诗篇第9章客家话和合本对照

相关章：

快速到节：

书卷列表：

和合本2010版诗篇9:1大卫的诗。交给圣咏团长，曲调用「慕拉便」。称颂耶和华的公义我要一心称谢耶和华，传扬你一切奇妙的作为。

现代客语汉字诗篇9:1大卫个诗，交给圣歌队长，调用哀子歌。感谢上帝个公义上主啊，𠊎爱一心一意感谢你；𠊎爱传扬你一切奇妙个作为。

现代客语全罗诗篇9:1Thai-ví ke sṳ̂, kâu-pûn Sṳn-kô Chhui-chóng, thiau yung Ôi-chṳ́-kô.Kám-chhia Song-ti ke Kûng-ngi Song-chú â, ngài oi yit-sîm yit-yi kám-chhia Ngì;ngài oi chhòn-yòng Ngì yit-chhiet khì-meu ke chok-vì.

和合本2010版诗篇9:2我要因你欢喜快乐；至高者啊，我要歌颂你的名！

现代客语汉字诗篇9:2𠊎爱因为你来欢喜快乐；至高者啊，𠊎爱歌颂你个名！

现代客语全罗诗篇9:2 Ngài oi yîn-vi Ngì lòi fôn-hí khoai-lo̍k;Chṳ-kô-chá â, ngài oi kô-siung Ngì ke miàng!

和合本2010版诗篇9:3我的仇敌回转撤退的时候，他们在你面前跌倒灭亡。

现代客语汉字诗篇9:3你一显现，𠊎个仇敌就退走；在你面前，佢等就横下灭亡。

现代客语全罗诗篇9:3 Ngì yit hién-hien, ngài ke sù-thi̍t chhiu thui-chéu;chhai Ngì mien-chhièn, kì-têu chhiu vang-hâ me̍t-mòng.

和合本2010版诗篇9:4因你已经为我伸冤，为我辩护；你坐在宝座上，按公义审判。

现代客语汉字诗篇9:4你坐在宝座上，照公义来审判；你为𠊎伸冤，为𠊎个案件辩护。

现代客语全罗诗篇9:4 Ngì chhô chhai pó-chho song, cheu kûng-ngi lòi sṳ́m-phan;Ngì vi ngài sṳ̂n-yên, vi ngài ke on-khien phien-fu.

和合本2010版诗篇9:5你曾斥责列国，灭绝恶人；你曾涂去他们的名，直到永永远远。

现代客语汉字诗篇9:5你责备列邦，消灭邪恶个人；你拭掉佢等个名，直到永远。

现代客语全罗诗篇9:5 Ngì chit-phi lie̍t-pâng, sêu-me̍t sià-ok ke ngìn;Ngì chhu̍t-thet kì-têu ke miàng, chhṳ̍t-to yún-yén.

和合本2010版诗篇9:6仇敌到了尽头；他们遭毁坏，直到永远。你拆毁他们的城镇，连他们的名字([9.6]「名字」：原文是「纪念」。)也都消灭！

现代客语汉字诗篇9:6𠊎个仇敌已经灭净净了；佢等个城市被你毁灭掉；也无人再过纪念佢等了。

现代客语全罗诗篇9:6 Ngài ke sù-thi̍t yí-kîn me̍t chhiang-chhiang lé;kì-têu ke sàng-sṳ pûn Ngì fí-me̍t thet;ya mò-ngìn chai-ko ki-ngiam kì-têu lé.

和合本2010版诗篇9:7惟耶和华坐在王位上，直到永远；他已经为审判摆设宝座。

现代客语汉字诗篇9:7总係，上主爱掌权到永远；佢已经为审判设立佢个宝座。

现代客语全罗诗篇9:7 Chúng-he, Song-chú oi chóng-khièn to yún-yén;Kì yí-kîn vi sṳ́m-phan sat-li̍p Kì ke pó-chho.

和合本2010版诗篇9:8他要按公义审判世界，按正直判断万民。

现代客语汉字诗篇9:8佢用公义审判世界；佢照公平统治万民。

现代客语全罗诗篇9:8 Kì yung kûng-ngi sṳ́m-phan sṳ-kie;Kì cheu kûng-phìn thúng-chhṳ van-mìn.

和合本2010版诗篇9:9耶和华要作受欺压者的庇护所，在患难时的庇护所。

现代客语汉字诗篇9:9上主係受压迫个人个避难所，係佢急难时逃难个城堡。

现代客语全罗诗篇9:9 Song-chú he su ap-pet ke ngìn ke phit-nan-só,he kì kip-nan sṳ̀ thò-nan ke sàng-pó.

和合本2010版诗篇9:10耶和华啊，认识你名的人要倚靠你，因你没有离弃寻求你的人。

现代客语汉字诗篇9:10上主啊，认识你个人爱倚靠你，因为你毋识弃绝该兜寻求你个人。

现代客语全罗诗篇9:10 Song-chú â, ngin-sṳt Ngì ke ngìn oi yí-kho Ngì,yîn-vi Ngì m̀-sṳt hi-chhie̍t ke-têu chhìm-khiù Ngì ke ngìn.

和合本2010版诗篇9:11应当歌颂居于锡安的耶和华，将他所做的传扬在万民中。

现代客语汉字诗篇9:11爱颂讚在锡安掌权个上主！爱在万国中间传扬佢个作为！

现代客语全罗诗篇9:11 Oi siung-chan chhai Siak-ôn chóng-khièn ke Song-chú!Oi chhai van-koet chûng-kiên chhòn-yòng Kì ke chok-vì!

和合本2010版诗篇9:12那位追讨流人血的，他记念受屈的人，不忘记困苦人的哀求。

现代客语汉字诗篇9:12上帝纪念苦难中个人；佢无毋记得佢等个哀求，爱责罚迫害佢等个人。

现代客语全罗诗篇9:12 Song-ti ki-ngiam khú-nan chûng ke ngìn;Kì mò m̀ ki-tet kì-têu ke ôi-khiù,oi chit-fa̍t pet-hoi kì-têu ke ngìn.

和合本2010版诗篇9:13耶和华啊，求你怜悯我！你是从死门把我提升起来的，求你看那恨我的人所加给我的苦难，

现代客语汉字诗篇9:13上主啊，求你怜悯𠊎！你看，怨恨𠊎个人样般迫害𠊎！上主啊，求你对死门挷𠊎上来，

现代客语全罗诗篇9:13 Song-chú â, khiù Ngì lìn-mén ngài!Ngì khon, yen-hen ngài ke ngìn ngióng-pân pet-hoi ngài!Song-chú â, khiù Ngì tui sí-mùn pâng ngài sông-lòi,

和合本2010版诗篇9:14好让我述说你一切的美德。我要在锡安([9.14]「锡安」：原文直译「锡安女子」。)的城门因你的救恩欢乐。

现代客语汉字诗篇9:14使𠊎企在钖安城个门口，对人讲起𠊎颂讚你个一切，又因为你个拯救欢喜快乐。

现代客语全罗诗篇9:14 pûn ngài khî chhai Siak-ôn-sàng ke mùn-héu,tui ngìn kóng-hí ngài siung-chan Ngì ke yit-chhiet,yu yîn-vi Ngì ke chṳ́n-kiu fôn-hí khoai-lo̍k.

和合本2010版诗篇9:15外邦人陷在自己所掘的坑中，他们的脚被自己暗设的网罗缠住了。

现代客语汉字诗篇9:15外邦人陷在自家挖个坑肚，脚被自家所设个罗网缠到。

现代客语全罗诗篇9:15 Ngoi-pâng-ngìn ham chhai chhṳ-kâ yet ke hâng-tú,kiok pûn chhṳ-kâ só-sat ke lò-mióng chhàn-tó.

和合本2010版诗篇9:16耶和华已将自己显明，他已施行审判；恶人被自己手所做的缠住了([9.16]「恶人…缠住了」或译「他叫恶人被自己手所做的缠住了」。)。（细拉）

现代客语汉字诗篇9:16上主通过公正个审判彰显佢自家；坏人被自家个手所做个缠到死死。

现代客语全罗诗篇9:16 Song-chú thûng-ko kûng-chṳn ke sṳ́m-phan chông-hién Kì chhṳ-kâ;fái-ngìn pûn chhṳ-kâ ke sú só-cho ke chhàn-to sí-sí.

和合本2010版诗篇9:17恶人，就是忘记上帝的外邦人，都必归到阴间。

现代客语汉字诗篇9:17坏人㧯所有毋搭上帝个外邦人，佢等全部爱落阴间。

现代客语全罗诗篇9:17 Fái-ngìn lâu só-yû m̀-tap Song-ti ke ngoi-pâng-ngìn,kì-têu chhiòn-phu oi lo̍k yîm-kiên.

和合本2010版诗篇9:18贫穷人必不永久被忘，困苦人的指望必不永远落空。

现代客语汉字诗篇9:18穷苦人，上帝一定毋会永远毋记得佢等；受迫害个，佢等个心愿也毋会一直落空。

现代客语全罗诗篇9:18 Khiùng-khú-ngìn, Song-ti yit-thin m̀-voi yún-yén m̀ ki-tet kì-têu;su pet-hoi ke, kì-têu ke sîm-ngien ya m̀-voi yit-chhṳ̍t lo̍k-khûng.

和合本2010版诗篇9:19耶和华啊，求你兴起，不容世人得胜！愿外邦人在你面前受审判！

现代客语汉字诗篇9:19上主啊，䟘起来，莫俾世间人赢过你！求你带外邦人到你面前，审判佢等。

现代客语全罗诗篇9:19 Song-chú â, hong-hí-lòi, mo̍k pûn sṳ-kiên-ngìn yàng-ko Ngì!Khiù Ngì tai ngoi-pâng-ngìn to Ngì mien-chhièn, sṳ́m-phan kì-têu.

和合本2010版诗篇9:20耶和华啊，求你使他们恐惧，愿外邦人知道自己不过是人。（细拉）

现代客语汉字诗篇9:20上主啊，使佢等大大着惊；俾佢等知自家係人定定！

现代客语全罗诗篇9:20 Song-chú â, pûn kì-têu thai-thai chho̍k-kiâng;pûn kì-têu tî chhṳ-kâ he ngìn thin-thin!