诗篇第47章客家话和合本对照

相关章：

快速到节：

书卷列表：

和合本2010版诗篇47:1可拉后裔的诗。交给圣咏团长。至高的主宰万民哪，你们都要鼓掌！用欢呼的声音向上帝呼喊！

现代客语汉字诗篇47:1可拉后代个诗，交给圣歌队长。至高个统治者万民啊，爱拍手大声喊！爱大声唱歌，颂讚上帝！

现代客语全罗诗篇47:1Khó-lâ heu-thoi ke sṳ̂, kâu-pûn Sṳn-kô Chhui-chóng.Chṳ-kô ke Thúng-chhṳ-chá Van-mìn â, oi phok-sú thai-sâng hêm!Oi thai-sâng chhong-kô, siung-chan Song-ti!

和合本2010版诗篇47:2因为耶和华至高者是可畏的，他是治理全地的大君王。

现代客语汉字诗篇47:2至高个上主係得人敬畏个；佢係大君王，统治全世界。

现代客语全罗诗篇47:2 Chṳ-kô ke Song-chú he tet-ngìn kin-vi ke;Kì he thai kiûn-vòng, thúng-chhṳ chhiòn sṳ-kie.

和合本2010版诗篇47:3他使万民服在我们以下，又使万族服在我们脚下。

现代客语汉字诗篇47:3佢使万民降服𠊎等；又使万邦伏在𠊎等脚下。

现代客语全罗诗篇47:3 Kì sṳ́ van-mìn hòng-fu̍k ngài-têu;yu sṳ́ van-pâng phu̍k chhai ngài-têu kiok-hâ.

和合本2010版诗篇47:4他为我们选择产业，就是他所爱之雅各的荣耀。（细拉）

现代客语汉字诗篇47:4佢为到𠊎等择一垤住个土地，做佢所惜个雅各得意个产业。

现代客语全罗诗篇47:4 Kì vi-tó ngài-têu tho̍k yit-te he̍t ke thú-thi,cho Kì só siak ke Ngâ-kok tet-yi ke sán-ngia̍p.

和合本2010版诗篇47:5上帝上升，有喊声相送；耶和华上升，有角声相送。

现代客语汉字诗篇47:5上帝在欢喜喊个声中登宝座；上主在羊角个声音中坐王位！

现代客语全罗诗篇47:5 Song-ti chhai fôn-hí hêm ke sâng-chûng tên pó-chho;Song-chú chhai yòng-kok ke sâng-yîm chûng chhô vòng-vi!

和合本2010版诗篇47:6你们要向上帝歌颂，歌颂！向我们的王歌颂，歌颂！

现代客语汉字诗篇47:6你等爱唱歌颂讚上帝！爱唱歌颂讚𠊎等个王！

现代客语全罗诗篇47:6 Ngì-têu oi chhong-kô siung-chan Song-ti!Oi chhong-kô siung-chan ngài-têu ke Vòng!

和合本2010版诗篇47:7因为上帝是全地的王，你们要用圣诗歌颂！

现代客语汉字诗篇47:7因为上帝係全世界个王；你等应当吟诗来颂讚佢！

现代客语全罗诗篇47:7 Yîn-vi Song-ti he chhiòn sṳ-kie ke Vòng;ngì-têu yin-tông ngìm-sṳ̂ lòi siung-chan Kì!

和合本2010版诗篇47:8上帝作王治理列国，上帝坐在他的圣宝座上。

现代客语汉字诗篇47:8上帝坐在佢圣个宝座上；佢做王统治万国。

现代客语全罗诗篇47:8 Song-ti chhô chhai Kì sṳn ke pó-chho song;Kì cho Vòng thúng-chhṳ van-koet.

和合本2010版诗篇47:9万民的君王聚集，要作亚伯拉罕的上帝的子民，因为地上的盾牌是属上帝的，他为至高！

现代客语汉字诗篇47:9列国个领袖聚集共下，爱做亚伯拉罕个上帝个子民；因为地上个王(4347:9「王」：希伯来文直译係「盾牌」，参考诗篇89:18。)拢总属上帝；佢远远超过万有。

现代客语全罗诗篇47:9 Lie̍t-koet ke liâng-chhiu chhi-si̍p khiung-ha,oi cho Â-pak-lâ-hón ke Song-ti ke chṳ́-mìn;yîn-vi thi-song ke vòng( 43 47:9 “vòng”: Hî-pak-lòi-vùn chhṳ̍t-yi̍t he “tún-phài”, chhâm-kháu Sṳ̂-phiên 89:18.) lûng-chúng su̍k Song-ti;Kì yén-yén chhêu-ko van-yû.