雅各书第3章客家话和合本对照

相关章：

快速到节：

书卷列表：

和合本2010版雅各书3:1制伏舌头我的弟兄们，不要许多人做教师，因为你们知道，我们做教师的要接受更严厉的审判。

现代客语汉字雅各书3:1约束舌乸𠊎个兄弟姊妹啊，你等毋好恁多人做教师，因为知𠊎等做教师个一定会比别人受较严个审判。

现代客语全罗雅各书3:1Yok-suk Sa̍t-mà Ngài ke hiûng-thi chí-moi â, ngì-têu m̀-hó án tô ngìn cho kau-sṳ̂, yîn-vi tî ngài-têu cho kau-sṳ̂ ke yit-thin voi pí phe̍t-ngìn su kha ngiàm ke sṳ́m-phan.

和合本2010版雅各书3:2 原来我们在许多事上都有过失；若有人在言语上没有过失，他就是完全的人，也能勒住自己的全身。

现代客语汉字雅各书3:2𠊎等大家都常常有过失；若有人在言语上无过失，佢就係一个完全个人，有法度控制佢个全身。

现代客语全罗雅各书3:2 Ngài-têu thai-kâ tû sòng-sòng yû ko-sṳt; na yû-ngìn chhai ngièn-ngî song mò ko-sṳt, kì chhiu-he yit-ke vàn-chhiòn ke ngìn, yû fap-thu khúng-chṳ kì ke chhiòn-sṳ̂n.

和合本2010版雅各书3:3 我们若把嚼环放在马嘴裏使牠们驯服，就能控制牠们的全身。

现代客语汉字雅各书3:3𠊎等将马啣铁放在马嘴底背，喊马顺服，就能控制牠全身。

现代客语全罗雅各书3:3 Ngài-têu chiông mâ-hàm-thiet piong chhai mâ-choi tî-poi, ham mâ sun-fu̍k, chhiu nèn khúng-chṳ kì chhiòn-sṳ̂n.

和合本2010版雅各书3:4 再看船只，虽然甚大，又被强风猛吹，只用小小的舵就随着掌舵的意思转动。

现代客语汉字雅各书3:4你看，船虽然恁大，又被大风吹等走，总係用一支细细个船舵就能控制它个方向，照舵公个意思行。

现代客语全罗雅各书3:4 Ngì khon, sòn sûi-yèn án thai, yu pûn thai-fûng chhôi-tén chéu, chúng-he yung yit-kî se-se ke sòn-thò chhiu nèn khúng-chṳ kì ke fông-hiong, cheu thò-kûng ke yi-sṳ hàng.

和合本2010版雅各书3:5 同样，舌头是小肢体，却能说大话。看哪，最小的火能点燃最大的树林。

现代客语汉字雅各书3:5像恁样，舌乸虽然尽细，总係会讲大话。看啊，细细个火能烧净大大个森林！

现代客语全罗雅各书3:5 Chhiong án-ngiòng, sa̍t-mà sûi-yèn chhin se, chúng-he voi kóng thai fa.Khon â, se-se ke fó nèn sêu-chhiang thai-thai ke sêm-lìm!

和合本2010版雅各书3:6 舌头就是火。在我们百体中，舌头是个不义的世界，能玷污全身，也能烧燬生命的轮子，而且是被地狱的火点燃的。

现代客语汉字雅各书3:6舌乸像火一样，在𠊎等个百体中，它係罪恶个世界，会害𠊎等归身打垃圾；它会用对地狱来个火来焚烧𠊎等人生个路程。

现代客语全罗雅各书3:6 Sa̍t-mà chhiong fó yit-yong, chhai ngài-têu ke pak-thí-chûng, kì he chhui-ok ke sṳ-kie, voi hoi ngài-têu kûi-sṳ̂n tá lá-sap; kì voi yung tui thi-ngiu̍k lòi ke fó lòi fùn-sêu ngài-têu ngìn-sên ke lu-chhàng.

和合本2010版雅各书3:7 各类的走兽、飞禽、爬虫、水族，本来都可以制伏，也已经被人制伏了；

现代客语汉字雅各书3:7人有办法制伏各种个走兽、飞禽、昆虫，㧯水族；事实上，各种个动物也已经被人制伏了。

现代客语全罗雅各书3:7 Ngìn yû phan-fap chṳ-fu̍k kok-chúng ke chéu-chhu, fî-khìm, khûn-chhùng, lâu súi-chhu̍k; sṳ-sṳ̍t-song, kok-chúng ke thung-vu̍t ya yí-kîn pûn-ngìn chṳ-fu̍k lé.

和合本2010版雅各书3:8 惟独舌头没有人能制伏，是永不静止的邪恶，充满了害死人的毒气。

现代客语汉字雅各书3:8总係，无人能制伏舌乸；它係无法制伏个恶物，充满害死人个毒气。

现代客语全罗雅各书3:8 Chúng-he, mò ngìn nèn chṳ-fu̍k sa̍t-mà; kì he mò-fap chṳ-fu̍k ke ok-vu̍t, chhûng-mân hoi-sí ngìn ke thu̍k-hi.

和合本2010版雅各书3:9 我们用舌头颂讚我们的主－我们的天父，又用舌头诅咒照着上帝形像被造的人。

现代客语汉字雅各书3:9𠊎等用舌乸感谢主—𠊎等个天父，又用舌乸咒诅上帝照自家个形像所造出来个人。

现代客语全罗雅各书3:9 Ngài-têu yung sa̍t-mà kám-chhia Chú — ngài-têu ke Thiên-fu, yu yung sa̍t-mà chu-chú Song-ti cheu chhṳ-kâ ke hìn-siong só chho-chhut-lòi ke ngìn.

和合本2010版雅各书3:10 颂讚和诅咒从同一个口出来。我的弟兄们，这是不应该的。

现代客语汉字雅各书3:10感谢㧯咒诅全部对共张嘴出来！𠊎个兄弟姊妹啊，这係尽毋应该个！

现代客语全罗雅各书3:10 Kám-chhia lâu chu-chú chhiòn-phu tui khiung chông choi chhut-lòi! Ngài ke hiûng-thi chí-moi â, liá he chhin m̀ yin-kôi ke!

和合本2010版雅各书3:11 泉源能从一个出口发出甜苦两样的水吗？

现代客语汉字雅各书3:11共只泉源能同时涌出甜水㧯苦水吗？

现代客语全罗雅各书3:11 Khiung-chak chhièn-ngièn nèn thùng-sṳ̀ yúng-chhut thiàm-súi lâu fú-súi mâ?

和合本2010版雅各书3:12 我的弟兄们，无花果树能生橄榄吗？葡萄树能结无花果吗？鹹水也不能流出甜水来。 从上头来的智慧

现代客语汉字雅各书3:12𠊎个兄弟姊妹啊，无花果树会打橄榄吗？葡萄树也会打无花果吗？鹹个泉水毋会流出甜水来。属天个智慧

现代客语全罗雅各书3:12 Ngài ke hiûng-thi chí-moi â, vù-fâ-kó-su voi tá kám-lám mâ? Phù-thò-su ya voi tá vù-fâ-kó mâ? Hàm ke chhièn-súi m̀-voi liù-chhut thiàm-súi lòi. Su̍k-thiên ke Chṳ-fi

和合本2010版雅各书3:13 你们中间谁是有智慧有见识的呢？他就当在智慧的温柔上显出他的善行来。

现代客语汉字雅各书3:13你等中间有聪明智慧个人么？若有，佢就应该用谦卑㧯智慧个好行为，来表现佢当靓个生活。

现代客语全罗雅各书3:13 Ngì-têu chûng-kiên yû chhûng-mìn chṳ-fi ke ngìn mò? Na yû, kì chhiu yin-kôi yung khiâm-pî lâu chṳ-fi ke hó hàng-vì, lòi péu-hien kì tông-chiâng ke sên-fa̍t.

和合本2010版雅各书3:14 你们心裏若怀着恶毒的嫉妒和自私，就不可自夸，不可说谎话抵挡真理。

现代客语汉字雅各书3:14你等心中若有恶毒个嫉妒㧯自私，你等就毋好再自夸㧯讲花撩；这係悖逆真理个事。

现代客语全罗雅各书3:14 Ngì-têu sîm-chûng na yû ok-thu̍k ke chhit-tu lâu chhṳ-sṳ̂, ngì-têu chhiu m̀-hó chai chhṳ-khoâ lâu kóng fâ-liâu; liá he phoi-ngia̍k chṳ̂n-lî ke sṳ.

和合本2010版雅各书3:15 这样的智慧不是从上头下来的，而是属地上的，属情慾的，属鬼魔的。

现代客语汉字雅各书3:15这种个智慧毋係对天顶来个，係属地个，属情慾个，属魔鬼个。

现代客语全罗雅各书3:15 Liá-chúng ke chṳ-fi m̀-he tui thiên-táng lòi ke, he su̍k thi ke, su̍k chhìn-yu̍k ke, su̍k Mô-kúi ke.

和合本2010版雅各书3:16 在何处有嫉妒、自私，在何处就有动乱和各样的坏事。

现代客语汉字雅各书3:16㖠位有嫉妒㧯自私，㖠位就会有混乱㧯各种邪恶个行为。

现代客语全罗雅各书3:16 Nai-vi yû chhit-tu lâu chhṳ-sṳ̂, nai-vi chhiu voi yû fun-lon lâu kok-chúng sià-ok ke hàng-vì.

和合本2010版雅各书3:17 惟独从上头来的智慧，先是清洁，后是和平、温良、柔顺，满有怜悯和美善的果子，没有偏私，没有虚伪。

现代客语汉字雅各书3:17颠倒，对顶高来个智慧有几样特色：第一係纯洁，然后係和平、温和、好参详，充满慈悲，能结出丰富个善果，毋会偏心，也毋会虚假。

现代客语全罗雅各书3:17 Tiên-to, tui táng-kô lòi ke chṳ-fi yû kí-yong thi̍t-set: Thi-yit he sùn-kiet, yèn-heu he fò-phìn, vûn-fò, hó chhâm-siòng, chhûng-mân chhṳ̀-pî, nèn kiet-chhut fûng-fu ke san-kó, m̀-voi phiên-sîm, ya m̀-voi hî-ká.

和合本2010版雅各书3:18 正义的果实是为促进和平的人用和平栽种出来的。

现代客语汉字雅各书3:18促进和平个人係用和平来委种，就收割公义个果子。

现代客语全罗雅各书3:18 Chhiuk-chin fò-phìn ke ngìn he yung fò-phìn lòi ve-chúng, chhiu sû-kot kûng-ngi ke kó-chṳ́.