诗篇第2章客家话和合本对照

相关章：

快速到节：

书卷列表：

和合本2010版诗篇2:1上帝所拣选的君王列国为甚么争闹？万民为甚么图谋虚妄？

现代客语汉字诗篇2:1上帝选立个王列国做么介妄想反叛？万民做么介空空计谋？

现代客语全罗诗篇2:1Song-ti Sién-li̍p ke Vòng Lie̍t-koet cho-má-ke nong-sióng fán-phan?Van-mìn cho-má-ke khûng-khûng kie-mèu?

和合本2010版诗篇2:2世上的君王都站稳，臣宰一同算计，要对抗耶和华，对抗他的受膏者：

现代客语汉字诗篇2:2世上个王䟘起来準备，掌权个官同心计谋，想爱攻击上主㧯佢所选立个王。

现代客语全罗诗篇2:2 Sṳ-song ke vòng hong-hí-lòi chún-phi,chóng-khièn ke kôn thùng-sîm kie-mèu,sióng-oi kûng-kit Song-chú lâu Kì só sién-li̍p ke vòng.

和合本2010版诗篇2:3「我们要挣脱他们的捆绑，脱去他们的绳索。」

现代客语汉字诗篇2:3佢等讲：「𠊎等来掣断佢等个锁鍊！𠊎等来推翻佢等个统治！」

现代客语全罗诗篇2:3 Kì-têu kóng: “Ngài-têu lòi chhat-thôn kì-têu ke só-lien!Ngài-têu lòi thûi-fân kì-têu ke thúng-chhṳ!”

和合本2010版诗篇2:4那坐在天上的必讥笑，主必嗤笑他们。

现代客语汉字诗篇2:4该坐在天顶宝座个却好笑；上主笑佢等个计谋係妄想。

现代客语全罗诗篇2:4 Ke chhô chhai thiên-táng pó-chho ke sa hó-seu;Song-chú seu kì-têu ke kie-mèu he nong-sióng.

和合本2010版诗篇2:5那时，他要在怒中责备他们，在烈怒中惊吓他们：

现代客语汉字诗篇2:5该时，佢发谴来警告佢等，佢个大发谴使佢等尽着惊。

现代客语全罗诗篇2:5 Ke-sṳ̀, Kì fat-khién lòi kín-ko kì-têu,Kì ke thai fat-khién pûn kì-têu chhin chho̍k-kiâng.

和合本2010版诗篇2:6「我已经在锡安－我的圣山膏立了我的君王。」

现代客语汉字诗篇2:6佢讲：「在锡安(22:6「锡安」：耶布斯人重要个基地；大卫王个军队攻佔这座城后，称做「大卫个城」。所罗门王统治个时代，「锡安」也係指圣殿座落个山头。)𠊎个圣山顶，𠊎已经设立属𠊎个君王。」

现代客语全罗诗篇2:6 Kì kóng: “Chhai Siak-ôn( 2 2:6 “Siak-ôn”: Yâ-pu-sṳ̂-ngìn chhung-yeu ke kî-thi; Thai-ví-vòng ke kiûn-chhui kûng-cham liá-chho sàng heu, chhṳ̂n-cho “Thai-ví ke Sàng”. Só-lò-mùn-vòng thúng-chhṳ ke sṳ̀-thoi, “Siak-ôn” ya he chṳ́ sṳn-thien chho-lo̍k ke sân-thèu.) Ngài ke sṳn-sân táng,Ngài yí-kîn sat-li̍p su̍k Ngài ke kiûn-vòng.”

和合本2010版诗篇2:7我要传耶和华的圣旨，他对我说：「你是我的儿子，我今日生了你。

现代客语汉字诗篇2:7该君王讲：「𠊎爱宣布上主个命令。上主㧯𠊎讲：『你係𠊎个孻仔；今晡日开始，𠊎做你个阿爸。

现代客语全罗诗篇2:7 Ke kiûn-vòng kóng: “Ngài oi siên-pu Song-chú ke min-lin.Song-chú lâu ngài kóng: ‘Ngì he Ngài ke lai-é;kîm-pû-ngit khôi-sṳ́, Ngài cho ngì ke Â-pâ.

和合本2010版诗篇2:8你求我，我就将列国赐你为基业，将地极赐你为田产。

现代客语汉字诗篇2:8你求，𠊎就将列国赐给你做领土，将全世界交给你做田产。

现代客语全罗诗篇2:8 Ngì khiù, Ngài chhiu chiông lie̍t-koet su-pûn ngì cho liâng-thú,chiông chhiòn sṳ-kie kâu-pûn ngì cho thièn-sán.

和合本2010版诗篇2:9你必用铁杖打破他们，把他们如同陶匠的瓦器摔碎。」

现代客语汉字诗篇2:9你爱用铁恁硬个手腕统治佢等；你爱打烂佢等，像打烂缶仔一样。』」

现代客语全罗诗篇2:9 Ngì oi yung thiet án-ngang ke sú-vón thúng-chhṳ kì-têu;ngì oi tá-lan kì-têu, chhiong tá-lan fì-è yit-yong.’ ”

和合本2010版诗篇2:10现在，君王啊，应当谨慎！世上的审判官哪，要听劝戒！

现代客语汉字诗篇2:10这下，你等做王个啊，爱细腻噢！在世间掌权个啊，爱听警告！

现代客语全罗诗篇2:10 Liá-ha, ngì-têu cho-vòng ke â, oi se-ngi ô!Chhai sṳ-kiên chóng-khièn ke â, oi thâng kín-ko!

和合本2010版诗篇2:11当存敬畏的心事奉耶和华，又当战兢而快乐。

现代客语汉字诗篇2:11爱用敬畏个心服事上主！爱惊鹿鹿仔，也尽欢喜！

现代客语全罗诗篇2:11 Oi yung kin-vi ke sîm fu̍k-sṳ Song-chú!Oi kiâng lu̍k-lu̍k-é, ya chhin fôn-hí!

和合本2010版诗篇2:12当亲吻儿子，免得他发怒，你们就在半途中灭亡，因为他的怒气快要发作。凡投靠他的，都是有福的。

现代客语汉字诗篇2:12爱服事佢个孻仔(32:12「爱服事佢个孻仔」抑係译做「爱伏在厥孻仔个面前」，希伯来文直译係「爱唚孻仔」。)；若係无，上主会大发谴，你等就会忽然灭亡；因为佢个怒气会即时临到！总係，求佢保佑个人全部有福气！

现代客语全罗诗篇2:12 Oi fu̍k-sṳ Kì ke lai-é( 3 2:12 “Oi fu̍k-sṳ Kì ke lai-é” ya-he yi̍t-cho “Oi phu̍k chhai Kiâ lai-é ke mien-chhièn”, Hî-pak-lòi-vùn chhṳ̍t-yi̍t he “Oi chîm lai-é”.);na-he mò, Song-chú voi thai fat-khién,ngì-têu chhiu voi fut-yèn me̍t-mòng;yîn-vi Kì ke nu-hi voi chit-sṳ̀ lìm-to!Chúng-he, khiù Kì pó-yu ke ngìn chhiòn-phu yû fuk-hi!