诗篇第68章客家话和合本对照

相关章：

快速到节：

书卷列表：

和合本2010版诗篇68:1大卫的诗歌。交给圣咏团长。胜利之歌愿上帝兴起，使他的仇敌四散，使那恨他的人从他面前逃跑。

现代客语汉字诗篇68:1大卫个诗歌，交给圣歌队长。得胜个诗歌愿上帝䟘起来，使佢个仇敌四散；愿该兜怨恨佢个对佢面前逃走。

现代客语全罗诗篇68:1Thai-ví ke sṳ̂-kô, kâu-pûn Sṳn-kô Chhui-chóng.Tet-sṳn ke Sṳ̂-kô Ngien Song-ti hong-hí-lòi, sṳ́ Kì ke sù-thi̍t si-san;ngien ke-têu yen-hen Kì ke tui Kì mien-chhièn thò-chéu.

和合本2010版诗篇68:2你驱逐他们([68.2]「你驱逐他们」：有古译本是「他们被驱逐」。)，如烟被吹散；恶人见上帝的面就消灭，如蜡被火熔化。

现代客语汉字诗篇68:2愿佢等被上帝逐走，就像烟被风吹散一样；愿坏人在上帝面前消灭，像蜡堵到火就溶掉一样。

现代客语全罗诗篇68:2 Ngien kì-têu pûn Song-ti kiuk-chéu,chhiu-chhiong yên pûn fûng chhôi-san yit-yong;ngien fái-ngìn chhai Song-ti mien-chhièn sêu-me̍t,chhiong la̍p tù-tó fó chhiu yùng-thet yit-yong.

和合本2010版诗篇68:3惟有义人必然欢喜，在上帝面前快乐，他们要在喜乐中欢欣。

现代客语汉字诗篇68:3总係义人爱欢喜唱歌，在上帝面前欢喜快乐。

现代客语全罗诗篇68:3 Chúng-he ngi-ngìn oi fôn-hí chhong-kô,chhai Song-ti mien-chhièn fôn-hí khoai-lo̍k.

和合本2010版诗篇68:4你们当向上帝唱诗，歌颂他的名；为那驾车经过旷野的修平道路([68.4]「为那…道路」或译「为那驾云的高唱」。)。他的名是耶和华，你们要在他面前欢乐！

现代客语汉字诗篇68:4爱对上帝唱诗，颂讚佢个名；爱为到该坐云个(6068:4「该坐云个」抑係译做「驶车过旷野个」。)预备道路。佢个名係安到上主；你等爱在佢面前欢喜快乐！

现代客语全罗诗篇68:4 Oi tui Song-ti chhong-sṳ̂, siung-chan Kì ke miàng;oi vi-tó ke chhô-yùn ke( 60 68:4 “ke chhô-yùn ke” ya-he yi̍t-cho “sṳ́-chhâ ko khóng-yâ ke”.) yi-phi tho-lu.Kì ke miàng he ôn-to Song-chú;ngì-têu oi chhai Kì mien-chhièn fôn-hí khoai-lo̍k!

和合本2010版诗篇68:5上帝在他的圣所作孤儿的父，作寡妇的伸冤者。

现代客语汉字诗篇68:5上帝住在佢个圣殿肚；佢做孤儿个阿爸，为寡妇伸冤。

现代客语全罗诗篇68:5 Song-ti he̍t chhai Kì ke sṳn-thien tú;Kì cho kû-yì ke Â-pâ, vi koá-fu sṳ̂n-yên.

和合本2010版诗篇68:6上帝使孤独的有家，使被囚的出来享福；惟有悖逆的要住在乾旱之地。

现代客语汉字诗篇68:6上帝使孤单个人有屋下好转，使被人关个得到自由快乐；总係悖逆个住在燥熻个地。

现代客语全罗诗篇68:6 Song-ti sṳ́ kû-tân ke ngìn yû vuk-hâ hó-chón,sṳ́ pûn-ngìn koân ke tet-tó chhṳ-yù khoai-lo̍k;chúng-he phoi-ngia̍k ke he̍t chhai châu-hip ke thi.

和合本2010版诗篇68:7上帝啊，当你走在百姓前头，在旷野行进，（细拉）

现代客语汉字诗篇68:7上帝啊，你在你子民个头前行，你带领佢等行过旷野个时节，

现代客语全罗诗篇68:7 Song-ti â, Ngì chhai Ngì chṳ́-mìn ke thèu-chhièn hàng,Ngì tai-liâng kì-têu hàng-ko khóng-yâ ke sṳ̀-chiet,

和合本2010版诗篇68:8地见上帝的面就震动，天也降雨；西奈山见以色列上帝的面也震动。

现代客语汉字诗篇68:8大地震动，天也落雨，因为西奈个上帝(6168:8上帝称做「西奈个上帝」，因为以色列人出埃及爱去迦南个时，上帝在西奈山对佢等启示自家(出埃及记19:16-25)。)出现，以色列个上帝降临了。

现代客语全罗诗篇68:8 thai-thi chṳ́n-thung, thiên ya lo̍k-yí,yîn-vi Sî-nai ke Song-ti( 61 68:8 Song-ti chhṳ̂n-cho “Sî-nai ke Song-ti”, yîn-vi Yî-set-lie̍t-ngìn chhut Âi-khi̍p oi hi Kâ-nàm ke sṳ̀, Song-ti chhai Sî-nai-sân tui kì-têu khí-sṳ chhṳ-kâ (Chhut Âi-khi̍p Ki 19:16-25).) chhut-hien,Yî-set-lie̍t ke Song-ti kong-lìm lé.

和合本2010版诗篇68:9上帝啊，你降下大雨；你的产业以色列疲乏的时候，你使他坚固。

现代客语汉字诗篇68:9上帝啊，你降下大雨；你使燥燥个土地得到滋润。

现代客语全罗诗篇68:9 Song-ti â, Ngì kong-hâ thai-yí;Ngì sṳ́ châu-châu ke thú-thi tet-tó chṳ̂-yun.

和合本2010版诗篇68:10你的会众住在境内；上帝啊，你在恩惠中为困苦人预备所需的。

现代客语汉字诗篇68:10你个子民就住在该位；上帝啊，你用慈悲款待穷苦人。

现代客语全罗诗篇68:10 Ngì ke chṳ́-mìn chhiu he̍t chhai ke-vi;Song-ti â, Ngì yung chhṳ̀-pî khoán-thai khiùng-khú-ngìn.

和合本2010版诗篇68:11主发命令，传好信息的妇女成了大羣：

现代客语汉字诗篇68:11主一下令，归群个妇女就传讲：

现代客语全罗诗篇68:11 Chú yit ha-lin,kûi-khiùn ke fu-ńg chhiu chhòn-kóng:

和合本2010版诗篇68:12「统领大军的君王逃跑了，逃跑了！」在家等候的妇女也分得了掠物。

现代客语汉字诗篇68:12「该兜王㧯军队逃走了！」在屋下个妇女分到战利品；

现代客语全罗诗篇68:12 “Ke-têu vòng lâu kiûn-chhui thò-chéu lé!”Chhai vuk-hâ ke fu-ńg pûn-tó chan-li-phín;

和合本2010版诗篇68:13你们躺卧在羊圈，好像鸽子的翅膀镀银，翎毛镀金一般。

现代客语汉字诗篇68:13有包白银个月鸽仔个雕像，牠兜个翼胛有黄金紧闪光。(战争中样有人囥在羊圈肚？)

现代客语全罗诗篇68:13 yû pâu pha̍k-ngiùn ke ngie̍t-kap-è ke tiâu-siong,kì-têu ke yi̍t-kap yû vòng-kîm kín sám-kông.(Chan-chên chûng ngióng yû-ngìn khong chhai yòng-khiên tú?)

和合本2010版诗篇68:14全能者在境内赶散列王的时候，势如飘雪在撒们。

现代客语汉字诗篇68:14全能个上帝逐散该兜王个时，佢喊(6268:14「佢喊」抑係译做「就像」。)大雪落在撒们山顶高。

现代客语全罗诗篇68:14 Chhiòn-nèn ke Song-ti kiuk-san ke-têu vòng ke sṳ̀,Kì ham( 62 68:14 “Kì ham” ya-he yi̍t-cho “chhiu-chhiong”.) thai-siet lo̍k chhai Sat-mùn-sân táng-kô.

和合本2010版诗篇68:15巴珊山是极其宏伟([68.15]「极其宏伟」或译「上帝」。)的山，巴珊山是多峯多岭的山。

现代客语汉字诗篇68:15巴珊个山实在真庄严；巴珊山有尽多座山峰。

现代客语全罗诗篇68:15 Pâ-sân ke sân sṳ̍t-chhai chṳ̂n chông-ngiàm;Pâ-sân-sân yû chhin-tô chho sân-fûng.

和合本2010版诗篇68:16你们多峯多岭的山哪，为何以妒忌的眼光看上帝所愿居住的山？耶和华必住这山，直到永远！

现代客语汉字诗篇68:16你等多峰多岭个山啊，做么介嫉妒上帝所选所住个锡安山？上主爱永远住在锡安山顶！

现代客语全罗诗篇68:16 Ngì-têu tô-fûng tô-liâng ke sân â,cho-má-ke chhit-tu Song-ti só-sién só-he̍t ke Siak-ôn-sân?Song-chú oi yún-yén he̍t chhai Siak-ôn sân-táng!

和合本2010版诗篇68:17上帝的车辇累万盈千；主在其中，好像在西奈圣山一样。

现代客语汉字诗篇68:17上帝个战车有千千万万；主带它兜对西奈入圣所(6368:17「主带…圣所」希伯来文係「主在它兜当中，西奈在圣所」。)。

现代客语全罗诗篇68:17 Song-ti ke chan-chhâ yû chhiên-chhiên van-van;Chú tai kì-têu tui Sî-nai ngi̍p sṳn-só( 63 68:17 “Chú tai ... sṳn-só” Hî-pak-lòi-vùn he “Chú chhai kì-têu tông-chûng, Sî-nai chhai sṳn-só”.).

和合本2010版诗篇68:18你已经升上高天，掳掠了俘虏；你在人间，就是在悖逆的人中，受了供献，使耶和华上帝可以与他们同住。

现代客语汉字诗篇68:18佢升上去到高高个所在，带等尽多捉来个人；佢接受人献个礼物，甚至悖逆者个礼物。主上帝爱住在该所在。

现代客语全罗诗篇68:18 Kì sṳ̂n-sông-hi to kô-kô ke só-chhai,tai-tén chhin-tô chok-lòi ke ngìn;Kì chiap-su ngìn hien ke lî-vu̍t,sṳm-chṳ phoi-ngia̍k-chá ke lî-vu̍t.Chú Song-ti oi he̍t chhai ke só-chhai.

和合本2010版诗篇68:19天天背负我们重担的主，就是拯救我们的上帝，是应当称颂的！（细拉）

现代客语汉字诗篇68:19爱颂讚主，就係救𠊎等个上帝，因为佢逐日揹等𠊎等个重担。

现代客语全罗诗篇68:19 Oi siung-chan Chú, chhiu-he kiu ngài-têu ke Song-ti,yîn-vi Kì tak-ngit pà-tén ngài-têu ke chhûng-tâm.

和合本2010版诗篇68:20上帝是为我们施行拯救的上帝；人能脱离死亡是在乎主－耶和华。

现代客语汉字诗篇68:20𠊎等个上帝係拯救个上帝；上主係救𠊎等脱离死亡个主。

现代客语全罗诗篇68:20 Ngài-têu ke Song-ti he chṳ́n-kiu ke Song-ti;Song-chú he kiu ngài-têu thot-lì sí-mòng ke Chú.

和合本2010版诗篇68:21但上帝要打破他仇敌的头，就是那常犯罪之人的头颅。

现代客语汉字诗篇68:21上帝一定爱打烂佢仇敌个头那，该兜硬硬爱犯罪个人个头那壳。

现代客语全罗诗篇68:21 Song-ti yit-thin oi tá-lan Kì sù-thi̍t ke thèu-nà,ke-têu ngang-ngang oi fam-chhui ke ngìn ke thèu-nà-hok.

和合本2010版诗篇68:22主说：「我要使百姓从巴珊归来，使他们从深海转回，

现代客语汉字诗篇68:22主讲过：「𠊎爱将你等个仇敌对巴珊带来；𠊎爱带佢等对深海个当中过来，

现代客语全罗诗篇68:22 Chú kóng-ko:“Ngài oi chiông ngì-têu ke sù-thi̍t tui Pâ-sân tai-lòi;Ngài oi tai kì-têu tui chhṳ̂m-hói ke tông-chûng ko-lòi,

和合本2010版诗篇68:23好叫你打碎仇敌，使你的脚踹在血中，使你狗的舌头也有份。」

现代客语汉字诗篇68:23好俾你等对佢等个血中行等过，也好俾你等个狗来舐佢等个血。」

现代客语全罗诗篇68:23 hó-pûn ngì-têu tui kì-têu ke hiet-chûng hàng-tén ko,ya hó-pûn ngì-têu ke kiéu lòi sê kì-têu ke hiet.”

和合本2010版诗篇68:24上帝啊，你是我的上帝，我的王；人已经看见你行走，进入圣所。

现代客语汉字诗篇68:24上帝啊，大家拢总看到你得胜个行列；佢等看等𠊎个上帝—𠊎个王进入圣所。

现代客语全罗诗篇68:24 Song-ti â, thai-kâ lûng-chúng khon-tó Ngì tet-sṳn ke hòng-lie̍t;kì-têu khon-tén ngài ke Song-ti — ngài ke Vòng chin-ngi̍p sṳn-só.

和合本2010版诗篇68:25歌唱的行在前，作乐的随在后，都在击鼓的童女中间：

现代客语汉字诗篇68:25诗班在前，乐队在后，打铃鼓个童女在中央。

现代客语全罗诗篇68:25 Sṳ̂-pân chhai-chhièn, ngo̍k-chhui chhai-heu,tá lìn-kú ke thùng-ńg chhai tûng-ông.

和合本2010版诗篇68:26「从以色列源头而来的啊，你们当在各会中称颂上帝－耶和华！」

现代客语汉字诗篇68:26你等爱在大聚会中颂讚上帝；以色列个子孙啊，你等爱颂讚上主！

现代客语全罗诗篇68:26 Ngì-têu oi chhai thai chhi-fi chûng siung-chan Song-ti;Yî-set-lie̍t ke chṳ́-sûn â, ngì-têu oi siung-chan Song-chú!

和合本2010版诗篇68:27在那裏，有统管他们的小便雅悯，有犹大的领袖和他们的一羣人，有西布伦的领袖，有拿弗他利的领袖。

现代客语汉字诗篇68:27最细个支族便雅悯行最头前，然后，犹大个众领袖㧯随从跈等，接等係西布伦㧯拿弗他利个众领袖。

现代客语全罗诗篇68:27 Chui-se ke kî-chhu̍k Phien-ngâ-mén hàng chui thèu-chhièn,yèn-heu, Yù-thai ke chung liâng-chhiu lâu sùi-chhiùng thèn-tén,chiap-tén he Sî-pu-lùn lâu Nâ-fut-thâ-li ke chung liâng-chhiu.

和合本2010版诗篇68:28你的上帝已赐给你力量([68.28]「你的上帝已赐给你力量」：有古卷是「上帝啊，求你赏赐你的力量」。)；上帝啊，求你坚固你为我们所成全的事！

现代客语汉字诗篇68:28上帝啊，求你显出你个大能，就係你为到𠊎等用过个能力！

现代客语全罗诗篇68:28 Song-ti â, khiù Ngì hién-chhut Ngì ke thai-nèn,chhiu-he Ngì vi-tó ngài-têu yung-ko ke nèn-li̍t!

和合本2010版诗篇68:29因你耶路撒冷的殿，列王必带贡物献给你。

现代客语汉字诗篇68:29因为你在耶路撒冷个圣殿，列王爱带礼物献给你。

现代客语全罗诗篇68:29 Yîn-vi Ngì chhai Yâ-lu-sat-lâng ke sṳn-thien,lie̍t-vòng oi tai lî-vu̍t hien-pûn Ngì.

和合本2010版诗篇68:30求你斥责芦苇中的野兽和公牛羣，并万民中的牛犊。直到他们带着银块来朝贡([68.30]「直到…朝贡」：原文另译「把银块踹在脚下」。)；上帝已经赶散好战的万民([68.30]「上帝…万民」：原文另译「赶散好战的万民」。)。

现代客语汉字诗篇68:30求你责罚埃及—该只芦竹中个禽兽；责罚列国—该群牛牯㧯牠兜个细牛，直到佢等低头降服，对你献上银仔。求你将该兜尽好相㓾个民族打散！

现代客语全罗诗篇68:30 Khiù Ngì chit-fa̍t Âi-khi̍p — ke-chak lù-chuk chûng ke khìm-chhu;chit-fa̍t lie̍t-koet — ke-khiùn ngiù-kú lâu kì-têu ke se-ngiù,chhṳ̍t-to kì-têu tâi-thèu hòng-fu̍k, tui Ngì hien-song ngiùn-è.Khiù Ngì chiông ke-têu chhin hau siông-chhṳ̀ ke mìn-chhu̍k tá-san!

和合本2010版诗篇68:31埃及的使臣要出来，古实([68.31]「古实」：包括苏丹的大部分和埃塞俄比亚的一部分。)人要急忙向上帝伸出手来。

现代客语汉字诗篇68:31会有大使对埃及前来；古实人会擎手献礼物给上帝。

现代客语全罗诗篇68:31 Voi yû thai-sṳ́ tui Âi-khi̍p chhièn-lòi;Kú-sṳ̍t-ngìn voi khià-sú hien lî-vu̍t pûn Song-ti.

和合本2010版诗篇68:32地上的国度啊，你们要向上帝歌唱，要歌颂主，（细拉）

现代客语汉字诗篇68:32地上万国啊，爱歌颂上帝；你等爱唱诗歌来颂讚主！

现代客语全罗诗篇68:32 Thi-song van-koet â, oi kô-siung Song-ti;ngì-têu oi chhong sṳ̂-kô lòi siung-chan Chú!

和合本2010版诗篇68:33就是那驾行在亘古的诸天之上的主！听啊，他发出声音，是极大的声音。

现代客语汉字诗篇68:33爱歌颂该坐在万古高天上个主！听啊，佢发出个声音满有权能。

现代客语全罗诗篇68:33 Oi kô-siung ke chhô chhai van-kú kô-thiên song ke Chú!Thâng â, Kì fat-chhut ke sâng-yîm mân-yû khièn-nèn.

和合本2010版诗篇68:34你们要将能力归给上帝；他的威荣在以色列之上，他的能力显在天上。

现代客语汉字诗篇68:34爱传扬上帝个大权能；佢个威严大过以色列；佢个大权能充满穹苍。

现代客语全罗诗篇68:34 Oi chhòn-yòng Song-ti ke thai khièn-nèn;Kì ke vî-ngiàm thai-ko Yî-set-lie̍t;Kì ke thai khièn-nèn chhûng-mân kiûng-chhông.

和合本2010版诗篇68:35上帝啊，你从圣所显为可畏，以色列的上帝是那将力量权能赐给他百姓的。上帝是应当称颂的！

现代客语汉字诗篇68:35上帝啊，你在你个圣所中係真得人敬畏个！以色列个上帝赐力量㧯权能给佢个子民。你等爱颂讚上帝！

现代客语全罗诗篇68:35 Song-ti â, Ngì chhai Ngì ke sṳn-só chûng he chṳ̂n tet-ngìn kin-vi ke!Yî-set-lie̍t ke Song-ti su li̍t-liong lâu khièn-nèn pûn Kì ke chṳ́-mìn.Ngì-têu oi siung-chan Song-ti!