诗篇第3章客家话和合本对照

相关章：

快速到节：

书卷列表：

和合本2010版诗篇3:1大卫逃避他儿子押沙龙时所作的诗。求助的晨祷耶和华啊，我的敌人何其增多！许多人起来攻击我。

现代客语汉字诗篇3:1大卫逃避厥孻仔押沙龙后所做个诗歌。朝晨头祈祷求拯救上主啊，𠊎个仇敌实在真多！有尽多人䟘起来攻击𠊎！

现代客语全罗诗篇3:1Thai-ví thò-phit kiâ lai-é Ap-sâ-liùng heu só-cho ke sṳ̂-kô.Chêu-sṳ̀n-thèu Khì-tó Khiù Chṳ́n-kiu Song-chú â, ngài ke sù-thi̍t sṳ̍t-chhai chṳ̂n-tô!Yû chhin-tô ngìn hong-hí-lòi kûng-kit ngài!

和合本2010版诗篇3:2许多人议论我：「他得不到上帝的帮助。」（细拉）

现代客语汉字诗篇3:2恁多人议论𠊎，讲：「上帝毋会拯救佢！」

现代客语全罗诗篇3:2 Án-tô ngìn ngi-lun ngài, kóng:“Song-ti m̀-voi chṳ́n-kiu kì!”

和合本2010版诗篇3:3但你－耶和华是我四围的盾牌，是我的荣耀，又是令我抬起头来的。

现代客语汉字诗篇3:3总係上主啊，你就係保护𠊎个盾牌；你俾𠊎得胜，又使𠊎个头那擎起来。

现代客语全罗诗篇3:3 Chúng-he Song-chú â, Ngì chhiu-he pó-fu ngài ke tún-phài;Ngì pûn ngài tet-sṳn, yu pûn ngài ke thèu-nà khià hí-lòi.

和合本2010版诗篇3:4我用我的声音求告耶和华，他就从他的圣山上应允我。（细拉）

现代客语汉字诗篇3:4𠊎出声求喊上主，佢就对佢个圣山应𠊎。

现代客语全罗诗篇3:4 Ngài chhut-sâng khiù-ham Song-chú,Kì chhiu tui Kì ke sṳn-sân en ngài.

和合本2010版诗篇3:5我躺下，我睡觉，我醒来，耶和华都保佑我。

现代客语汉字诗篇3:5𠊎攋下来，就睡掉；𠊎再醒起来，因为上主一直保护𠊎。

现代客语全罗诗篇3:5 Ngài lài-hâ-lòi, chhiu soi-thet;ngài chai siáng hí-lòi, yîn-vi Song-chú yit-chhṳ̍t pó-fu ngài.

和合本2010版诗篇3:6虽有成万的百姓周围攻击我，我也不惧怕。

现代客语汉字诗篇3:6就算有几下万个仇敌围等来攻击𠊎，𠊎乜毋惊。

现代客语全罗诗篇3:6 Chhiu-son yû kí-hâ van ke sù-thi̍t vì-tén lòi kûng-kit ngài,ngài me m̀-kiâng.

和合本2010版诗篇3:7耶和华啊，求你兴起！我的上帝啊，求你救我！因为你打断我所有仇敌的腮骨，敲碎了恶人的牙齿。

现代客语汉字诗篇3:7上主啊，求你䟘起来！𠊎个上帝啊，来救𠊎！你打𠊎一切仇敌个嘴角，敲掉所有邪恶人个牙齿。

现代客语全罗诗篇3:7 Song-chú â, khiù Ngì hong-hí-lòi!Ngài ke Song-ti â, lòi-kiu ngài!Ngì tá ngài yit-chhiet sù-thi̍t ke choi-kok,khau-thet só-yû sià-ok ngìn ke ngà-chhṳ́.

和合本2010版诗篇3:8救恩属于耶和华；愿你赐福给你的百姓。（细拉）

现代客语汉字诗篇3:8拯救係对上主该位来个；愿你赐福给你个子民！

现代客语全罗诗篇3:8 Chṳ́n-kiu he tui Song-chú ke-vi lòi ke;ngien Ngì su-fuk pûn Ngì ke chṳ́-mìn!