俄巴底亚书客家话和合本对照

快速到节：

书卷列表：

和合本2010版俄巴底亚书1:1俄巴底亚所见的异象。耶和华惩罚以东我们从耶和华那裏得到消息，有使者被差往列国去：「起来吧，我们要起来与以东争战！」主耶和华论以东如此说：

现代客语汉字俄巴底亚书1:1上主爱责罚以东下背係俄巴底亚所看到个异象，係至高个上主论以东个话。上主差派使者到列国去；𠊎等听到使者所传个信息。佢讲：䟘起来噢！𫣆等爱㧯以东相㓾！

现代客语全罗俄巴底亚书1:1Song-chú Oi Chit-fa̍t Yî-tûng Hâ-poi he Ngò-pâ-tí-â só khon-tó ke yi-siong, he Chṳ-kô ke Song-chú lun Yî-tûng ke fa.Song-chú chhâi-phai sṳ́-chá to lie̍t-koet hi;ngài-têu thâng-tó sṳ́-chá só-chhòn ke sin-sit.Kì kóng: Hong hí-lòi ô!Ên-têu oi lâu Yî-tûng siông-chhṳ̀!

和合本2010版俄巴底亚书1:2看哪，我要使你在列国中为最小，被人大大藐视。

现代客语汉字俄巴底亚书1:2上主对以东讲：𠊎爱使你在列国中成做最弱个，被人大大看轻。

现代客语全罗俄巴底亚书1:2 Song-chú tui Yî-tûng kóng:Ngài oi sṳ́ ngì chhai lie̍t-koet chûng sàng-cho chui-ngio̍k ke,pûn-ngìn thai-thai khon-khiâng.

和合本2010版俄巴底亚书1:3你狂傲的心欺骗了你，你住在巖穴，居所在高处，心裏说：「谁能把我拉下来到地上呢？」

现代客语汉字俄巴底亚书1:3你骄傲个心欺骗自家。你个京城係巖石起个城堡；你住在高山顶，所以你就对自家讲：「么人有办法将𠊎拉下来？」

现代客语全罗俄巴底亚书1:3 Ngì kiêu-ngau ke sîm khî-phien chhṳ-kâ.Ngì ke kîn-sàng he ngàm-sa̍k hí ke sàng-pó;ngì he̍t chhai kô-sân táng,só-yî ngì chhiu tui chhṳ-kâ kóng:“Má-ngìn yû phan-fap chiông ngài lâi hâ-lòi?”

和合本2010版俄巴底亚书1:4你虽如鹰高飞，在星宿之间搭窝，我必从那裏拉你下来。这是耶和华说的。

现代客语汉字俄巴底亚书1:4你虽然像大鹞婆飞尽高，做薮在星辰间，𠊎也爱将你拉下来。

现代客语全罗俄巴底亚书1:4 Ngì sûi-yèn chhiong thai yeu-phò pî chhin-kô,cho-teu chhai sên-sṳ̀n kiên,Ngài ya oi chiông ngì lâi hâ-lòi.

和合本2010版俄巴底亚书1:5盗贼若来到你那裏，小偷夜间来到，岂不是只偷他们所需要的吗？摘葡萄的若来到你那裏，岂不留下几串吗？你竟全然灭绝！

现代客语汉字俄巴底亚书1:5贼仔来，抑係强盗暗晡头来，佢等会拿走所爱个东西定定；来摘葡萄个人，佢等还会留兜仔；总係你个仇敌会将你抢到净净。

现代客语全罗俄巴底亚书1:5 Chhe̍t-é lòi, ya-he khiòng-tho am-pû-thèu lòi,kì-têu voi nâ-chéu só-oi ke tûng-sî thin-thin;lòi chak phù-thò ke ngìn,kì-têu hàn-voi liù têu-é;chúng-he ngì ke sù-thi̍t voi chiông ngì chhióng-to chhiang-chhiang.

和合本2010版俄巴底亚书1:6以扫遭到搜查，他隐藏的宝物竟被寻出！

现代客语汉字俄巴底亚书1:6以扫个子孙啊，你囥个财宝已经被人搜出来抢走！

现代客语全罗俄巴底亚书1:6 Yî-so ke chṳ́-sûn â,ngì khong ke chhòi-pó yí-kîn pûn-ngìn sêu chhut-lòi chhióng-chéu!

和合本2010版俄巴底亚书1:7与你结盟的都驱赶你，直到边界，与你和好的欺骗你，胜过你，吃你饭的人设下圈套陷害你－他却毫无聪明([1.7]「他却毫无聪明」或译「你却毫无知觉」。)。

现代客语汉字俄巴底亚书1:7㧯你结约个全部出卖你，将你逐出自家个国家；㧯你相好个，这下征服你；食若饭个人，设机关陷害你。佢等耻笑你讲：「你个聪明在㖠位？」

现代客语全罗俄巴底亚书1:7 Lâu ngì kiet-yok ke chhiòn-phu chhut-mai ngì,chiông ngì kiuk-chhut chhṳ-kâ ke koet-kâ;lâu ngì siông-hó ke, liá-ha chṳ̂n-fu̍k ngì;sṳ̍t ngiâ fan ke ngìn, sat kî-koân ham-hoi ngì.Kì-têu chhṳ́-seu ngì kóng:“Ngì ke chhûng-mìn chhai nai-vi?”

和合本2010版俄巴底亚书1:8到那日，我岂不从以东除灭智慧人？从以扫山除灭聪明人？这是耶和华说的。

现代客语汉字俄巴底亚书1:8上主讲：𠊎责罚以东该日，𠊎爱除掉佢等个聪明人，对以扫山消灭佢等个智慧人。

现代客语全罗俄巴底亚书1:8 Song-chú kóng:Ngài chit-fa̍t Yî-tûng ke-ngit,Ngài oi chhù-thet kì-têu ke chhûng-mìn-ngìn,tui Yî-so-sân sêu-me̍t kì-têu ke chṳ-fi-ngìn.

和合本2010版俄巴底亚书1:9提幔哪，你的勇士必惊惶，以致以扫山的人都被杀戮剪除。

现代客语汉字俄巴底亚书1:9提幔个战士会惊到会死，以扫山个人全部会被人㓾净净。

现代客语全罗俄巴底亚书1:9 Thì-man ke chan-sṳ voi kiâng-to voi sí,Yî-so-sân ke ngìn chhiòn-phu voi pûn-ngìn chhṳ̀ chhiang-chhiang.

和合本2010版俄巴底亚书1:10以东受罚的原因因你向兄弟雅各施暴，你必蒙羞，永被剪除。

现代客语汉字俄巴底亚书1:10以东受责罚个原因因为你对你个兄弟雅各(11:10「你个兄弟雅各」：以色列人係雅各个后代，以东人係雅各个阿哥以扫个后代。)恁残忍，你会被羞辱遮等，永远被人消灭。

现代客语全罗俄巴底亚书1:10Yî-tûng Su Chit-fa̍t ke Ngièn-yîn Yîn-vi ngì tui ngì ke hiûng-thi Ngâ-kok( 1 1:10 “ngì ke hiûng-thi Ngâ-kok”: Yî-set-lie̍t-ngìn he Ngâ-kok ke heu-thoi, Yî-tûng-ngìn he Ngâ-kok ke â-kô Yî-so ke heu-thoi.) án chhàn-ngiûn,ngì voi pûn siû-yu̍k châ-tén, yún-yén pûn-ngìn sêu-me̍t.

和合本2010版俄巴底亚书1:11当陌生人掳掠雅各的财物，当外邦人进入他的城门，为耶路撒冷抽籤分取财物的日子，你竟站在一旁，像与他们同伙。

现代客语汉字俄巴底亚书1:11敌人入雅各个城门来抢佢个时，你企在塍头看闹热；外族人拈阄来分对耶路撒冷抢到个财宝时，你当像係㧯佢等共党个人。

现代客语全罗俄巴底亚书1:11 Thi̍t-ngìn ngi̍p Ngâ-kok ke sàng-mùn lòi chhióng kì ke sṳ̀,ngì khî chhai sùn-thèu khon nau-ngie̍t;ngoi-chhu̍k-ngìn ngiâm-khiêu lòi pûn tui Yâ-lu-sat-lâng chhióng-tó ke chhòi-pó sṳ̀,ngì tông-chhiong he lâu kì-têu khiung-tóng ke ngìn.

和合本2010版俄巴底亚书1:12你兄弟遭难的日子，你不该瞪着眼看；犹大人被灭的日子，你不该幸灾乐祸；他们遭难的日子，你不该说狂傲的话。

现代客语汉字俄巴底亚书1:12你个兄弟堵到灾难该日，你无应该目珠金金看等佢等。犹大人灭亡该日，你无应该像当欢喜。佢等堵到灾难该日，你无应该讲嘲谑个话。

现代客语全罗俄巴底亚书1:12 Ngì ke hiûng-thi tù-tó châi-nan ke-ngit,ngì mò yin-kôi muk-chû kîm-kîm khon-tén kì-têu.Yù-thai-ngìn me̍t-mòng ke-ngit,ngì mò yin-kôi chhiong tông fôn-hí.Kì-têu tù-tó châi-nan ke-ngit,ngì mò yin-kôi kóng sâu-nat ke fa.

和合本2010版俄巴底亚书1:13我子民遭灾的日子，你不该进他们的城门；他们遭灾的日子，你不该瞪着眼看他们受苦；他们遭灾的日子，你不该伸手抢他们的财物。

现代客语汉字俄巴底亚书1:13𠊎个子民堵到灾难该日，你无应该入佢等个城门。佢等堵到灾难该日，你无应该目金金看佢等受苦。佢等堵到灾难该日，你无应该抢佢等个财产。

现代客语全罗俄巴底亚书1:13 Ngài ke chṳ́-mìn tù-tó châi-nan ke-ngit,ngì mò yin-kôi ngi̍p kì-têu ke sàng-mùn.Kì-têu tù-tó châi-nan ke-ngit,ngì mò yin-kôi muk kîm-kîm khon kì-têu su-khú.Kì-têu tù-tó châi-nan ke-ngit,ngì mò yin-kôi chhióng kì-têu ke chhòi-sán.

和合本2010版俄巴底亚书1:14他们遭难的日子，你不该站在岔路口剪除他们逃脱的人，你不该交出他们的倖存者。

现代客语汉字俄巴底亚书1:14你无应该企在叉路口，捉该兜逃难个人。你无应该在佢等堵到灾难该日，将賸到个人交给仇敌。

现代客语全罗俄巴底亚书1:14 Ngì mò yin-kôi khî chhai chhâ-lu-héu,chok ke-têu thò-nan ke ngìn.Ngì mò yin-kôi chhai kì-têu tù-tó châi-nan ke-ngit,chiông chhûn-tó ke ngìn kâu-pûn sù-thi̍t.

和合本2010版俄巴底亚书1:15耶和华审判万国耶和华的日子临近万国；你所做的，人也必向你照样做，你的报应必归到自己头上。

现代客语汉字俄巴底亚书1:15上帝爱审判万国𠊎—上主审判万国个日仔会到了。以东啊，你会照你所做个得到报应；你所做个，一定会归到你个头那顶。

现代客语全罗俄巴底亚书1:15Song-ti Oi Sṳ́m-phan Van-koet Ngài — Song-chú sṳ́m-phan van-koet ke ngit-è voi to lé.Yî-tûng â, ngì voi cheu ngì só-cho ke tet-tó po-yin;ngì só-cho ke, yit-thin voi kûi-to ngì ke thèu-nà-táng.

和合本2010版俄巴底亚书1:16你们在我圣山怎样喝了苦杯，万国必照样不停地喝，且喝且吞，他们就必归于无有。

现代客语汉字俄巴底亚书1:16像𠊎个子民在𠊎个圣山(21:16「𠊎个圣山」：指耶路撒冷、锡安山。)啉苦杯，万国爱啉还较苦个杯；佢等爱啉了又啉，啉到燥燥，然后佢等就消失掉。

现代客语全罗俄巴底亚书1:16 Chhiong Ngài ke chṳ́-mìn chhai Ngài ke sṳn-sân( 2 1:16 “Ngài ke sṳn-sân”: Chṳ́ Yâ-lu-sat-lâng, Siak-ôn-sân.) lîm khú-pî,van-koet oi lîm hàn-kha khú ke pî;kì-têu oi lîm-liáu yu lîm, lîm-to châu-châu,yèn-heu kì-têu chhiu sêu-sṳt thet.

和合本2010版俄巴底亚书1:17以色列的胜利但在锡安山必有逃脱的人，那山必成为圣；雅各家必得原有的产业([1.17]「原有的产业」：七十士译本是「那抢夺他们之人的产业」。)。

现代客语汉字俄巴底亚书1:17以色列个得胜总係锡安山顶一定会有人逃难出来；这山会成做圣山。雅各家会重新得到原来个产业。

现代客语全罗俄巴底亚书1:17Yî-set-lie̍t ke Tet-sṳn Chúng-he Siak-ôn sân-táng yit-thin voi yû-ngìn thò-nan chhut-lòi;liá-sân voi sàng-cho sṳn-sân.Ngâ-kok-kâ voi chhùng-sîn tet-tó ngièn-lòi ke sán-ngia̍p.

和合本2010版俄巴底亚书1:18雅各家必成为大火，约瑟家成为火焰；以扫家必如碎稭，遭燃烧，被吞灭，以扫家必无倖存者。这是耶和华说的。

现代客语汉字俄巴底亚书1:18雅各家会成做大火，约瑟家会成做火焰，佢等爱将以扫家烧掉，像火烧禾秆。以扫个后代无留半侪。𠊎係上主，𠊎恁样宣布了。

现代客语全罗俄巴底亚书1:18 Ngâ-kok-kâ voi sàng-cho thai-fó,Yok-sit-kâ voi sàng-cho fó-yam,kì-têu oi chiông Yî-so-kâ sêu-thet,chhiong fó sêu vò-kón.Yî-so ke heu-thoi mò liù pan-sà.Ngài he Song-chú, Ngài án-ngiòng siên-pu lé.

和合本2010版俄巴底亚书1:19他们必得尼革夫([1.19]「尼革夫」是音译，意思是「旷野乾旱的地方」，指「南方之地」；下同。)和以扫山，得谢非拉([1.19]「谢非拉」是音译，意思是「低地」。)，非利士人之地，他们必得以法莲地和撒玛利亚地，得便雅悯和基列；

现代客语汉字俄巴底亚书1:19犹大南片个人爱佔领以扫山；西片山脚下个人爱攻取非利士。以色列人爱佔领以法莲㧯撒马利亚个土地；便雅悯人爱得到基列。

现代客语全罗俄巴底亚书1:19 Yù-thai nàm-phién ke ngìn oi cham-liâng Yî-so-sân;sî-phién sân-kiok hâ ke ngìn oi kûng-chhí Fî-li-sṳ.Yî-set-lie̍t-ngìn oi cham-liâng Yî-fap-lièn lâu Sat-mâ-li-â ke thú-thi;Phien-ngâ-mén-ngìn oi tet-tó Kî-lie̍t.

和合本2010版俄巴底亚书1:20被掳的以色列大军必得迦南([1.20]「迦南」指「腓尼基」。)人的地，直到撒勒法，在西法拉被掳的耶路撒冷人必得尼革夫的城镇。

现代客语汉字俄巴底亚书1:20北国以色列个流亡军队，爱转来征服腓尼基，直到撒勒法；对耶路撒冷流亡到萨狄斯个人，爱佔领犹大南部个城市。

现代客语全罗俄巴底亚书1:20 Pet-koet Yî-set-lie̍t ke liù-mòng kiûn-chhui,oi chón-lòi chṳ̂n-fu̍k Fî-nì-kî, chhṳ̍t-to Sat-le̍t-fap;tui Yâ-lu-sat-lâng liù-mòng to Sat-thi̍t-sṳ̂ ke ngìn,oi cham-liâng Yù-thai nàm-phu ke sàng-sṳ.

和合本2010版俄巴底亚书1:21必有一些解救者([1.21]「一些解救者」：七十士译本是「一些被救出的人」。)上到锡安山，审判以扫山，国度就归耶和华了。

现代客语汉字俄巴底亚书1:21该兜打赢个人爱上去锡安山，统治以扫山(31:21「上去锡安山，统治以扫山」抑係译做「上去耶路撒冷，统治以东」。)。上主自家爱做王。

现代客语全罗俄巴底亚书1:21 Ke-têu tá-yàng ke ngìn oi sông-hi Siak-ôn-sân,thúng-chhṳ Yî-so-sân( 3 1:21 “sông-hi Siak-ôn-sân, thúng-chhṳ Yî-so-sân” ya-he yi̍t-cho “sông-hi Yâ-lu-sat-lâng, thúng-chhṳ Yî-tûng”.).Song-chú chhṳ-kâ oi cho vòng.

书卷列表：