希伯来书第6章客家话和合本对照

相关章：

快速到节：

书卷列表：

和合本2010版希伯来书6:1 所以，我们应当离开基督道理的基础，竭力进到成熟的地步；不必再立根基，就如懊悔致死的行为、信靠上帝、

现代客语汉字希伯来书6:1恁样，𠊎等应该将关係基督个初步道理放在后背，向较成熟个信仰来进前。𠊎等毋使再立根基，像係对腐败个行为悔改、信靠上帝、

现代客语全罗希伯来书6:1 Án-ngiòng, ngài-têu yin-kôi chiông koân-he Kî-tuk ke chhû-phu tho-lî piong chhai heu-poi, hiong kha sṳ̀n-su̍k ke sin-ngióng lòi chin-chhièn. Ngài-têu m̀-sṳ́ chai li̍p kîn-kî, chhiong-he tui fú-phai ke hàng-vì fí-kói, sin-kho Song-ti,

和合本2010版希伯来书6:2 各样洗礼、按手礼、死人复活，以及永远的审判等的教导。

现代客语汉字希伯来书6:2各样个洗礼、按手礼、死人复活、永远个审判等教训。

现代客语全罗希伯来书6:2 kok-yong ke sé-lî, on-sú-lî, sí-ngìn fu̍k-fa̍t, yún-yén ke sṳ́m-phan tén kau-hiun.

和合本2010版希伯来书6:3 上帝若准许，我们就这样做。

现代客语汉字希伯来书6:3𠊎等爱向前行！上帝若准，𠊎等一定爱恁样做。

现代客语全罗希伯来书6:3 Ngài-têu oi hiong-chhièn hàng! Song-ti na chún, ngài-têu yit-thin oi án-ngiòng cho.

和合本2010版希伯来书6:4论到那些已经蒙了光照、尝过天恩的滋味、又于圣灵有份、并尝过上帝的话的美味，和来世权能的人，若再离弃真道，就不可能使他们重新懊悔了；因为他们亲自把上帝的儿子重钉十字架，公然羞辱他。

现代客语汉字希伯来书6:4论到该兜离开正道个人，爱样般使佢等重新悔改呢？佢等识得到上帝个光照，尝过属天恩赐个滋味，又㧯圣灵有份，

现代客语全罗希伯来书6:4 Lun-tó ke-têu lì-khôi chṳn-tho ke ngìn, oi ngióng-pân sṳ́ kì-têu chhùng-sîn fí-kói nè? Kì-têu sṳt tet-tó Song-ti ke kông-cheu, sòng-ko su̍k-thiên ên-su ke chṳ̂-mi, yu lâu Sṳn-Lìn yû-fun,

和合本2010版希伯来书6:5【併于上节】

现代客语汉字希伯来书6:5也识体验到上帝个话係何等个美好，又感受到末世个大能。

现代客语全罗希伯来书6:5 ya sṳt thí-ngiam-tó Song-ti ke fa he hò-tén ke mî-hó, yu kám-su-tó ma̍t-sṳ ke thai-nèn.

和合本2010版希伯来书6:6【併于上节】

现代客语汉字希伯来书6:6你知无，后来佢等还係悖逆正道！这种个人无可能喊佢等回头，重新悔改；因为佢等亲手将上帝个孻仔再钉十字架，公然侮辱佢。

现代客语全罗希伯来书6:6 Ngì tî mò, heu-lòi kì-têu hàn-he phoi-ngia̍k chṳn-tho! Liá-chúng ke ngìn mò khó-nèn ham kì-têu fì-thèu, chhùng-sîn fí-kói; yîn-vi kì-têu chhîn-sú chiông Song-ti ke Lai-é chai tâng sṳ̍p-sṳ-ka, kûng-yèn vú-yu̍k kì.

和合本2010版希伯来书6:7 就如一块田地吸收过屡次下的雨水，生长蔬菜，合乎耕种的人用，就从上帝得福。

现代客语汉字希伯来书6:7田地常常吸收雨水，生出青菜，俾耕种个人得到利益，就承受上帝个赐福。

现代客语全罗希伯来书6:7 Thièn-thi sòng-sòng khi̍p-sû yí-súi, sâng-chhut chhiâng-chhoi, pûn kâng-chung ke ngìn tet-tó li-yit, chhiu sṳ̀n-su Song-ti ke su-fuk.

和合本2010版希伯来书6:8 这块田地若长荆棘和蒺藜，必被废弃，近于诅咒，结局就是焚烧。

现代客语汉字希伯来书6:8总係，这田地若生出竻仔㧯蒺藜，还有么介用呢？它就有受咒诅个危险，最尾被火烧掉。

现代客语全罗希伯来书6:8 Chúng-he, liá thièn-thi na sâng-chhut net-è lâu chhi̍t-lì, hàn-yû má-ke yung nè? Kì chhiu yû su chu-chú ke ngùi-hiám, chui-mî pûn fó sêu-thet.

和合本2010版希伯来书6:9 亲爱的，虽然这样说，我们仍深信你们有更好的情况，更接近救恩。

现代客语汉字希伯来书6:9亲爱个朋友啊，虽然𠊎等恁样讲，总係𠊎等还係相信你等有较好个行为，接近得救。

现代客语全罗希伯来书6:9 Chhîn-oi ke phèn-yû â, sûi-yèn ngài-têu án-ngiòng kóng, chúng-he ngài-têu hàn-he siông-sin ngì-têu yû kha-hó ke hàng-vì, chiap-khiun tet-kiu.

和合本2010版希伯来书6:10 因为上帝并非不公义，竟忘记你们的工作和你们为他的名所显的爱心，就是你们过去和现在伺候圣徒的爱心。

现代客语汉字希伯来书6:10上帝毋会恁无公当；佢毋会毋记得你等所做个工作㧯为到佢个名所表现个爱心，就係一直帮助其他个圣徒。

现代客语全罗希伯来书6:10 Song-ti m̀-voi án mò kûng-tong; Kì m̀-voi m̀ ki-tet ngì-têu só-cho ke kûng-chok lâu vi-tó Kì ke miàng só péu-hien ke oi-sîm, chhiu-he yit-chhṳ̍t pông-chhu khì-thâ ke sṳn-thù.

和合本2010版希伯来书6:11 我们盼望你们各人都显出同样的热忱，一直到底，好达成所确信的指望。

现代客语汉字希伯来书6:11𠊎等最大个心愿就係：你等每一个人会热心到底，使你等所盼望个一切得到实现。

现代客语全罗希伯来书6:11 Ngài-têu chui-thai ke sîm-ngien chhiu-he: Ngì-têu mî-yit-ke ngìn voi ngie̍t-sîm to-tái, pûn ngì-têu só phan-mong ke yit-chhiet tet-tó sṳ̍t-hien.

和合本2010版希伯来书6:12 这样你们才不会懒惰，却成为效法那些藉着信和忍耐承受应许的人。 上帝确切的应许

现代客语汉字希伯来书6:12毋好懒尸，爱学该兜用信心㧯耐心来领受上帝应许个人。上帝个应许係真实个

现代客语全罗希伯来书6:12 M̀-hó lân-sṳ̂, oi ho̍k ke-têu yung sin-sîm lâu nai-sîm lòi liâng-su Song-ti yin-hí ke ngìn. Song-ti ke Yin-hí he Chṳ̂n-sṳ̍t ke

和合本2010版希伯来书6:13 当初上帝应许亚伯拉罕的时候，因为没有比自己更大的可以指着起誓，就指着自己起誓，

现代客语汉字希伯来书6:13上帝应许亚伯拉罕个时，佢有发过誓。因为无比佢较大个，佢就指自家个名来发誓。

现代客语全罗希伯来书6:13 Song-ti yin-hí Â-pak-lâ-hón ke sṳ̀, Kì yû fat-ko sṳ. Yîn-vi mò pí Kì kha thai ke, Kì chhiu chṳ́ chhṳ-kâ ke miàng lòi fat-sṳ.

和合本2010版希伯来书6:14 说：「我必多多赐福给你；我必使你大大增多。」

现代客语汉字希伯来书6:14佢讲：「𠊎一定爱大大赐福给你；𠊎一定爱使你多子多孙。」

现代客语全罗希伯来书6:14 Kì kóng: “Ngài yit-thin oi thai-thai su-fuk pûn ngì; Ngài yit-thin oi pûn ngì tô-chṳ́ tô-sûn.”

和合本2010版希伯来书6:15 这样，亚伯拉罕因恆心等待而得了所应许的。

现代客语汉字希伯来书6:15亚伯拉罕耐心等候，到尾就得到上帝所应许个。

现代客语全罗希伯来书6:15 Â-pak-lâ-hón nai-sîm tén-heu, to mî chhiu tet-tó Song-ti só yin-hí ke.

和合本2010版希伯来书6:16 人都是指着比自己大的起誓，并且以起誓作保证，了结各样的争论。

现代客语汉字希伯来书6:16人发誓个时节，佢係指等比自家较大个来发誓；所以发誓成做一种个担保，结束人㧯人中间个一切纷争。

现代客语全罗希伯来书6:16 Ngìn fat-sṳ ke sṳ̀-chiet, kì he chṳ́-tén pí chhṳ-kâ kha thai ke lòi fat-sṳ; só-yî fat-sṳ sàng-cho yit-chúng ke tâm-pó, kiet-suk ngìn lâu ngìn chûng-kiên ke yit-chhiet fûn-chên.

和合本2010版希伯来书6:17 照样，上帝愿意为那承受应许的人更有力地显明他的旨意不可更改，他以起誓作保证。

现代客语汉字希伯来书6:17上帝为到爱对该兜承接佢应许个人，强调佢个计划永远毋会改变，就在应许顶高加上发誓。

现代客语全罗希伯来书6:17 Song-ti vi-tó oi tui ke-têu sṳ̀n-chiap Kì yin-hí ke ngìn, khiòng-thiau Kì ke kie-va̍k yún-yén m̀-voi kói-pien, chhiu chhai yin-hí táng-kô kâ-song fat-sṳ.

和合本2010版希伯来书6:18 藉这两件不可更改的事－在这些事上，上帝绝不会说谎－我们这些逃往避难所的人能得到强有力的鼓励，去抓住那摆在我们前头的指望。

现代客语汉字希伯来书6:18上帝个应许㧯发誓拢总係毋会改变个，因为上帝毋会讲花撩。所以，𠊎这兜拚等入到上帝保护之下个人得到当大个鼓励，爱揪住放在𠊎等头前个盼望。

现代客语全罗希伯来书6:18 Song-ti ke yin-hí lâu fat-sṳ lûng-chúng he m̀-voi kói-pien ke, yîn-vi Song-ti m̀-voi kóng fâ-liâu. Só-yî, ngài liá-têu piang-tén ngi̍p-to Song-ti pó-fu chṳ̂-ha ke ngìn tet-tó tông-thai ke kú-li, oi khiú-he̍t piong chhai ngài-têu thèu-chhièn ke phan-mong.

和合本2010版希伯来书6:19 我们有这指望，如同灵魂的锚，又坚固又牢靠，进入幔子后面的至圣所。

现代客语汉字希伯来书6:19𠊎等有这盼望，就像生命个锚，又安全又稳当。这盼望通过天顶圣殿个布帘，入到底背个圣所。

现代客语全罗希伯来书6:19 Ngài-têu yû liá phan-mong, chhiu-chhiong sâng-miang ke màu, yu ôn-chhiòn yu vún-tong. Liá phan-mong thûng-ko thiên-táng sṳn-thien ke pu-liàm, ngi̍p-to tî-poi ke sṳn-só.

和合本2010版希伯来书6:20 为我们作先锋的耶稣，既照着麦基洗德的体系成了永远的大祭司，已经进入了。

现代客语汉字希伯来书6:20为到𠊎等，耶稣做先锋，已经去该位；佢已经照麦基洗德个体制成做永远个大祭司。

现代客语全罗希伯来书6:20 Vi-tó ngài-têu, Yâ-sû cho siên-fûng, yí-kîn hi ke-vi; kì yí-kîn cheu Ma̍k-kî-sé-tet ke thí-chṳ sàng-cho yún-yén ke thai-chi-sṳ̂.