哥林多后书第11章客家话和合本对照

相关章：

快速到节：

书卷列表：

和合本2010版哥林多后书11:1保罗和假使徒但愿你们容忍我小小的愚蠢；请你们务必容忍我。

现代客语汉字哥林多后书11:1保罗㧯假使徒𠊎希望你等会忍𠊎小可个戆直；事实上，你等已经恁样做。

现代客语全罗哥林多后书11:1Pó-lò lâu Ká Sṳ́-thù Ngài hî-mong ngì-têu voi ngiûn ngài séu-khó ke ngong-chhṳ̍t; sṳ-sṳ̍t-song, ngì-têu yí-kîn án-ngiòng cho.

和合本2010版哥林多后书11:2我以上帝嫉妒的爱来爱你们，因为我曾把你们许配给一个丈夫，要把你们如同贞洁的童女献给基督。

现代客语汉字哥林多后书11:2𠊎惜你等到嫉妒个程度，像上帝惜你等一样；因为你等像贞节个童贞女，𠊎将你等过定给一个老公，就係基督。

现代客语全罗哥林多后书11:2 Ngài siak ngì-têu to chhit-tu ke chhàng-thu, chhiong Song-ti siak ngì-têu yit-yong; yîn-vi ngì-têu chhiong chṳ̂n-chiet ke thùng-chṳ̂n-ńg, ngài chiông ngì-têu ko-thin pûn yit-ke ló-kûng, chhiu-he Kî-tuk.

和合本2010版哥林多后书11:3我只怕你们的心偏邪了，失去那向基督所献诚恳贞洁([11.3]有古卷没有「贞洁」。)的心，就像蛇用诡诈诱惑了夏娃一样。

现代客语汉字哥林多后书11:3𠊎尽惊你等个心受到败坏，向基督纯洁专一个爱心变质掉去；像夏娃被蛇用诡计诱惑去一样。

现代客语全罗哥林多后书11:3 Ngài chhin-kiâng ngì-têu ke sîm su-tó phai-fai, hiong Kî-tuk sùn-kiet chôn-yit ke oi-sîm pien-chṳt thet-hi; chhiong Ha-vâ pûn sà yung kúi-kie yú-fe̍t hi yit-yong.

和合本2010版哥林多后书11:4假如有人来，传另一个耶稣，不是我们所传过的；或者你们另受一个灵，不是你们所受过的圣灵；或者接纳另一个福音，不是你们所接纳过的；你们居然容忍了！

现代客语汉字哥林多后书11:4因为，无论么人去到，就算佢所传个耶稣同𠊎等所传个毋係共侪；或者你等领受到个灵毋係你等头摆所领受个；或者你等接受到个福音同你等头摆所接受个无共样，你等竟然恁忍耐！

现代客语全罗哥林多后书11:4 Yîn-vi, mò-lun má-ngìn hi-to, chhiu-son kì só-chhòn ke Yâ-sû thùng ngài-têu só-chhòn ke m̀-he khiung-sà; fe̍t-chá ngì-têu liâng-su-tó ke lìn m̀-he ngì-têu thèu-pái só liâng-su ke; fe̍t-chá ngì-têu chiap-su-tó ke fuk-yîm thùng ngì-têu thèu-pái só chiap-su ke mò khiung-yong, ngì-têu kin-yèn án ngiûn-nai!

和合本2010版哥林多后书11:5但我想，我一点也不在那些超级使徒以下。

现代客语汉字哥林多后书11:5𠊎毋相信𠊎有㖠一点比毋上该兜所谓个「超级使徒」！

现代客语全罗哥林多后书11:5 Ngài m̀ siông-sin ngài yû nai-yit-tiám pí-m̀-sông ke-têu só-vi ke “chhêu-khi̍p sṳ́-thù”!

和合本2010版哥林多后书11:6虽然我不擅长说话，我的知识却不如此。这点我们已经在每一方面各样事上向你们表明了。

现代客语汉字哥林多后书11:6𠊎可能讲话较毋晓得，总係𠊎个智识毋会比别人较差；𠊎对你等所做个各样事情，已经证明这係事实个。

现代客语全罗哥林多后书11:6 Ngài khó-nèn kóng-fa kha m̀ hiáu-tet, chúng-he ngài ke chṳ-sṳt m̀-voi pí phe̍t-ngìn kha chhâ; ngài tui ngì-têu só-cho ke kok-yong sṳ-chhìn, yí-kîn chṳn-mìn liá he sṳ-sṳ̍t ke.

和合本2010版哥林多后书11:7我贬低自己，为了使你们高升，因为我白白地传上帝的福音给你们，难道这算是我犯了错吗？

现代客语汉字哥林多后书11:7𠊎传上帝个福音给你等，毋识对你等讨过么介；𠊎恁样谦卑自家来提高你等，敢讲这係𠊎个过失吗？

现代客语全罗哥林多后书11:7 Ngài chhòn Song-ti ke fuk-yîm pûn ngì-têu, m̀-sṳt tui ngì-têu thó-ko má-ke; ngài án-ngiòng khiâm-pî chhṳ-kâ lòi thì-kô ngì-têu, kám-kóng liá he ngài ke ko-sṳt mâ?

和合本2010版哥林多后书11:8我剥夺了别的教会，向他们取了报酬来效劳你们。

现代客语汉字哥林多后书11:8在你等中间工作个时节，係别个教会供给𠊎；𠊎像係偷佢等个工钱来服事你等一样。

现代客语全罗哥林多后书11:8 Chhai ngì-têu chûng-kiên kûng-chok ke sṳ̀-chiet, he phe̍t ke kau-fi kiûng-kip ngài; ngài chhiong-he thêu kì-têu ke kûng-chhièn lòi fu̍k-sṳ ngì-têu yit-yong.

和合本2010版哥林多后书11:9我在你们那裏有缺乏的时候，并没有连累你们一个人，因为我所缺乏的，那些从马其顿来的弟兄都补足了。我向来凡事谨慎，将来也必谨慎，总不要连累你们。

现代客语汉字哥林多后书11:9同你等共下个时，无论有么介需要，𠊎从来毋识求你等个帮助。𠊎所需要个一切，全部係对马其顿来个众兄弟供给𠊎。以前係恁样，将来也共样；𠊎绝对毋会成做你等个重担！

现代客语全罗哥林多后书11:9 Thùng ngì-têu khiung-ha ke sṳ̀, mò-lun yû má-ke sî-yeu, ngài chhiùng-lòi m̀-sṳt khiù ngì-têu ke pông-chhu. Ngài só sî-yeu ke yit-chhiet, chhiòn-phu he tui Mâ-khì-tun lòi ke chung hiûng-thi kiûng-kip ngài. Yî-chhièn he án-ngiòng, chiông-lòi ya khiung-yong; ngài chhie̍t-tui m̀-voi sàng-cho ngì-têu ke chhûng-tâm!

和合本2010版哥林多后书11:10既有基督的真诚在我裏面，在亚该亚一带地方就没有人能阻止我这样自夸。

现代客语汉字哥林多后书11:10𠊎敢指等在𠊎心中基督个真理来讲，在亚该亚地区，𠊎定着会一直恁样夸口。

现代客语全罗哥林多后书11:10 Ngài kám chṳ́-tén chhai ngài sîm-chûng Kî-tuk ke chṳ̂n-lî lòi kóng, chhai Â-kâi-â thi-khî, ngài thin-chho̍k voi yit-chhṳ̍t án-ngiòng khoâ-khiéu.

和合本2010版哥林多后书11:11为甚么呢？是因我不爱你们吗？上帝知道，我爱你们！

现代客语汉字哥林多后书11:11𠊎做么介恁样讲呢？敢係𠊎毋惜你等吗？上帝知，𠊎尽惜你等！

现代客语全罗哥林多后书11:11 Ngài cho-má-ke án-ngiòng kóng nè? Kám he ngài m̀ siak ngì-têu mâ? Song-ti tî, ngài chhin siak ngì-têu!

和合本2010版哥林多后书11:12我现在所做的，将来还要做，为要断绝那些寻机会之人的机会，不让他们在所夸耀的事上被人认为与我们一样。

现代客语汉字哥林多后书11:12𠊎这下所做个，还爱继续做下去，来切断该兜所谓「使徒」个机会，俾佢等无机会好再夸口，讲佢等个工作同𠊎等个完全共样。

现代客语全罗哥林多后书11:12 Ngài liá-ha só-cho ke, hàn-oi ki-siu̍k cho-hâ-hi, lòi chhiet-thôn ke-têu só-vi “sṳ́-thù” ke kî-fi, pûn kì-têu mò kî-fi hó chai khoâ-khiéu, kóng kì-têu ke kûng-chok thùng ngài-têu ke vàn-chhiòn khiung-yong.

和合本2010版哥林多后书11:13那样的人是假使徒，行事诡诈，装作基督的使徒。

现代客语汉字哥林多后书11:13该班人係假使徒；佢等诈意工作，化装做基督个使徒。

现代客语全罗哥林多后书11:13 Ke-pân ngìn he ká sṳ́-thù; kì-têu cha-yi kûng-chok, fa-chông cho Kî-tuk ke sṳ́-thù.

和合本2010版哥林多后书11:14这也不足为奇，因为连撒但也装作光明的天使。

现代客语汉字哥林多后书11:14其实，这也无么介好奇怪，连撒但自家乜会化装做光明个天使！

现代客语全罗哥林多后书11:14 Khì-sṳ̍t, liá ya mò má-ke hó khì-koai, lièn Sat-tan chhṳ-kâ me voi fa-chông cho kông-mìn ke thiên-sṳ́!

和合本2010版哥林多后书11:15所以，他的差役若装作公义的差役也没有甚么大不了。他们的结局必然跟他们的行为相符。保罗所受的患难

现代客语汉字哥林多后书11:15所以，若係撒但个部下化装做仁义个僕人，这也毋係么介大新闻。佢等个结局一定会照佢等所做个。保罗所堵到个苦难

现代客语全罗哥林多后书11:15 Só-yî, na-he Sat-tan ke phu-ha fa-chông cho yìn-ngi ke phu̍k-ngìn, liá ya m̀-he má-ke thai sîn-vùn. Kì-têu ke kiet-khiu̍k yit-thin voi cheu kì-têu só-cho ke. Pó-lò só Tù-tó ke Khú-nan

和合本2010版哥林多后书11:16我再说，谁都不可把我看作愚蠢的；即使你们把我当作愚蠢人，那么，也让我稍微夸夸口吧。

现代客语汉字哥林多后书11:16𠊎再讲：无人应该看𠊎做戆仔；总係，你等若爱看𠊎做戆仔，就爱对待𠊎像对待戆仔一样，来俾𠊎有多少仔好夸口！

现代客语全罗哥林多后书11:16 Ngài chai kóng: Mò ngìn yin-kôi khon ngài cho ngong-é; chúng-he, ngì-têu na oi khon ngài cho ngong-é, chhiu oi tui-thai ngài chhiong tui-thai ngong-é yit-yong, lòi pûn ngài yû tô-séu-è hó khoâ-khiéu!

和合本2010版哥林多后书11:17我说的话不是奉主的权柄说的，而是像愚蠢人具有自信地放胆夸口。

现代客语汉字哥林多后书11:17𠊎这下爱讲个，毋係主喊𠊎讲个；係像戆仔恁样，自信满满讲大话。

现代客语全罗哥林多后书11:17 Ngài liá-ha oi kóng ke, m̀-he Chú ham ngài kóng ke; he chhiong ngong-é án-ngiòng, chhṳ-sin mân-mân kóng thai-fa.

和合本2010版哥林多后书11:18既然有好些人凭着血气在夸口，我也要夸口了。

现代客语汉字哥林多后书11:18既然有恁多人拿属世界个事情来夸口，𠊎乜爱夸口一下。

现代客语全罗哥林多后书11:18 Ki-yèn yû án-tô ngìn nâ su̍k sṳ-kie ke sṳ-chhìn lòi khoâ-khiéu, ngài me oi khoâ-khiéu yit-ha.

和合本2010版哥林多后书11:19你们是聪明人，竟能甘心容忍愚蠢人！

现代客语汉字哥林多后书11:19你等恁聪明，还欢喜忍受该兜戆仔！

现代客语全罗哥林多后书11:19 Ngì-têu án chhûng-mìn, hàn fôn-hí ngiûn-su ke-têu ngong-é!

和合本2010版哥林多后书11:20假若有人奴役你们，或侵吞你们，或压榨你们，或侮辱你们，或打你们的脸，你们居然都能容忍。

现代客语汉字哥林多后书11:20有人压制你等做奴隶，剥削你等，陷害你等，看毋起你等，抑係打你等个嘴角，你等还吞声忍气！

现代客语全罗哥林多后书11:20 Yû-ngìn ap-chṳ ngì-têu cho nù-li, pok-siok ngì-têu, ham-hoi ngì-têu, khon-m̀-hí ngì-têu, ya-he tá ngì-têu ke choi-kok, ngì-têu hàn thûn-sâng ngiûn-hi!

和合本2010版哥林多后书11:21说来惭愧，在这方面好像我们是太软弱了。然而，我说句蠢话，人在甚么事上敢夸口，我也敢夸口。

现代客语汉字哥林多后书11:21𠊎尽见笑讲，这种事情𠊎等就做毋到啰！总係，若有人敢夸口么介，𠊎戆直对你等讲：𠊎乜敢！

现代客语全罗哥林多后书11:21 Ngài chhin kien-seu kóng, liá-chúng sṳ-chhìn ngài-têu chhiu cho m̀-tó lô!Chúng-he, na yû-ngìn kám khoâ-khiéu má-ke, ngài ngong-chhṳ̍t tui ngì-têu kóng: Ngài me kám!

和合本2010版哥林多后书11:22他们是希伯来人吗？我也是。他们是以色列人吗？我也是。他们是亚伯拉罕的后裔吗？我也是。

现代客语汉字哥林多后书11:22佢等係希伯来人吗？𠊎乜係。佢等係以色列人吗？𠊎乜係。佢等係亚伯拉罕个子孙吗？𠊎乜係。

现代客语全罗哥林多后书11:22 Kì-têu he Hî-pak-lòi-ngìn mâ? Ngài me he. Kì-têu he Yî-set-lie̍t-ngìn mâ? Ngài me he. Kì-têu he Â-pak-lâ-hón ke chṳ́-sûn mâ? Ngài me he.

和合本2010版哥林多后书11:23他们是基督的用人吗？我说句狂话，我更是。我比他们忍受更多劳苦，坐过更多次监牢，受过无数次的鞭打，常常冒死。

现代客语汉字哥林多后书11:23佢等係基督个僕人吗？讲一句狂话，𠊎还较係！𠊎还较辛苦工作，坐监还较多摆，还较常被人鞭打，冒还较多死个危险。

现代客语全罗哥林多后书11:23 Kì-têu he Kî-tuk ke phu̍k-ngìn mâ? Kóng yit-ki khòng-fa, ngài hàn-kha he! Ngài hàn-kha sîn-khú kûng-chok, chhô-kâm hàn-kha tô pái, hàn-kha sòng pûn-ngìn piên-tá, mo hàn-kha tô sí ke ngùi-hiám.

和合本2010版哥林多后书11:24我被犹太人鞭打五次，每次四十减去一下；

现代客语汉字哥林多后书11:24𠊎识被犹太人鞭打五摆，逐摆打三十九下；

现代客语全罗哥林多后书11:24 Ngài sṳt pûn Yù-thai-ngìn piên-tá ńg-pái, tak-pái tá sâm-sṳ̍p-kiú ha;

和合本2010版哥林多后书11:25被棍打了三次，被石头打了一次，遭海难三次，一昼一夜在深海裏挣扎。

现代客语汉字哥林多后书11:25被罗马人用棍仔打过三摆，被人用石头㧹一摆，堵到三摆海难，有一摆在深海一日一夜险消掉。

现代客语全罗哥林多后书11:25 pûn Lò-mâ-ngìn yung kun-é tá-ko sâm-pái, pûn-ngìn yung sa̍k-thèu te̍p yit-pái, tù-tó sâm-pái hói-nan, yû yit-pái chhai chhṳ̂m-hói yit-ngit yit-ya hiám siâu-thet.

和合本2010版哥林多后书11:26我又屡次行远路，遭江河的危险，盗贼的危险，同族人的危险，外族人的危险，城裏的危险，旷野的危险，海中的危险，假弟兄的危险。

现代客语汉字哥林多后书11:26在恁多摆旅行中，𠊎经历过江河个危险，强盗个危险，对犹太人㧯外邦人来个危险，城市肚个危险，旷野个危险，大海个危险，㧯假兄弟姊妹个危险。

现代客语全罗哥林多后书11:26 Chhai án-tô pái lî-hàng chûng, ngài kîn-li̍t-ko kông-hò ke ngùi-hiám, khiòng-tho ke ngùi-hiám, tui Yù-thai-ngìn lâu Ngoi-pâng-ngìn lòi ke ngùi-hiám, sàng-sṳ-tú ke ngùi-hiám, khóng-yâ ke ngùi-hiám, thai-hói ke ngùi-hiám, lâu ká hiûng-thi chí-moi ke ngùi-hiám.

和合本2010版哥林多后书11:27我劳碌困苦，常常失眠，又饥又渴，忍饥耐寒，赤身露体。

现代客语汉字哥林多后书11:27𠊎个工作劳碌又艰苦，常常睡毋得，又饥又渴，无好食，无好住，无好着。

现代客语全罗哥林多后书11:27 Ngài ke kûng-chok lò-luk yu kân-khú, sòng-sòng soi-m̀-tet, yu kî yu hot, mò hó sṳ̍t, mò hó he̍t, mò hó chok.

和合本2010版哥林多后书11:28除了这些外表的事以外，我还有为众教会操心的事天天压在我身上。

现代客语汉字哥林多后书11:28毋单净恁样，𠊎还爱为各教会个事挂虑，像重担一样逐日碛等𠊎。

现代客语全罗哥林多后书11:28 M̀ tân-chhiang án-ngiòng, ngài hàn oi vi kok kau-fi ke sṳ koa-li, chhiong chhûng-tâm yit-yong tak-ngit chak-tén ngài.

和合本2010版哥林多后书11:29有谁软弱，我不软弱呢？有谁跌倒，我不焦急呢？

现代客语汉字哥林多后书11:29有么人软弱，𠊎毋会感觉软弱呢？有么人跌倒犯罪，𠊎毋会急到𤏸火呢？

现代客语全罗哥林多后书11:29 Yû má-ngìn ngiôn-ngio̍k, ngài m̀-voi kám-kok ngiôn-ngio̍k nè? Yû má-ngìn tiet-tó fam-chhui, ngài m̀-voi kip to chho̍k-fó nè?

和合本2010版哥林多后书11:30我若必须夸口，就夸我软弱的事好了。

现代客语汉字哥林多后书11:30若係无夸口做毋得，𠊎就爱夸口该兜显明𠊎自家软弱个事情。

现代客语全罗哥林多后书11:30 Na-he mò khoâ-khiéu cho-m̀-tet, ngài chhiu oi khoâ-khiéu ke-têu hién-mìn ngài chhṳ-kâ ngiôn-ngio̍k ke sṳ-chhìn.

和合本2010版哥林多后书11:31那永远可称颂之主耶稣的父上帝知道我不说谎。

现代客语汉字哥林多后书11:31应该永远受称颂个、𠊎等主耶稣个阿爸上帝，佢知𠊎无讲花撩。

现代客语全罗哥林多后书11:31 Yin-kôi yún-yén su chhṳ̂n-siung ke, ngài-têu Chú Yâ-sû ke Â-pâ Song-ti, Kì tî ngài mò kóng fâ-liâu.

和合本2010版哥林多后书11:32在大马士革的亚哩达王手下的提督把守大马士革城，要捉拿我，

现代客语汉字哥林多后书11:32𠊎在大马士革个时，亚哩达王手下个总督派警卫掌等城门，想爱捉𠊎。

现代客语全罗哥林多后书11:32 Ngài chhai Thai-mâ-sṳ-kiet ke sṳ̀, Â-lî-tha̍t-vòng sú-ha ke chúng-tuk phai kín-ví chóng-tén sàng-mùn, sióng-oi chok ngài.

和合本2010版哥林多后书11:33我被人用筐子从城墙上的窗口缒下，逃脱了他的手。

现代客语汉字哥林多后书11:33总係，有人用大篮仔将𠊎对城墙顶个窗门缒下来，使𠊎脱离佢个手。

现代客语全罗哥林多后书11:33 Chúng-he, yû-ngìn yung thai làm-è chiông ngài tui sàng-chhiòng-táng ke chhûng-mùn chhui-hâ-lòi, pûn ngài thot-lì kì ke sú.