帖撒罗尼迦后书第1章客家话和合本对照

相关章：

快速到节：

书卷列表：

和合本2010版帖撒罗尼迦后书1:1问候保罗、西拉和提摩太写信给帖撒罗尼迦、在我们的父上帝与主耶稣基督裏的教会。

现代客语汉字帖撒罗尼迦后书1:1𠊎係保罗；𠊎同西拉㧯提摩太写信仔给帖撒罗尼迦教会，就係属𠊎等个阿爸上帝㧯主耶稣基督个众信徒。

现代客语全罗帖撒罗尼迦后书1:1 Ngài he Pó-lò; ngài thùng Sî-lâ lâu Thì-mô-thai siá sin-é pûn Thiap-sat-lò-nì-kâ kau-fi, chhiu-he su̍k ngài-têu ke Â-pâ Song-ti lâu Chú Yâ-sû Kî-tuk ke chung sin-thù.

和合本2010版帖撒罗尼迦后书1:2 愿恩惠、平安( [ 1.2] 「平安」或译「和平」。)从我们的( [ 1.2] 有古卷没有「我们的」。)父上帝和主耶稣基督归给你们！ 基督再来时的审判

现代客语汉字帖撒罗尼迦后书1:2愿𠊎等个阿爸上帝㧯主耶稣基督赐恩典、平安给你等！基督再来该时个审判

现代客语全罗帖撒罗尼迦后书1:2 Ngien ngài-têu ke Â-pâ Song-ti lâu Chú Yâ-sû Kî-tuk su ên-tién, phìn-ôn pûn ngì-têu! Kî-tuk Chai-lòi Ke-sṳ̀ ke Sṳ́m-phan

和合本2010版帖撒罗尼迦后书1:3 弟兄们，我们该常常为你们感谢上帝，这本是合宜的；因为你们的信心格外增长，你们众人彼此相爱的心也都增加。

现代客语汉字帖撒罗尼迦后书1:3兄弟姊妹啊，𠊎等应该常常为你等感谢上帝。这係当然个；因为你等个信心非常进步，你等逐侪彼此相惜个心也大有增长。

现代客语全罗帖撒罗尼迦后书1:3 Hiûng-thi chí-moi â, ngài-têu yin-kôi sòng-sòng vi ngì-têu kám-chhia Song-ti. Liá he tông-yèn ke; yîn-vi ngì-têu ke sin-sîm fî-sòng chin-phu, ngì-têu tak-sà pí-chhṳ́ siông-siak ke sîm ya thai-yû chen-chóng.

和合本2010版帖撒罗尼迦后书1:4 所以，我们在上帝的各教会裏为你们夸耀，因为你们在所受的一切压迫患难中仍牢守着耐心和信心。

现代客语汉字帖撒罗尼迦后书1:4因为恁样，𠊎等在上帝个各教会中拿你等来夸口。𠊎等称讚你等，因为你等在所受个一切迫害㧯患难中，还係相信，还係忍耐。

现代客语全罗帖撒罗尼迦后书1:4 Yîn-vi án-ngiòng, ngài-têu chhai Song-ti ke kok kau-fi chûng nâ ngì-têu lòi khoâ-khiéu. Ngài-têu chhṳ̂n-chan ngì-têu, yîn-vi ngì-têu chhai só-su ke yit-chhiet pet-hoi lâu fam-nan chûng, hàn-he siông-sin, hàn-he ngiûn-nai.

和合本2010版帖撒罗尼迦后书1:5 这正是上帝公义判断的明证，使你们配得上他的国，你们就是为这国受苦。

现代客语汉字帖撒罗尼迦后书1:5这就係上帝公义审判个证据，证明你等堪得享受上帝国个福气。你等一直忍受苦难，就係为到这个国。

现代客语全罗帖撒罗尼迦后书1:5 Liá chhiu-he Song-ti kûng-ngi sṳ́m-phan ke chṳn-kí, chṳn-mìn ngì-têu khâm-tet hióng-su Song-ti koet ke fuk-hi. Ngì-têu yit-chhṳ̍t ngiûn-su khú-nan, chhiu-he vi-tó liá-ke koet.

和合本2010版帖撒罗尼迦后书1:6 既然上帝是公义的，他必以患难报复那加患难给你们的人，

现代客语汉字帖撒罗尼迦后书1:6上帝爱施行公义：佢爱使该兜迫害你等个人堵到灾难；

现代客语全罗帖撒罗尼迦后书1:6 Song-ti oi sṳ̂-hàng kûng-ngi: Kì oi pûn ke-têu pet-hoi ngì-têu ke ngìn tù-tó châi-nan;

和合本2010版帖撒罗尼迦后书1:7也必使你们这受患难的人与我们同得平安。那时，主耶稣同他有权能的天使从天上在火焰中显现，要报应那些不认识上帝和不听从我们的主耶稣福音的人。

现代客语汉字帖撒罗尼迦后书1:7佢爱使你这兜受苦个人同𠊎等共下得到释放。主耶稣㧯佢大能个众天使对天顶在火焰中显现个时，上帝就爱执行这件事。

现代客语全罗帖撒罗尼迦后书1:7 Kì oi pûn ngì liá-têu su-khú ke ngìn thùng ngài-têu khiung-ha tet-tó sṳt-fong. Chú Yâ-sû lâu kì thai-nèn ke chung thiên-sṳ́ tui thiên-táng chhai fó-yam-chûng hién-hien ke sṳ̀, Song-ti chhiu oi chṳp-hàng liá-khien sṳ.

和合本2010版帖撒罗尼迦后书1:8【併于上节】

现代客语汉字帖撒罗尼迦后书1:8佢爱责罚该兜拒绝佢，㧯该兜毋听从𠊎等个主耶稣福音个人。

现代客语全罗帖撒罗尼迦后书1:8 Kì oi chit-fa̍t ke-têu khî-chhie̍t Kì, lâu ke-têu m̀ thâng-chhiùng ngài-têu ke Chú Yâ-sû fuk-yîm ke ngìn.

和合本2010版帖撒罗尼迦后书1:9 他们要受惩罚，永远沉沦，与主的面和他权能的荣光隔绝。

现代客语汉字帖撒罗尼迦后书1:9主再来该日，该兜人会受刑罚，永远灭亡，对主个面前㧯佢大权能个荣光受隔绝。

现代客语全罗帖撒罗尼迦后书1:9 Chú chai-lòi ke-ngit, ke-têu ngìn voi su hìn-fa̍t, yún-yén me̍t-mòng, tui Chú ke mien-chhièn lâu kì thai khièn-nèn ke yùng-kông su kak-chhie̍t.

和合本2010版帖撒罗尼迦后书1:10 这正是主再来，要在他圣徒的身上得荣耀，就是要使一切信的人感到惊讶的那日子，因为你们信了我们对你们作的见证。

现代客语汉字帖撒罗尼迦后书1:10在该日，佢爱对属佢个众圣徒得到荣光，接受所有信徒个称颂。你等也爱在佢等个当中，因为你等已经相信𠊎等所传个福音。

现代客语全罗帖撒罗尼迦后书1:10 Chhai ke-ngit, kì oi tui su̍k kì ke chung sṳn-thù tet-tó yùng-kông, chiap-su só-yû sin-thù ke chhṳ̂n-siung. Ngì-têu ya oi chhai kì-têu ke tông-chûng, yîn-vi ngì-têu yí-kîn siông-sin ngài-têu só-chhòn ke fuk-yîm.

和合本2010版帖撒罗尼迦后书1:11 为此，我们常为你们祷告，愿我们的上帝看你们与他的呼召相配，又用大能成就你们一切良善的美意和因信心所做的工作，

现代客语汉字帖撒罗尼迦后书1:11为到这个目的，𠊎等常常为你等祈祷，求𠊎等个上帝使你等堪得佢个呼召。愿佢用佢个权能，帮助你等实现一切向善个心愿，成就你等凭信心所做个工作。

现代客语全罗帖撒罗尼迦后书1:11 Vi-tó liá-ke muk-tit, ngài-têu sòng-sòng vi ngì-têu khì-tó, khiù ngài-têu ke Song-ti pûn ngì-têu khâm-tet Kì ke fû-seu. Ngien Kì yung Kì ke khièn-nèn, pông-chhu ngì-têu sṳ̍t-hien yit-chhiet hiong-san ke sîm-ngien, sṳ̀n-chhiu ngì-têu phìn sin-sîm só cho ke kûng-chok.

和合本2010版帖撒罗尼迦后书1:12 使我们主耶稣的名，照着我们的上帝和主耶稣基督的恩，在你们身上得荣耀，你们也在他身上得荣耀。

现代客语汉字帖撒罗尼迦后书1:12恁样，𠊎等主耶稣个名就会对你等得到荣光，你等也会对佢得到荣光；这係通过𠊎等个上帝㧯主耶稣基督个恩典来个。

现代客语全罗帖撒罗尼迦后书1:12 Án-ngiòng, ngài-têu Chú Yâ-sû ke miàng chhiu voi tui ngì-têu tet-tó yùng-kông, ngì-têu ya voi tui kì tet-tó yùng-kông; liá he thûng-ko ngài-têu ke Song-ti lâu Chú Yâ-sû Kî-tuk ke ên-tién lòi ke.