诗篇第10章客家话和合本对照

相关章：

快速到节：

书卷列表：

和合本2010版诗篇10:1为公义而祈祷耶和华啊，你为甚么站在远处？在患难的时候为甚么隐藏？

现代客语汉字诗篇10:1恳求公义上主啊，你做么介企到恁远呢？在患难个时，你做么介毋出面？

现代客语全罗诗篇10:1Khién-khiù Kûng-ngi Song-chú â, Ngì cho-má-ke khî-to án-yén nè?Chhai fam-nan ke sṳ̀, Ngì cho-má-ke m̀ chhut-mien?

和合本2010版诗篇10:2恶人骄横地追逼困苦人；愿他们陷在自己所设的计谋裏。

现代客语汉字诗篇10:2坏人因为骄傲迫穷苦人到无路好走；愿佢等陷落在自家所设个罗网底背。

现代客语全罗诗篇10:2 Fái-ngìn yîn-vi kiêu-ngau pet khiùng-khú-ngìn to mò-lu hó-chéu;ngien kì-têu ham-lo̍k chhai chhṳ-kâ só-sat ke lò-mióng tî-poi.

和合本2010版诗篇10:3因为恶人以自己的心愿自夸，贪财的背弃耶和华，并且轻慢他([10.3]「贪财的…轻慢他」或译「他称讚贪财的，却轻慢耶和华」。)。

现代客语汉字诗篇10:3坏人夸口自家邪恶个慾望；贪心个人拒绝并藐视上主。

现代客语全罗诗篇10:3 Fái-ngìn khoâ-khiéu chhṳ-kâ sià-ok ke yu̍k-mong;thâm-sîm ke ngìn khî-chhie̍t pin méu-sṳ Song-chú.

和合本2010版诗篇10:4恶人面带骄傲，不寻找耶和华；他的思想中全无上帝。

现代客语汉字诗篇10:4坏人将佢个面傲到高高，讲：「上主毋会寻𠊎算数，事实上乜无上帝啊！」佢心中所想个就係恁样。

现代客语全罗诗篇10:4 Fái-ngìn chiông kì ke mien ngau-to kô-kô, kóng:“Song-chú m̀-voi chhìm ngài son-sṳ,sṳ-sṳ̍t-song me-mò Song-ti â!”Kì sîm-chûng só-sióng ke chhiu-he án-ngiòng.

和合本2010版诗篇10:5他的路时常亨通，你的审判不在他眼裏。至于他所有的敌人，他都向他们发怒气。

现代客语汉字诗篇10:5坏人个行事常常顺利。佢无了解上帝个审判；佢嘲谑佢所有个对敌。

现代客语全罗诗篇10:5 Fái-ngìn ke hàng-sṳ sòng-sòng sun-li.Kì mò liáu-kié Song-ti ke sṳ́m-phan;kì sâu-nat kì só-yû ke tui-thi̍t.

和合本2010版诗篇10:6他心裏说：「我必不动摇，世世代代不遭灾难。」

现代客语汉字诗篇10:6佢心肝想：「𠊎永远毋会失败；𠊎世世代代毋会堵到灾难。」

现代客语全罗诗篇10:6 Kì sîm-kôn sióng: “Ngài yún-yén m̀-voi sṳt-phai;ngài sṳ-sṳ thoi-thoi m̀-voi tù-tó châi-nan.”

和合本2010版诗篇10:7他满口咒骂、诡诈、欺压，舌底尽是毒害、奸恶。

现代客语汉字诗篇10:7佢满嘴咒骂、诡诈、喝喝咄咄，舌乸好讲怨恨㧯邪恶个话。

现代客语全罗诗篇10:7 Kì mân-choi chu-ma, kúi-cha, hot-hot tot-tot,sa̍t-mà hau-kóng yen-hen lâu sià-ok ke fa.

和合本2010版诗篇10:8他在村庄埋伏等候，在隐密处杀害无辜的人，他的眼睛窥探无倚无靠的人。

现代客语汉字诗篇10:8佢埋伏在村庄个底背；佢等机会杀害无罪个人。佢个目珠偷看无倚靠个人，

现代客语全罗诗篇10:8 Kì mài-fu̍k chhai chhûn-chông ke tî-poi;kì tén kî-fi sat-hoi mò-chhui ke ngìn.Kì ke muk-chû thêu-khon mò yí-kho ke ngìn,

和合本2010版诗篇10:9他埋伏在暗地，如狮子蹲在洞中。他埋伏，要俘掳困苦人；他拉网，就把困苦人掳去。

现代客语汉字诗篇10:9佢像狮仔埋伏在草薮肚；佢等机会爱捉穷苦人，网到以后就将佢捉去。

现代客语全罗诗篇10:9 kì chhiong sṳ̂-é mài-fu̍k chhai chhó-teu tú;kì tén kî-fi oi chok khiùng-khú-ngìn,mióng-tó yî-heu chhiu chiông kì chok-hi.

和合本2010版诗篇10:10他屈身蹲伏，无倚无靠的人就倒在他的暴力之下。

现代客语汉字诗篇10:10穷苦人在佢个压迫之下，只有低头降服佢个暴力。

现代客语全罗诗篇10:10 Khiùng-khú-ngìn chhai kì ke ap-pet chṳ̂-ha,chṳ́-yû tâi-thèu hòng-fu̍k kì ke phau-li̍t.

和合本2010版诗篇10:11他心裏说：「上帝竟忘记了，上帝转脸永不观看。」

现代客语汉字诗篇10:11坏人心肝想：「上帝毋记得了；佢揞等目珠，永远看毋到𠊎！」

现代客语全罗诗篇10:11 Fái-ngìn sîm-kôn sióng: “Song-ti m̀ ki-tet lé;Kì êm-tén muk-chû, yún-yén khon m̀-tó ngài!”

和合本2010版诗篇10:12耶和华啊，求你兴起！上帝啊，求你举手！不要忘记困苦人！

现代客语汉字诗篇10:12上主啊，求你䟘起来！上帝啊，好出手了！莫毋记得受苦个人！

现代客语全罗诗篇10:12 Song-chú â, khiù Ngì hong-hí-lòi!Song-ti â, hó chhut-sú lé!Mo̍k m̀ ki-tet su-khú ke ngìn!

和合本2010版诗篇10:13恶人为何轻慢上帝，心裏说「你必不追究」？

现代客语汉字诗篇10:13坏人做么介敢藐视上帝，心肝讲：「佢毋会寻𠊎算数」？

现代客语全罗诗篇10:13 Fái-ngìn cho-má-ke kám méu-sṳ Song-ti,sîm-kôn kóng: “Kì m̀-voi chhìm ngài son-sṳ”?

和合本2010版诗篇10:14你已经察看，顾念人的忧患和愁苦，放在你的手中。无倚无靠的人把自己交託给你，你向来是帮助孤儿的。

现代客语汉字诗篇10:14其实，一切在你个鑒察中；你出手关心苦难㧯忧愁。穷苦无倚靠个人投靠你；你一直就係帮助孤儿个。

现代客语全罗诗篇10:14 Khì-sṳ̍t, yit-chhiet chhai Ngì ke kam-chhat chûng;Ngì chhut-sú koân-sîm khú-nan lâu yù-sèu.Khiùng-khú mò yí-kho ke ngìn thèu-kho Ngì;Ngì yit-chhṳ̍t chhiu-he pông-chhu kû-yì ke.

和合本2010版诗篇10:15求你打断恶人的膀臂，至于坏人，求你追究他的恶，直到净尽。

现代客语汉字诗篇10:15求你消灭恶人㧯坏人个势力；求你责罚佢等个罪，彻底算数。

现代客语全罗诗篇10:15 Khiù Ngì sêu-me̍t ok-ngìn lâu fái-ngìn ke sṳ-li̍t;khiù Ngì chit-fa̍t kì-têu ke chhui, chha̍t-tái son-sṳ.

和合本2010版诗篇10:16耶和华永永远远为王，外邦人从他的地已经灭绝了。

现代客语汉字诗篇10:16上主永永远远做王掌权；外邦会对佢个土地消灭。

现代客语全罗诗篇10:16 Song-chú yún-yún yén-yén cho Vòng chóng-khièn;ngoi-pâng voi tui Kì ke thú-thi sêu-me̍t.

和合本2010版诗篇10:17耶和华啊，困苦人的心愿你早已听见；你必坚固他们的心，也必侧耳听他们的祈求，

现代客语汉字诗篇10:17上主啊，你已经听到穷苦人个心愿；你会加添佢等个勇气，听佢等祈祷。

现代客语全罗诗篇10:17 Song-chú â, Ngì yí-kîn thâng-tó khiùng-khú-ngìn ke sîm-ngien;Ngì voi kâ-thiâm kì-têu ke yúng-hi, thâng kì-têu khì-tó.

和合本2010版诗篇10:18为要给孤儿和受欺压的人伸冤，使世上的人不再威吓他们。

现代客语汉字诗篇10:18你会代孤儿㧯受压迫个伸冤，使世间人毋会再过恐吓别人。

现代客语全罗诗篇10:18 Ngì voi thoi kû-yì lâu su ap-pet ke sṳ̂n-yên,pûn sṳ-kiên-ngìn m̀-voi chai-ko khiúng-hak phe̍t-ngìn.