诗篇第62章客家话和合本对照

相关章：

快速到节：

书卷列表：

和合本2010版诗篇62:1大卫的诗。照耶杜顿的体裁，交给圣咏团长。在上帝保佑中安稳自在我的心默默无声，专等候上帝，我的救恩从他而来。

现代客语汉字诗篇62:1大卫个诗，交给圣歌队长，照耶杜顿个唱法。信靠上帝𠊎心神恬恬等候上帝；𠊎个拯救係对佢来个。

现代客语全罗诗篇62:1Thai-ví ke sṳ̂, kâu-pûn Sṳn-kô Chhui-chóng, cheu Yâ-thu-tun ke chhong-fap.Sin-kho Song-ti Ngài sîm-sṳ̀n tiâm-tiâm tén-heu Song-ti;ngài ke chṳ́n-kiu he tui Kì lòi ke.

和合本2010版诗篇62:2惟独他是我的磐石，我的拯救；他是我的庇护所，我必不大大动摇。

现代客语汉字诗篇62:2唯有佢係𠊎个磐石，𠊎个救主；佢係𠊎个城堡，𠊎就毋会摇动。

现代客语全罗诗篇62:2 Vì-yû Kì he ngài ke phàn-sa̍k, ngài ke kiu-chú;Kì he ngài ke sàng-pó, ngài chhiu m̀-voi yèu-thung.

和合本2010版诗篇62:3你们大家攻击一人，使他被杀，如歪斜的墙、将倒的壁，要到几时呢？

现代客语汉字诗篇62:3你等全体攻击一个人，爱到几时呢？佢像斜走个围墙、会横个篱笆定定。

现代客语全罗诗篇62:3 Ngì-têu chhiòn-thí kûng-kit yit-ke ngìn, oi-to kí-sṳ̀ nè?Kì chhiong chhià-chéu ke vì-chhiòng, voi vang ke lì-pâ thin-thin.

和合本2010版诗篇62:4他们彼此商议，要把他从高位上拉下来；他们喜爱谎话，口虽祝福，心却诅咒。（细拉）

现代客语汉字诗篇62:4大家一心一意想爱将佢对大位拉下来；佢等好讲花撩，满嘴祝福，总係心咒骂佢。

现代客语全罗诗篇62:4 Thai-kâ yit-sîm yit-yi sióng-oi chiông kì tui thai-vi lâi hâ-lòi;kì-têu hau-kóng fâ-liâu, mân-choi chuk-fuk, chúng-he sîm chu-ma kì.

和合本2010版诗篇62:5我的心哪，你当默默无声，专等候上帝，因为我的盼望是从他而来。

现代客语汉字诗篇62:5𠊎个心啊，恬恬等候上帝，因为佢係𠊎惟一个希望。

现代客语全罗诗篇62:5 Ngài ke sîm â, tiâm-tiâm tén-heu Song-ti,yîn-vi Kì he ngài vì-yit ke hî-mong.

和合本2010版诗篇62:6惟独他是我的磐石，我的拯救；他是我的庇护所，我必不动摇。

现代客语汉字诗篇62:6唯有佢係𠊎个磐石，𠊎个救主；佢係𠊎个城堡，𠊎就毋会摇动。

现代客语全罗诗篇62:6 Vì-yû Kì he ngài ke phàn-sa̍k, ngài ke kiu-chú;Kì he ngài ke sàng-pó, ngài chhiu m̀-voi yèu-thung.

和合本2010版诗篇62:7我的拯救、我的荣耀都在于上帝；我力量的磐石、我的避难所都在于上帝。

现代客语汉字诗篇62:7𠊎个拯救㧯光荣全部係在上帝；佢係𠊎坚固个磐石，𠊎个避难所。

现代客语全罗诗篇62:7 Ngài ke chṳ́n-kiu lâu kông-yùng chhiòn-phu he chhai Song-ti;Kì he ngài kiên-ku ke phàn-sa̍k, ngài ke phit-nan-só.

和合本2010版诗篇62:8百姓啊，要时时倚靠他，在他面前倾心吐意；上帝是我们的避难所。（细拉）

现代客语汉字诗篇62:8众百姓啊，爱时常信靠上帝，将心意全部摆在佢个面前，因为上帝係𠊎等个避难所。

现代客语全罗诗篇62:8 Chung pak-siang â, oi sṳ̀-sòng sin-kho Song-ti,chiông sîm-yi chhiòn-phu pài chhai Kì ke mien-chhièn,yîn-vi Song-ti he ngài-têu ke phit-nan-só.

和合本2010版诗篇62:9人真是虚空，人真是虚假；放在天平裏就必浮起，他们一共比空气还轻。

现代客语汉字诗篇62:9卑贱个人尽虚空；富贵个人当虚假。用秤仔来秤，全无半点重；佢等拢总比空气还较轻。

现代客语全罗诗篇62:9 Pî-chhien ke ngìn chhin hî-khûng;fu-kui ke ngìn tông hî-ká.Yung chhṳn-é lòi-chhṳn, chhiòn-mò pan-tiám chhûng;kì-têu lûng-chúng pí khûng-hi hàn-kha khiâng.

和合本2010版诗篇62:10不要仗势欺人，也不要因抢夺而骄傲；若财宝加增，不要放在心上。

现代客语汉字诗篇62:10你等定着毋好倚靠恶势力，也毋好妄想靠抢人来发财；就算发起来，你等个心也毋好倚靠钱财。

现代客语全罗诗篇62:10 Ngì-têu thin-chho̍k m̀-hó yí-kho ok sṳ-li̍t,ya m̀-hó nong-sióng kho chhióng-ngìn lòi fat-chhòi;chhiu-son pot hí-lòi,ngì-têu ke sîm ya m̀-hó yí-kho chhièn-chhòi.

和合本2010版诗篇62:11上帝说了一次、两次，我都听见了，就是能力属乎上帝。

现代客语汉字诗篇62:11𠊎再三听上帝讲过，一切权能係属佢个；

现代客语全罗诗篇62:11 Ngài chai-sâm thâng Song-ti kóng-ko,yit-chhiet khièn-nèn he su̍k Kì ke;

和合本2010版诗篇62:12主啊，慈爱也是属乎你，因为你照着各人所做的报应他。

现代客语汉字诗篇62:12主啊，不变个慈爱也係属你个。你一定会照逐侪所行个报应佢等。

现代客语全罗诗篇62:12 Chú â, put-pien ke chhṳ̀-oi ya he su̍k Ngì ke.Ngì yit-thin voi cheu tak-sà só-hàng ke po-yin kì-têu.