诗篇第39章客家话和合本对照

相关章：

快速到节：

书卷列表：

和合本2010版诗篇39:1大卫的诗。交给圣咏团长耶杜顿。受苦者的认罪我曾说：「我要谨慎我的言行，免得我的舌头犯罪；恶人在我面前的时候，我要用嚼环勒住我的口。」

现代客语汉字诗篇39:1大卫个诗，交给圣歌队长耶杜顿。患难中个悔改𠊎识讲：「𠊎爱谨慎𠊎个行为，免得𠊎个舌乸犯罪；坏人在𠊎面前个时，𠊎爱封等嘴毋出声。」

现代客语全罗诗篇39:1Thai-ví ke sṳ̂, kâu-pûn Sṳn-kô Chhui-chóng Yâ-thu-tun.Fam-nan chûng ke Fí-kói Ngài sṳt kóng:“Ngài oi kiún-sṳ́m ngài ke hàng-vì,miên-tet ngài ke sa̍t-mà fam-chhui;fái-ngìn chhai ngài mien-chhièn ke sṳ̀,ngài oi fûng-tén choi m̀ chhut-sâng.”

和合本2010版诗篇39:2我默然无声，连好话也不出口，我的愁苦就更加深。

现代客语汉字诗篇39:2𠊎恬恬无出声，好话也毋讲；总係𠊎个痛苦越来越厉害，

现代客语全罗诗篇39:2 Ngài tiâm-tiâm mò chhut-sâng, hó-fa ya m̀-kóng;chúng-he ngài ke thung-khú ye̍t-lòi ye̍t li-hoi,

和合本2010版诗篇39:3我的心在我裏面发热；我默想的时候，火就烧起，我用舌头说话：

现代客语汉字诗篇39:3连𠊎个底背也充满心火。𠊎想来想去，心火紧𤏸，𠊎就开嘴讲：

现代客语全罗诗篇39:3 lièn ngài ke tî-poi ya chhûng-mân sîm-fó.Ngài sióng-lòi sióng-hi, sîm-fó kín-chho̍k,ngài chhiu khôi-choi kóng:

和合本2010版诗篇39:4「耶和华啊，求你让我晓得我的结局，我的寿数几何，使我知道我的生命何等短暂！

现代客语汉字诗篇39:4「上主啊，𠊎有好食到几多岁？求你指示𠊎几时爱过身呢？俾𠊎知𠊎个人生到底几短！」

现代客语全罗诗篇39:4 “Song-chú â, ngài yû-hó sṳ̍t-to kí-tô se?Khiù Ngì chṳ́-sṳ ngài kí-sṳ̀ oi ko-sṳ̂n nè?Pûn ngài tî ngài ke ngìn-sên to-tái kí-tón!”

和合本2010版诗篇39:5看哪，你使我的年日窄如手掌，我一生的年数，在你面前如同无有；各人最稳妥的时候，真是全然虚幻。（细拉）

现代客语汉字诗篇39:5看啊，你使𠊎个人生只有几巴掌长！在你看来，𠊎一生个时间差毋多係零。事实上，人生就像透一口气恁久定定！

现代客语全罗诗篇39:5 Khon â, Ngì pûn ngài ke ngìn-sên chṳ́-yû kí pâ-chóng chhòng!Chhai Ngì khon-lòi, ngài yit-sên ke sṳ̀-kiên chhâ-m̀-tô he làng.Sṳ-sṳ̍t-song, ngìn-sên chhiu-chhiong théu yit-héu hi án-kiú thin-thin!

和合本2010版诗篇39:6世人行动实係幻影，他们忙乱，真是枉然，积蓄财宝，不知将来有谁收取。

现代客语汉字诗篇39:6人生实际就係浮云：无闲直掣，总係结局也係虚空；积存财宝，毋知会被么人接去。

现代客语全罗诗篇39:6 Ngìn-sên sṳ̍t-chi chhiu-he fèu-yùn:Mò-hàn chhṳ̍t-chha̍t, chúng-he kiet-khiu̍k ya he hî-khûng;chit-chhùn chhòi-pó, m̀-tî voi pûn má-ngìn chiap-hi.

和合本2010版诗篇39:7「主啊，如今我等甚么呢？我的指望在乎你！

现代客语汉字诗篇39:7主啊，𠊎还仰望么介？𠊎所有个盼望在你！

现代客语全罗诗篇39:7 Chú â, ngài hàn ngióng-mong má-ke?Ngài só-yû ke phan-mong chhai Ngì!

和合本2010版诗篇39:8求你救我脱离一切的过犯，不要使我受愚顽人的羞辱。

现代客语汉字诗篇39:8求你救𠊎脱离一切过犯，毋好俾戆档人来嘲谑𠊎。

现代客语全罗诗篇39:8 Khiù Ngì kiu ngài thot-lì yit-chhiet ko-fam,m̀-hó pûn ngong-tong ngìn lòi sâu-nat ngài.

和合本2010版诗篇39:9我保持沉默，闭口不言，因为这一切都是你所做的。

现代客语汉字诗篇39:9𠊎爱恬恬，无爱开嘴，因为係你使𠊎受苦。

现代客语全罗诗篇39:9 Ngài oi tiâm-tiâm, mò-oi khôi-choi,yîn-vi he Ngì sṳ́ ngài su-khú.

和合本2010版诗篇39:10求你从我身上免去你的责罚；因你手的责打，我就消灭。

现代客语汉字诗篇39:10求你毋好继续责罚𠊎；𠊎被你打到半生半死！

现代客语全罗诗篇39:10 Khiù Ngì m̀-hó ki-siu̍k chit-fa̍t ngài;ngài pûn Ngì tá-to pan-sâng pan-sí!

和合本2010版诗篇39:11因人的罪恶你惩罚管教他的时候，如蛀虫一般，吃掉他所喜爱的。世人真是虚幻！（细拉）

现代客语汉字诗篇39:11你责罚人个罪恶来管教佢，使佢合意个像被蛀虫蛀掉。实在噢，人生就像透一口气！

现代客语全罗诗篇39:11 Ngì chit-fa̍t ngìn ke chhui-ok lòi kón-kau kì,sṳ́ kì kak-yi ke chhiong pûn chu-chhùng chu-thet.Sṳ̍t-chhai ô, ngìn-sên chhiu-chhiong théu yit-héu hi!

和合本2010版诗篇39:12「耶和华啊，求你听我的祷告，侧耳听我的呼求！我流泪，求你不要静默无声！因为在你面前我是客旅，是寄居的，像我列祖一般。

现代客语汉字诗篇39:12上主啊，求你听𠊎个祈祷，求你留心来听𠊎个求喊；求你毋好恬恬由在𠊎噭！因为，在你面前𠊎就係一个出外人，像𠊎个列祖一样，係世间个过路客。

现代客语全罗诗篇39:12 Song-chú â, khiù Ngì thâng ngài ke khì-tó,khiù Ngì liù-sîm lòi-thâng ngài ke khiù-ham;khiù Ngì m̀-hó tiâm-tiâm yù-chhai ngài kieu!Yîn-vi, chhai Ngì mien-chhièn ngài chhiu he yit-ke chhut-ngoi-ngìn,chhiong ngài ke lie̍t-chú yit-yong, he sṳ-kiên ke ko-lu-hak.

和合本2010版诗篇39:13求你宽容我，使我在去而不返之先可以喜乐。」

现代客语汉字诗篇39:13求你毋好目瞋瞋紧䁯𠊎！在𠊎离开，无在世间以前，𠊎正有好小可享受安乐！

现代客语全罗诗篇39:13 Khiù Ngì m̀-hó muk chṳm-chṳm kín-hìm ngài!Chhai ngài lì-khôi, mò chhôi sṳ-kiên yî-chhièn,ngài chang yû-hó séu-khó hióng-su ôn-lo̍k!