诗篇第72章客家话和合本对照

相关章：

快速到节：

书卷列表：

和合本2010版诗篇72:1所罗门的诗。为王祈祷上帝啊，求你将你的公平赐给王，将你的公义赐给王的儿子。

现代客语汉字诗篇72:1所罗门个诗。为君王祈祷上帝啊，求你教导国王，使佢照你个公义来审判；求你将你个公义赐给王子。

现代客语全罗诗篇72:1Só-lò-mùn ke sṳ̂.Vi Kiûn-vòng Khì-tó Song-ti â, khiù Ngì kau-thô koet-vòng,pûn kì cheu Ngì ke kûng-ngi lòi sṳ́m-phan;khiù Ngì chiông Ngì ke kûng-ngi su-pûn vòng-chṳ́.

和合本2010版诗篇72:2使他按公义审判你的子民，按公平审判你的困苦人。

现代客语汉字诗篇72:2恁样佢就会用正义治理你个子民，照公当对待该兜属你个穷苦人。

现代客语全罗诗篇72:2 Án-ngiòng kì chhiu voi yung chṳn-ngi chhṳ-lî Ngì ke chṳ́-mìn,cheu kûng-tong tui-thai ke-têu su̍k Ngì ke khiùng-khú-ngìn.

和合本2010版诗篇72:3大山小山都要因公义使百姓得享平安。

现代客语汉字诗篇72:3愿大山细山因为公义，使全国人民享受太平。

现代客语全罗诗篇72:3 Ngien thai-sân se-sân yîn-vi kûng-ngi,sṳ́ chhiòn-koet ngìn-mìn hióng-su thai-phìn.

和合本2010版诗篇72:4他必为百姓中困苦的人伸冤，拯救贫穷之辈，压碎那欺压人的人。

现代客语汉字诗篇72:4愿王照公当庇佑穷苦人，援助有欠缺无人帮助个，同时打击欺压佢等个人。

现代客语全罗诗篇72:4 Ngien vòng cheu kûng-tong pí-yu khiùng-khú-ngìn,yên-chhu yû khiam-khiet mò-ngìn pông-chhu ke,thùng-sṳ̀ tá-kit khî-ap kì-têu ke ngìn.

和合本2010版诗篇72:5太阳还存，月亮犹在，人要敬畏你([72.5]「人要敬畏你」：七十士译本是「愿他永活」。)，直到万代！

现代客语汉字诗篇72:5就算日头还发光，月光也还在，愿你个子民世世代代敬畏你！

现代客语全罗诗篇72:5 Chhiu-son ngit-thèu hàn fat-kông, ngie̍t-kông ya hàn-chhôi,ngien Ngì ke chṳ́-mìn sṳ-sṳ thoi-thoi kin-vi Ngì!

和合本2010版诗篇72:6他必降临，像雨降在已割的草地上，如甘霖滋润田地。

现代客语汉字诗篇72:6愿王像雨水落在草埔；愿王像甘霖滋润大地。

现代客语全罗诗篇72:6 Ngien vòng chhiong yí-súi lo̍k chhai chhó-phû;ngien vòng chhiong kâm-lìm chṳ̂-yun thai-thi.

和合本2010版诗篇72:7在他的日子，公义([72.7]「公义」：有古卷是「义人」。)要兴旺，大有平安，除非月亮不在。

现代客语汉字诗篇72:7愿佢在位个日仔正义伸张；愿国泰民安就像月光长存。

现代客语全罗诗篇72:7 Ngien kì chhai-vi ke ngit-è chṳn-ngi sṳ̂n-chông;ngien koet-thai mìn-ôn chhiu-chhiong ngie̍t-kông chhòng-chhùn.

和合本2010版诗篇72:8他要执掌权柄，从这海直到那海，从大河直到地极。

现代客语汉字诗篇72:8佢个国对这只海透到该只海，对幼发拉底河一直透到地极。

现代客语全罗诗篇72:8 Kì ke koet tui liá-chak hói theu-to ke-chak hói,tui Yu-fat-lâ-tí-hò yit-chhṳ̍t theu-to thi-khi̍t.

和合本2010版诗篇72:9住在旷野的必在他面前下拜，他的仇敌必要舔土。

现代客语汉字诗篇72:9住在旷野个会向佢行礼；佢个仇敌会伏下降服佢。

现代客语全罗诗篇72:9 He̍t chhai khóng-yâ ke voi hiong kì hàng-lî;kì ke sù-thi̍t voi phu̍k-hâ hòng-fu̍k kì.

和合本2010版诗篇72:10他施和海岛的王要进贡，示巴和西巴的王要献礼物。

现代客语汉字诗篇72:10他施㧯列岛该兜王会对佢献上贡物；示巴㧯西巴(6672:10他施、示巴㧯西巴可能在现代个西班牙、阿拉伯㧯衣索匹亚该兜地方。)个众王也带礼物来。

现代客语全罗诗篇72:10 Thâ-sṳ̂ lâu lie̍t-tó ke-têu vòng voi tui kì hien-song kung-vu̍t;Sṳ-pâ lâu Sî-pâ( 66 72:10 Thâ-sṳ̂, Sṳ-pâ lâu Sî-pâ khó-nèn chhai hien-thoi ke Sî-pân-ngà, Â-lâ-pak lâu Yî-sok-phit-â ke-têu thi-fông.) ke chung vòng ya tai lî-vu̍t lòi.

和合本2010版诗篇72:11众王都要叩拜他，万国都要事奉他。

现代客语汉字诗篇72:11列王会跪拜佢；万国会服事佢。

现代客语全罗诗篇72:11 Lie̍t-vòng voi khúi-pai kì;van-koet voi fu̍k-sṳ kì.

和合本2010版诗篇72:12贫穷人呼求，他要搭救，无人帮助的困苦人，他也搭救。

现代客语汉字诗篇72:12佢透放对佢求喊个穷苦人，透放受压迫㧯无人帮助个人。

现代客语全罗诗篇72:12 Kì théu-piong tui kì khiù-ham ke khiùng-khú-ngìn,théu-piong su ap-pet lâu mò-ngìn pông-chhu ke ngìn.

和合本2010版诗篇72:13他要怜悯贫寒和贫穷的人，拯救贫穷人的性命。

现代客语汉字诗篇72:13佢怜悯软弱穷苦个人；佢拯救穷苦人个性命。

现代客语全罗诗篇72:13 Kì lìn-mén ngiôn-ngio̍k khiùng-khú ke ngìn;kì chṳ́n-kiu khiùng-khú-ngìn ke sin-miang.

和合本2010版诗篇72:14他要救赎他们脱离欺压和残暴，他们的血在他眼中看为宝贵。

现代客语汉字诗篇72:14佢救佢等脱离压迫㧯强暴；佢看佢等个生命做尽宝贵。

现代客语全罗诗篇72:14 Kì kiu kì-têu thot-lì ap-pet lâu khiòng-phau;kì khon kì-têu ke sâng-miang cho chhin pó-kui.

和合本2010版诗篇72:15愿他永远活着，示巴的金子要献给他；愿人常常为他祷告，终日祝福他。

现代客语汉字诗篇72:15愿王万岁！愿佢得到示巴个金仔；愿有人时常紧代佢祈祷，求上帝一直赐福给佢！

现代客语全罗诗篇72:15 Ngien vòng van-soi!Ngien kì tet-tó Sṳ-pâ ke kîm-é;ngien yû-ngìn sṳ̀-sòng kín thoi kì khì-tó,khiù Song-ti yit-chhṳ̍t su-fuk pûn kì!

和合本2010版诗篇72:16在地的山顶上，愿五穀茂盛，所结的穀实响动，如黎巴嫩的树林；愿城裏的人兴旺，如地上的草。

现代客语汉字诗篇72:16愿土地五榖丰登，有丰富个收成；山头果子满遍，就像黎巴嫩一样；愿城市个人兴旺，像野地生满青草。

现代客语全罗诗篇72:16 Ngien thú-thi ńg-kuk fûng-tên,yû fûng-fu ke sû-sṳ̀n;sân-thèu kó-chṳ́ mân-phien,chhiu-chhiong Lì-pâ-nun yit-yong;ngien sàng-sṳ ke ngìn hîn-vong,chhiong yâ-thi sâng-mân chhiâng-chhó.

和合本2010版诗篇72:17愿他的名存到永远，他的名如太阳之长久([72.17]「长久」：原文另译「坚定」或「延续」。)；愿人因他蒙福，万国称他为有福。

现代客语汉字诗篇72:17愿佢个名永远被人纪念；愿佢个名声像日头长存。愿万民对佢得到福气；愿万国称佢真有福气。

现代客语全罗诗篇72:17 Ngien kì ke miàng yún-yén pûn-ngìn ki-ngiam;ngien kì ke miàng-sâng chhiong ngit-thèu chhòng-chhùn.Ngien van-mìn tui kì tet-tó fuk-hi;ngien van-koet chhṳ̂n kì chṳ̂n-yû fuk-hi.

和合本2010版诗篇72:18惟独耶和华－以色列的上帝能行奇事，他是应当称颂的！

现代客语汉字诗篇72:18爱颂讚上主—以色列个上帝！唯有佢正行得出奇妙个事。

现代客语全罗诗篇72:18 Oi siung-chan Song-chú — Yî-set-lie̍t ke Song-ti!Vì-yû Kì chang hàng tet-chhut khì-meu ke sṳ.

和合本2010版诗篇72:19他荣耀的名也当称颂，直到永远。愿他的荣耀充满全地！阿们！阿们！

现代客语汉字诗篇72:19爱永远颂讚佢荣耀个名！愿佢个荣光充满全世界！阿愐！阿愐！

现代客语全罗诗篇72:19 Oi yún-yén siung-chan Kì yùng-yeu ke miàng!Ngien Kì ke yùng-kông chhûng-mân chhiòn sṳ-kie!Â-mén! Â-mén!

和合本2010版诗篇72:20耶西的儿子－大卫的祈祷完毕。s第三卷（七十三至八十九篇）

现代客语汉字诗篇72:20耶西个孻仔大卫个祈祷结束。

现代客语全罗诗篇72:20 Yâ-sî ke lai-é Thai-ví ke khì-tó kiet-suk.