诗篇第86章客家话和合本对照

相关章：

快速到节：

书卷列表：

和合本2010版诗篇86:1大卫的祈祷。求主恩助耶和华啊，求你侧耳应允我，因我是困苦贫穷的。

现代客语汉字诗篇86:1大卫个祈祷。求帮助个祈祷上主啊，求你侧耳来听𠊎，应𠊎，因为𠊎穷苦，无人帮助。

现代客语全罗诗篇86:1Thai-ví ke khì-tó.Khiù Pông-chhu ke Khì-tó Song-chú â, khiù Ngì chet-ngí lòi-thâng ngài, en ngài,yîn-vi ngài khiùng-khú, mò-ngìn pông-chhu.

和合本2010版诗篇86:2求你保住我的性命，因我是虔诚的人。我的上帝啊，求你拯救我这倚靠你的僕人！

现代客语汉字诗篇86:2保护𠊎个性命，因为𠊎对你忠心；𠊎个上帝啊，求你拯救这信靠你个僕人！

现代客语全罗诗篇86:2 Pó-fu ngài ke sin-miang, yîn-vi ngài tui Ngì chûng-sîm;Ngài ke Song-ti â, khiù Ngì chṳ́n-kiu liá sin-kho Ngì ke phu̍k-ngìn!

和合本2010版诗篇86:3主啊，求你怜悯我，因我终日求告你。

现代客语汉字诗篇86:3主啊，求你怜悯𠊎，因为𠊎归日求喊你。

现代客语全罗诗篇86:3 Chú â, khiù Ngì lìn-mén ngài,yîn-vi ngài kûi-ngit khiù-ham Ngì.

和合本2010版诗篇86:4主啊，求你使你的僕人心裏欢喜，因为我的心仰望你。

现代客语汉字诗篇86:4主啊，求你使你个僕人欢喜，因为𠊎个心所仰望个就係你。

现代客语全罗诗篇86:4 Chú â, khiù Ngì sṳ́ Ngì ke phu̍k-ngìn fôn-hí,yîn-vi ngài ke sîm só ngióng-mong ke chhiu-he Ngì.

和合本2010版诗篇86:5主啊，你本为良善，乐于饶恕人，以丰盛的慈爱对待凡求告你的人。

现代客语汉字诗篇86:5主啊，你係至善个，係乐意赦免人个；求喊你个就会得到你丰盛个慈爱。

现代客语全罗诗篇86:5 Chú â, Ngì he chṳ-san ke, he lo̍k-yi sa-miên ngìn ke;khiù-ham Ngì ke chhiu voi tet-tó Ngì fûng-sṳn ke chhṳ̀-oi.

和合本2010版诗篇86:6耶和华啊，求你侧耳听我的祷告，留心听我恳求的声音。

现代客语汉字诗篇86:6上主啊，求你侧耳听𠊎个祈祷；求你留心听𠊎求喊个声。

现代客语全罗诗篇86:6 Song-chú â, khiù Ngì chet-ngí thâng ngài ke khì-tó;khiù Ngì liù-sîm thâng ngài khiù-ham ke sâng.

和合本2010版诗篇86:7我在患难之日要求告你，因为你必应允我。

现代客语汉字诗篇86:7在患难当中𠊎爱求喊你，因为你会答应𠊎。

现代客语全罗诗篇86:7 Chhai fam-nan tông-chûng ngài oi khiù-ham Ngì,yîn-vi Ngì voi tap-yin ngài.

和合本2010版诗篇86:8主啊，诸神之中没有可与你相比的，你的作为也无以为比。

现代客语汉字诗篇86:8主啊，无别个神同你比抑得；佢等个作为同你个比毋得。

现代客语全罗诗篇86:8 Chú â, mò phe̍t ke sṳ̀n thùng Ngì pí et-tet;kì-têu ke chok-vì thùng Ngì ke pí m̀-tet.

和合本2010版诗篇86:9主啊，你所造的万民都要来敬拜你，他们要荣耀你的名。

现代客语汉字诗篇86:9主啊，你所造个万国会来跪拜你；佢等会荣耀你个尊名。

现代客语全罗诗篇86:9 Chú â, Ngì só-chho ke van-koet voi lòi khúi-pai Ngì;kì-têu voi yùng-yeu Ngì ke chûn-miàng.

和合本2010版诗篇86:10因你本为大，且行奇妙的事，惟独你是上帝。

现代客语汉字诗篇86:10因为你最伟大，又行奇事；唯有你正係上帝。

现代客语全罗诗篇86:10 Yîn-vi Ngì chui ví-thai, yu hàng khì-sṳ;vì-yû Ngì chang he Song-ti.

和合本2010版诗篇86:11耶和华啊，求你将你的道指教我，我要照你的真理而行；求你使我专心敬畏你的名！

现代客语汉字诗篇86:11上主啊，求你将你个道路指示𠊎，𠊎爱照你个真理来行；求你使𠊎一心敬畏你。

现代客语全罗诗篇86:11 Song-chú â, khiù Ngì chiông Ngì ke tho-lu chṳ́-sṳ ngài,ngài oi cheu Ngì ke chṳ̂n-lî lòi-hàng;khiù Ngì sṳ́ ngài yit-sîm kin-vi Ngì.

和合本2010版诗篇86:12主－我的上帝啊，我要一心称谢你；我要荣耀你的名，直到永远。

现代客语汉字诗篇86:12主—𠊎个上帝啊，𠊎爱全心感谢你；𠊎爱荣光你个名直到永远。

现代客语全罗诗篇86:12 Chú — ngài ke Song-ti â, ngài oi chhiòn-sîm kám-chhia Ngì;ngài oi yùng-kông Ngì ke miàng chhṳ̍t-to yún-yén.

和合本2010版诗篇86:13因为你的慈爱在我身上浩大，你救了我的性命免入阴间的深处。

现代客语汉字诗篇86:13你对𠊎个慈爱恁大；你拯救𠊎脱离阴间。

现代客语全罗诗篇86:13 Ngì tui ngài ke chhṳ̀-oi án-thai;Ngì chṳ́n-kiu ngài thot-lì yîm-kiên.

和合本2010版诗篇86:14上帝啊，骄傲的人起来攻击我，又有一羣强横的人寻索我的命；他们没有将你放在眼裏。

现代客语汉字诗篇86:14上帝啊，骄傲个人攻击𠊎；归党兇恶个暴徒想爱杀害𠊎，佢等全无将你放在眼中。

现代客语全罗诗篇86:14 Song-ti â, kiêu-ngau ke ngìn kûng-kit ngài;kûi-tóng hiûng-ok ke phau-thù sióng-oi sat-hoi ngài,kì-têu chhiòn-mò chiông Ngì piong chhai ngién-chûng.

和合本2010版诗篇86:15主啊，你是有怜悯，有恩惠的上帝，不轻易发怒，并有丰盛的慈爱和信实。

现代客语汉字诗篇86:15主啊，你係有怜悯㧯恩典个上帝；你无随便发谴，有丰盛个慈爱㧯信实。

现代客语全罗诗篇86:15 Chú â, Ngì he yû lìn-mén lâu ên-tién ke Song-ti;Ngì mò sùi-phien fat-khién, yû fûng-sṳn ke chhṳ̀-oi lâu sin-sṳ̍t.

和合本2010版诗篇86:16求你转向我，怜悯我，将你的力量赐给僕人，拯救你使女的儿子。

现代客语汉字诗篇86:16求你转身面向𠊎，怜悯𠊎；将你个力量赐给你个僕人，拯救𠊎，因为𠊎像吾姆恁样事奉你。

现代客语全罗诗篇86:16 Khiù Ngì chón-sṳ̂n mien-hiong ngài, lìn-mén ngài;chiông Ngì ke li̍t-liong su-pûn Ngì ke phu̍k-ngìn, chṳ́n-kiu ngài,yîn-vi ngài chhiong ngâ-mê án-ngiòng sṳ-fung Ngì.

和合本2010版诗篇86:17求你向我显出恩待我的凭据，使恨我的人看见就羞愧，因为你－耶和华帮助我，安慰了我。

现代客语汉字诗篇86:17上主啊，对𠊎显出你个良善，使恨𠊎个人看到凭据来见笑，因为你确实帮助𠊎，安慰𠊎。

现代客语全罗诗篇86:17 Song-chú â, tui ngài hién-chhut Ngì ke liòng-san,sṳ́ hen ngài ke ngìn khon-tó phìn-kí lòi kien-seu,yîn-vi Ngì khok-sṳ̍t pông-chhu ngài, ôn-ví ngài.