约书亚记第1章客家话和合本对照

相关章：

快速到节：

书卷列表：

和合本2010版约书亚记1:1上帝命令约书亚征服迦南耶和华的僕人摩西死了以后，耶和华对摩西的助手嫩的儿子约书亚说：

现代客语汉字约书亚记1:1上帝给约书亚个命令上主个僕人摩西死掉后，上主对摩西个助手—嫩个孻仔约书亚讲：

现代客语全罗约书亚记1:1Song-ti Pûn Yok-sû-â ke Min-lin Song-chú ke phu̍k-ngìn Mô-sî sí-thet heu, Song-chú tui Mô-sî ke chhu-sú — Nun ke lai-é Yok-sû-â kóng:

和合本2010版约书亚记1:2「我的僕人摩西死了。现在你要起来，和众百姓过这约旦河，往我所要赐给以色列人的地去。

现代客语汉字约书亚记1:2「𠊎个僕人摩西死掉了；这下你爱準备带领所有个以色列人过约旦河，到𠊎爱赐给你等个土地去。

现代客语全罗约书亚记1:2 “Ngài ke phu̍k-ngìn Mô-sî sí-thet lé; liá-ha ngì oi chún-phi tai-liâng só-yû ke Yî-set-lie̍t-ngìn ko Yok-tan-hò, to Ngài oi su-pûn ngì-têu ke thú-thi hi.

和合本2010版约书亚记1:3凡你们脚掌所踏之地，我都照我所应许摩西的话赐给你们了。

现代客语汉字约书亚记1:3照𠊎应许摩西个，你等踏过个地方，𠊎全部爱赐给你等。

现代客语全罗约书亚记1:3 Cheu Ngài yin-hí Mô-sî ke, ngì-têu tha̍p-ko ke thi-fông, Ngài chhiòn-phu oi su-pûn ngì-têu.

和合本2010版约书亚记1:4从旷野和这黎巴嫩，直到大河，就是幼发拉底河，赫人的全地，又到大海日落的方向，都要作你们的疆土。

现代客语汉字约书亚记1:4你等个国界会对南片个沙漠，直到北片个黎巴嫩山，对东片个幼发拉底河，经过赫人全地，到西片个地中海。

现代客语全罗约书亚记1:4 Ngì-têu ke koet-kie voi tui nàm-phién ke sâ-mo̍k, chhṳ̍t-to pet-phién ke Lì-pâ-nun-sân, tui tûng-phién ke Yu-fat-lâ-tí-hò, kîn-ko Het-ngìn chhiòn-thi, to sî-phién ke Thi-chûng-hói.

和合本2010版约书亚记1:5你一生的日子，必无人能在你面前站立得住。我怎样与摩西同在，也必照样与你同在；我必不撇下你，也不丢弃你。

现代客语汉字约书亚记1:5约书亚啊，你在生个日仔，无一个人有可能打赢你。𠊎爱㧯你共下，像𠊎㧯摩西共下一样。𠊎一定毋会㧒掉你，绝对毋会离开你。

现代客语全罗约书亚记1:5 Yok-sû-â â, ngì chhai sâng ke ngit-è, mò yit-ke ngìn yû khó-nèn tá-yàng ngì. Ngài oi lâu ngì khiung-ha, chhiong Ngài lâu Mô-sî khiung-ha yit-yong. Ngài yit-thin m̀-voi fit-thet ngì, chhie̍t-tui m̀-voi lì-khôi ngì.

和合本2010版约书亚记1:6你当刚强壮胆，因为你必使这百姓承受那地为业，就是我向他们列祖起誓要给他们的地。

现代客语汉字约书亚记1:6你爱坚强，爱勇敢，因为你爱带领这人民去佔领𠊎应许给佢等祖先个土地。

现代客语全罗约书亚记1:6 Ngì oi kiên-khiòng, oi yúng-kám, yîn-vi ngì oi tai-liâng liá ngìn-mìn hi cham-liâng Ngài yin-hí pûn kì-têu chú-siên ke thú-thi.

和合本2010版约书亚记1:7只要刚强，大大壮胆，谨守遵行我僕人摩西所吩咐你的一切律法，不可偏离左右，使你无论往哪裏去，都可以顺利。

现代客语汉字约书亚记1:7你爱坚强，尽勇敢，确实遵守𠊎僕人摩西交给你个全部法律，毋偏左毋偏右，你无论去到㖠位，一定会凡事顺利。

现代客语全罗约书亚记1:7 Ngì oi kiên-khiòng, chhin yúng-kám, khok-sṳ̍t chûn-sú Ngài phu̍k-ngìn Mô-sî kâu-pûn ngì ke chhiòn-phu fap-li̍t, m̀ phiên-chó m̀ phiên-yu, ngì mò-lun hi-to nai-vi, yit-thin voi fàm-sṳ sun-li.

和合本2010版约书亚记1:8这律法书不可离开你的口，总要昼夜思想([1.8]「思想」或译「默念」。)，好使你谨守遵行这书上所写的一切话。如此，你的道路就可以亨通，凡事顺利。

现代客语汉字约书亚记1:8这法律书你爱长透读，日夜思想，使你会认真遵守这书底背所写个话。恁样，你就会成功，凡事顺利。

现代客语全罗约书亚记1:8 Liá Fap-li̍t-sû ngì oi chhòng-theu thu̍k, ngit-ya sṳ̂-sióng, sṳ́ ngì voi ngin-chṳ̂n chûn-sú liá sû tî-poi só-siá ke fa. Án-ngiòng, ngì chhiu voi sṳ̀n-kûng, fàm-sṳ sun-li.

和合本2010版约书亚记1:9我岂没有吩咐你吗？你当刚强壮胆，不要惧怕，也不要惊惶，因为你无论往哪裏去，耶和华你的上帝必与你同在。」準备过约旦河

现代客语汉字约书亚记1:9你爱记得𠊎个命令：爱坚强，爱勇敢！毋使惊，毋好失志；因为你无论到㖠位，𠊎、上主—你个上帝一定会㧯你共下。」约书亚吩咐人民準备过河

现代客语全罗约书亚记1:9 Ngì oi ki-tet Ngài ke min-lin: Oi kiên-khiòng, oi yúng-kám! M̀-sṳ́ kiâng, m̀-hó sṳt-chṳ; yîn-vi ngì mò-lun to nai-vi, Ngài, Song-chú — ngì ke Song-ti yit-thin voi lâu ngì khiung-ha.” Yok-sû-â Fûn-fu Ngìn-mìn Chún-phi Ko-hò

和合本2010版约书亚记1:10于是，约书亚吩咐百姓的官长说：

现代客语汉字约书亚记1:10约书亚吩咐人民该兜领袖，

现代客语全罗约书亚记1:10 Yok-sû-â fûn-fu ngìn-mìn ke-têu liâng-chhiu,

和合本2010版约书亚记1:11「你们要走遍营中，吩咐百姓说：『当预备食物，因为三日之内你们要过这约旦河，进去得耶和华－你们上帝赐给你们为业之地。』」

现代客语汉字约书亚记1:11爱到营中逐所在去宣布：「你等爱準备食物，因为三日内你等爱过约旦河，入去佔领上主—你等个上帝爱赐给你等个土地。」

现代客语全罗约书亚记1:11 oi to yàng-chûng tak só-chhai hi siên-pu: “Ngì-têu oi chún-phi sṳ̍t-vu̍t, yîn-vi sâm-ngit nui ngì-têu oi ko Yok-tan-hò, ngi̍p-hi cham-liâng Song-chú — ngì-têu ke Song-ti oi su-pûn ngì-têu ke thú-thi.”

和合本2010版约书亚记1:12约书亚对吕便人、迦得人和玛拿西半支派的人说：

现代客语汉字约书亚记1:12约书亚对吕便、迦得两支族，并玛拿西半支族个人讲：

现代客语全罗约书亚记1:12 Yok-sû-â tui Lî-phien, Kâ-tet lióng kî-chhu̍k, pin Mâ-nâ-sî pan kî-chhu̍k ke ngìn kóng:

和合本2010版约书亚记1:13「你们要记得耶和华的僕人摩西所吩咐你们的话说：『耶和华－你们的上帝使你们得享安宁，必将这地赐给你们。』

现代客语汉字约书亚记1:13「你等爱记得上主个僕人摩西吩咐过你等个话：『上主—你等个上帝将约旦河东片这垤土地赐给你等，俾你等安顿好势。』

现代客语全罗约书亚记1:13 “Ngì-têu oi ki-tet Song-chú ke phu̍k-ngìn Mô-sî fûn-fu ko ngì-têu ke fa: ‘Song-chú — ngì-têu ke Song-ti chiông Yok-tan-hò tûng-phién liá-te thú-thi su-pûn ngì-têu, pûn ngì-têu ôn-tún hó-se.’

和合本2010版约书亚记1:14你们的妻子、孩子和牲畜可以留在约旦河东、摩西所给你们的地。但你们中间所有大能的勇士都要带着兵器，在你们的弟兄前面过去，你们要帮助他们。

现代客语汉字约书亚记1:14你等个𡜵娘、子女㧯头牲爱留在这位；总係你等个战士爱装备好势，在以色列同胞头前打头阵，先过约旦河。你等爱㧯佢等共下去相㓾，

现代客语全罗约书亚记1:14 Ngì-têu ke pû-ngiòng, chṳ́-ńg lâu thèu-sâng oi liù chhai liá-vi; chúng-he ngì-têu ke chan-sṳ oi chông-phi hó-se, chhai Yî-set-lie̍t thùng-pâu thèu-chhièn tá thèu-chhṳn, siên ko Yok-tan-hò. Ngì-têu oi lâu kì-têu khiung-ha hi siông-chhṳ̀,

和合本2010版约书亚记1:15等到耶和华使你们的弟兄和你们一样得享平静，并且得着耶和华－你们上帝所赐他们为业之地的时候，你们才可以回到你们所得之地，承受为业，就是耶和华的僕人摩西在约旦河东、向日出的方向所给你们的地。」

现代客语汉字约书亚记1:15直到佢等佔领约旦河西片，就係上主—你等个上帝赐给佢等个土地。佢等在该位安顿好势以后，你等正做得转约旦河东片，到上主个僕人摩西给你等个土地。」

现代客语全罗约书亚记1:15 chhṳ̍t-to kì-têu cham-liâng Yok-tan-hò sî-phién, chhiu-he Song-chú — ngì-têu ke Song-ti su-pûn kì-têu ke thú-thi. Kì-têu chhai ke-vi ôn-tún hó-se yî-heu, ngì-têu chang cho-tet chón Yok-tan-hò tûng-phién, to Song-chú ke phu̍k-ngìn Mô-sî pûn ngì-têu ke thú-thi.”

和合本2010版约书亚记1:16他们回答约书亚说：「凡你吩咐我们的，我们都必做；凡你差我们去的地方，我们都必去。

现代客语汉字约书亚记1:16佢等应约书亚：「你命令𠊎等做么介，𠊎等就做么介；你派𠊎等到么介地方去，𠊎等就到么介地方去。

现代客语全罗约书亚记1:16 Kì-têu en Yok-sû-â: “Ngì min-lin ngài-têu cho má-ke, ngài-têu chhiu cho má-ke; ngì phai ngài-têu to má-ke thi-fông hi, ngài-têu chhiu to má-ke thi-fông hi.

和合本2010版约书亚记1:17我们在一切事上怎样听从摩西，也必照样听从你。惟愿耶和华－你的上帝与你同在，像与摩西同在一样。

现代客语汉字约书亚记1:17𠊎等会听从你，像𠊎等头摆认真听从摩西共样。总係，愿上主—你个上帝㧯你共下，就像佢㧯摩西共下一样。

现代客语全罗约书亚记1:17 Ngài-têu voi thâng-chhiùng ngì, chhiong ngài-têu thèu-pái ngin-chṳ̂n thâng-chhiùng Mô-sî khiung-yong. Chúng-he, ngien Song-chú — ngì ke Song-ti lâu ngì khiung-ha, chhiu-chhiong Kì lâu Mô-sî khiung-ha yit-yong.

和合本2010版约书亚记1:18无论甚么人违背你的命令，不听从你所吩咐他的一切话，就必处死。你只要刚强壮胆！」

现代客语汉字约书亚记1:18么人反抗你个命令，毋听从你个指挥，么人就爱处死。总係，你爱坚强，爱勇敢！」

现代客语全罗约书亚记1:18 Má-ngìn fán-khong ngì ke min-lin, m̀ thâng-chhiùng ngì ke chṳ́-fî, má-ngìn chhiu oi chhú-sí. Chúng-he, ngì oi kiên-khiòng, oi yúng-kám!”