诗篇第4章客家话和合本对照

相关章：

快速到节：

书卷列表：

和合本2010版诗篇4:1大卫的诗。交给圣咏团长，用丝弦的乐器。求助的晚祷显我为义的上帝啊，我呼求的时候，求你应允我！我在困境中，你曾使我宽畅；求你怜悯我，听我的祷告！

现代客语汉字诗篇4:1大卫个诗，交给圣歌队长，用丝弦个乐器。暗晡头祈祷求帮助𠊎个上帝，𠊎个辩护者啊，𠊎求喊个时，求你应𠊎！𠊎识在患难中得到你个透放；这下，求你怜悯𠊎，听𠊎个祈祷！

现代客语全罗诗篇4:1Thai-ví ke sṳ̂, kâu-pûn Sṳn-kô Chhui-chóng, yung sṳ̂-hièn ke ngo̍k-hi.Am-pû-thèu Khì-tó Khiù Pông-chhu Ngài ke Song-ti, ngài ke phien-fu-chá â,ngài khiù-ham ke sṳ̀, khiù Ngì en ngài!Ngài sṳt chhai fam-nan chûng tet-tó Ngì ke théu-piong;liá-ha, khiù Ngì lìn-mén ngài, thâng ngài ke khì-tó!

和合本2010版诗篇4:2你们这些人哪，你们把我的尊荣变为羞辱，要到几时呢？你们喜爱虚妄，寻找虚假，要到几时呢？([4.2]本节七十士译本是「你们这些人哪，你们的心刚硬要到几时呢？你们为甚么喜爱虚妄，寻找虚假呢？」)（细拉）

现代客语汉字诗篇4:2你这兜人啊，你等将𠊎个荣光变做侮辱爱到几时呢？你等爱虚假，好花撩，爱到几时呢？

现代客语全罗诗篇4:2 Ngì liá-têu ngìn â, ngì-têu chiông ngài ke yùng-kông pien-cho vú-yu̍k oi-to kí-sṳ̀ nè?Ngì-têu oi hî-ká, hau fâ-liâu, oi-to kí-sṳ̀ nè?

和合本2010版诗篇4:3你们要知道，耶和华已将虔诚人分别出来归他自己；我求告耶和华，他必垂听。

现代客语汉字诗篇4:3爱知，上主分别敬虔个人归属佢；上主一定会听𠊎个求喊。

现代客语全罗诗篇4:3 Oi tî, Song-chú fûn-phe̍t kin-khièn ke ngìn kûi-su̍k Kì;Song-chú yit-thin voi thâng ngài ke khiù-ham.

和合本2010版诗篇4:4应当畏惧，不可犯罪；在床上的时候，要心裏思想，并要安静。（细拉）

现代客语汉字诗篇4:4你等爱惊鹿鹿仔，莫再犯罪(44:4「你等…犯罪」抑係译做「你等若发谴，毋好来犯罪」。)；在眠床顶个时，爱恬恬反省。

现代客语全罗诗篇4:4 Ngì-têu oi kiâng lu̍k-lu̍k-é, mo̍k chai fam-chhui( 4 4:4 “Ngì-têu ... fam-chhui” ya-he yi̍t-cho “Ngì-têu na fat-khién, m̀-hó lòi fam-chhui”.);chhai mìn-chhòng-táng ke sṳ̀, oi tiâm-tiâm fán-sén.

和合本2010版诗篇4:5当献上公义的祭，又当倚靠耶和华。

现代客语汉字诗篇4:5爱献上应当献个祭，一心一意信靠上主。

现代客语全罗诗篇4:5 Oi hien-song yin-tông hien ke chi,yit-sîm yit-yi sin-kho Song-chú.

和合本2010版诗篇4:6有许多人说：「谁能指示我们甚么好处？耶和华啊，求你用你脸上的光照耀我们。」

现代客语汉字诗篇4:6尽多人讲：「么人会使𠊎等寻到福气呢？」上主啊，求你用慈爱光照𠊎等！

现代客语全罗诗篇4:6 Chhin-tô ngìn kóng: “Má-ngìn voi sṳ́ ngài-têu chhìm-tó fuk-hi nè?”Song-chú â, khiù Ngì yung chhṳ̀-oi kông-cheu ngài-têu!

和合本2010版诗篇4:7你使我心裏喜乐，胜过那丰收五穀新酒的人。

现代客语汉字诗篇4:7你赐给𠊎内心个欢喜，赢过佢等个五榖丰登、新酒满槽。

现代客语全罗诗篇4:7 Ngì su-pûn ngài nui-sîm ke fôn-hí,yàng-ko kì-têu ke ńg-kuk fûng-tên, sîn-chiú mân-chhò.

和合本2010版诗篇4:8我必平安地躺下睡觉，因为独有你－耶和华使我安然居住。

现代客语汉字诗篇4:8𠊎一眠下去，就平平安安睡到天光；上主啊，使𠊎住到安安全全个就係你。

现代客语全罗诗篇4:8 Ngài yit mìn hâ-hi, chhiu phìn-phìn ôn-ôn soi-to thiên-kông;Song-chú â, pûn ngài he̍t-to ôn-ôn chhiòn-chhiòn ke chhiu-he Ngì.