诗篇第75章客家话和合本对照

相关章：

快速到节：

书卷列表：

和合本2010版诗篇75:1亚萨的诗歌。交给圣咏团长，曲调用「休要毁坏」。上帝是审判者上帝啊，我们称谢你，我们称谢你！你的名临近，人([75.1]「人」：七十士译本是「我」。)都述说你奇妙的作为。

现代客语汉字诗篇75:1亚萨个诗歌，交给圣歌队长，调用莫败坏。审判个主上帝上帝啊，𠊎等感谢你，𠊎等感谢你！𠊎等宣扬你个伟大，讲说(7175:1「𠊎等宣扬你个伟大，讲说」係根据一兜古译本，希伯来文係「你个名亲近；人讲说」。)你奇妙个作为！

现代客语全罗诗篇75:1Â-sat ke sṳ̂-kô, kâu-pûn Sṳn-kô Chhui-chóng, thiau yung Mo̍k Phai-fai.Sṳ́m-phan ke Chú Song-ti Song-ti â, ngài-têu kám-chhia Ngì,ngài-têu kám-chhia Ngì!Ngài-têu siên-yòng Ngì ke ví-thai,kóng-sot( 71 75:1 “ngài-têu siên-yòng Ngì ke ví-thai, kóng-sot” he kîn-kí yit-têu kú yi̍t-pún, Hî-pak-lòi-vùn he “Ngì ke miàng chhîn-khiun; ngìn kóng-sot”.) Ngì khì-meu ke chok-vì!

和合本2010版诗篇75:2我选定了日期，必按正直施行审判。

现代客语汉字诗篇75:2上帝讲：「𠊎已经定好日仔；𠊎爱用公当来施行审判。

现代客语全罗诗篇75:2 Song-ti kóng: “Ngài yí-kîn thin-hó ngit-è;Ngài oi yung kûng-tong lòi sṳ̂-hàng sṳ́m-phan.

和合本2010版诗篇75:3地和其上的居民都熔化了；我亲自坚立地的柱子。（细拉）

现代客语汉字诗篇75:3虽然地㧯住在地上个人摇动，𠊎还爱使地个根基得到坚固。

现代客语全罗诗篇75:3 Sûi-yèn thi lâu he̍t chhai thi-song ke ngìn yèu-thung,Ngài hàn oi pûn thi ke kîn-kî tet-tó kiên-ku.

和合本2010版诗篇75:4我对狂傲的人说：「不要狂傲！」对兇恶的人说：「不要举角！」

现代客语汉字诗篇75:4𠊎喊骄傲个人莫骄傲；𠊎喊兇恶个人莫好斗；

现代客语全罗诗篇75:4 Ngài ham kiêu-ngau ke ngìn mo̍k kiêu-ngau;Ngài ham hiûng-ok ke ngìn mo̍k hau-teu;

和合本2010版诗篇75:5不要把你们的角高举，不要挺着颈项([75.5]「挺着颈项」：七十士译本是「顶撞上帝」。)说话。

现代客语汉字诗篇75:5莫自大头昂昂，莫讲话颈横横。」

现代客语全罗诗篇75:5 mo̍k chhṳ-thai thèu ngo-ngo,mo̍k kóng-fa kiáng vàng-vàng.”

和合本2010版诗篇75:6因为高举非从东，非从西，也非从南而来。

现代客语汉字诗篇75:6人得到高升毋係对东方抑係西方来个，也毋係对旷野来个；

现代客语全罗诗篇75:6 Ngìn tet-tó kô-sṳ̂n m̀-he tui tûng-fông ya-he sî-fông lòi ke,ya m̀-he tui khóng-yâ lòi ke;

和合本2010版诗篇75:7惟有上帝断定，他使这人降卑，使那人升高。

现代客语汉字诗篇75:7唯有上帝断定一切；佢使一侪降下，一侪高升。

现代客语全罗诗篇75:7 vì-yû Song-ti ton-thin yit-chhiet;Kì sṳ́ yit-sà kong-hâ, yit-sà kô-sṳ̂n.

和合本2010版诗篇75:8耶和华的手裏有杯，杯内满了调和起沫的酒；他倒出来，地上的恶人都必喝，直到喝尽它的渣滓。

现代客语汉字诗篇75:8上主个手中拿等一只杯仔，底背装满佢大发谴个酽酒；佢倒出来，世上邪恶个人拢总爱啉，一直啉到最后一滴。

现代客语全罗诗篇75:8 Song-chú ke sú-chûng nâ-tén yit-chak pî-é,tî-poi chông-mân Kì thai fat-khién ke ngiàm-chiú;Kì tó chhut-lòi,sṳ-song sià-ok ke ngìn lûng-chúng oi lîm,yit-chhṳ̍t lîm-to chui-heu yit-tit.

和合本2010版诗篇75:9但我要宣扬，直到永远！我要歌颂雅各的上帝！

现代客语汉字诗篇75:9总係𠊎爱宣扬雅各个上帝；𠊎爱唱歌颂讚佢直到永远。

现代客语全罗诗篇75:9 Chúng-he ngài oi siên-yòng Ngâ-kok ke Song-ti;ngài oi chhong-kô siung-chan Kì chhṳ̍t-to yún-yén.

和合本2010版诗篇75:10恶人一切的角，我要砍断；惟有义人的角必被高举。

现代客语汉字诗篇75:10佢爱打碎坏人个权势；佢爱加添义人个力量。

现代客语全罗诗篇75:10 Kì oi tá-sui fái-ngìn ke khièn-sṳ;Kì oi kâ-thiâm ngi-ngìn ke li̍t-liong.