罗马书第9章客家话和合本对照

相关章：

快速到节：

书卷列表：

和合本2010版罗马书9:1上帝拣选以色列人我在基督裏说真话，不说谎话；我的良心被圣灵感动为我作证。

现代客语汉字罗马书9:1上帝㧯佢个选民𠊎讲真心话；𠊎係属基督个人，毋会讲花撩。𠊎个良心在圣灵个光照之下也证明𠊎无讲花撩：

现代客语全罗罗马书9:1Song-ti lâu Kì ke Sién-mìn Ngài kóng chṳ̂n-sîm fa; ngài he su̍k Kî-tuk ke ngìn, m̀-voi kóng fâ-liâu. Ngài ke liòng-sîm chhai Sṳn-Lìn ke kông-cheu chṳ̂-ha ya chṳn-mìn ngài mò kóng fâ-liâu:

和合本2010版罗马书9:2 我非常忧愁，心裏时常伤痛。

现代客语汉字罗马书9:2𠊎十分忧愁，𠊎个心一直痛到讲毋得！

现代客语全罗罗马书9:2 Ngài sṳ̍p-fûn yù-sèu, ngài ke sîm yit-chhṳ̍t thung-to kóng-m̀-tet!

和合本2010版罗马书9:3 为我弟兄，我骨肉之亲，就是自己被诅咒，与基督分离，我也愿意。

现代客语汉字罗马书9:3为到𠊎个同胞，𠊎个骨肉之亲，就係𠊎本身被上帝咒诅，同基督隔绝，𠊎也甘愿。

现代客语全罗罗马书9:3 Vi-tó ngài ke thùng-pâu, ngài ke kut-ngiuk chṳ̂ chhîn, chhiu-he ngài pún-sṳ̂n pûn Song-ti chu-chú, thùng Kî-tuk kak-chhie̍t, ngài ya kâm-ngien.

和合本2010版罗马书9:4 他们是以色列人，那儿子的名分、荣耀、诸约、律法的颁布、敬拜的礼仪、应许都是给他们的。

现代客语汉字罗马书9:4佢等係以色列人、上帝个选民；上帝赐佢等子女个名份，有好分享佢个荣耀。上帝同佢等立约，赐佢等法律；佢等知爱样般敬拜上帝，也接受了佢个应许。

现代客语全罗罗马书9:4 Kì-têu he Yî-set-lie̍t-ngìn, Song-ti ke sién-mìn; Song-ti su kì-têu chṳ́-ńg ke miàng-fun, yû-hó fûn-hióng Kì ke yùng-yeu. Song-ti thùng kì-têu li̍p-yok, su kì-têu fap-li̍t; kì-têu tî oi ngióng-pân kin-pai Song-ti, ya chiap-su-liáu Kì ke yin-hí.

和合本2010版罗马书9:5 列祖是他们的，基督按肉体说也是从他们出来的。愿在万有之上的上帝被称颂，直到永远( [ 9.5] 「基督按肉体…直到永远」：原文或译「基督按肉体说也是从他们出来的，他是在万有之上，永远可称颂的上帝」。)。阿们！

现代客语汉字罗马书9:5佢等係众族长个子孙；照血统来讲，基督同佢等係共族。愿统治万有个上帝(89:5「愿统治万有个上帝」抑係译做「愿基督，就係统治万有个上帝」。)永远得到颂讚！阿愐。

现代客语全罗罗马书9:5 Kì-têu he chung chhu̍k-chóng ke chṳ́-sûn; cheu hiet-thúng lòi kóng, Kî-tuk thùng kì-têu he khiung-chhu̍k. Ngien thúng-chhṳ van-yû ke Song-ti( 8 9:5 “Ngien thúng-chhṳ van-yû ke Song-ti” ya-he yi̍t-cho “Ngien Kî-tuk, chhiu-he thúng-chhṳ van-yû ke Song-ti”.) yún-yén tet-tó siung-chan! Â-mén.

和合本2010版罗马书9:6 这不是说上帝的话落了空。因为从以色列生的不都是以色列人，

现代客语汉字罗马书9:6𠊎毋係讲上帝个应许已经落空。因为，以色列人无全部係上帝个选民；

现代客语全罗罗马书9:6 Ngài m̀-he kóng Song-ti ke yin-hí yí-kîn lo̍k-khûng. Yîn-vi, Yî-set-lie̍t-ngìn mò chhiòn-phu he Song-ti ke sién-mìn;

和合本2010版罗马书9:7 也不因为是亚伯拉罕的后裔就都是他的儿女；惟独「从以撒生的才要称为你的后裔。」

现代客语汉字罗马书9:7亚伯拉罕个子孙也无全部係佢个真子女。上帝识对亚伯拉罕讲：「唯有对以撒出个，正算係你个子孙。」

现代客语全罗罗马书9:7 Â-pak-lâ-hón ke chṳ́-sûn ya mò chhiòn-phu he kì ke chṳ̂n chṳ́-ńg. Song-ti sṳt tui Â-pak-lâ-hón kóng: “Vì-yû tui Yî-sat chhut ke, chang son he ngì ke chṳ́-sûn.”

和合本2010版罗马书9:8 这就是说，肉身所生的儿女不是上帝的儿女，惟独那应许的儿女才算是后裔。

现代客语汉字罗马书9:8这就係讲，自然生育所𫱔个，无一定係上帝个子女；唯有对上帝个应许来𫱔个，正算係上帝个子女。

现代客语全罗罗马书9:8 Liá chhiu-he kóng, chhṳ-yèn sên-yuk só kiung ke, mò yit-thin he Song-ti ke chṳ́-ńg; vì-yû tui Song-ti ke yin-hí lòi kiung ke, chang son he Song-ti ke chṳ́-ńg.

和合本2010版罗马书9:9 因为所应许的话是这样：「到明年这时候我要来，撒拉必会生一个儿子。」

现代客语汉字罗马书9:9因为上帝个应许係恁样讲个：「时机成熟个时，𠊎爱倒转来，莎拉会𫱔一个孻仔。」

现代客语全罗罗马书9:9 Yîn-vi Song-ti ke yin-hí he án-ngiòng kóng ke: “Sṳ̀-kî sṳ̀n-su̍k ke sṳ̀, ngài oi to-chón-lòi, Sâ-lâ voi kiung yit-ke lai-é.”

和合本2010版罗马书9:10 不但如此，利百加也是这样。她从一个人，就是从我们的祖宗以撒怀了孕。

现代客语汉字罗马书9:10毋单净恁样，丽百加个两个孻仔，也係对共一个阿爸，就係𠊎等个先祖以撒来𫱔个。

现代客语全罗罗马书9:10 M̀ tân-chhiang án-ngiòng, Li-pak-kâ ke lióng-ke lai-é, ya he tui khiung yit-ke â-pâ, chhiu-he ngài-têu ke siên-chú Yî-sat lòi kiung ke.

和合本2010版罗马书9:11 双胞胎还没有生下来，善恶还没有行出来，为要贯彻上帝拣选人的旨意，

现代客语汉字罗马书9:11总係，为到爱表示佢照自家个旨意已经拣选其中一个孻仔，上帝对丽百加讲：「大个孻仔爱服事细个孻仔。」佢讲这句话个时，佢等还吂出世，还吂行善抑係作恶；可见，上帝个拣选係照佢自家个旨意，同佢等个行为无关係。

现代客语全罗罗马书9:11Chúng-he, vi-tó oi péu-sṳ Kì cheu chhṳ-kâ ke chṳ́-yi yí-kîn kién-sién khì-chûng yit-ke lai-é, Song-ti tui Li-pak-kâ kóng: “Thai ke lai-é oi fu̍k-sṳ se ke lai-é.” Kì kóng liá-ki fa ke sṳ̀, kì-têu hàn-màng chhut-se, hàn-màng hàng-san ya-he chok-ok; khó-kien, Song-ti ke kién-sién he cheu Kì chhṳ-kâ ke chṳ́-yi, thùng kì-têu ke hàng-vì mò koân-he.

和合本2010版罗马书9:12 不是凭着人的行为，而是凭着那呼召人的，上帝就对利百加说：「将来，大的要服侍小的。」

现代客语汉字罗马书9:12【併于上节】

现代客语全罗罗马书9:12【併于上节】

和合本2010版罗马书9:13 正如经上所记：「雅各是我所爱的；以扫是我所恶的。」

现代客语汉字罗马书9:13就像圣经所讲：「𠊎惜雅各，恼以扫。」

现代客语全罗罗马书9:13 Chhiu-chhiong Sṳn-kîn só kóng: “Ngài siak Ngâ-kok, nâu Yî-so.”

和合本2010版罗马书9:14 这样，我们要怎么说呢？难道上帝有甚么不义吗？绝对没有！

现代客语汉字罗马书9:14恁样，𠊎等做得讲上帝无公平係么？当然做毋得！

现代客语全罗罗马书9:14 Án-ngiòng, ngài-têu cho-tet kóng Song-ti mò kûng-phìn he-mò? Tông-yèn cho-m̀-tet!

和合本2010版罗马书9:15 因他对摩西说：「我要怜悯谁就怜悯谁，要恩待谁就恩待谁。」

现代客语汉字罗马书9:15因为佢识对摩西讲：「𠊎爱怜悯么人，就怜悯么人，爱痛惜么人，就痛惜么人！」

现代客语全罗罗马书9:15 Yîn-vi Kì sṳt tui Mô-sî kóng:“Ngài oi lìn-mén má-ngìn, chhiu lìn-mén má-ngìn,oi thung-siak má-ngìn, chhiu thung-siak má-ngìn!”

和合本2010版罗马书9:16 由此看来，这不靠人的意愿，也不靠人的努力，只靠上帝的怜悯。

现代客语汉字罗马书9:16可见，上帝个拣选毋係照人个心愿抑係打拚，係照佢个怜悯来个。

现代客语全罗罗马书9:16 Khó-kien, Song-ti ke kién-sién m̀-he cheu ngìn ke sîm-ngien ya-he tá-piang, he cheu Kì ke lìn-mén lòi ke.

和合本2010版罗马书9:17 因为经上有话对法老说：「我将你兴起来，特要在你身上彰显我的权能，为要使我的名传遍全地。」

现代客语汉字罗马书9:17圣经底背，上帝对埃及王讲：「𠊎立你做王，係爱用你来彰显𠊎个权能，使𠊎个名传遍天下。」

现代客语全罗罗马书9:17 Sṳn-kîn tî-poi, Song-ti tui Âi-khi̍p-vòng kóng: “Ngài li̍p ngì cho vòng, he oi yung ngì lòi chông-hién Ngài ke khièn-nèn, pûn Ngài ke miàng chhòn-phien thiên-ha.”

和合本2010版罗马书9:18 由此看来，上帝要怜悯谁就怜悯谁，要使谁刚硬就使谁刚硬。 上帝的愤怒和怜悯

现代客语汉字罗马书9:18恁样讲来，上帝爱怜悯么人，就怜悯么人；佢爱使么人硬颈，就使么人硬颈。上帝个义怒㧯怜悯

现代客语全罗罗马书9:18 Án-ngiòng kóng-lòi, Song-ti oi lìn-mén má-ngìn, chhiu lìn-mén má-ngìn; Kì oi pûn má-ngìn ngang-kiáng, chhiu pûn má-ngìn ngang-kiáng. Song-ti ke Ngi-nu lâu Lìn-mén

和合本2010版罗马书9:19 这样，你会对我说：「那么，他为甚么还指责人呢？有谁能抗拒他的旨意呢？」

现代客语汉字罗马书9:19可能你会对𠊎讲：「既然恁样，上帝样般还做得怪人？么人能抵抗佢个旨意啊？」

现代客语全罗罗马书9:19 Khó-nèn ngì voi tui ngài kóng: “Ki-yèn án-ngiòng, Song-ti ngióng-pân hàn cho-tet koai ngìn? Má-ngìn nèn tí-khong Kì ke chṳ́-yi â?”

和合本2010版罗马书9:20 你这个人哪，你是谁，竟敢向上帝顶嘴呢？受造之物岂会对造他的说：「你为甚么把我造成这样呢？」

现代客语汉字罗马书9:20总係朋友啊，你係么人？样般敢撑上帝个话呢！缶仔样般做得对造它个人讲：「你做么介造𠊎像恁样呢？」

现代客语全罗罗马书9:20 Chúng-he phèn-yû â, ngì he má-ngìn? Ngióng-pân kám chhang Song-ti ke fa nè! Fì-è ngióng-pân cho-tet tui chho kì ke ngìn kóng: “Ngì cho-má-ke chho ngài chhiong án-ngiòng nè?”

和合本2010版罗马书9:21 难道陶匠没有权从一团泥裏拿一块做成贵重的器皿，又拿一块做成卑贱的器皿吗？

现代客语汉字罗马书9:21敢讲烧缶师傅无权拿泥来造佢所爱造个东西吗？佢敢做毋得用共团泥来製造两只器皿，一只贵重个，一只普通个吗？

现代客语全罗罗马书9:21 Kám kóng sêu-fì sṳ̂-fu mò-khièn nâ nài lòi chho kì só-oi chho ke tûng-sî mâ? Kì kám cho-m̀-tet yung khiung-thòn nài lòi chṳ-chho lióng-chak hi-mén, yit-chak kui-chhung ke, yit-chak phû-thûng ke mâ?

和合本2010版罗马书9:22 倘若上帝要显明他的愤怒，彰显他的权能，难道不可多多忍耐宽容那应受愤怒、预备遭毁灭的器皿吗？

现代客语汉字罗马书9:22上帝所做个也係恁样。佢爱显示佢公义个发谴，彰显佢个权能；总係，佢又爱用耐心宽容佢发谴个对象，就係该兜本来应当爱打烂个器皿。

现代客语全罗罗马书9:22 Song-ti só-cho ke ya he án-ngiòng. Kì oi hién-sṳ Kì kûng-ngi ke fat-khién, chông-hién Kì ke khièn-nèn; chúng-he, Kì yu oi yung nai-sîm khôn-yùng Kì fat-khién ke tui-siong, chhiu-he ke-têu pún-lòi yin-tông oi tá-lan ke hi-mén.

和合本2010版罗马书9:23 这是为了要把他丰盛的荣耀彰显在那蒙怜悯、早预备得荣耀的器皿上。

现代客语汉字罗马书9:23同时，佢还爱将佢丰盛个荣耀对𠊎等来显明；𠊎等係佢怜悯个对象，係佢所预备爱接受佢荣耀个人。

现代客语全罗罗马书9:23 Thùng-sṳ̀, Kì hàn oi chiông Kì fûng-sṳn ke yùng-yeu tui ngài-têu lòi hién-mìn; ngài-têu he Kì lìn-mén ke tui-siong, he Kì só yi-phi oi chiap-su Kì yùng-yeu ke ngìn.

和合本2010版罗马书9:24 这器皿也就是我们这些蒙上帝所召的，不但是从犹太人中，也是从外邦人中召来的。

现代客语汉字罗马书9:24𠊎等毋单净係佢对犹太人底背，也係对外邦人当中，呼召出来个。

现代客语全罗罗马书9:24 Ngài-têu m̀ tân-chhiang he Kì tui Yù-thai-ngìn tî-poi, ya he tui Ngoi-pâng-ngìn tông-chûng, fû-seu chhut-lòi ke.

和合本2010版罗马书9:25 正如上帝在《何西阿书》上说：「那本来不是我子民的，我要称为『我的子民』；本来不是蒙爱的，我要称为『蒙爱的』。

现代客语汉字罗马书9:25这就係佢在《何西阿书》底背所讲个：本来毋係𠊎子民个，𠊎爱称佢等做「𠊎个子民」，本来𠊎无合意个邦国，𠊎爱称它做「𠊎所惜个」。

现代客语全罗罗马书9:25 Liá chhiu-he Kì chhai k Hò-sî-â Sûk* tî-poi só-kóng ke:Pún-lòi m̀-he Ngài chṳ́-mìn ke,Ngài oi chhṳ̂n kì-têu cho “Ngài ke chṳ́-mìn”,pún-lòi Ngài mò kak-yi ke pâng-koet,Ngài oi chhṳ̂n kì cho “Ngài só-siak ke”.

和合本2010版罗马书9:26 从前在甚么地方对他们说：你们不是我的子民，将来就在那裏称他们为『永生上帝的儿子』。」

现代客语汉字罗马书9:26头摆𠊎识对佢等讲：你等毋係𠊎个子民；总係这下，佢等爱称做「永生上帝个子女」。

现代客语全罗罗马书9:26 Thèu-pái Ngài sṳt tui kì-têu kóng:Ngì-têu m̀-he Ngài ke chṳ́-mìn;chúng-he liá-ha, kì-têu oi chhṳ̂n-cho“Yún-sên Song-ti ke chṳ́-ńg”.

和合本2010版罗马书9:27 关于以色列人，以赛亚喊着：「虽然以色列人多如海沙，得救的将是剩下的余数，

现代客语汉字罗马书9:27关係以色列人，以赛亚识大声喊讲：「以色列人虽然像海沙恁多，总係只有賸下个少数人会得救，

现代客语全罗罗马书9:27 Koân-he Yî-set-lie̍t-ngìn, Yî-soi-â sṳt thai-sâng hêm-kóng: “Yî-set-lie̍t-ngìn sûi-yèn chhiong hói-sâ án tô, chúng-he chṳ́-yû chhûn-hâ ke séu-su ngìn voi tet-kiu,

和合本2010版罗马书9:28 因为主要在地上施行他的话，彻底而又迅速。」

现代客语汉字罗马书9:28因为主爱当遽又彻底来审判全人类。」

现代客语全罗罗马书9:28 yîn-vi Chú oi tông-kiak yu chha̍t-tái lòi sṳ́m-phan chhiòn ngìn-lui.”

和合本2010版罗马书9:29 又如以赛亚先前说过：「若不是万军之主给我们存留余种，我们早已变成所多玛，像蛾摩拉一样了。」

现代客语汉字罗马书9:29又像以赛亚头摆所讲：「若毋係主—万军个元帅为𠊎等留下一兜后代，𠊎等早就像所多玛㧯蛾摩拉恁样啰！」以色列人㧯福音

现代客语全罗罗马书9:29 Yu chhiong Yî-soi-â thèu-pái só kóng: “Na m̀-he Chú — Van-kiûn ke Ngièn-soi vi ngài-têu liù-hâ yit-têu heu-thoi, ngài-têu chó chhiu-chhiong Só-tô-mâ lâu Ngò-mô-lâ án-ngiòng lô!” Yî-set-lie̍t-ngìn lâu Fuk-yîm

和合本2010版罗马书9:30以色列人和福音这样，我们要怎么说呢？那不追求义的外邦人却获得了义，就是因信而获得的义。

现代客语汉字罗马书9:30恁样，𠊎等爱样般讲呢？外邦人本来无寻上帝个义，却因为信来成做义人；

现代客语全罗罗马书9:30 Án-ngiòng, ngài-têu oi ngióng-pân kóng nè? Ngoi-pâng-ngìn pún-lòi mò chhìm Song-ti ke ngi, sa yîn-vi sin lòi sàng-cho ngi-ngìn;

和合本2010版罗马书9:31 但以色列人追求律法的义，反而达不到律法的义。

现代客语汉字罗马书9:31总係，以色列人追求通过法律来成做义人，反转无达成目的。

现代客语全罗罗马书9:31 chúng-he, Yî-set-lie̍t-ngìn chûi-khiù thûng-ko fap-li̍t lòi sàng-cho ngi-ngìn, fán-chón mò tha̍t-sṳ̀n muk-tit.

和合本2010版罗马书9:32 这是甚么缘故呢？是因为他们不凭着信心，而是凭着行为，他们正跌在那绊脚石上。

现代客语汉字罗马书9:32样般会恁样呢？因为佢等毋靠信心，反转靠行为，结果就跌在该「绊脚石」顶高。

现代客语全罗罗马书9:32 Ngióng-pân voi án-ngiòng nè? Yîn-vi kì-têu m̀ kho sin-sîm, fán-chón kho hàng-vì, kiet-kó chhiu tiet chhai ke “Pan-kiok-sa̍k” táng-kô.

和合本2010版罗马书9:33 就如经上所记：「我在锡安放一块绊脚的石头，使人跌倒的磐石；信靠他的人必不蒙羞。」

现代客语汉字罗马书9:33像圣经所讲：看啊，𠊎在锡安放一垤绊脚个石头，係会使人跌倒个大石头！总係，信靠佢个人就毋会失望。

现代客语全罗罗马书9:33 Chhiong Sṳn-kîn só kóng:Khon â, Ngài chhai Siak-ôn piong yit-te pan-kiok ke sa̍k-thèu,he voi sṳ́-ngìn tiet-tó ke thai sa̍k-thèu!Chúng-he, sin-kho Kì ke ngìn chhiu m̀-voi sṳt-mong.