箴言第1章客家话和合本对照

相关章：

快速到节：

书卷列表：

和合本2010版箴言1:1箴言的价值大卫的儿子，以色列王所罗门的箴言：

现代客语汉字箴言1:1箴言个价值大卫个孻仔，以色列王所罗门个箴言：

现代客语全罗箴言1:1Chṳ̂m-ngièn ke Ka-chhṳ̍t Thai-ví ke lai-é, Yî-set-lie̍t-vòng Só-lò-mùn ke chṳ̂m-ngièn:

和合本2010版箴言1:2 要使人懂得智慧和训诲，明白通达的言语，

现代客语汉字箴言1:2这兜箴言会俾人认识智慧，得到教训，理解格言个意思。

现代客语全罗箴言1:2 Liá-têu chṳ̂m-ngièn voi pûn ngìn ngin-sṳt chṳ-fi,tet-tó kau-hiun, lî-kié kiet-ngièn ke yi-sṳ.

和合本2010版箴言1:3 使人领受明智的训诲，就是公义、公平和正直，

现代客语汉字箴言1:3它兜会教人样般过明智个生活，样般做公义、公平㧯正直个人。

现代客语全罗箴言1:3 Kì-têu voi kâu ngìn ngióng-pân ko mìn-chṳ ke sên-fa̍t,ngióng-pân cho kûng-ngi, kûng-phìn lâu chṳn-chhṳ̍t ke ngìn.

和合本2010版箴言1:4 使愚蒙人灵巧，使年轻人有知识，有智谋。

现代客语汉字箴言1:4它兜会俾戆直个人(11:4「戆直个人」：在本书係指单纯无知、容易行差路个人。)变做精明，使后生人有智识，晓得分别是非。

现代客语全罗箴言1:4 Kì-têu voi pûn ngong-chhṳ̍t ke ngìn( 1 1:4 “ngong-chhṳ̍t ke ngìn”: Chhai pún-sû he chṳ́ tân-sùn vù-tî, yùng-yi hàng-chhâ lu ke ngìn.) pien-cho chîn-mìn,sṳ́ heu-sâng-ngìn yû chṳ-sṳt, hiáu-tet fûn-phe̍t sṳ-fî.

和合本2010版箴言1:5 智慧人听见，增长学问，聪明人得着智谋，

现代客语汉字箴言1:5有智慧个听到，就更加有学问，明理个人听到，就得到引导，

现代客语全罗箴言1:5 Yû chṳ-fi ke thâng-tó, chhiu kien-kâ yû ho̍k-mun,mìn-lî ke ngìn thâng-tó, chhiu tet-tó yîn-thô,

和合本2010版箴言1:6 明白箴言和譬喻，懂得智慧人的言词和谜语。

现代客语汉字箴言1:6来了解箴言㧯比喻，来明白智慧人个话㧯铃仔。

现代客语全罗箴言1:6 lòi liáu-kié chṳ̂m-ngièn lâu pí-yi,lòi mìn-pha̍k chṳ-fi ngìn ke fa lâu liang-é.

和合本2010版箴言1:7 敬畏耶和华是知识的开端；愚妄人藐视智慧和训诲。

现代客语汉字箴言1:7敬畏上主係智识个开头(21:7「敬畏…开头」抑係译做「智识个重点就係敬畏上主」。)。戆档人(31:7「戆档人」：在本书毋单净指「戆仔」，也常常指道德上有欠缺㧯偏差个人；有时抑係译做「憨蚩个人」。)看轻智慧㧯教训。

现代客语全罗箴言1:7 Kin-vi Song-chú he chṳ-sṳt ke khôi-thèu( 2 1:7 “Kin-vi ... khôi-thèu” ya-he yi̍t-cho “Chṳ-sṳt ke chhung-tiám chhiu-he kin-vi Song-chú”.).Ngong-tong ngìn( 3 1:7 “Ngong-tong ngìn”: Chhai pún-sû m̀-tân-chhiang chṳ́ “ngong-é”, ya sòng-sòng chṳ́ tho-tet song yû khiam-khiet lâu phiên-chhâ ke ngìn; yû-sṳ̀ ya-he yi̍t-cho “hâm-chhê ke ngìn”.) khon-khiâng chṳ-fi lâu kau-hiun.

和合本2010版箴言1:8给年轻人的忠告我儿啊，要听你父亲的训诲，不可离弃你母亲的教诲；

现代客语汉字箴言1:8劝话后生人孻仔啊(41:8「孻仔啊」：希伯来文直译係「𠊎个孻仔啊」，也係当时先生对学生亲密个称呼；也有现代译本翻做「后生人啊」。本书常常出现。)，爱听若爸个教训，毋好离开若姆个教示；

现代客语全罗箴言1:8Khien-va Heu-sâng-ngìn Lai-é â( 4 1:8 “Lai-é â”: Hî-pak-lòi-vùn chhṳ̍t-yi̍t he “Ngài ke lai-é â”, ya he tông-sṳ̀ sîn-sâng tui ho̍k-sâng chhîn-me̍t ke chhṳ̂n-fû; ya yû hien-thoi yi̍t-pún fân-cho “heu-sâng-ngìn â”. Pún-sû sòng-sòng chhut-hien.), oi thâng ngiâ-pâ ke kau-hiun,m̀-hó lì-khôi ngiâ-mê ke kau-sṳ;

和合本2010版箴言1:9 因为这要作你头上恩惠的华冠，作你颈上的项链。

现代客语汉字箴言1:9因为它兜像係你所戴尽靓个帽仔，像係你颈项宝贝个脖鍊。

现代客语全罗箴言1:9 yîn-vi kì-têu chhiong-he ngì só-tai chhin-chiâng ke mo-é,chhiong-he ngì kiáng-hong pó-pi ke pha̍t-lien.

和合本2010版箴言1:10 我儿啊，罪人若引诱你，你不可随从。

现代客语汉字箴言1:10孻仔啊，若係有坏人来引诱你，千万毋好跈佢等。

现代客语全罗箴言1:10 Lai-é â, na-he yû fái-ngìn lòi yín-yu ngì,chhiên-van m̀-hó thèn kì-têu.

和合本2010版箴言1:11 他们若说：「你与我们同去，我们要埋伏杀人流血，无故地潜藏，杀害无辜；

现代客语汉字箴言1:11若係佢等讲：「共下来去，埋伏㓾过路人，无论佢係么人，毋使理由，照打！

现代客语全罗箴言1:11 Na-he kì-têu kóng:“Khiung-ha lòi-hi, mài-fu̍k chhṳ̀ ko-lu-ngìn,mò-lun kì he má-ngìn, m̀-sṳ́ lî-yù, cheu tá!

和合本2010版箴言1:12 我们好像阴间，把他们活活吞下，囫囵吞下，如吞下那下到地府的人；

现代客语汉字箴言1:12𠊎等爱像阴间将佢等生生吞落去，完全食掉，就像人跌落深坑肚！

现代客语全罗箴言1:12 Ngài-têu oi chhiong yîm-kiên chiông kì-têu sâng-sâng thûn lo̍k-hi,vàn-chhiòn sṳ̍t-thet, chhiu-chhiong ngìn tiet-lo̍k chhṳ̂m-hâng tú!

和合本2010版箴言1:13 我们必得各样宝物，将所夺来的装满房屋；

现代客语汉字箴言1:13𠊎等会得到各种个财宝，屋肚会装满抢来个东西！

现代客语全罗箴言1:13 Ngài-têu voi tet-tó kok-chúng ke chhòi-pó,vuk-tú voi chông-mân chhióng-lòi ke tûng-sî!

和合本2010版箴言1:14 你来与我们同伙，共用一个钱囊。」

现代客语汉字箴言1:14来斗股噢，大家共下用一只钱袋！」

现代客语全罗箴言1:14 Lòi teu-kú ô,thai-kâ khiung-ha yung yit-chak chhièn-thoi!”

和合本2010版箴言1:15 我儿啊，不要与他们走同一道路，禁止你的脚走他们的路径。

现代客语汉字箴言1:15孻仔啊，毋好㧯佢等共下行，爱禁止你个脚行佢等个路；

现代客语全罗箴言1:15 Lai-é â, m̀-hó lâu kì-têu khiung-ha hàng,oi kim-chṳ́ ngì ke kiok hàng kì-têu ke lu;

和合本2010版箴言1:16 因为他们的脚奔跑行恶，他们急速杀人流血。

现代客语汉字箴言1:16佢等个脚走等去行邪路，佢等遽遽想爱害人流血。

现代客语全罗箴言1:16 kì-têu ke kiok chéu-tén hi hàng sià-lu,kì-têu kiak-kiak sióng-oi hoi-ngìn liù-hiet.

和合本2010版箴言1:17 在飞鸟眼前张设网罗，一定会徒劳无功；

现代客语汉字箴言1:17鸟仔看等个时，来设罗网，这係无採工个；

现代客语全罗箴言1:17 Tiâu-é khon-tén ke sṳ̀, lòi-sat lò-mióng,liá he mò-chhái kûng ke;

和合本2010版箴言1:18 同样，他们埋伏，是自流己血，他们潜藏，是自害己命。

现代客语汉字箴言1:18总係这兜坏人所设个罗网，係流自家个血，害自家个命。

现代客语全罗箴言1:18 chúng-he liá-têu fái-ngìn só-sat ke lò-mióng,he liù chhṳ-kâ ke hiet, hoi chhṳ-kâ ke miang.

和合本2010版箴言1:19 凡靠暴力歛财的，所行之路都是如此，这种念头必夺去自己的生命。

现代客语汉字箴言1:19一切贪财个人所堵到个(51:19「堵到个」係根据一古译本，希伯来文係「行个路」。)就係恁样；贪财个心抢走个係佢等个命。

现代客语全罗箴言1:19 Yit-chhiet thâm-chhòi ke ngìn só tù-tó ke( 5 1:19 “tù-tó ke” he kîn-kí yit kú yi̍t-pún, Hî-pak-lòi-vùn he “hàng ke lu”.) chhiu-he án-ngiòng;thâm-chhòi ke sîm chhióng-chéu ke he kì-têu ke miang.

和合本2010版箴言1:20智慧呼唤人智慧( [ 1.20] 「智慧」是拟人化的名词，原文是阴性；下同。)在街市上呼喊，在广场上高声吶喊，

现代客语汉字箴言1:20智慧个呼声智慧(61:20在本书作者将「智慧」形容像一个「妇女」。)在街巷呼喊，在大众场所紧喊，

现代客语全罗箴言1:20Chṳ-fi ke Fû-sâng Chṳ-fi( 6 1:20 Chhai pún-sû chok-chá chiông “Chṳ-fi” hìn-yùng chhiong yit-ke “Fu-ńg”.) chhai kiê-hong fû-ham,chhai thai-chung chhòng-só kín-hêm,

和合本2010版箴言1:21 在热闹街头呼叫，在城门口，在城中，发出言语，说：

现代客语汉字箴言1:21在闹热个街头大声嘶，在城门旁边紧出声讲：

现代客语全罗箴言1:21 chhai nau-ngie̍t ke kiê-thèu thai-sâng sê,chhai sàng-mùn phòng-piên kín chhut-sâng kóng:

和合本2010版箴言1:22 「你们无知的人喜爱无知，傲慢人喜欢傲慢，愚昧人恨恶知识，要到几时呢？

现代客语汉字箴言1:22「戆直个人啊，你等欢喜戆直爱到几时？傲慢人(71:22「傲慢人」：指又骄傲又好嘲谑人个人，参考21:24；本书常常出现。)欢喜傲慢，戆档人恼智识爱到几久？

现代客语全罗箴言1:22 “Ngong-chhṳ̍t ke ngìn â,ngì-têu fôn-hí ngong-chhṳ̍t oi to kí-sṳ̀?Ngau-man ngìn( 7 1:22 “Ngau-man ngìn”: Chṳ́ yu kiêu-ngau yu hau sâu-nat ngìn ke ngìn, chhâm-kháu 21:24; pún-sû sòng-sòng chhut-hien.) fôn-hí ngau-man,ngong-tong ngìn nâu chṳ-sṳt oi to kí-kiú?

和合本2010版箴言1:23 你们当因我的责备回转，我要将我的灵浇灌你们，将我的话指示你们。

现代客语汉字箴言1:23你等爱听𠊎个劝话；𠊎爱将𠊎个心思对你等显明，将𠊎个话教你等明白。

现代客语全罗箴言1:23 Ngì-têu oi thâng ngài ke khien-va;ngài oi chiông ngài ke sîm-sṳ̂ tui ngì-têu hién-mìn,chiông ngài ke fa kâu ngì-têu mìn-pha̍k.

和合本2010版箴言1:24 因为我呼唤，你们不听，我招手，无人理会。

现代客语汉字箴言1:24𠊎喊你等，你等毋听；𠊎擛你等，你等毋搭；

现代客语全罗箴言1:24 Ngài ham ngì-têu, ngì-têu m̀-thâng;ngài ya̍k ngì-têu, ngì-têu m̀-tap;

和合本2010版箴言1:25 你们忽视我一切的劝戒，拒听我的责备。

现代客语汉字箴言1:25反转看轻𠊎一切个劝话，毋愿意接受𠊎个责备。

现代客语全罗箴言1:25 fán-chón khon-khiâng ngài yit-chhiet ke khien-va,m̀ ngien-yi chiap-su ngài ke chit-phi.

和合本2010版箴言1:26你们遭难，我就发笑；惊恐临到你们，惊恐如狂风来临，灾难好像暴风来到，急难痛苦临到你们身上，我必嗤笑。

现代客语汉字箴言1:26因为恁样，你等堵到灾难个时，𠊎就爱笑你等；你等惊到愊愊掣，𠊎也爱嘲谑你等。

现代客语全罗箴言1:26 Yîn-vi án-ngiòng,ngì-têu tù-tó châi-nan ke sṳ̀,ngài chhiu oi seu ngì-têu;ngì-têu kiâng-to pi̍t-pi̍t-chhat,ngài ya oi sâu-nat ngì-têu.

和合本2010版箴言1:27【併于上节】

现代客语汉字箴言1:27着惊像大风临到你等，灾难像狂风来到，急难痛苦降下个时，𠊎还係爱嘲谑你等。

现代客语全罗箴言1:27 Chho̍k-kiâng chhiong thai-fûng lìm-to ngì-têu,châi-nan chhiong khòng-fûng lòi-to,kip-nan thung-khú kong-hâ ke sṳ̀,ngài hàn-he oi sâu-nat ngì-têu.

和合本2010版箴言1:28 那时，他们就会呼求我，我却不回答，恳切寻求我，却寻不见。

现代客语汉字箴言1:28「该时，佢等会求喊𠊎，总係𠊎无爱应；佢等会寻𠊎，总係寻毋到。

现代客语全罗箴言1:28 “Ke-sṳ̀, kì-têu voi khiù-ham ngài,chúng-he ngài mò-oi en;kì-têu voi chhìm ngài,chúng-he chhìm m̀-tó.

和合本2010版箴言1:29 因为他们恨恶知识，选择不敬畏耶和华，

现代客语汉字箴言1:29佢等恼智识，也毋识决心敬畏上主；

现代客语全罗箴言1:29 Kì-têu nâu chṳ-sṳt,ya m̀-sṳt kiet-sîm kin-vi Song-chú;

和合本2010版箴言1:30 不听我的劝戒，藐视我一切的责备，

现代客语汉字箴言1:30佢等从来毋听𠊎个劝话，反转看轻𠊎一切个责备。

现代客语全罗箴言1:30 kì-têu chhiùng-lòi m̀-thâng ngài ke khien-va,fán-chón khon-khiâng ngài yit-chhiet ke chit-phi.

和合本2010版箴言1:31 所以他们要自食其果，饱胀在自己的计谋中。

现代客语汉字箴言1:31所以，佢等爱食自家所结个果子，被自家所设个计谋撑到饱饱。

现代客语全罗箴言1:31 Só-yî, kì-têu oi sṳ̍t chhṳ-kâ só-kiet ke kó-chṳ́,pûn chhṳ-kâ só-sat ke kie-mèu chhang-to páu-páu.