申命记第9章客家话和合本对照

相关章：

快速到节：

书卷列表：

和合本2010版申命记9:1百姓悖逆「以色列啊，你要听！你今日要过约旦河，进去佔领比你更强大的列国，那裏的城镇又大，城墙又坚固，如天一样高。

现代客语汉字申命记9:1以色列人无服从上主「以色列人哪，爱注意听！你等今晡日爱过约旦河，入去佔领比你等较强大个各民族个土地。佢等个城又阔又大，城墙高到堵天。

现代客语全罗申命记9:1Yî-set-lie̍t-ngìn Mò Fu̍k-chhiùng Song-chú “Yî-set-lie̍t-ngìn nâ, oi chu-yi thâng! Ngì-têu kîm-pû-ngit oi ko Yok-tan-hò, ngi̍p-hi cham-liâng pí ngì-têu kha khiòng-thai ke kok mìn-chhu̍k ke thú-thi. Kì-têu ke sàng yu-fat yu-thai, sàng-chhiòng kô-to tù-thiên.

和合本2010版申命记9:2那裏的百姓是亚衲族人，又高又壮，是你所知道的；你也听说过：『谁能在亚衲族人面前站立得住呢？』

现代客语汉字申命记9:2该地方住个人又高又大，係亚衲族人个子孙；你等已经听人讲过，无人能㧯亚衲族人对抗。

现代客语全罗申命记9:2 Ke thi-fông he̍t ke ngìn yu kô yu-thai, he Â-na̍p-chhu̍k ngìn ke chṳ́-sûn; ngì-têu yí-kîn thâng ngìn kóng-ko, mò ngìn nèn lâu Â-na̍p-chhu̍k ngìn tui-khong.

和合本2010版申命记9:3你今日应当知道，耶和华－你的上帝在你前面渡过去，如同吞噬的火，要除灭他们，并要在你面前将他们制伏，使你可以赶出他们，速速消灭他们，正如耶和华向你所说的。

现代客语汉字申命记9:3总係今晡日，你等会亲目看到上主—你等个上帝，像烈火恁样在你等头前行过去。你等前进个时，佢会打败佢等，使你等照佢个应许进入，逐出敌人，将佢等消灭。

现代客语全罗申命记9:3 Chúng-he kîm-pû-ngit, ngì-têu voi chhîn-muk khon-tó Song-chú — ngì-têu ke Song-ti, chhiong lie̍t-fó án-ngiòng chhai ngì-têu thèu-chhièn hàng ko-hi. Ngì-têu chhièn-chin ke sṳ̀, Kì voi tá-phai kì-têu, sṳ́ ngì-têu cheu Kì ke yin-hí chin-ngi̍p, kiuk-chhut thi̍t-ngìn, chiông kì-têu sêu-me̍t.

和合本2010版申命记9:4「耶和华－你的上帝将他们从你面前赶出以后，你心裏不可说：『耶和华领我得这地是因我的义。』其实，耶和华将这些国家从你面前赶出去是因他们的恶。

现代客语汉字申命记9:4「上主—你等个上帝为你等逐走敌人后，你等毋好认为上主带领你等佔领该土地係因为你等个功德，係应该个。毋係恁样！这係因为该地个住民邪恶，上主正将佢等逐走；

现代客语全罗申命记9:4 “Song-chú — ngì-têu ke Song-ti vi ngì-têu kiuk-chéu thi̍t-ngìn heu, ngì-têu m̀-hó ngin-vì Song-chú tai-liâng ngì-têu cham-liâng ke thú-thi he yîn-vi ngì-têu ke kûng-tet, he yin-kôi ke. M̀-he án-ngiòng! Liá he yîn-vi ke-thi ke chhu-mìn sià-ok, Song-chú chang chiông kì-têu kiuk-chéu;

和合本2010版申命记9:5你能进去得他们的地，并不是因你的义，也不是因你心裏正直，而是因这些国家的恶，耶和华－你的上帝才把他们从你面前赶出去，为了应验耶和华向你列祖亚伯拉罕、以撒、雅各起誓应许的话。」金牛犊

现代客语汉字申命记9:5毋係因为你等心肝好、行为正直，你等正能入去佔领佢等个土地。上主—你等个上帝将佢等逐走，係因为这兜人邪恶，又因为佢爱实行佢对你等祖先—亚伯拉罕、以撒、雅各所应许个。

现代客语全罗申命记9:5 m̀-he yîn-vi ngì-têu sîm-kôn hó, hàng-vì chṳn-chhṳ̍t, ngì-têu chang nèn ngi̍p-hi cham-liâng kì-têu ke thú-thi. Song-chú — ngì-têu ke Song-ti chiông kì-têu kiuk-chéu, he yîn-vi liá-têu ngìn sià-ok, yu yîn-vi Kì oi sṳ̍t-hàng Kì tui ngì-têu chú-siên — Â-pak-lâ-hón, Yî-sat, Ngâ-kok só yin-hí ke.

和合本2010版申命记9:6（出32:1-35 ）「你当知道，耶和华－你的上帝将这美地赐你为业，并不是因你的义；你本是硬着颈项的百姓。

现代客语汉字申命记9:6所以，你等爱知，上主—你等个上帝将这尽靓个土地赐给你等做产业，绝对毋係因为你等有么介功德，其实，你等係硬颈个子民。」拜金牛悖逆上主

现代客语全罗申命记9:6 Só-yî, ngì-têu oi tî, Song-chú — ngì-têu ke Song-ti chiông liá chhin-chiâng ke thú-thi su-pûn ngì-têu cho sán-ngia̍p, chhie̍t-tui m̀-he yîn-vi ngì-têu yû má-ke kûng-tet, khì-sṳ̍t, ngì-têu he ngang-kiáng ke chṳ́-mìn.” Pai Kîm-ngiù Phoi-ngia̍k Song-chú

和合本2010版申命记9:7你要记得，不要忘记，你在旷野怎样惹耶和华－你的上帝发怒。自从你出了埃及地的那日，直到你们来到这地方，你们常常悖逆耶和华。

现代客语汉字申命记9:7「毋好毋记得你等识在旷野惹上主—你等个上帝发谴。对你等离开埃及该日到这下，你等一直悖逆佢。

现代客语全罗申命记9:7 “M̀-hó m̀ ki-tet ngì-têu sṳt chhai khóng-yâ ngiâ Song-chú — ngì-têu ke Song-ti fat-khién. Tui ngì-têu lì-khôi Âi-khi̍p ke-ngit to liá-ha, ngì-têu yit-chhṳ̍t phoi-ngia̍k Kì.

和合本2010版申命记9:8你们在何烈山惹耶和华发怒，耶和华对你们动怒，甚至要除灭你们。

现代客语汉字申命记9:8甚至在何烈山，你等乜惹上主发谴，佢险险将你等消灭。

现代客语全罗申命记9:8 Sṳm-chṳ chhai Hò-lie̍t-sân, ngì-têu me ngiâ Song-chú fat-khién, Kì hiám-hiám chiông ngì-têu sêu-me̍t.

和合本2010版申命记9:9我上了山，要领受两块石版，就是耶和华与你们立约的版。那时我在山上住了四十昼夜，没有吃饭，也没有喝水。

现代客语汉字申命记9:9该时𠊎上山去接受两垤石版—该面顶写等上主㧯你等所立个约。𠊎在山顶停留四十日夜，无食，无啉。

现代客语全罗申命记9:9 Ke-sṳ̀ ngài sông-sân hi chiap-su lióng-te sa̍k-pán — ke mien-táng siá-tén Song-chú lâu ngì-têu só-li̍p ke yok. Ngài chhai sân-táng thìn-liù si-sṳ̍p ngit-ya, mò-sṳ̍t, mò-lîm.

和合本2010版申命记9:10耶和华把那两块石版交给我，是上帝用指头写成的；版上是耶和华在大会的那一天，在山上从火中对你们所说的一切话。

现代客语汉字申命记9:10后来，上主将这两垤石版交给𠊎。这两垤石版有上帝亲自用手指写个话，係你等聚集该日，佢在山顶个火焰中讲过个话。

现代客语全罗申命记9:10 Heu-lòi, Song-chú chiông liá lióng-te sa̍k-pán kâu-pûn ngài. Liá lióng-te sa̍k-pán yû Song-ti chhîn-chhṳ yung sú-chṳ́ siá ke fa, he ngì-têu chhi-si̍p ke-ngit, Kì chhai sân-táng ke fó-yam chûng kóng-ko ke fa.

和合本2010版申命记9:11过了四十昼夜，耶和华把那两块石版，就是约版，交给我。

现代客语汉字申命记9:11过四十日夜，上主将写等约个两垤石版交给𠊎。

现代客语全罗申命记9:11 Ko si-sṳ̍p ngit-ya, Song-chú chiông siá-tén yok ke lióng-te sa̍k-pán kâu-pûn ngài.

和合本2010版申命记9:12耶和华对我说：『起来，赶快从这裏下去！因为你从埃及领出来的百姓已经败坏了；他们这么快偏离了我所吩咐的道，为自己铸造偶像。』

现代客语汉字申命记9:12「接等，上主㧯𠊎讲：『你遽遽下山，因为你对埃及带出来个同胞已经败坏，做邪恶个事。佢等尽遽偏离𠊎命令佢等个道路，为自家铸造偶像！』

现代客语全罗申命记9:12 “Chiap-tén, Song-chú lâu ngài kóng: ‘Ngì kiak-kiak hâ-sân, yîn-vi ngì tui Âi-khi̍p tai chhut-lòi ke thùng-pâu yí-kîn phai-fái, cho sià-ok ke sṳ. Kì-têu chhin-kiak phiên-lì Ngài min-lin kì-têu ke tho-lu, vi chhṳ-kâ chu-chho ngiéu-siong!’

和合本2010版申命记9:13「耶和华对我说：『我看这百姓，看哪，他们是硬着颈项的百姓。

现代客语汉字申命记9:13「上主又㧯𠊎讲：『𠊎知这兜人民非常硬颈。

现代客语全罗申命记9:13 “Song-chú yu lâu ngài kóng: ‘Ngài tî liá-têu ngìn-mìn fî-sòng ngang-kiáng.

和合本2010版申命记9:14你且由着我，我要除灭他们，从天下涂去他们的名，我要使你成为比他们更大更强的国。』

现代客语汉字申命记9:14𠊎爱消灭佢等，完全除掉佢等个名；你毋好阻挡𠊎。𠊎爱俾你成做一个比佢等较强大个国家。』

现代客语全罗申命记9:14 Ngài oi sêu-me̍t kì-têu, vàn-chhiòn chhù-thet kì-têu ke miàng; ngì m̀-hó chú-tóng Ngài. Ngài oi pûn ngì sàng-cho yit-ke pí kì-têu kha khiòng-thai ke koet-kâ.’

和合本2010版申命记9:15于是我转身下山，山上有火燃烧，两块约版在我双手中。

现代客语汉字申命记9:15「然后𠊎转身，拿等写好约个两垤石版下山；山顶一直𤏸等火。

现代客语全罗申命记9:15 “Yèn-heu ngài chón-sṳ̂n, nâ-tén siá-hó yok ke lióng-te sa̍k-pán hâ-sân; sân-táng yit-chhṳ̍t chho̍k-tén fó.

和合本2010版申命记9:16我观看，看哪，你们得罪了耶和华－你们的上帝，为自己铸成了一头牛犊，迅速偏离了耶和华所吩咐你们的的道，

现代客语汉字申命记9:16𠊎看到你等已经得罪上主—你等个上帝，为自家铸造一只细牛仔个偶像，尽遽就偏离上主所吩咐你等个道路。

现代客语全罗申命记9:16 Ngài khon-tó ngì-têu yí-kîn tet-chhui Song-chú — ngì-têu ke Song-ti, vi chhṳ-kâ chu-chho yit-chak se-ngiù-è ke ngiéu-siong, chhin-kiak chhiu phiên-lì Song-chú só fûn-fu ngì-têu ke tho-lu.

和合本2010版申命记9:17我拿着那两块石版，从我双手中扔出去，在你们眼前把它们摔碎了。

现代客语汉字申命记9:17所以𠊎在你等面前将该两垤石版抨在地上，抨碎掉。

现代客语全罗申命记9:17 Só-yî ngài chhai ngì-têu mien-chhièn chiông ke lióng-te sa̍k-pán piâng chhai thi-song, piâng sui-thet.

和合本2010版申命记9:18因为你们所犯的一切罪，做了耶和华眼中看为恶的事，惹他发怒，我就像从前一样俯伏在耶和华面前四十昼夜，没有吃饭，没有喝水。

现代客语汉字申命记9:18𠊎又一摆伏在上主面前，四十日夜无食、无啉。这全部係因为你等行尽邪恶个事来得罪上主，惹佢发谴。

现代客语全罗申命记9:18 Ngài yu yit-pái phu̍k chhai Song-chú mien-chhièn, si-sṳ̍p ngit-ya mò-sṳ̍t, mò-lîm. Liá chhiòn-phu he yîn-vi ngì-têu hàng chhin sià-ok ke sṳ lòi tet-chhui Song-chú, ngiâ Kì fat-khién.

和合本2010版申命记9:19我很害怕，因为耶和华向你们大发烈怒，要除灭你们。但那一次耶和华又应允了我。

现代客语汉字申命记9:19上主大发谴，谴到爱消灭你等，𠊎非常着惊。总係上主又一摆听𠊎个祈祷。

现代客语全罗申命记9:19 Song-chú thai fat-khién, khién-to oi sêu-me̍t ngì-têu, ngài fî-sòng chho̍k-kiâng. Chúng-he Song-chú yu yit-pái thâng ngài ke khì-tó.

和合本2010版申命记9:20耶和华也向亚伦非常生气，甚至要除灭他；那时我也为亚伦祈祷。

现代客语汉字申命记9:20上主在大发谴中也当想爱㓾掉亚伦；当时𠊎也代亚伦祈祷。

现代客语全罗申命记9:20 Song-chú chhai thai fat-khién chûng ya tông sióng-oi chhṳ̀-thet Â-lùn; tông-sṳ̀ ngài ya thoi Â-lùn khì-tó.

和合本2010版申命记9:21我把那使你们犯罪所铸的牛犊拿来，用火焚烧，捣碎后再磨成粉末，好像灰尘。我把这灰尘撒在从山上流下来的溪水中。

现代客语汉字申命记9:21𠊎将你等所铸造该害你等犯罪个金牛㧹在火底背烧，又打到碎碎，磨到像尘灰恁幼，委在对山顶流下来个溪水肚。

现代客语全罗申命记9:21 Ngài chiông ngì-têu só chu-chho ke hoi ngì-têu fam-chhui ke kîm-ngiù te̍p chhai fó tî-poi sêu, yu tá-to sui-sui, nò-to chhiong chhṳ̀n-fôi án-yu, ve chhai tui sân-táng liù hâ-lòi ke hâi-súi tú.

和合本2010版申命记9:22「你们在他备拉、玛撒、基博罗:哈他瓦又惹耶和华发怒。

现代客语汉字申命记9:22「在他备拉、玛撒、基博罗‧哈他瓦个时，你等也惹上主发谴。

现代客语全罗申命记9:22 “Chhai Thâ-phi-lâ, Mâ-sat, Kî-pok-lò-Ha̍p-thâ-ngá ke sṳ̀, ngì-têu ya ngiâ Song-chú fat-khién.

和合本2010版申命记9:23耶和华叫你们离开加低斯‧巴尼亚，说：『你们上去得我所赐给你们的地。』那时，你们违背了耶和华－你们上帝的指示，不信服他，不听从他的话。

现代客语汉字申命记9:23上主喊你等离开加低斯‧巴尼亚，讲：『你等去佔领𠊎赐给你等个土地。』总係，你等悖逆上主—你等个上帝，毋信靠佢，毋听从佢。

现代客语全罗申命记9:23 Song-chú ham ngì-têu lì-khôi Kâ-tâi-sṳ̂-Pâ-nì-â, kóng: ‘Ngì-têu hi cham-liâng Ngài su-pûn ngì-têu ke thú-thi.’ Chúng-he, ngì-têu phoi-ngia̍k Song-chú — ngì-têu ke Song-ti, m̀ sin-kho Kì, m̀ thâng-chhiùng Kì.

和合本2010版申命记9:24自从我认识你们的日子以来，你们常常悖逆耶和华。([9.24]本节撒玛利亚五经和七十士译本是「自从主认识你们的日子以来，你们常常悖逆他。」)

现代客语汉字申命记9:24对𠊎认识你等以来，你等常常悖逆上主。

现代客语全罗申命记9:24 Tui ngài ngin-sṳt ngì-têu yî-lòi, ngì-têu sòng-sòng phoi-ngia̍k Song-chú.

和合本2010版申命记9:25「我因耶和华说要除灭你们，就在耶和华面前俯伏四十昼夜，像我以前俯伏一样。

现代客语汉字申命记9:25「𠊎伏在上主面前四十日夜，因为𠊎知佢决定爱消灭你等。

现代客语全罗申命记9:25 “Ngài phu̍k chhai Song-chú mien-chhièn si-sṳ̍p ngit-ya, yîn-vi ngài tî Kì kiet-thin oi sêu-me̍t ngì-têu.

和合本2010版申命记9:26我向耶和华祈祷，说：『主耶和华啊，求你不要灭绝你的百姓，你的产业。他们是你用大能救赎，用你强有力的手从埃及领出来的。

现代客语汉字申命记9:26𠊎祈祷讲：『至高个上主啊，求你毋好消灭你自家个子民。佢等係你用大能大力对埃及救出来个，佢等係你个产业。

现代客语全罗申命记9:26 Ngài khì-tó kóng: ‘Chṳ-kô ke Song-chú â, khiù Ngì m̀-hó sêu-me̍t Ngì chhṳ-kâ ke chṳ́-mìn. Kì-têu he Ngì yung thai-nèn thai-li̍t tui Âi-khi̍p kiu chhut-lòi ke, kì-têu he Ngì ke sán-ngia̍p.

和合本2010版申命记9:27求你记念你的僕人亚伯拉罕、以撒、雅各，不看这百姓的顽梗、邪恶、罪愆，

现代客语汉字申命记9:27求你纪念你个僕人—亚伯拉罕、以撒、雅各，莫看你子民个硬颈、邪恶、㧯罪过。

现代客语全罗申命记9:27 Khiù Ngì ki-ngiam Ngì ke phu̍k-ngìn — Â-pak-lâ-hón, Yî-sat, Ngâ-kok, mo̍k khon Ngì chṳ́-mìn ke ngang-kiáng, sià-ok, lâu chhui-ko.

和合本2010版申命记9:28免得你领我们出来的那地之人说：耶和华因为不能将这百姓领进他所应许之地，又因恨他们，所以领他们出去，要在旷野杀他们。

现代客语汉字申命记9:28若毋係恁样，埃及人会讲，你无法度带领佢等到你应许给佢等个土地。佢等会讲，你当恼你自家个子民，你带领佢等去旷野，係爱㓾掉佢等。

现代客语全罗申命记9:28 Na-m̀-he án-ngiòng, Âi-khi̍p-ngìn voi kóng, Ngì mò fap-thu tai-liâng kì-têu to Ngì yin-hí pûn kì-têu ke thú-thi. Kì-têu voi kóng, Ngì tông-nâu Ngì chhṳ-kâ ke chṳ́-mìn, Ngì tai-liâng kì-têu hi khóng-yâ, he-oi chhṳ̀-thet kì-têu.

和合本2010版申命记9:29其实他们是你的百姓，你的产业，是你用大能和伸出的膀臂领出来的。』」

现代客语汉字申命记9:29总係这人民係你个产业，係你拣选做自家子民个，係你用大能大力对埃及带领出来个。』」

现代客语全罗申命记9:29 Chúng-he liá ngìn-mìn he Ngì ke sán-ngia̍p, he Ngì kién-sién cho chhṳ-kâ chṳ́-mìn ke, he Ngì yung thai-nèn thai-li̍t tui Âi-khi̍p tai-liâng chhut-lòi ke.’ ”