诗篇第6章客家话和合本对照

相关章：

快速到节：

书卷列表：

和合本2010版诗篇6:1大卫的诗。交给圣咏团长，用丝弦的乐器，曲调用「第八」。患难中求助的祈祷耶和华啊，求你不要在怒中责备我，不要在烈怒中惩罚我！

现代客语汉字诗篇6:1大卫个诗，交给圣歌队长，用丝弦个乐器，调用第八。患难中祈求帮助上主啊，求你毋好发谴来责备𠊎；也毋好在大发谴之中来责罚𠊎！

现代客语全罗诗篇6:1Thai-ví ke sṳ̂, kâu-pûn Sṳn-kô Chhui-chóng, yung sṳ̂-hièn ke ngo̍k-hi, thiau yung Thi-pat.Fam-nan chûng Khì-khiù Pông-chhu Song-chú â, khiù Ngì m̀-hó fat-khién lòi chit-phi ngài;ya m̀-hó chhai thai fat-khién chṳ̂-chûng lòi chit-fa̍t ngài!

和合本2010版诗篇6:2耶和华啊，求你怜悯我，因为我软弱。耶和华啊，求你医治我，因为我的骨头战抖。

现代客语汉字诗篇6:2上主啊，求你怜悯𠊎，因为𠊎个身体非常软弱；上主啊，求你医治𠊎，因为𠊎个骨头惊到紧颤。

现代客语全罗诗篇6:2 Song-chú â, khiù Ngì lìn-mén ngài,yîn-vi ngài ke sṳ̂n-thí fî-sòng ngiôn-ngio̍k;Song-chú â, khiù Ngì yî-chhṳ ngài,yîn-vi ngài ke kut-thèu kiâng-to kín-chûn.

和合本2010版诗篇6:3我的心也大大惊惶。耶和华啊，你要等到几时呢？

现代客语汉字诗篇6:3𠊎个身心也尽着惊；上主啊，爱继续到几时呢？

现代客语全罗诗篇6:3 Ngài ke sṳ̂n-sîm ya chhin chho̍k-kiâng;Song-chú â, oi ki-siu̍k to kí-sṳ̀ nè?

和合本2010版诗篇6:4耶和华啊，求你转回搭救我，因你的慈爱拯救我。

现代客语汉字诗篇6:4上主啊，求你回心转意来救𠊎！因为你不变个慈爱，求你拯救𠊎！

现代客语全罗诗篇6:4 Song-chú â, khiù Ngì fì-sîm chón-yi lòi-kiu ngài!Yîn-vi Ngì put-pien ke chhṳ̀-oi, khiù Ngì chṳ́n-kiu ngài!

和合本2010版诗篇6:5因为死了的人不会记念你，在阴间有谁称谢你？

现代客语汉字诗篇6:5过身个人无可能纪念你！敢有么人在阴间颂讚你？

现代客语全罗诗篇6:5 Ko-sṳ̂n ke ngìn mò khó-nèn ki-ngiam Ngì!Kám yû má-ngìn chhai yîm-kiên siung-chan Ngì?

和合本2010版诗篇6:6我因呻吟而困乏；我每夜流泪，使床铺漂起，把褥子湿透。

现代客语汉字诗篇6:6𠊎紧噌，噌到无半滴力；逐暗晡，𠊎个目汁像做大水，淹到归眠床，被骨也湿𣽛𣽛。

现代客语全罗诗篇6:6 Ngài kín-chhên, chhên-to mò pan-ti̍t li̍t;tak am-pû, ngài ke muk-chṳp chhiong cho thai-súi,yim-to kûi mìn-chhòng, phî-kut ya sṳp-ta̍p-ta̍p.

和合本2010版诗篇6:7我的眼睛因忧愁而昏花，因敌人的缘故，我的眼目模糊不清。

现代客语汉字诗篇6:7𠊎伤心噭到无目汁、目珠肿肿；该兜对敌害𠊎眼目昏花。

现代客语全罗诗篇6:7 Ngài sông-sîm kieu-to mò muk-chṳp, muk-chû chúng-chúng;ke-têu tui-thi̍t hoi ngài ngién-muk fûn-fâ.

和合本2010版诗篇6:8你们所有作恶的人，离开我吧！因为耶和华听了我哀哭的声音。

现代客语汉字诗篇6:8你这兜作恶个人啊，闪走！因为上主听到𠊎个噭声了。

现代客语全罗诗篇6:8 Ngì liá-têu chok-ok ke ngìn â, sám-chéu!Yîn-vi Song-chú thâng-tó ngài ke kieu-sâng lé.

和合本2010版诗篇6:9耶和华听了我的恳求，耶和华必接纳我的祷告。

现代客语汉字诗篇6:9上主已经听到𠊎个恳求；上主定着接受𠊎个祈祷。

现代客语全罗诗篇6:9 Song-chú yí-kîn thâng-tó ngài ke khién-khiù;Song-chú thin-chho̍k chiap-su ngài ke khì-tó.

和合本2010版诗篇6:10我所有的仇敌都必羞愧，大大惊惶；转眼之间，他们要羞愧撤退。

现代客语汉字诗篇6:10𠊎个对敌全部会尽见笑，非常着惊；佢等会忽然间受尽侮辱，走到净净。

现代客语全罗诗篇6:10 Ngài ke tui-thi̍t chhiòn-phu voi chhin kien-seu, fî-sòng chho̍k-kiâng;kì-têu voi fut-yèn-kiên su-chhin vú-yu̍k, chéu-to chhiang-chhiang.