诗篇第66章客家话和合本对照

相关章：

快速到节：

书卷列表：

和合本2010版诗篇66:1一篇诗歌。交给圣咏团长。颂讚感恩的诗全地都当向上帝欢呼！

现代客语汉字诗篇66:1一篇诗歌，交给圣歌队长。颂讚感恩个诗歌全世界爱欢喜大声颂讚上帝！

现代客语全罗诗篇66:1Yit-phiên sṳ̂-kô, kâu-pûn Sṳn-kô Chhui-chóng.Siung-chan Kám-ên ke Sṳ̂-kô Chhiòn sṳ-kie oi fôn-híthai-sâng siung-chan Song-ti!

和合本2010版诗篇66:2当歌颂他名的荣耀，使讚美他的话大有荣耀！

现代客语汉字诗篇66:2爱唱歌颂讚佢荣光个名！爱献讚美个诗来荣耀佢！

现代客语全罗诗篇66:2 Oi chhong-kô siung-chan Kì yùng-kông ke miàng!Oi hien chan-mî ke sṳ̂ lòi yùng-yeu Kì!

和合本2010版诗篇66:3当对上帝说：「你的作为何等可畏！因你的大能，仇敌要向你投降。

现代客语汉字诗篇66:3爱对上帝讲：「你所做个实在奇妙！你个能力大到连仇敌也降服你！

现代客语全罗诗篇66:3 Oi tui Song-ti kóng: “Ngì só-cho ke sṳ̍t-chhai khì-meu!Ngì ke nèn-li̍t thai-to lièn sù-thi̍t ya hòng-fu̍k Ngì!

和合本2010版诗篇66:4全地要敬拜你，歌颂你，要歌颂你的名。」（细拉）

现代客语汉字诗篇66:4全世界拢总爱敬拜你，对你唱歌，颂讚你个名。」

现代客语全罗诗篇66:4 Chhiòn sṳ-kie lûng-chúng oi kin-pai Ngì,tui Ngì chhong-kô, siung-chan Ngì ke miàng.”

和合本2010版诗篇66:5你们来看上帝所做的，他向世人所做之事是可畏的。

现代客语汉字诗篇66:5来啊，来看上帝所做个大事；来看佢在人间奇妙个作为。

现代客语全罗诗篇66:5 Lòi â, lòi khon Song-ti só-cho ke thai-sṳ;lòi khon Kì chhai ngìn-kiên khì-meu ke chok-vì.

和合本2010版诗篇66:6他将海变成乾地，使百姓步行过河；我们在那裏要因他欢喜。

现代客语汉字诗篇66:6佢识将海变做燥地，使𠊎等个祖先行等过河坝；𠊎等在该位因为佢快乐。

现代客语全罗诗篇66:6 Kì sṳt chiông hói pien-cho châu-thi,pûn ngài-têu ke chú-siên hàng-tén ko hò-pa;ngài-têu chhai ke-vi yîn-vi Kì khoai-lo̍k.

和合本2010版诗篇66:7他用权能治理，直到永远。他的眼睛鑒察万民；悖逆的人不可自高。（细拉）

现代客语汉字诗篇66:7佢凭自家个大能掌权到永远；佢用佢个目珠鑒察万邦万国；悖逆个人啊，毋好自高自大噢！

现代客语全罗诗篇66:7 Kì phìn chhṳ-kâ ke thai-nèn chóng-khièn to yún-yén;Kì yung Kì ke muk-chû kam-chhat van-pâng van-koet;phoi-ngia̍k ke ngìn â, m̀-hó chhṳ-kô chhṳ-thai ô!

和合本2010版诗篇66:8万民哪，你们当称颂我们的上帝，使人得听讚美他的声音。

现代客语汉字诗篇66:8万民啊，爱颂讚𠊎等个上帝，俾讚美佢个声音传遍四方。

现代客语全罗诗篇66:8 Van-mìn â, oi siung-chan ngài-têu ke Song-ti,pûn chan-mî Kì ke sâng-yîm chhòn-phien si-fông.

和合本2010版诗篇66:9他使我们的性命存活，不叫我们的脚摇动。

现代客语汉字诗篇66:9佢有保守𠊎等个生命，使𠊎等个脚无打荡溜。

现代客语全罗诗篇66:9 Kì yû pó-sú ngài-têu ke sâng-miang,pûn ngài-têu ke kiok mò tá-thong-thiu.

和合本2010版诗篇66:10上帝啊，你曾考验我们，你熬炼我们，如炼银子一样。

现代客语汉字诗篇66:10上帝啊，你识考验𠊎等；你锻鍊𠊎等，像炼银仔。

现代客语全罗诗篇66:10 Song-ti â, Ngì sṳt kháu-ngiam ngài-têu;Ngì thon-lien ngài-têu, chhiong lien ngiùn-è.

和合本2010版诗篇66:11你使我们进入罗网，把重担放在我们身上。

现代客语汉字诗篇66:11你使𠊎等陷落罗网底背；你用重担碛𠊎等个背囊。

现代客语全罗诗篇66:11 Ngì sṳ́ ngài-têu ham-lo̍k lò-mióng tî-poi;Ngì yung chhûng-tâm chak ngài-têu ke poi-nòng.

和合本2010版诗篇66:12你使人坐车轧我们的头；我们经过水火，你却使我们到丰富之地。

现代客语汉字诗篇66:12你准仇敌坐战车辗𠊎等个头那；𠊎等又经历水深火热个试炼；然后你带𠊎等到丰盛个所在。

现代客语全罗诗篇66:12 Ngì chún sù-thi̍t chhô chan-chhâ chan ngài-têu ke thèu-nà;ngài-têu yu kîn-li̍t súi-chhṳ̂m fó-ngie̍t ke sṳ-lien;yèn-heu Ngì tai ngài-têu to fûng-sṳn ke só-chhai.

和合本2010版诗篇66:13我要带着燔祭进你的殿，向你还我的愿，

现代客语汉字诗篇66:13𠊎爱带烧化祭入你个圣殿，对你还𠊎所许个愿，

现代客语全罗诗篇66:13 Ngài oi tai sêu-fa-chi ngi̍p Ngì ke sṳn-thien,tui Ngì vàn ngài só-hí ke ngien,

和合本2010版诗篇66:14就是在急难时我嘴唇所发的、口中所许的。

现代客语汉字诗篇66:14就係患难中𠊎亲口许个愿。

现代客语全罗诗篇66:14 chhiu-he fam-nan chûng ngài chhîn-khiéu hí ke ngien.

和合本2010版诗篇66:15我要将肥牛的燔祭和公羊的香祭献给你，又要把公牛和公山羊献上。（细拉）

现代客语汉字诗篇66:15𠊎爱献肥肥个头牲做烧化祭；𠊎爱将绵羊牯、牛牯㧯山羊牯，做香香个烧化祭献给你。

现代客语全罗诗篇66:15 Ngài oi hien phì-phì ke thèu-sâng cho sêu-fa-chi;ngài oi chiông mièn-yòng-kú, ngiù-kú lâu sân-yòng-kú,cho hiông-hiông ke sêu-fa-chi hien-pûn Ngì.

和合本2010版诗篇66:16敬畏上帝的人哪，你们都来听！我要述说他为我所做的事。

现代客语汉字诗篇66:16敬畏上帝个人啊，你等来听！𠊎爱讲起佢为𠊎所做个奇事。

现代客语全罗诗篇66:16 Kin-vi Song-ti ke ngìn â, ngì-têu lòi thâng!Ngài oi kóng-hí Kì vi ngài só-cho ke khì-sṳ.

和合本2010版诗篇66:17我曾用口求告他，我的舌头也称他为高。

现代客语汉字诗篇66:17𠊎识开嘴求喊佢；𠊎也出声颂讚佢。

现代客语全罗诗篇66:17 Ngài sṳt khôi-choi khiù-ham Kì;ngài ya chhut-sâng siung-chan Kì.

和合本2010版诗篇66:18我若心裏注重罪孽，主必不听。

现代客语汉字诗篇66:18𠊎若係心怀罪恶，主一定毋听𠊎求。

现代客语全罗诗篇66:18 Ngài na-he sîm fài chhui-ok,Chú yit-thin m̀ thâng ngài khiù.

和合本2010版诗篇66:19但上帝实在听见了，他留心听了我祷告的声音。

现代客语汉字诗篇66:19总係上帝实在听到了；佢留心听𠊎祈祷个声。

现代客语全罗诗篇66:19 Chúng-he Song-ti sṳ̍t-chhai thâng-tó lé;Kì liù-sîm thâng ngài khì-tó ke sâng.

和合本2010版诗篇66:20上帝是应当称颂的！他没有推却我的祷告，也没有使他的慈爱离开我。

现代客语汉字诗篇66:20上帝係应当得到称颂个，因为佢无拒绝𠊎个祈祷，也无收转佢不变个慈爱。

现代客语全罗诗篇66:20 Song-ti he yin-tông tet-tó chhṳ̂n-siung ke,yîn-vi Kì mò khî-chhie̍t ngài ke khì-tó,ya mò sû-chón Kì put-pien ke chhṳ̀-oi.