诗篇第35章客家话和合本对照

相关章：

快速到节：

书卷列表：

和合本2010版诗篇35:1大卫的诗。求助的祷告耶和华啊，与我相争的，求你与他们相争！与我争战的，求你与他们争战！

现代客语汉字诗篇35:1大卫个诗。求帮助个祈祷上主啊，求你做𠊎该兜对敌个对敌！求你攻击该兜攻击𠊎个人！

现代客语全罗诗篇35:1Thai-ví ke sṳ̂.Khiù Pông-chhu ke Khì-tó Song-chú â, khiù Ngì cho ngài ke-têu tui-thi̍t ke tui-thi̍t!Khiù Ngì kûng-kit ke-têu kûng-kit ngài ke ngìn!

和合本2010版诗篇35:2求你拿着大小盾牌，起来帮助我；

现代客语汉字诗篇35:2求你拿等大细个盾牌，䟘起来帮助𠊎。

现代客语全罗诗篇35:2 Khiù Ngì nâ-tén thai-se ke tún-phài,hong-hí-lòi pông-chhu ngài.

和合本2010版诗篇35:3举起枪来，抵挡那追赶我的。求你对我说：「我是拯救你的。」

现代客语汉字诗篇35:3求你擎起你个长矛㧯大斧头，攻击该兜追𠊎个人。求你对𠊎保证讲：「𠊎会救你。」

现代客语全罗诗篇35:3 Khiù Ngì khià-hí Ngì ke chhòng-màu lâu thai pú-thèu,kûng-kit ke-têu tûi ngài ke ngìn.Khiù Ngì tui ngài pó-chṳn kóng:“Ngài voi kiu ngì.”

和合本2010版诗篇35:4愿那寻索我命的，蒙羞受辱！愿那谋害我的，退后羞愧！

现代客语汉字诗篇35:4愿想爱收𠊎命个人失望见笑！愿设计爱害𠊎个人涝溃受侮辱！

现代客语全罗诗篇35:4 Ngien sióng-oi sû ngài miang ke ngìn sṳt-mong kien-seu!Ngien sat-kie oi hoi ngài ke ngìn lau-khui su vú-yu̍k!

和合本2010版诗篇35:5愿他们像风前的糠粃，有耶和华的使者赶逐他们。

现代客语汉字诗篇35:5上主个使者逐佢等个时，愿佢等像砻糠被风吹散。

现代客语全罗诗篇35:5 Song-chú ke sṳ́-chá kiuk kì-têu ke sṳ̀,ngien kì-têu chhiong lùng-hông pûn fûng chhôi-san.

和合本2010版诗篇35:6愿他们的道路又暗又滑，有耶和华的使者追赶他们。

现代客语汉字诗篇35:6上主个使者追佢等个时，愿佢等走个路又暗又滑。

现代客语全罗诗篇35:6 Song-chú ke sṳ́-chá tûi kì-têu ke sṳ̀,ngien kì-têu chéu ke lu yu-am yu-va̍t.

和合本2010版诗篇35:7因他们无故为我暗设网罗，无故挖坑，要害我的命。

现代客语汉字诗篇35:7佢等无缘无故设罗网爱捉𠊎；佢等无缘无故挖陷阱爱害𠊎。

现代客语全罗诗篇35:7 Kì-têu mò-yèn mò-ku sat lò-mióng oi chok ngài;kì-têu mò-yèn mò-ku yet ham-chiáng oi hoi ngài.

和合本2010版诗篇35:8愿灾祸忽然临到他身上！愿他暗设的网罗缠住自己！愿他落在其中遭灾祸！

现代客语汉字诗篇35:8愿灾难忽然之间临到佢等；愿佢等被自家个罗网缠到，跌落自家挖个陷阱来灭亡。

现代客语全罗诗篇35:8 Ngien châi-nan fut-yèn chṳ̂-kiên lìm-to kì-têu;ngien kì-têu pûn chhṳ-kâ ke lò-mióng chhàn-tó,tiet-lo̍k chhṳ-kâ yet ke ham-chiáng lòi me̍t-mòng.

和合本2010版诗篇35:9我的心必靠耶和华快乐，靠他的救恩欢喜。

现代客语汉字诗篇35:9该时，𠊎爱因为上主来欢喜，因为佢拯救𠊎来快乐！

现代客语全罗诗篇35:9 Ke-sṳ̀, ngài oi yîn-vi Song-chú lòi fôn-hí,yîn-vi Kì chṳ́n-kiu ngài lòi khoai-lo̍k!

和合本2010版诗篇35:10我全身的骨头要说：「耶和华啊，谁能像你救护困苦人脱离那比他强壮的，救护困苦贫穷人脱离那抢夺他的？」

现代客语汉字诗篇35:10𠊎爱对心底向上主告白讲：「上主啊，么人做得同你比呢？你保护软弱个人免受强暴者个欺负；你保护软弱穷苦个人免受压迫者个剥削。」

现代客语全罗诗篇35:10 Ngài oi tui sîm-tái hiong Song-chú ko-pha̍k kóng:“Song-chú â, má-ngìn cho-tet thùng Ngì pí nè?Ngì pó-fu ngiôn-ngio̍k ke ngìn miên-su khiòng-vàng-chá ke khî-fu;Ngì pó-fu ngiôn-ngio̍k khiùng-khú ke ngìn miên-su ap-pet-chá ke pok-siok.”

和合本2010版诗篇35:11兇恶的见证人起来，盘问我所不知道的事。

现代客语汉字诗篇35:11当恶个人䟘起来做假见证；佢等盘问𠊎并无犯过个罪。

现代客语全罗诗篇35:11 Tông-ok ke ngìn hong-hí-lòi cho ká kien-chṳn;kì-têu phàn-mun ngài pin mò fam-ko ke chhui.

和合本2010版诗篇35:12他们向我以恶报善，使我丧失儿子。

现代客语汉字诗篇35:12佢等用恶报善，害𠊎心神孤单绝望！

现代客语全罗诗篇35:12 Kì-têu yung-ok po-san,hoi ngài sîm-sṳ̀n kû-tân chhie̍t-mong!

和合本2010版诗篇35:13至于我，他们有病的时候，我穿麻衣，禁食，刻苦己心；我所求的都归到自己身上。

现代客语汉字诗篇35:13先前，佢等发病个时，𠊎着麻衫表示哀伤，𠊎禁食来刻苦自家；𠊎为佢等祈祷个时，头那攋攋，

现代客语全罗诗篇35:13 Siên-chhièn, kì-têu pot-phiang ke sṳ̀,ngài chok mà-sâm péu-sṳ ôi-sông,ngài kim-sṳ̍t lòi khiet-khú chhṳ-kâ;ngài vi kì-têu khì-tó ke sṳ̀, thèu-nà lài-lài,

和合本2010版诗篇35:14我如此行，好像他是我的朋友，我的兄弟；我屈身悲哀，如同哀悼自己的母亲。

现代客语汉字诗篇35:14像係为到朋友抑係兄弟悲伤；𠊎出入哀伤，行路背痀痀，像人为到自家个阿姆哀悼一样。

现代客语全罗诗篇35:14 chhiong-he vi-tó phèn-yû ya-he hiûng-thi pî-sông;ngài chhut-ngi̍p ôi-sông, hàng-lu poi kû-kû,chhiong ngìn vi-tó chhṳ-kâ ke â-mê ôi-tho yit-yong.

和合本2010版诗篇35:15我在患难中，他们却欢喜，大家聚集，我所不认识的卑贱人([35.15]「卑贱人」或译「被击打的人」；原文另译「外邦人」。)聚集攻击我，他们不住地撕裂我。

现代客语汉字诗篇35:15总係，𠊎堵到灾难个时，佢等却聚集来嘲谑𠊎；连𠊎毋识个人也来攻击𠊎，佢等紧攻击𠊎，像爱扯掉𠊎。

现代客语全罗诗篇35:15 Chúng-he, ngài tù-tó châi-nan ke sṳ̀,kì-têu sa chhi-si̍p lòi sâu-nat ngài;lièn ngài m̀-sṳt ke ngìn ya lòi kûng-kit ngài,kì-têu kín kûng-kit ngài, chhiong oi chhá-thet ngài.

和合本2010版诗篇35:16他们试探我，不断嘲笑我([35.16]「他们…嘲笑我」是根据七十士译本；原文另译「他们如同席上好嬉笑的狂妄人」。)，向我咬牙切齿。

现代客语汉字诗篇35:16就像无天良个人嘲谑跛脚个(3235:16「就像…跛脚个」希伯来文个意思无清楚。)，佢等还怨恨𠊎，对𠊎咬牙切齿。

现代客语全罗诗篇35:16 Chhiu-chhiong mò thiên-liòng ke ngìn sâu-nat pâi-kiok ke( 32 35:16 “Chhiu-chhiong ... pâi-kiok ke” Hî-pak-lòi-vùn ke yi-sṳ mò chhîn-chhú.),kì-têu hàn yen-hen ngài, tui ngài ngâu-ngà chhiet-chhṳ́.

和合本2010版诗篇35:17主啊，你看着不理要到几时呢？求你救我的性命脱离他们的残害，救我仅有的([35.17]「仅有的」就是「生命」。)脱离少壮狮子！

现代客语汉字诗篇35:17上主啊，你爱看到几时正出手？求你拯救𠊎脱离佢等个迫害，对这群狮仔中抢救𠊎个性命！

现代客语全罗诗篇35:17 Song-chú â, Ngì oi khon-to kí-sṳ̀ chang chhut-sú?Khiù Ngì chṳ́n-kiu ngài thot-lì kì-têu ke pet-hoi,tui liá-khiùn sṳ̂-é chûng chhióng-kiu ngài ke sin-miang!

和合本2010版诗篇35:18我在大会中要称谢你，在许多百姓中要讚美你。

现代客语汉字诗篇35:18恁样，𠊎就在聚会中感谢你；𠊎爱在会众个面前讚美你。

现代客语全罗诗篇35:18 Án-ngiòng, ngài chhiu chhai chhi-fi chûng kám-chhia Ngì;ngài oi chhai fi-chung ke mien-chhièn chan-mî Ngì.

和合本2010版诗篇35:19求你不容那无理与我为仇的向我夸耀！不容那无故恨我的向我瞪眼！

现代客语汉字诗篇35:19莫俾该兜花撩个仇敌因为𠊎个失败笑咪咪！莫俾无缘无故恨𠊎个因为𠊎个痛苦打眼拐！

现代客语全罗诗篇35:19 Mo̍k pûn ke-têu fâ-liâu ke sù-thi̍t yîn-vi ngài ke sṳt-phai seu mí-mí!Mo̍k pûn mò-yèn mò-ku hen ngài ke yîn-vi ngài ke thung-khú tá-ngién-koái!

和合本2010版诗篇35:20因为他们不说平安，倒想出诡诈的言语扰害地上安静的人。

现代客语汉字诗篇35:20因为佢等无讲和平个话，反转设计害该兜老实伯。

现代客语全罗诗篇35:20 Yîn-vi kì-têu mò kóng fò-phìn ke fa,fán-chón sat-kie hoi ke-têu ló-sṳ̍t-pak.

和合本2010版诗篇35:21他们大大张口攻击我，说：「啊哈，啊哈，我们已经亲眼看见了！」

现代客语汉字诗篇35:21佢等恶擎擎诬告𠊎，讲：「嗳，嗳！𠊎等亲眼看到了！」

现代客语全罗诗篇35:21 Kì-têu ok khià-khià ngu-ko ngài, kóng:“Ôi, ôi! Ngài-têu chhîn-ngién khon-tó lé!”

和合本2010版诗篇35:22耶和华啊，你已经看见了，求你不要沉默！主啊，求你不要远离我！

现代客语汉字诗篇35:22上主啊，你已经看到了；求你毋好恬恬毋出声！主啊，毋好离开𠊎恁远！

现代客语全罗诗篇35:22 Song-chú â, Ngì yí-kîn khon-tó lé;khiù Ngì m̀-hó tiâm-tiâm m̀ chhut-sâng!Chú â, m̀-hó lì-khôi ngài án-yén!

和合本2010版诗篇35:23我的上帝－我的主啊，求你醒来，求你奋起，还我公正，伸明我冤！

现代客语汉字诗篇35:23𠊎个上帝啊，好醒了，为𠊎来辩护；𠊎个主啊，好䟘了，为𠊎来伸冤！

现代客语全罗诗篇35:23 Ngài ke Song-ti â, hó-siáng lé, vi ngài lòi phien-fu;ngài ke Chú â, hó hong lé, vi ngài lòi sṳ̂n-yên!

和合本2010版诗篇35:24耶和华－我的上帝啊，求你按你的公义判断我，不容他们向我夸耀！

现代客语汉字诗篇35:24上主—𠊎个上帝啊，求你照你个公义判𠊎无罪；求你毋好俾该兜仇敌对𠊎夸口。

现代客语全罗诗篇35:24 Song-chú — ngài ke Song-ti â, khiù Ngì cheu Ngì ke kûng-ngi phan ngài mò-chhui;khiù Ngì m̀-hó pûn ke-têu sù-thi̍t tui ngài khoâ-khiéu.

和合本2010版诗篇35:25不容他们心裏说：「啊哈，遂我们的心愿了！」不容他们说：「我们已经把他吞了！」

现代客语汉字诗篇35:25莫俾佢等心肝想：「啊哈！这就係𠊎等所爱个！」莫俾佢等讲：「𠊎等已经将佢吞掉了！」

现代客语全罗诗篇35:25 Mo̍k pûn kì-têu sîm-kôn sióng:“Â-hâ! Liá chhiu-he ngài-têu só-oi ke!”Mo̍k pûn kì-têu kóng:“Ngài-têu yí-kîn chiông kì thûn-thet lé!”

和合本2010版诗篇35:26愿那喜欢我遭难的一同抱愧蒙羞！愿那向我妄自尊大的披戴惭愧，蒙受羞辱！

现代客语汉字诗篇35:26愿所有欢喜𠊎受苦个人涝溃受侮辱！愿所有向𠊎自高自大个人见笑失面子！

现代客语全罗诗篇35:26 Ngien só-yû fôn-hí ngài su-khú ke ngìn lau-khui su vú-yu̍k!Ngien só-yû hiong ngài chhṳ-kô chhṳ-thai ke ngìn kien-seu sṳt mien-chṳ́!

和合本2010版诗篇35:27愿那喜悦我被判为义([35.27]「被判为义」或译「冤屈得伸」。)的欢呼快乐；愿他们常说：「当尊耶和华为大！耶和华喜悦他的僕人平安。」

现代客语汉字诗篇35:27愿该兜欢喜𠊎得到伸冤个欢呼快乐！愿佢等紧讲：「上主係应当受尊崇个，因为佢欢喜佢个僕人平安！」

现代客语全罗诗篇35:27 Ngien ke-têu fôn-hí ngài tet-tó sṳ̂n-yên ke fôn-fû khoai-lo̍k!Ngien kì-têu kín-kóng:“Song-chú he yin-tông su chûn-chhùng ke,yîn-vi Kì fôn-hí Kì ke phu̍k-ngìn phìn-ôn!”

和合本2010版诗篇35:28我的舌头要论说你的公义，要常常讚美你。

现代客语汉字诗篇35:28恁样，𠊎就爱讲起你个公义；无论日夜，𠊎爱讚美你！

现代客语全罗诗篇35:28 Án-ngiòng, ngài chhiu oi kóng-hí Ngì ke kûng-ngi;mò-lun ngit-ya, ngài oi chan-mî Ngì!