马太福音第11章客家话和合本对照

相关章：

快速到节：

书卷列表：

和合本2010版马太福音11:1 耶稣吩咐完了十二个门徒，就离开那裏，往各城去传道，教导人。 施洗约翰的门徒来见耶稣

现代客语汉字马太福音11:1施洗约翰派学生来见耶稣( 路加7:18-35 )耶稣指示十二学生个话讲了后，就离开该地方，继续去附近个各乡镇教训人并传福音。

现代客语全罗马太福音11:1Sṳ̂-sé Yok-hon Phai Ho̍k-sâng Lòi Kien Yâ-sû( Lu-kâ 7:18-35 ) Yâ-sû chṳ́-sṳ sṳ̍p-ngi ho̍k-sâng ke fa kóng-liáu heu, chhiu lì-khôi ke thi-fông, ki-siu̍k hi fu-khiun ke kok hiông-chṳ́n kau-hiun ngìn pin chhòn fuk-yîm.

和合本2010版马太福音11:2（路 7:18-35 ）约翰在监狱裏听见基督所做的事，就派他的门徒去，

现代客语汉字马太福音11:2施洗约翰在监狱听到关係基督个工作，就派厥学生去见耶稣，

现代客语全罗马太福音11:2 Sṳ̂-sé Yok-hon chhai kâm-ngiu̍k thâng-tó koân-he Kî-tuk ke kûng-chok, chhiu phai kiâ ho̍k-sâng hi kien Yâ-sû,

和合本2010版马太福音11:3 问耶稣：「将要来的那位就是你吗？还是我们要等候另一位呢？」

现代客语汉字马太福音11:3问佢讲：「你就係约翰所讲，该无几久爱来个，抑係𠊎等还爱等别人啊？」

现代客语全罗马太福音11:3 mun kì kóng: “Ngì chhiu-he Yok-hon só-kóng, ke mò kí-kiú oi lòi ke, ya-he ngài-têu hàn oi tén phe̍t-ngìn â?”

和合本2010版马太福音11:4 耶稣回答他们：「你们去，把所听见、所看见的告诉约翰：

现代客语汉字马太福音11:4耶稣应讲：「你等转去，将你等所听到、所看到个，报告约翰，

现代客语全罗马太福音11:4 Yâ-sû en-kóng: “Ngì-têu chón-hi, chiông ngì-têu só thâng-tó, só khon-tó ke, po-ko Yok-hon,

和合本2010版马太福音11:5 就是盲人看见，瘸子行走，痲疯病人得洁净，聋子听见，死人复活，穷人听到福音。

现代客语汉字马太福音11:5就係：瞙目个看到，跛脚个行路，发癞𰣻个得到净浰，耳聋个听到，死人返生，穷苦人听到福音。

现代客语全罗马太福音11:5 chhiu-he: Mô-muk-ke khon-tó, pài-kiok-ke hàng-lu, pot thái-kô ke tet-tó chhiang-li, ngí-lûng-ke thâng-tó, sí-ngìn fán-sâng, khiùng-khú-ngìn thâng-tó fuk-yîm.

和合本2010版马太福音11:6 凡不因我跌倒的有福了！」

现代客语汉字马太福音11:6无疑狐𠊎个人就有福气！」

现代客语全罗马太福音11:6 Mò ngì-fù ngài ke ngìn chhiu yû fuk-hi!”

和合本2010版马太福音11:7 他们一走，耶稣就对众人谈到约翰，说：「你们从前到旷野去，是要看甚么呢？看风吹动的芦苇吗？

现代客语汉字马太福音11:7约翰个学生离开后，耶稣对众人讲起约翰，佢讲：「你等头摆去旷野寻约翰个时，想爱看么介？看被风吹挺动个芦竹係么？

现代客语全罗马太福音11:7 Yok-hon ke ho̍k-sâng lì-khôi heu, Yâ-sû tui chung-ngìn kóng-hí Yok-hon, kì kóng: “Ngì-têu thèu-pái hi khóng-yâ chhìm Yok-hon ke sṳ̀, sióng-oi khon má-ke? Khon pûn-fûng chhôi thîn-thûng ke lù-chuk he-mò?

和合本2010版马太福音11:8 你们出去到底是要看甚么？看穿细软衣服的人吗？那穿细软衣服的人是在王宫裏。

现代客语汉字马太福音11:8你等到底出去做么介哪？去看着靓衫个人係么？总係，着靓衫个人住在王宫。

现代客语全罗马太福音11:8 Ngì-têu to-tái chhut-hi cho má-ke nò? Hi khon chok chiâng-sâm ke ngìn he-mò? Chúng-he, chok chiâng-sâm ke ngìn he̍t chhai vòng-kiûng.

和合本2010版马太福音11:9 你们出去究竟是要看甚么？是先知吗？是的，我告诉你们，他比先知大多了。

现代客语汉字马太福音11:9恁样，你等出去看么介哪？係看先知么？𠊎㧯你等讲，无毋着，总係佢比先知还较大。

现代客语全罗马太福音11:9 Án-ngiòng, ngì-têu chhut-hi khon má-ke nò? He khon siên-tî mò? Ngài lâu ngì-têu kóng, mò m̀-chho̍k, chúng-he kì pí siên-tî hàn-kha thai.

和合本2010版马太福音11:10 这个人就是经上所说的：『看哪，我要差遣我的使者在你面前，他要在你前面为你预备道路。』

现代客语汉字马太福音11:10佢就係圣经所讲个人。上帝讲：『看啊，𠊎爱差派𠊎个使者做你个先锋；佢爱为你开路。』」

现代客语全罗马太福音11:10 Kì chhiu-he Sṳn-kîn só-kóng ke ngìn.Song-ti kóng:‘Khon â, Ngài oi chhâi-phai Ngài ke sṳ́-chá cho ngì ke siên-fûng;kì oi vi ngì khôi-lu.’ ”

和合本2010版马太福音11:11 我实在告诉你们，凡女子所生的，没有一个比施洗约翰大；但在天国裏，最小的比他还大。

现代客语汉字马太福音11:11耶稣又讲：「𠊎实在㧯你等讲，世间无人比施洗约翰较伟大，总係在天国，最微细个也比佢较大！

现代客语全罗马太福音11:11 Yâ-sû yu kóng: “Ngài sṳ̍t-chhai lâu ngì-têu kóng, sṳ-kiên mò-ngìn pí Sṳ̂-sé Yok-hon kha ví-thai, chúng-he chhai thiên-koet, chui mì-se ke ya pí kì kha thai!

和合本2010版马太福音11:12 从施洗约翰的日子到今天，天国受到强烈的攻击，强者夺取它( [ 11.12] 「天国…夺取它」或译「天国是要努力进入的，努力的人就得着了」。)。

现代客语汉字马太福音11:12对施洗约翰传道到今晡日，天国有受到暴力个攻击(811:12「天国有受到暴力个攻击」抑係译做「天国个临到係尽强烈个」。)，强暴个人想爱抢它。

现代客语全罗马太福音11:12 Tui Sṳ̂-sé Yok-hon chhòn-tho to kîm-pû-ngit, thiên-koet yû su-tó phau-li̍t ke kûng-kit( 8 11:12 “thiên-koet yû su-tó phau-li̍t ke kûng-kit” ya-he yi̍t-cho “thiên-koet ke lìm-to he chhin khiòng-lie̍t ke”.), khiòng-phau ke ngìn sióng-oi chhióng kì.

和合本2010版马太福音11:13 众先知和律法，直到约翰为止，都说了预言。

现代客语汉字马太福音11:13因为所有先知书㧯摩西个法律讲预言到约翰为止；

现代客语全罗马太福音11:13 Yîn-vi só-yû siên-tî-sû lâu Mô-sî ke fap-li̍t kóng yi-ngièn to Yok-hon vì-chṳ́;

和合本2010版马太福音11:14 如果你们愿意接受，这人就是那要来的以利亚。

现代客语汉字马太福音11:14所以，你等若係肯领受佢等个预言，约翰就係该爱来个以利亚。

现代客语全罗马太福音11:14 só-yî, ngì-têu na-he hén liâng-su kì-têu ke yi-ngièn, Yok-hon chhiu-he ke oi lòi ke Yî-li-â.

和合本2010版马太福音11:15 有耳的，就应当听！

现代客语汉字马太福音11:15有耳公好听个人，就爱听！

现代客语全罗马太福音11:15 Yû ngí-kûng hó-thâng ke ngìn, chhiu oi thâng!

和合本2010版马太福音11:16 「我该用甚么来比这世代呢？这正像孩童坐在街市上向同伴呼喊：

现代客语汉字马太福音11:16「𠊎爱用么介来比喻这世代个人呢？佢等像坐在市场个细人仔对同伴喊讲：

现代客语全罗马太福音11:16 “Ngài oi yung má-ke lòi pí-yi liá sṳ-thoi ke ngìn nè? Kì-têu chhiong chhô chhai sṳ-chhòng ke se-ngìn-è tui thùng-phân hêm-kóng:

和合本2010版马太福音11:17 『我们为你们吹笛，你们不跳舞；我们唱哀歌，你们不捶胸。』

现代客语汉字马太福音11:17『𠊎等为你等歕婚礼个歌曲，你等毋跳舞！𠊎等唱丧礼个哀歌，你等也毋噭！』

现代客语全罗马太福音11:17 ‘Ngài-têu vi ngì-têu phùn fûn-lî ke kô-khiuk,ngì-têu m̀ thiau-vú!Ngài-têu chhong sông-lî ke ôi-kô,ngì-têu ya m̀ kieu!’

和合本2010版马太福音11:18 约翰来了，既不吃也不喝，人们就说他是被鬼附的；

现代客语汉字马太福音11:18约翰来，毋食也毋啉，大家就讲：『佢被鬼附身了！』

现代客语全罗马太福音11:18 Yok-hon lòi, m̀ sṳ̍t ya m̀ lîm, thai-kâ chhiu kóng: ‘Kì pûn kúi fu-sṳ̂n lê!’

和合本2010版马太福音11:19 人子来了，也吃也喝，他们又说这人贪食好酒，是税吏和罪人的朋友。而智慧是由它的果子来证实的( [ 11.19] 有古卷是「而智慧是以行为来证实的」。)。」 耶稣责备不悔改的城

现代客语汉字马太福音11:19人子来，也食也啉，大家又讲：『佢係贪食好酒个人，专门同税棍㧯坏人做朋友！』总係，真实个智慧係用它个结果来显明个。」毋信个城

现代客语全罗马太福音11:19 Ngìn-chṳ́ lòi, ya sṳ̍t ya lîm, thai-kâ yu kóng: ‘Kì he thâm-sṳ̍t hau-chiú ke ngìn, chôn-mùn thùng soi-kun lâu fái-ngìn cho phèn-yû!’ Chúng-he, chṳ̂n-sṳ̍t ke chṳ-fi he yung kì ke kiet-kó lòi hién-mìn ke.” M̀-sin ke Sàng

和合本2010版马太福音11:20（路 10:13-15 ）那时，耶稣在一些城行了许多异能。因为城裏的人不肯悔改，他就责备那些城说：

现代客语汉字马太福音11:20( 路加10:13-15 )该时，耶稣责备该兜看过佢行尽多神蹟个城市，因为该兜人无离开佢等个罪恶。

现代客语全罗马太福音11:20( Lu-kâ 10:13-15 ) Ke-sṳ̀, Yâ-sû chit-phi ke-têu khon-ko kì hàng chhin-tô sṳ̀n-chiak ke sàng-sṳ, yîn-vi ke-têu ngìn mò lì-khôi kì-têu ke chhui-ok.

和合本2010版马太福音11:21 「哥拉汛哪，你有祸了！伯赛大啊，你有祸了！因为在你们中间所行的异能若行在推罗、西顿，他们早已披麻蒙灰悔改了。

现代客语汉字马太福音11:21佢讲：「哥拉汛啊，你坏了！伯赛大啊，你惨了！𠊎在你等中间所行个神蹟，若係行在泰尔㧯西顿，该位个人早就着麻衫，委火灰在头那顶来表示悔改啰！

现代客语全罗马太福音11:21 Kì kóng: “Kô-lâ-sin â, ngì fái lé! Pak-soi-thai â, ngì chhám lé! Ngài chhai ngì-têu chûng-kiên só-hàng ke sṳ̀n-chiak, na-he hàng chhai Thai-ngì lâu Sî-tun, ke-vi ke ngìn chó chhiu chok mà-sâm, ve fó-fôi chhai thèu-nà-táng lòi péu-sṳ fí-kói lô!

和合本2010版马太福音11:22 但我告诉你们，在审判的日子，推罗和西顿所受的，比你们还容易受呢！

现代客语汉字马太福音11:22𠊎实在㧯你等讲，在审判该日，泰尔㧯西顿所受个责罚会比你等所受个还较轻！

现代客语全罗马太福音11:22 Ngài sṳ̍t-chhai lâu ngì-têu kóng, chhai sṳ́m-phan ke-ngit, Thai-ngì lâu Sî-tun só-su ke chit-fa̍t voi pí ngì-têu só-su ke hàn-kha khiâng!

和合本2010版马太福音11:23 迦百农啊，你以为要被举到天上吗？你要被推下阴间！因为在你那裏所行的异能，若行在所多玛，它还可以存留到今日。

现代客语汉字马太福音11:23若係你，迦百农啊，你想爱高高在上吗？总係，你将来会跌落地狱去！因为，𠊎在你该位行过个神蹟若係行在所多玛，它今晡日一定还在！

现代客语全罗马太福音11:23 Na-he ngì, Kâ-pak-nùng â, ngì sióng-oi kô-kô chhai-song mâ? Chúng-he, ngì chiông-lòi voi tiet-lo̍k thi-ngiu̍k hi! Yîn-vi, ngài chhai ngì ke-vi hàng-ko ke sṳ̀n-chiak na-he hàng chhai Só-tô-mâ, kì kîm-pû-ngit yit-thin hàn-chhôi!

和合本2010版马太福音11:24 但我告诉你们，在审判的日子，所多玛地方所受的，比你们还容易受呢！」 到我这裏来

现代客语汉字马太福音11:24𠊎实在㧯你等讲，在审判该日，所多玛所受个责罚会比你所受个还较轻！」来就近𠊎

现代客语全罗马太福音11:24 Ngài sṳ̍t-chhai lâu ngì-têu kóng, chhai sṳ́m-phan ke-ngit, Só-tô-mâ só-su ke chit-fa̍t voi pí ngì só-su ke hàn-kha khiâng!” Lòi Chhiu-khiun Ngài

和合本2010版马太福音11:25（路 10:21-22 ）那时，耶稣说：「父啊，天地的主，我感谢你！因为你把这些事向聪明智慧的人隐藏起来，而向婴孩启示出来。

现代客语汉字马太福音11:25( 路加10:21-22 )该时，耶稣讲：「阿爸，天地个主啊，𠊎感谢你，因为你将这兜事囥等毋给聪明有学问个人知，反转显明给细人仔。

现代客语全罗马太福音11:25( Lu-kâ 10:21-22 ) Ke-sṳ̀, Yâ-sû kóng: “Â-pâ, thiên-thi ke Chú â, ngài kám-chhia Ngì, yîn-vi Ngì chiông liá-têu sṳ khong-tén m̀ pûn chhûng-mìn yû ho̍k-mun ke ngìn tî, fán-chón hién-mìn pûn se-ngìn-è.

和合本2010版马太福音11:26 父啊，是的，因为你的美意本是如此。

现代客语汉字马太福音11:26阿爸啊，无毋着，这种安排係你所欢喜个旨意。

现代客语全罗马太福音11:26 Â-pâ â, mò m̀-chho̍k, liá-chúng ôn-phài he Ngì só fôn-hí ke chṳ́-yi.

和合本2010版马太福音11:27 一切都是我父交给我的；除了父，没有人知道子；除了子和子所愿意启示的人，没有人知道父。

现代客语汉字马太福音11:27「吾爸已经将一切赐给𠊎了！除了阿爸，无人识孻仔；除了孻仔㧯孻仔所爱启示个人，也无人会识阿爸。

现代客语全罗马太福音11:27 “Ngâ Pâ yí-kîn chiông yit-chhiet su-pûn ngài lé! Chhù-liáu Â-pâ, mò-ngìn sṳt Lai-é; chhù-liáu Lai-é lâu Lai-é só-oi khí-sṳ ke ngìn, ya mò-ngìn voi sṳt Â-pâ.

和合本2010版马太福音11:28 凡劳苦担重担的人都到我这裏来，我要使你们得安息。

现代客语汉字马太福音11:28「来啊，劳苦揹重担个人啊，你等全部来就近𠊎，𠊎爱使你等得到休息。

现代客语全罗马太福音11:28 “Lòi â, lò-khú pà chhûng-tâm ke ngìn â, ngì-têu chhiòn-phu lòi chhiu-khiun ngài, ngài oi pûn ngì-têu tet-tó hiû-sit.

和合本2010版马太福音11:29 我心裏柔和谦卑，你们当负我的轭，向我学习；这样，你们的心灵就必得安息。

现代客语汉字马太福音11:29你等爱揹𠊎个轭来学𠊎，因为𠊎个心係温柔又谦卑个；恁样，你等个心神就会得到休息。

现代客语全罗马太福音11:29 Ngì-têu oi pà ngài ke ak lòi ho̍k ngài, yîn-vi ngài ke sîm he vûn-yù yu khiâm-pî ke; án-ngiòng, ngì-têu ke sîm-sṳ̀n chhiu voi tet-tó hiû-sit.

和合本2010版马太福音11:30 因为我的轭是容易的，我的担子是轻省的。」

现代客语汉字马太福音11:30因为𠊎个轭係好揹个；𠊎个担係轻可个。」

现代客语全罗马太福音11:30 Yîn-vi ngài ke ak he hó-pà ke; ngài ke tâm he khiâng-khó ke.”