诗篇第54章客家话和合本对照

相关章：

快速到节：

书卷列表：

和合本2010版诗篇54:1西弗人来对扫罗说：「大卫岂不是在我们那裏藏身吗？」那时，大卫作这训诲诗。交给圣咏团长，用丝弦的乐器。遭敌迫害求主保护（撒上23:14-24 ）上帝啊，求你因你的名拯救我，凭你的大能为我伸冤。

现代客语汉字诗篇54:1西弗人来对扫罗王报告：「大卫敢毋係囥在𠊎等该位吗？」该时，大卫做这教训诗，交给圣歌队长，用丝弦个乐器。祈求保护上帝啊，求你因为你个名拯救𠊎；求你用你个大能为𠊎伸冤。

现代客语全罗诗篇54:1Sî-fut-ngìn lòi tui Só-lò-vòng po-ko: “Thai-ví kám m̀-he khong chhai ngài-têu ke-vi mâ?” Ke-sṳ̀, Thai-ví cho liá kau-hiun-sṳ̂, kâu-pûn Sṳn-kô Chhui-chóng, yung sṳ̂-hièn ke ngo̍k-hi.Khì-khiù Pó-fu Song-ti â, khiù Ngì yîn-vi Ngì ke miàng chṳ́n-kiu ngài;khiù Ngì yung Ngì ke thai-nèn vi ngài sṳ̂n-yên.

和合本2010版诗篇54:2上帝啊，求你听我的祷告，侧耳听我口中的言语。

现代客语汉字诗篇54:2上帝啊，求你听𠊎个祈祷；求你侧耳来听𠊎个恳求。

现代客语全罗诗篇54:2 Song-ti â, khiù Ngì thâng ngài ke khì-tó;khiù Ngì chet-ngí lòi-thâng ngài ke khién-khiù.

和合本2010版诗篇54:3因为陌生人兴起攻击我，强横的人寻索我的性命；他们眼中没有上帝。（细拉）

现代客语汉字诗篇54:3生份人爱攻击𠊎；强暴人爱杀害𠊎。佢等眼中无上帝。

现代客语全罗诗篇54:3 Sâng-fun-ngìn oi kûng-kit ngài;khiòng-phau-ngìn oi sat-hoi ngài.Kì-têu ngién-chûng mò Song-ti.

和合本2010版诗篇54:4看哪，上帝是帮助我的，主是扶持我性命的，

现代客语汉字诗篇54:4其实，上帝係𠊎个帮助；主扶持𠊎个生命。

现代客语全罗诗篇54:4 Khì-sṳ̍t, Song-ti he ngài ke pông-chhu;Chú fù-chhṳ̀ ngài ke sâng-miang.

和合本2010版诗篇54:5他要报应我仇敌所作的恶；求你凭你的信实灭绝他们。

现代客语汉字诗篇54:5愿上帝报应𠊎个敌人所做个坏事；主啊，求你照自家个信实消灭佢等。

现代客语全罗诗篇54:5 Ngien Song-ti po-yin ngài ke thi̍t-ngìn só-cho ke fái-sṳ;Chú â, khiù Ngì cheu chhṳ-kâ ke sin-sṳ̍t sêu-me̍t kì-têu.