诗篇第64章客家话和合本对照

相关章：

快速到节：

书卷列表：

和合本2010版诗篇64:1大卫的诗。交给圣咏团长。求主保护上帝啊，我哀叹的时候，求你听我的声音！求你保护我的性命，不受仇敌的惊吓！

现代客语汉字诗篇64:1大卫个诗，交给圣歌队长。祈求保护上帝啊，求你听𠊎紧噌个声！求你救𠊎脱离仇敌个恐吓！

现代客语全罗诗篇64:1Thai-ví ke sṳ̂, kâu-pûn Sṳn-kô Chhui-chóng.Khì-khiù Pó-fu Song-ti â, khiù Ngì thâng ngài kín-chhên ke sâng!Khiù Ngì kiu ngài thot-lì sù-thi̍t ke khiúng-hak!

和合本2010版诗篇64:2求你把我隐藏，使我脱离作恶之人的暗谋，脱离作孽之人的扰乱。

现代客语汉字诗篇64:2求你保护𠊎莫被坏人暗算，也毋好被阴险个人陷害。

现代客语全罗诗篇64:2 Khiù Ngì pó-fu ngài mo̍k pûn fái-ngìn am-son,ya m̀-hó pûn yîm-hiám ke ngìn ham-hoi.

和合本2010版诗篇64:3他们磨舌如刀，发出苦毒的言语，好像瞄準了的箭，

现代客语汉字诗篇64:3佢等磨利舌乸，就像磨刀仔，像射箭恁样，发出恶毒个话。

现代客语全罗诗篇64:3 Kì-têu nò-li sa̍t-mà, chhiu-chhiong nò tô-é,chhiong sa-chien án-ngiòng, fat-chhut ok-thu̍k ke fa.

和合本2010版诗篇64:4要在暗地裏射完全人；他们忽然射他，并不惧怕。

现代客语汉字诗篇64:4佢等暗中埋伏，爱射无罪个人；开弓就射，全无顾虑。

现代客语全罗诗篇64:4 Kì-têu am-chûng mài-fu̍k, oi sa mò-chhui ke ngìn;khôi-kiûng chhiu sa, chhiòn-mò ku-li.

和合本2010版诗篇64:5他们彼此勉励，设下恶计；他们商量，暗设圈套，说：「谁能看见呢？」

现代客语汉字诗篇64:5佢等彼此教唆，阴谋做坏事；佢等计划将罗网设到尽祕密，讲：「这兜罗网么人看得到呢？」

现代客语全罗诗篇64:5 Kì-têu pí-chhṳ́ kâu-sô, yîm-mèu cho fái-sṳ;kì-têu kie-va̍k chiông lò-mióng sat-to chhin pi-me̍t,kóng: “Liá-têu lò-mióng má-ngìn khon-tet-tó nè?”

和合本2010版诗篇64:6他们图谋奸恶：「我们完成了精密的策划。」各人的意念心思是深沉的。

现代客语汉字诗篇64:6佢等逐摆设好诡计就讲：「这计谋係𠊎等用尽心机设计个！」人个心思意念实在真难理解！

现代客语全罗诗篇64:6 Kì-têu tak-pái sat-hó kúi-kie chhiu kóng:“Liá kie-mèu he ngài-têu yung-chhin sîm-kî sat-kie ke!”Ngìn ke sîm-sṳ̂ yi-ngiam sṳ̍t-chhai chṳ̂n-nàn lî-kié!

和合本2010版诗篇64:7但上帝要用箭射他们，他们忽然受了伤。

现代客语汉字诗篇64:7总係，上帝爱用箭射佢等；佢等会在忽然之间着伤。

现代客语全罗诗篇64:7 Chúng-he, Song-ti oi yung chien sa kì-têu;kì-têu voi chhai fut-yèn chṳ̂-kiên chho̍k-sông.

和合本2010版诗篇64:8他们必然绊跌，被自己的舌头所害；凡看见他们的都必摇头。

现代客语汉字诗篇64:8佢爱因为佢等个话消灭佢等；看到佢等个人全部会紧摇头。

现代客语全罗诗篇64:8 Kì oi yîn-vi kì-têu ke fa sêu-me̍t kì-têu;khon-tó kì-têu ke ngìn chhiòn-phu voi kín yèu-thèu.

和合本2010版诗篇64:9众人都要害怕，要传扬上帝的工作，并且明白他的作为。

现代客语汉字诗篇64:9大家拢总会愊愊掣，传讲上帝个工作，也思想佢个作为。

现代客语全罗诗篇64:9 Thai-kâ lûng-chúng voi pi̍t-pi̍t-chhat,chhòn-kóng Song-ti ke kûng-chok,ya sṳ̂-sióng Kì ke chok-vì.

和合本2010版诗篇64:10义人必因耶和华欢喜，并要投靠他；凡心裏正直的人都必夸耀。

现代客语汉字诗篇64:10义人因为上主就欢喜，并倚靠佢；一切心肝正直个人也爱颂讚佢。

现代客语全罗诗篇64:10 Ngi-ngìn yîn-vi Song-chú chhiu fôn-hí, pin yí-kho Kì;yit-chhiet sîm-kôn chṳn-chhṳ̍t ke ngìn ya oi siung-chan Kì.