诗篇第53章客家话和合本对照

相关章：

快速到节：

书卷列表：

和合本2010版诗篇53:1大卫的训诲诗。交给圣咏团长，曲调用「麻哈拉」。人的邪恶（诗14 ）愚顽人心裏说：「没有上帝。」他们都败坏，行了可憎恶的罪孽，没有一个人行善。

现代客语汉字诗篇53:1大卫个教训诗，交给圣歌队长，用悲哀琴调。人个邪恶( 诗篇14 )戆人心内讲：「无上帝！」佢等尽腐败，专门做可恶个事；佢等无一侪行善。

现代客语全罗诗篇53:1Thai-ví ke kau-hiun-sṳ̂, kâu-pûn Sṳn-kô Chhui-chóng, yung Pî-ôi-khìm thiau.Ngìn ke Sià-ok( Sṳ̂-phiên 14 ) Ngong-ngìn sîm-nui kóng:“Mò Song-ti!”Kì-têu chhin fú-phai, chôn-mùn cho khó-vu ke sṳ;kì-têu mò yit-sà hàng-san.

和合本2010版诗篇53:2上帝从天上垂看世人，要看有明白的没有，有寻求上帝的没有。

现代客语汉字诗篇53:2上帝对天顶看世间人，爱看敢有明理个人，有寻求上帝个人么。

现代客语全罗诗篇53:2 Song-ti tui thiên-táng khon sṳ-kiên-ngìn,oi khon kám-yû mìn-lî ke ngìn,yû chhìm-khiù Song-ti ke ngìn mò.

和合本2010版诗篇53:3他们全都退后，一同变为污秽，没有行善的，连一个也没有。

现代客语汉字诗篇53:3总係，佢等全部行偏差，拢总共样腐败。佢等无人行善，连一个乜无。

现代客语全罗诗篇53:3 Chúng-he, kì-têu chhiòn-phu hàng phiên-chhâ,lûng-chúng khiung-yong fú-phai.Kì-têu mò-ngìn hàng-san,lièn yit-ke me-mò.

和合本2010版诗篇53:4作恶的都没有知识吗？他们吞吃我的百姓如同吃饭一样，并不求告上帝。

现代客语汉字诗篇53:4上帝讲：「做坏事个人样般恁无智识？佢等吞食𠊎个子民，就像食饭一样；佢等从来毋识求问𠊎。」

现代客语全罗诗篇53:4 Song-ti kóng: “Cho fái-sṳ ke ngìn ngióng-pân án-mò chṳ-sṳt?Kì-têu thûn-sṳ̍t Ngài ke chṳ́-mìn, chhiu-chhiong sṳ̍t-fan yit-yong;kì-têu chhiùng-lòi m̀-sṳt khiù-mun Ngài.”

和合本2010版诗篇53:5他们在无可惧怕之处就大大害怕，因为上帝使那安营攻击你之人的骨头散开了。你使他们蒙羞，因为上帝弃绝了他们。

现代客语汉字诗篇53:5总讲，佢等会惊到愊愊掣，经历从来吂识有个着惊；因为上帝爱打散佢子民仇敌个骸骨。佢爱弃绝佢等，使佢等失望涝溃。

现代客语全罗诗篇53:5 Chúng-kóng, kì-têu voi kiâng-to pi̍t-pi̍t-chhat,kîn-li̍t chhiùng-lòi màng-sṳt yû ke chho̍k-kiâng;yîn-vi Song-ti oi tá-san Kì chṳ́-mìn sù-thi̍t ke hài-kut.Kì oi hi-chhie̍t kì-têu, sṳ́ kì-têu sṳt-mong lau-khui.

和合本2010版诗篇53:6但愿以色列的救恩出自锡安。当上帝救回他被掳子民的时候，雅各要快乐，以色列要欢喜。

现代客语汉字诗篇53:6愿以色列个拯救对锡安出来！上帝回复佢子民个产业该时，雅各个子孙爱大欢喜，以色列个人民爱快乐。

现代客语全罗诗篇53:6 Ngien Yî-set-lie̍t ke chṳ́n-kiu tui Siak-ôn chhut-lòi!Song-ti fì-fu̍k Kì chṳ́-mìn ke sán-ngia̍p ke-sṳ̀,Ngâ-kok ke chṳ́-sûn oi thai fôn-hí,Yî-set-lie̍t ke ngìn-mìn oi khoai-lo̍k.