玛拉基书第1章客家话和合本对照

相关章：

快速到节：

书卷列表：

和合本2010版玛拉基书1:1 耶和华的话，藉玛拉基传给以色列的默示。 耶和华爱以色列

现代客语汉字玛拉基书1:1以下係上主通过玛拉基启示给以色列人个话。上主对以色列个痛惜

现代客语全罗玛拉基书1:1 Yî-ha he Song-chú thûng-ko Mâ-lâ-kî khí-sṳ pûn Yî-set-lie̍t-ngìn ke fa. Song-chú tui Yî-set-lie̍t ke Thung-siak

和合本2010版玛拉基书1:2 耶和华说：「我曾爱你们。」你们却说：「你在何事上爱我们呢？」耶和华说：「以扫不是雅各的哥哥吗？我却爱雅各，

现代客语汉字玛拉基书1:2上主讲：「𠊎一直痛惜你等。」总係你等应讲：「你识样般痛惜𠊎等呢？」上主讲：「以扫敢毋係雅各个兄弟？总係，𠊎惜雅各，

现代客语全罗玛拉基书1:2 Song-chú kóng: “Ngài yit-chhṳ̍t thung-siak ngì-têu.”Chúng-he ngì-têu en-kóng: “Ngì sṳt ngióng-pân thung-siak ngài-têu nè?”Song-chú kóng: “Yî-so kám m̀-he Ngâ-kok ke hiûng-thi? Chúng-he, Ngài siak Ngâ-kok,

和合本2010版玛拉基书1:3 恶以扫，使他的山岭荒凉，把他的地业交给旷野的野狗。」

现代客语汉字玛拉基书1:3恼以扫，使以扫个山荒凉，将佢个土地交给旷野个野狗。」

现代客语全罗玛拉基书1:3 nâu Yî-so, sṳ́ Yî-so ke sân fông-liòng, chiông kì ke thú-thi kâu-pûn khóng-yâ ke yâ-kiéu.”

和合本2010版玛拉基书1:4 以东若说：「我们虽被毁坏，却要重建荒废之处。」万军之耶和华如此说：「任他们建造，我必拆毁；人必称他们为『邪恶之境』，为『耶和华永远恼怒之民』。」

现代客语汉字玛拉基书1:4若係以扫个后代以东人讲：「𠊎等个城市受破坏，总係𠊎等爱将它重建起来」；上主—万军个元帅爱恁样讲：「由在佢等重建；总係，𠊎一定会将它拆掉。别人会喊佢等安到『罪恶个国』也係『上主永远所恼个人民。』

现代客语全罗玛拉基书1:4 Na-he Yî-so ke heu-thoi Yî-tûng-ngìn kóng: “Ngài-têu ke sàng-sṳ su pho-fái, chúng-he ngài-têu oi chiông kì chhùng-kien hí-lòi”; Song-chú — Van-kiûn ke Ngièn-soi oi án-ngiòng kóng: “Yù-chhai kì-têu chhùng-kien; chúng-he, Ngài yit-thin voi chiông kì chhak-thet. Phe̍t-ngìn voi ham kì-têu ôn-to ‘Chhui-ok ke koet’ ya he ‘Song-chú yún-yén só-nâu ke ngìn-mìn.’

和合本2010版玛拉基书1:5 你们必亲眼看见，你们要说：「耶和华在以色列疆界之外必尊为大！」 斥责祭司

现代客语汉字玛拉基书1:5「你等以色列人定着会亲眼看到这事，也会讲：『上主在以色列国外乜受尊重！』」上主警戒祭司

现代客语全罗玛拉基书1:5 “Ngì-têu Yî-set-lie̍t-ngìn thin-chho̍k voi chhîn-ngién khon-tó liá-sṳ, ya voi kóng: ‘Song-chú chhai Yî-set-lie̍t koet-ngoi me su chûn-chhung!’ ” Song-chú Kín-kie Chi-sṳ̂

和合本2010版玛拉基书1:6 万军之耶和华对你们说：「儿子孝敬父亲，僕人敬畏主人；我既为父亲，孝敬我的在哪裏呢？我既为主人，敬畏我的在哪裏呢？你们这些藐视我名的祭司啊！」你们却说：「我们在何事上藐视你的名呢？」

现代客语汉字玛拉基书1:6上主—万军个元帅对祭司讲：「孻仔尊敬阿爸，僕人敬畏主人。𠊎係你等个阿爸，你等样般毋尊敬𠊎？𠊎係你等个主人，你等样毋敬畏𠊎？你等祭司藐视𠊎个名，还应讲：『𠊎等㖠有藐视你个名？』

现代客语全罗玛拉基书1:6 Song-chú — Van-kiûn ke Ngièn-soi tui chi-sṳ̂ kóng: “Lai-é chûn-kin â-pâ, phu̍k-ngìn kin-vi chú-ngìn. Ngài he ngì-têu ke Â-pâ, ngì-têu ngióng-pân m̀ chûn-kin Ngài? Ngài he ngì-têu ke chú-ngìn, ngì-têu ngióng m̀ kin-vi Ngài? Ngì-têu chi-sṳ̂ méu-sṳ Ngài ke miàng, hàn en-kóng: ‘Ngài-têu nai-yû méu-sṳ Ngì ke miàng?’

和合本2010版玛拉基书1:7 「你们将不洁净的食物献在我的祭坛上，却说：『我们在何事上使你不洁净呢？』你们说，耶和华的供桌是可藐视的。

现代客语汉字玛拉基书1:7你等将无净浰个食物献在𠊎个祭坛顶，还问：『𠊎等㖠有亵渎你呢？』係因为你等想：『上主个桌仔係做得藐视个。』

现代客语全罗玛拉基书1:7 Ngì-têu chiông mò chhiang-li ke sṳ̍t-vu̍t hien chhai Ngài ke chi-thàn táng, hàn mun: ‘Ngài-têu nai-yû siet-thu̍k Ngì nè?’ He yîn-vi ngì-têu sióng: ‘Song-chú ke chok-è he cho-tet méu-sṳ ke.’

和合本2010版玛拉基书1:8 你们将瞎眼的献为祭物，这不算为恶吗？将瘸腿的、有病的献上，这不算为恶吗？那么，请把这些献给你的省长，他岂会悦纳你( [ 1.8] 「你」：七十士译本是「它」。)，岂会抬举你呢？这是万军之耶和华说的。」

现代客语汉字玛拉基书1:8你等将瞙目个、跛脚个㧯有病个头牲带来献给𠊎；这敢毋係可恶吗？你等将恁样个动物送给你个省长试看，看佢会欢喜么？会看做係你个好意么？」这係上主—万军个元帅讲个。

现代客语全罗玛拉基书1:8 Ngì-têu chiông mô-muk ke, pâi-kiok ke lâu yû-phiang ke thèu-sâng tai-lòi hien-pûn Ngài; liá kám m̀-he khó-vu mâ? Ngì-têu chiông án-ngiòng ke thung-vu̍t sung pûn ngì ke sén-chóng chhṳ-khon, khon kì voi fôn-hí mò? Voi khon-cho he ngì ke hó-yi mò?” Liá he Song-chú — Van-kiûn ke Ngièn-soi kóng ke.

和合本2010版玛拉基书1:9 现在我劝你们要恳求上帝，好让他施恩给我们。这事既出于你们的手，他岂会抬举你们任何人呢？这是万军之耶和华说的。

现代客语汉字玛拉基书1:9你这兜祭司啊，去恳求上帝施恩给𠊎等！你等既然将恁样个祭物献给佢，佢一定毋会听你等个祈祷！

现代客语全罗玛拉基书1:9 Ngì liá-têu chi-sṳ̂ â, hi khién-khiù Song-ti sṳ̂-ên pûn ngài-têu! Ngì-têu ki-yèn chiông án-ngiòng ke chi-vu̍t hien-pûn Kì, Kì yit-thin m̀-voi thâng ngì-têu ke khì-tó!

和合本2010版玛拉基书1:10 万军之耶和华说：「甚愿你们中间有人把殿的门( [ 1.10] 「殿的门」：原文是「门」。)关上，免得你们徒然在我坛上烧火。我不喜欢你们，也不从你们手中悦纳供物。」

现代客语汉字玛拉基书1:10上主—万军个元帅讲：「𠊎当希望你等有人将圣殿个门关起来，你等就毋会在𠊎个祭坛顶点无用个火。𠊎无欢喜你等，也无爱接受你等个手所献个祭物。

现代客语全罗玛拉基书1:10 Song-chú — Van-kiûn ke Ngièn-soi kóng: “Ngài tông hî-mong ngì-têu yû-ngìn chiông sṳn-thien ke mùn koân hí-lòi, ngì-têu chhiu m̀-voi chhai Ngài ke chi-thàn táng tiám mò-yung ke fó. Ngài mò fôn-hí ngì-têu, ya mò-oi chiap-su ngì-têu ke sú só-hien ke chi-vu̍t.

和合本2010版玛拉基书1:11 万军之耶和华说：「从日出之地到日落之处，我的名在列国中必尊为大。在各处，人必奉我的名烧香，献洁净的供物，因为我的名在列国中必尊为大。

现代客语汉字玛拉基书1:11对日出到日落之地，万国拢总尊敬𠊎。佢等在各地方向𠊎烧香，献净浰个祭物，因为𠊎—上主、万军元帅个圣名在万国中受尊敬。

现代客语全罗玛拉基书1:11 Tui ngit-chhut to ngit-lo̍k chṳ̂ thi, van-koet lûng-chúng chûn-kin Ngài. Kì-têu chhai kok thi-fông hiong Ngài sêu-hiông, hien chhiang-li ke chi-vu̍t, yîn-vi Ngài — Song-chú, Van-kiûn Ngièn-soi ke sṳn-miàng chhai van-koet chûng su chûn-kin.

和合本2010版玛拉基书1:12 你们却亵渎我的名，说：『主的供桌是不洁净的，供桌上的果子和食物是可藐视的。』

现代客语汉字玛拉基书1:12你等反转亵渎𠊎，讲：『主个桌仔係垃圾个；桌顶个食物係𠊎等看毋上眼个。』

现代客语全罗玛拉基书1:12 Ngì-têu fán-chón siet-thu̍k Ngài, kóng: ‘Chú ke chok-è he lá-sap ke; chok-táng ke sṳ̍t-vu̍t he ngài-têu khon m̀-sông ngién ke.’

和合本2010版玛拉基书1:13 你们又说：『看哪，这些事何等烦琐！』并嗤之以鼻( [ 1.13] 「嗤之以鼻」：原文另译「瞧不起我」。)。这是万军之耶和华说的。你们把抢来的、瘸腿的、有病的拿来献上为祭，我岂能从你们手中悦纳它呢？这是耶和华说的。

现代客语汉字玛拉基书1:13你等又讲：『唉！还费气噢！』就鼻孔翘翘毋插𠊎—上主、万军个元帅。你等将抢来个、跛脚个、有病个动物献给𠊎。𠊎—上主敢会对你等个手接受恁样个东西吗？

现代客语全罗玛拉基书1:13 Ngì-têu yu kóng: ‘Ái! Hàn fi-hi ô!’ chhiu phi-khûng khieu-khieu m̀ chhap Ngài — Song-chú, Van-kiûn ke Ngièn-soi. Ngì-têu chiông chhióng-lòi ke, pâi-kiok ke, yû-phiang ke thung-vu̍t hien-pûn Ngài. Ngài — Song-chú kám voi tui ngì-têu ke sú chiap-su án-ngiòng ke tûng-sî mâ?

和合本2010版玛拉基书1:14 行诡诈的人是可诅咒的！他的羣畜中虽有公羊，他许了愿，却将有残疾的献给主。因我是大君王，我的名在列国中是可畏的。这是万军之耶和华说的。」

现代客语汉字玛拉基书1:14人许愿爱将羊群中个好公羊献给𠊎，反转献发病无正常个，恁样欺骗个人应当受咒诅。因为𠊎係大君王！世上万国拢总敬畏𠊎。𠊎—上主、万军个元帅恁样宣布了。」

现代客语全罗玛拉基书1:14 Ngìn hí-ngien oi chiông yòng-khiùn chûng ke hó kûng-yòng hien-pûn Ngài, fán-chón hien pot-phiang mò chṳn-sòng ke, án-ngiòng khî-phien ke ngìn yin-tông su chu-chú. Yîn-vi Ngài he thai kiûn-vòng! Sṳ-song van-koet lûng-chúng kin-vi Ngài. Ngài — Song-chú, Van-kiûn ke Ngièn-soi án-ngiòng siên-pu lé.”