诗篇第90章客家话和合本对照

相关章：

快速到节：

书卷列表：

和合本2010版诗篇90:1神人摩西的祈祷。上帝与人主啊，你世世代代作我们的居所。

现代客语汉字诗篇90:1神人摩西个祈祷。上帝㧯人主啊，你世世代代係𠊎等个归宿。

现代客语全罗诗篇90:1Sṳ̀n-ngìn Mô-sî ke khì-tó.Song-ti lâu Ngìn Chú â, Ngì sṳ-sṳ thoi-thoihe ngài-têu ke kûi-siuk.

和合本2010版诗篇90:2诸山未曾生出，地与世界你未曾造成，从亘古到永远，你是上帝。

现代客语汉字诗篇90:2群山吂有受创造，你还吂使大地㧯世界成形，对上古直到永远，你係上帝。

现代客语全罗诗篇90:2 Khiùn-sân màng-yû su chhóng-chho,Ngì hàn-màng sṳ́ thai-thi lâu sṳ-kie sàng-hìn,tui song-kú chhṳ̍t-to yún-yén,Ngì he Song-ti.

和合本2010版诗篇90:3你使人归于尘土，说：「世人哪，你们要归回。」

现代客语汉字诗篇90:3你使人归于尘土，又讲：「你等世间人爱转去。」

现代客语全罗诗篇90:3 Ngì sṳ́ ngìn kûi-yì chhṳ̀n-thú, yu kóng:“Ngì-têu sṳ-kiên-ngìn oi chón-hi.”

和合本2010版诗篇90:4在你看来，千年如已过的昨日，又如夜间的一更。

现代客语汉字诗篇90:4在你看来，千年如一日，就像已经过去个昨晡日，又像暗晡时个一更。

现代客语全罗诗篇90:4 Chhai Ngì khon-lòi, chhiên-ngièn yì yit-ngit,chhiu-chhiong yí-kîn ko-hi ke chhô-pû-ngit,yu chhiong am-pû-sṳ̀ ke yit-kâng.

和合本2010版诗篇90:5你叫他们如水沖去，他们如睡一觉。早晨，他们如生长的草；

现代客语汉字诗篇90:5你使人像被大水打走一样；佢等个生命像发梦恁短。佢等像朝晨头发芽生出来个草，

现代客语全罗诗篇90:5 Ngì sṳ́ ngìn chhiong pûn thai-súi tá-chéu yit-yong;kì-têu ke sâng-miang chhiong pot-mung án-tón.Kì-têu chhiong chêu-sṳ̀n-thèu fat-ngà sâng chhut-lòi ke chhó,

和合本2010版诗篇90:6早晨发芽生长，晚上割下枯乾。

现代客语汉字诗篇90:6朝晨头生长开花，暗晡时枯燥死掉。

现代客语全罗诗篇90:6 chêu-sṳ̀n-thèu sên-chóng khôi-fâ,am-pû-sṳ̀ khû-châu sí-thet.

和合本2010版诗篇90:7我们因你的怒气而消灭，因你的愤怒而惊惶。

现代客语汉字诗篇90:7𠊎等被你个发谴所消灭；𠊎等因为你个大发谴就着惊。

现代客语全罗诗篇90:7 Ngài-têu pûn Ngì ke fat-khién só sêu-me̍t;ngài-têu yîn-vi Ngì ke thai fat-khién chhiu chho̍k-kiâng.

和合本2010版诗篇90:8你将我们的罪孽摆在你面前，将我们的隐恶摆在你面光之中。

现代客语汉字诗篇90:8你将𠊎等个罪恶摆在你面前，将𠊎等囥等个罪过显明出来。

现代客语全罗诗篇90:8 Ngì chiông ngài-têu ke chhui-ok pài chhai Ngì mien-chhièn,chiông ngài-têu khong-tén ke chhui-ko hién-mìn chhut-lòi.

和合本2010版诗篇90:9我们经过的日子，都在你震怒之下，我们度尽的年岁，好像一声叹息。

现代客语汉字诗篇90:9𠊎等个寿命因为你个发谴就缩短；𠊎等个生命像透一口大气就过掉。

现代客语全罗诗篇90:9 Ngài-têu ke su-miang yîn-vi Ngì ke fat-khién chhiu suk-tón;ngài-têu ke sâng-miang chhiong théu yit-héu thai-hi chhiu ko-thet.

和合本2010版诗篇90:10我们一生的年日是七十岁，若是强壮可到八十岁；但其中所矜夸的不过是劳苦愁烦，转眼即逝，我们便如飞而去。

现代客语汉字诗篇90:10𠊎等个一生只有七十岁，若係勇健可能到八十岁；总係所夸口个不过係劳苦愁烦；转眼成空，就像云雾飞走。

现代客语全罗诗篇90:10 Ngài-têu ke yit-sên chṳ́-yû chhit-sṳ̍p se,na-he yúng-khien khó-nèn to pat-sṳ̍p se;chúng-he só khoâ-khiéu ke put-ko he lò-khú sèu-fàn;chón-ngién sṳ̀n-khûng, chhiu-chhiong yùn-vu pî-chéu.

和合本2010版诗篇90:11谁晓得你怒气的权势？谁因着敬畏你而晓得你的愤怒呢？

现代客语汉字诗篇90:11么人会明白你发谴个力量？么人会知你个大发谴係样般得人惊？

现代客语全罗诗篇90:11 Má-ngìn voi mìn-pha̍k Ngì fat-khién ke li̍t-liong?Má-ngìn voi tî Ngì ke thai fat-khién he ngióng-pân tet-ngìn-kiâng?

和合本2010版诗篇90:12求你指教我们怎样数算自己的日子，好叫我们得着智慧的心。

现代客语汉字诗篇90:12求你教𠊎等计算自家个年日，好使𠊎等得到智慧个心。

现代客语全罗诗篇90:12 Khiù Ngì kâu ngài-têu kie-son chhṳ-kâ ke ngièn-ngit,hó pûn ngài-têu tet-tó chṳ-fi ke sîm.

和合本2010版诗篇90:13耶和华啊，我们要等到几时呢？求你转回，怜悯你的僕人们。

现代客语汉字诗篇90:13上主啊，求你回心转意！你爱发谴到几时呢？求你怜悯你个僕人。

现代客语全罗诗篇90:13 Song-chú â, khiù Ngì fì-sîm chón-yi!Ngì oi fat-khién to kí-sṳ̀ nè?Khiù Ngì lìn-mén Ngì ke phu̍k-ngìn.

和合本2010版诗篇90:14求你使我们早早饱得你的慈爱，好叫我们一生一世欢呼喜乐。

现代客语汉字诗篇90:14逐朝晨，求你用你不变个慈爱满足𠊎等，给𠊎等一生人欢喜快乐。

现代客语全罗诗篇90:14 Tak chêu-sṳ̀n, khiù Ngì yung Ngì put-pien ke chhṳ̀-oi mân-chiuk ngài-têu,pûn ngài-têu yit-sên-ngìn fôn-hí khoai-lo̍k.

和合本2010版诗篇90:15求你照着你使我们受苦的日子，和我们遭难的年岁，使我们喜乐。

现代客语汉字诗篇90:15你使𠊎等一生堵到几多个苦难，求你也给𠊎等享受到几多快乐。

现代客语全罗诗篇90:15 Ngì sṳ́ ngài-têu yit-sên tù-tó kí-tô ke khú-nan,khiù Ngì ya pûn ngài-têu hióng-su tó kí-tô khoai-lo̍k.

和合本2010版诗篇90:16愿你的作为向你僕人们显现，愿你的荣耀向他们子孙显明。

现代客语汉字诗篇90:16愿你个僕人看到你大能个作为，俾𠊎等个子孙也看到你荣光个权能。

现代客语全罗诗篇90:16 Ngien Ngì ke phu̍k-ngìn khon-tó Ngì thai-nèn ke chok-vì,pûn ngài-têu ke chṳ́-sûn ya khon-tó Ngì yùng-kông ke khièn-nèn.

和合本2010版诗篇90:17愿主－我们上帝的恩宠归于我们身上。愿你坚立我们手所做的工，我们手所做的工，愿你坚立。

现代客语汉字诗篇90:17主—𠊎等个上帝啊，求你赐福给𠊎等！求你使𠊎等所有个工作顺利！求你使𠊎等所做个一切成功！

现代客语全罗诗篇90:17 Chú — ngài-têu ke Song-ti â, khiù Ngì su-fuk pûn ngài-têu!Khiù Ngì pûn ngài-têu só-yû ke kûng-chok sun-li!Khiù Ngì sṳ́ ngài-têu só-cho ke yit-chhiet sṳ̀n-kûng!