yi-sṳ he “tui-thi̍t chá”, chṳ́ fán-tui ya-he tui-thi̍t ngìn-lui ke yit-chúng chhêu-chhṳ-yèn ke chhùn-chhai.) ya chhai kì-têu tông-chûng.

和合本2010版约伯记1:7 耶和华对撒但说：「你从哪裏来？」撒但回答耶和华说：「我从地上走来走去，在那裏往返。」

现代客语汉字约伯记1:7上主问撒但：「你对㖠位来啊？」撒但应讲：「𠊎在地上逐位行来行去，然后转到这位来。」

现代客语全罗约伯记1:7 Song-chú mun Sat-tan: “Ngì tui nai-vi lòi â?”Sat-tan en-kóng: “Ngài chhai thi-song tak-vi hàng-lòi hàng-hi, yèn-heu chón-to liá-vi lòi.”

和合本2010版约伯记1:8 耶和华对撒但说：「你曾用心察看我的僕人约伯没有？地上再没有人像他那样完全、正直、敬畏上帝、远离恶事。」

现代客语汉字约伯记1:8上主问撒但：「你有注意到𠊎个僕人约伯么？世间无一侪像佢恁好：做人正直，又敬畏𠊎，远离坏事。」

现代客语全罗约伯记1:8 Song-chú mun Sat-tan: “Ngì yû chu-yi tó Ngài ke phu̍k-ngìn Yok-pak mò? Sṳ-kiên mò yit-sà chhiong kì án-hó: Cho-ngìn chṳn-chhṳ̍t, yu kin-vi Ngài, yén-lì fái-sṳ.”

和合本2010版约伯记1:9 撒但回答耶和华说：「约伯敬畏上帝，岂是无故呢？

现代客语汉字约伯记1:9撒但应讲：「约伯敬畏上帝，敢係无原因？

现代客语全罗约伯记1:9 Sat-tan en-kóng: “Yok-pak kin-vi Song-ti, kám he mò ngièn-yîn?

和合本2010版约伯记1:10 你岂不是四面圈上篱笆围护他和他的家，以及他一切所有的吗？他手所做的都蒙你赐福，他的家产也在地上增多。

现代客语汉字约伯记1:10你敢毋係在四周围保护佢、㧯佢个家，并佢所有个一切？你赐福给佢，使佢凡事顺利；佢个头牲多到满遍係。

现代客语全罗约伯记1:10 Ngì kám m̀-he chhai si chû-vì pó-fu kì, lâu kì ke kâ, pin kì só-yû ke yit-chhiet? Ngì su-fuk pûn kì, sṳ́ kì fàm-sṳ sun-li; kì ke thèu-sâng tô-to mân-phien he.

和合本2010版约伯记1:11 但你若伸手毁他一切所有的，他必当面背弃你。」

现代客语汉字约伯记1:11总係你若係出手，将佢所有个全部拿走，佢一定会当面咒骂你！」

现代客语全罗约伯记1:11 Chúng-he Ngì na-he chhut-sú, chiông kì só-yû ke chhiòn-phu nâ-chéu, kì yit-thin voi tông-mien chu-ma Ngì!”

和合本2010版约伯记1:12 耶和华对撒但说：「看哪，凡他所有的都在你手中；只是不可伸手加害于他。」于是撒但从耶和华面前退出去。 约伯丧失儿女和财产

现代客语汉字约伯记1:12上帝对撒但讲：「好啊，佢所有个全部在你手中，总係不准你伤害佢本身。」撒但就对上主面前出去了。约伯失掉一切

现代客语全罗约伯记1:12 Song-ti tui Sat-tan kóng: “Hó â, kì só-yû ke chhiòn-phu chhai ngì sú-chûng, chúng-he put-chún ngì sông-hoi kì pún-sṳ̂n.” Sat-tan chhiu tui Song-chú mien-chhièn chhut-hi lé. Yok-pak Sṳt-thet Yit-chhiet

和合本2010版约伯记1:13 有一天，约伯的儿女正在他们长兄的家裏吃饭喝酒，

现代客语汉字约伯记1:13有一日，约伯个子女全部在大哥屋下食饭啉酒，

现代客语全罗约伯记1:13 Yû yit-ngit, Yok-pak ke chṳ́-ńg chhiòn-phu chhai thai-kô vuk-hâ sṳ̍t-fan lîm-chiú,

和合本2010版约伯记1:14 有报信的来见约伯，说：「牛正耕地，母驴在旁边吃草，

现代客语汉字约伯记1:14有报信个走来㧯约伯讲：「牛当犁田，驴在旁边食草个时，

现代客语全罗约伯记1:14 yû po-sin ke chéu-lòi lâu Yok-pak kóng: “Ngiù tông lài-thièn, lì chhai phòng-piên sṳ̍t-chhó ke sṳ̀,

和合本2010版约伯记1:15 示巴人忽然闯来，把牲畜掳去，并用刀杀了僕人；惟有我一人逃脱，来报信给你。」

现代客语汉字约伯记1:15示巴人(41:15「示巴人」：对南方来个部族。)忽然间来攻击，将头牲全部抢走，㓾掉你所有个僕人，只有𠊎一侪逃走，来向你报信。」

现代客语全罗约伯记1:15 Sṳ-pâ-ngìn( 4 1:15 “Sṳ-pâ-ngìn”: Tui nàm-fông lòi ke phu-chhu̍k.) fut-yèn-kiên lòi kûng-kit, chiông thèu-sâng chhiòn-phu chhióng-chéu, chhṳ̀-thet ngì só-yû ke phu̍k-ngìn, chṳ́-yû ngài yit-sà thò-chéu, lòi hiong ngì po-sin.”

和合本2010版约伯记1:16 他还说话的时候，又有人来说：「上帝从天上降下火来，把羊羣和僕人都吞灭了；惟有我一人逃脱，来报信给你。」

现代客语汉字约伯记1:16佢还吂讲煞，另外一个僕人走等来，讲：「上帝对天顶降火下来，烧掉羊群㧯掌羊个，只有𠊎一侪逃走，来向你报信。」

现代客语全罗约伯记1:16 Kì hàn-màng kóng-so̍t, nang-ngoi yit-ke phu̍k-ngìn chéu-tén lòi, kóng: “Song-ti tui thiên-táng kong-fó hâ-lòi, sêu-thet yòng-khiùn lâu chóng-yòng ke, chṳ́-yû ngài yit-sà thò-chéu, lòi hiong ngì po-sin.”

和合本2010版约伯记1:17 他还说话的时候，又有人来说：「迦勒底人分成三队忽然闯来，把骆驼掳去，并用刀杀了僕人；惟有我一人逃脱，来报信给你。」

现代客语汉字约伯记1:17佢还讲等话个时，又有一个僕人走等来，讲：「迦勒底人(51:17「迦勒底人」：对北方来个部族。)分三队，忽然间攻击𠊎等，将骆驼全部抢走，㓾掉所有个僕人，只有𠊎一侪逃走，来向你报信。」

现代客语全罗约伯记1:17 Kì hàn kóng-tén fa ke sṳ̀, yu yû yit-ke phu̍k-ngìn chéu-tén lòi, kóng: “Kâ-le̍t-tí-ngìn( 5 1:17 “Kâ-le̍t-tí-ngìn”: Tui pet-fông lòi ke phu-chhu̍k.) fûn sâm-chhui, fut-yèn-kiên kûng-kit ngài-têu, chiông lo̍k-thò chhiòn-phu chhióng-chéu, chhṳ̀-thet só-yû ke phu̍k-ngìn, chṳ́-yû ngài yit-sà thò-chéu, lòi hiong ngì po-sin.”

和合本2010版约伯记1:18 他还说话的时候，又有人来说：「你的儿女正在他们长兄的家裏吃饭喝酒，

现代客语汉字约伯记1:18佢还吂讲煞，另外又有一个僕人走等来，讲：「你该兜子女在大哥屋下食饭啉酒，

现代客语全罗约伯记1:18 Kì hàn-màng kóng-so̍t, nang-ngoi yu yû yit-ke phu̍k-ngìn chéu-tén lòi, kóng: “Ngì ke-têu chṳ́-ńg chhai thai-kô vuk-hâ sṳ̍t-fan lîm-chiú,

和合本2010版约伯记1:19 看哪，有狂风从旷野颳来，袭击房屋的四角，房屋倒塌在年轻人身上，他们就都死了；惟有我一人逃脱，来报信给你。」

现代客语汉字约伯记1:19忽然间有大风对旷野吹来，将屋吹横，屋肚个后生人全部碛死，只有𠊎一侪逃走，来向你报信。」

现代客语全罗约伯记1:19 fut-yèn-kiên yû thai-fûng tui khóng-yâ chhôi-lòi, chiông vuk chhôi-vang, vuk-tú ke heu-sâng-ngìn chhiòn-phu chak-sí, chṳ́-yû ngài yit-sà thò-chéu, lòi hiong ngì po-sin.”

和合本2010版约伯记1:20 约伯就起来，撕裂外袍，剃了头，俯伏在地敬拜，

现代客语汉字约伯记1:20约伯就企起来，扯烂自家个外衫，剃掉头那毛，伏在地上敬拜，

现代客语全罗约伯记1:20 Yok-pak chhiu khî hí-lòi, chhá-lan chhṳ-kâ ke ngoi-sâm, thi-thet thèu-nà-mô, phu̍k chhai thi-song kin-pai,

和合本2010版约伯记1:21 说：「我赤身出于母胎，也必赤身归回；赏赐的是耶和华，收取的也是耶和华。耶和华的名是应当称颂的。」

现代客语汉字约伯记1:21讲：「𠊎赤身露体出母胎，也爱赤身露体倒转去；赏赐个係上主，收转去个也係上主。上主个名应当得到颂讚！」

现代客语全罗约伯记1:21 kóng:“Ngài chhak-sṳ̂n lu-thí chhut mû-thôi,ya oi chhak-sṳ̂n lu-thí to-chón hi;sóng-su ke he Song-chú,sû chón-hi ke ya he Song-chú.Song-chú ke miàng yin-tông tet-tó siung-chan!”

和合本2010版约伯记1:22 在这一切的事上，约伯并没有犯罪，也不以上帝为狂妄。

现代客语汉字约伯记1:22虽然堵到这一切个事情，约伯并无犯罪，无怪怨上帝做毋着。

现代客语全罗约伯记1:22 Sûi-yèn tù-tó liá yit-chhiet ke sṳ-chhìn, Yok-pak pin mò fam-chhui, mò koai-yen Song-ti cho m̀-chho̍k.