雅歌第3章客家话和合本对照

相关章：

快速到节：

书卷列表：

和合本2010版雅歌3:1 我夜间躺卧在床上，寻找我心所爱的；我寻找他，却寻不着。

现代客语汉字雅歌3:1𠊎暗晡头睡在眠床顶，寻𠊎个爱人；𠊎寻佢，总係寻毋到。

现代客语全罗雅歌3:1 Ngài am-pû-thèu soi chhai mìn-chhòng táng,chhìm ngài ke oi-ngìn;ngài chhìm kì, chúng-he chhìm m̀-tó.

和合本2010版雅歌3:2 「我要起来，绕行城中，在街市上，在广场上，寻找我心所爱的。」我寻找他，却寻不着。

现代客语汉字雅歌3:2𠊎想：「𠊎爱䟘起来行透该城，穿过大街小巷，去寻𠊎个爱人。」𠊎寻佢，总係寻毋到。

现代客语全罗雅歌3:2 Ngài sióng: “Ngài oi hong-hí-lòi hàng-theu ke-sàng,chhôn-ko thai-kiê séu-hong,hi chhìm ngài ke oi-ngìn.”Ngài chhìm kì, chúng-he chhìm m̀-tó.

和合本2010版雅歌3:3 城中巡逻的守卫遇见我，「你们看见我心所爱的没有？」

现代客语汉字雅歌3:3城肚该兜巡逻掌更个人堵到𠊎，𠊎就问：「你等有看到𠊎个爱人么？」

现代客语全罗雅歌3:3 Sàng-tú ke-têu sùn-lò chóng-kâng ke ngìn tù-tó ngài,ngài chhiu mun: “Ngì-têu yû khon-tó ngài ke oi-ngìn mò?”

和合本2010版雅歌3:4 我刚离开他们，就遇见我心所爱的。我拉住他，不放他走，领他进入我母亲的家，到怀我者的内室。

现代客语汉字雅歌3:4𠊎一离开佢等，就寻到佢。𠊎将佢拉等，毋肯放佢走，一直带佢入吾姆个屋下，最尾入到𠊎出世个房间。

现代客语全罗雅歌3:4 Ngài yit lì-khôi kì-têu, chhiu chhìm-tó kì.Ngài chiông kì lâi-tén, m̀-hén piong kì chéu,yit-chhṳ̍t tai kì ngi̍p ngâ-mê ke vuk-hâ,chui-mî ngi̍p-to ngài chhut-se ke fòng-kiên.

和合本2010版雅歌3:5 耶路撒冷的女子啊，我指着羚羊或田野的母鹿嘱咐你们，不要唤醒，不要挑动爱情，等它自发。

现代客语汉字雅歌3:5耶路撒冷个细妹仔啊，请答应𠊎，请指等羚羊㧯鹿乸发誓；莫吵𠊎等，毋好㩢耍𠊎等，俾𠊎等个爱情自由发展。(83:5参考2:7；8:4。)

现代客语全罗雅歌3:5 Yâ-lu-sat-lâng ke se-moi-é â, chhiáng tap-yin ngài,chhiáng chṳ́-tén lìn-yòng lâu lu̍k-mà fat-sṳ;mo̍k chhàu ngài-têu, m̀-hó met-sa ngài-têu,pûn ngài-têu ke oi-chhìn chhṳ-yù fat-chán.( 8 3:5 Chhâm-kháu 2:7; 8:4.)

和合本2010版雅歌3:6〔她〕那如烟柱从旷野上来，薰了没药、乳香，扑上商人各样香粉的是谁呢？

现代客语汉字雅歌3:6(新娘)该对旷野上来，看像烟柱，用生理人卖个乳香㧯没药薰到香香个，係么人呢？

现代客语全罗雅歌3:6 (Sîn-ngiòng) Ke tui khóng-yâ sông-lòi, khon chhiong yên-chhû,yung sên-lî ngìn mai ke nen-hiông lâu mu̍t-yo̍k hiûn-to hiông-hiông ke, he má-ngìn nè?

和合本2010版雅歌3:7 看哪，是所罗门的轿，周围有六十个勇士，都是以色列中的勇士。

现代客语汉字雅歌3:7看哪，该係所罗门个轿仔，四围有六十个士兵保护，係以色列最优秀个勇士。

现代客语全罗雅歌3:7 Khon nâ, ke he Só-lò-mùn ke khieu-é,si-vì yû liuk-sṳ̍p ke sṳ-pîn pó-fu,he Yî-set-lie̍t chui yû-siu ke yúng-sṳ.

和合本2010版雅歌3:8 他们的手都持刀，善于争战，各人腰间佩刀，防备夜间恐怖的攻击。

现代客语汉字雅歌3:8佢等全部当会使剑；佢等拢总当会相㓾。逐侪腰间佩带利剑，防备暗晡头个危险。

现代客语全罗雅歌3:8 Kì-têu chhiòn-phu tông voi sṳ́-kiam;kì-têu lûng-chúng tông voi siông-chhṳ̀.Tak-sà yêu-kiên phi-tai li-kiam,fòng-phi am-pû-thèu ke ngùi-hiám.

和合本2010版雅歌3:9 所罗门王用黎巴嫩木为自己製作轿子。

现代客语汉字雅歌3:9所罗门王用黎巴嫩个树仔，为自家製造轿仔。

现代客语全罗雅歌3:9 Só-lò-mùn-vòng yung Lì-pâ-nun ke su-é,vi chhṳ-kâ chṳ-chho khieu-é.

和合本2010版雅歌3:10 轿柱是用银做的，轿底是用金做的，坐垫是紫色的，其中所铺的是耶路撒冷女子的爱情。

现代客语汉字雅歌3:10轿仔个柱仔用银仔做个，轿底(93:10「轿底」抑係译做「轿仔顶」，原文无清楚。)用金仔做个；坐垫用紫色个料仔做个，係耶路撒冷细妹仔用爱情织起来个。

现代客语全罗雅歌3:10 Khieu-é ke chhû-é yung ngiùn-è cho ke,khieu-tái( 9 3:10 “khieu-tái” ya-he yi̍t-cho “khieu-é táng”, ngièn-vùn mò chhîn-chhú.) yung kîm-é cho ke;chhô-thiap yung chṳ́-set ke liau-é cho ke,he Yâ-lu-sat-lâng se-moi-é yung oi-chhìn chṳt hí-lòi ke.

和合本2010版雅歌3:11 锡安的女子啊，你们要出去观看所罗门王！他头戴冠冕，就是在他结婚当天心中喜乐的时候，他母亲给他戴上的。

现代客语汉字雅歌3:11锡安个细妹仔啊，来看所罗门王！佢头那戴等冠冕，係佢结婚该日，佢欢喜快乐该日，厥姆为佢戴个。

现代客语全罗雅歌3:11 Siak-ôn ke se-moi-é â, lòi khon Só-lò-mùn-vòng!Kì thèu-nà tai-tén kôn-miên,he kì kiet-fûn ke-ngit,kì fôn-hí khoai-lo̍k ke-ngit,kiâ-mê vi kì tai ke.