诗篇第31章客家话和合本对照

相关章：

快速到节：

书卷列表：

和合本2010版诗篇31:1大卫的诗。交给圣咏团长。信靠上帝的祈祷耶和华啊，我投靠你，求你使我永不羞愧，凭你的公义搭救我！

现代客语汉字诗篇31:1大卫个诗，交给圣歌队长。信靠上主个祈祷上主啊，𠊎寻求你个庇佑；求你永远莫俾𠊎见笑。你係公义个上帝；求你一定爱救𠊎！

现代客语全罗诗篇31:1Thai-ví ke sṳ̂, kâu-pûn Sṳn-kô Chhui-chóng.Sin-kho Song-chú ke Khì-tó Song-chú â, ngài chhìm-khiù Ngì ke pí-yu;khiù Ngì yún-yén mo̍k pûn ngài kien-seu.Ngì he kûng-ngi ke Song-ti;khiù Ngì yit-thin oi kiu ngài!

和合本2010版诗篇31:2求你侧耳听我，快快救我！求你作我坚固的磐石，拯救我的保障！

现代客语汉字诗篇31:2求你听𠊎祈求，遽遽来拯救𠊎！求你做𠊎个磐石来保护𠊎，求你做𠊎个城堡来拯救𠊎。

现代客语全罗诗篇31:2 Khiù Ngì thâng ngài khì-khiù,kiak-kiak lòi chṳ́n-kiu ngài!Khiù Ngì cho ngài ke phàn-sa̍k lòi pó-fu ngài,khiù Ngì cho ngài ke sàng-pó lòi chṳ́n-kiu ngài.

和合本2010版诗篇31:3你真是我的巖石、我的山寨，求你为你名的缘故引导我，指教我。

现代客语汉字诗篇31:3你係𠊎个磐石，𠊎个城堡；求你因为你个名带领𠊎。

现代客语全罗诗篇31:3 Ngì he ngài ke phàn-sa̍k, ngài ke sàng-pó;khiù Ngì yîn-vi Ngì ke miàng tai-liâng ngài.

和合本2010版诗篇31:4求你救我脱离人为我暗设的网罗，因为你是我的保障。

现代客语汉字诗篇31:4救𠊎脱离害𠊎个罗网，因为你係𠊎个避难所。

现代客语全罗诗篇31:4 Kiu ngài thot-lì hoi ngài ke lò-mióng,yîn-vi Ngì he ngài ke phit-nan-só.

和合本2010版诗篇31:5我将我的灵交在你手裏；耶和华－信实的上帝啊，你救赎了我。

现代客语汉字诗篇31:5𠊎将𠊎个灵魂交在你个手中；上主—信实个上帝啊，你係一直救赎𠊎个。

现代客语全罗诗篇31:5 Ngài chiông ngài ke lìn-fùn kâu chhai Ngì ke sú-chûng;Song-chú — sin-sṳ̍t ke Song-ti â, Ngì he yit-chhṳ̍t kiu-su̍k ngài ke.

和合本2010版诗篇31:6我([31.6]「我」：有古卷、七十士译本和其他古译本是「你」。)恨恶那信奉虚无神明([31.6]「虚无神明」：原文是「虚无」。)的人；我却倚靠耶和华。

现代客语汉字诗篇31:6𠊎恼死该兜拜假神个人；总係𠊎的确信靠上主。

现代客语全罗诗篇31:6 Ngài nâu-sí ke-têu pai ká sṳ̀n ke ngìn;chúng-he ngài tit-khok sin-kho Song-chú.

和合本2010版诗篇31:7我要因你的慈爱欢喜快乐，因为你见过我的困苦，知道我心中的艰难。

现代客语汉字诗篇31:7因为你不变个慈爱，𠊎爱欢喜快乐。你看到𠊎个痛苦，知𠊎心神个艰难。

现代客语全罗诗篇31:7 Yîn-vi Ngì put-pien ke chhṳ̀-oi,ngài oi fôn-hí khoai-lo̍k.Ngì khon-tó ngài ke thung-khú,tî ngài sîm-sṳ̀n ke kiên-nàn.

和合本2010版诗篇31:8你未曾把我交在仇敌手裏，你使我的脚站在宽阔的地方。

现代客语汉字诗篇31:8你毋识俾𠊎落在仇敌个手中；你使𠊎企在安全又阔个地方。

现代客语全罗诗篇31:8 Ngì m̀-sṳt pûn ngài lo̍k chhai sù-thi̍t ke sú-chûng;Ngì pûn ngài khî chhai ôn-chhiòn yu fat ke thi-fông.

和合本2010版诗篇31:9耶和华啊，求你怜悯我，因为我在急难之中；我的眼睛因忧愁而昏花，我的身心也已耗尽。

现代客语汉字诗篇31:9上主啊，求你怜悯𠊎，因为𠊎在患难中；𠊎噭到目珠肿肿，身体灵魂也枯燥。

现代客语全罗诗篇31:9 Song-chú â, khiù Ngì lìn-mén ngài,yîn-vi ngài chhai fam-nan chûng;ngài kieu-to muk-chû chúng-chúng,sṳ̂n-thí lìn-fùn ya khû-châu.

和合本2010版诗篇31:10我的生命为愁苦所消耗，我的年岁为叹息所荒废；我的力量因我的罪孽([31.10]「罪孽」：原文另译「苦难」。)衰败，我的骨头也枯乾。

现代客语汉字诗篇31:10𠊎个生命紧愁紧弱；𠊎个寿年紧噌紧少。患难(3031:10「患难」係根据一兜古译本，希伯来文係「罪恶」。)害𠊎紧来紧无元气；𠊎个骨头也紧来紧硬铰。

现代客语全罗诗篇31:10 Ngài ke sâng-miang kín-sèu kín-ngio̍k;ngài ke su-ngièn kín-chhên kín-séu.Fam-nan( 30 31:10 “Fam-nan” he kîn-kí yit-têu kú yi̍t-pún, Hî-pak-lòi-vùn he “Chhui-ok”.) hoi ngài kín lòi kín mò ngièn-hi;ngài ke kut-thèu ya kín lòi kín ngang-kau.

和合本2010版诗篇31:11我因所有的敌人成了羞辱，在我邻舍跟前更加羞辱；那认识我的都惧怕我，在街上看见我的都躲避我。

现代客语汉字诗篇31:11该兜仇敌全部侮辱𠊎，连隔壁邻舍也嘲谑𠊎；知己个朋友尽惊见𠊎，在路上堵到𠊎就闪走。

现代客语全罗诗篇31:11 Ke-têu sù-thi̍t chhiòn-phu vú-yu̍k ngài,lièn kak-piak lìn-sa ya sâu-nat ngài;tî-kí ke phèn-yû chhin-kiâng kien ngài,chhai lu-song tù-tó ngài chhiu sám-chéu.

和合本2010版诗篇31:12我被遗忘，如同死人，无人记念；我好像破碎的器皿。

现代客语汉字诗篇31:12𠊎像已经过身个人，无人记得𠊎，顾念𠊎；𠊎就像打烂个缶仔。

现代客语全罗诗篇31:12 Ngài chhiong yí-kîn ko-sṳ̂n ke ngìn,mò ngìn ki-tet ngài, ku-ngiam ngài;ngài chhiu chhiong tá-lan ke fì-è.

和合本2010版诗篇31:13我听见许多人的毁谤，四围尽是惊吓；他们一同商议攻击我，图谋害我的性命。

现代客语汉字诗篇31:13𠊎听到尽多譭谤个话，周围充满得人惊个声。佢等共下参详爱害𠊎，阴谋爱收掉𠊎个性命。

现代客语全罗诗篇31:13 Ngài thâng-tó chhin-tô fí-pong ke fa,chû-vì chhûng-mân tet-ngìn-kiâng ke sâng.Kì-têu khiung-ha chhâm-siòng oi hoi ngài,yîm-mèu oi sû-thet ngài ke sin-miang.

和合本2010版诗篇31:14耶和华啊，我仍要倚靠你；我说：「你是我的上帝。」

现代客语汉字诗篇31:14总係，上主啊，𠊎信靠你；𠊎讲：「你係𠊎个上帝！」

现代客语全罗诗篇31:14 Chúng-he, Song-chú â, ngài sin-kho Ngì;ngài kóng: “Ngì he ngài ke Song-ti!”

和合本2010版诗篇31:15我终生的事在你手中，求你救我脱离仇敌的手和那些迫害我的人。

现代客语汉字诗篇31:15𠊎一生人个事完全在你个手中；求你救𠊎脱离敌人㧯迫害𠊎个人。

现代客语全罗诗篇31:15 Ngài yit-sên-ngìn ke sṳ vàn-chhiòn chhai Ngì ke sú-chûng;khiù Ngì kiu ngài thot-lì thi̍t-ngìn lâu pet-hoi ngài ke ngìn.

和合本2010版诗篇31:16求你使你的脸向僕人发光，凭你的慈爱拯救我。

现代客语汉字诗篇31:16求你个面光照你个僕人；求你照你不变个慈爱拯救𠊎。

现代客语全罗诗篇31:16 Khiù Ngì ke mien kông-cheu Ngì ke phu̍k-ngìn;khiù Ngì cheu Ngì put-pien ke chhṳ̀-oi chṳ́n-kiu ngài.

和合本2010版诗篇31:17耶和华啊，求你叫我不致羞愧，因为我曾呼求你；求你使恶人人羞愧，使他们在阴间缄默无声。

现代客语汉字诗篇31:17上主啊，𠊎已经对你求喊；求你毋好使𠊎堵到见笑。求你使邪恶个人堵到见笑；愿佢等落阴间，全无话好讲。

现代客语全罗诗篇31:17 Song-chú â, ngài yí-kîn tui Ngì khiù-ham;khiù Ngì m̀-hó pûn ngài tù-tó kien-seu.Khiù Ngì sṳ́ sià-ok ke ngìn tù-tó kien-seu;ngien kì-têu lo̍k yîm-kiên, chhiòn mò-fa hó-kóng.

和合本2010版诗篇31:18那撒谎的人逞骄傲轻慢，出狂妄的话攻击义人，愿他的嘴哑而无言。

现代客语汉字诗篇31:18愿你塞等该兜讲花撩个人个嘴；使骄傲、自夸、攻击义人个恬下来。

现代客语全罗诗篇31:18 Ngien Ngì set-tén ke-têu kóng fâ-liâu ke ngìn ke choi;pûn kiêu-ngau, chhṳ-khoâ, kûng-kit ngi-ngìn ke tiâm-hâ-lòi.

和合本2010版诗篇31:19在世人眼前，你为敬畏你的人所积存的，为投靠你的人所施行的，是何等大的恩惠啊！

现代客语汉字诗篇31:19你为敬畏你个人所存个，你为倚靠你个人所行个，在世间人个面前，实在好到讲毋掉！

现代客语全罗诗篇31:19 Ngì vi kin-vi Ngì ke ngìn só-chhùn ke,Ngì vi yí-kho Ngì ke ngìn só-hàng ke,chhai sṳ-kiên-ngìn ke mien-chhièn,sṳ̍t-chhai hó-to kóng m̀-thet!

和合本2010版诗篇31:20你必将他们藏在你面前的隐密处，免得遭人暗算；你要隐藏他们在棚子裏，免受口舌的争闹。

现代客语汉字诗篇31:20你将佢等囥在你面前安全个所在，免得佢等堵到敌人个暗算；你保守佢等在你个屋肚，免得佢等被人咒骂。

现代客语全罗诗篇31:20 Ngì chiông kì-têu khong chhai Ngì mien-chhièn ôn-chhiòn ke só-chhai,miên-tet kì-têu tù-tó thi̍t-ngìn ke am-son;Ngì pó-sú kì-têu chhai Ngì ke vuk-tú,miên-tet kì-têu pûn-ngìn chu-ma.

和合本2010版诗篇31:21耶和华是应当称颂的，因为我在围城裏，他向我施展奇妙的慈爱。

现代客语汉字诗篇31:21爱颂讚上主！𠊎在城肚被人围困个时，佢对𠊎显出奇妙个慈爱！

现代客语全罗诗篇31:21 Oi siung-chan Song-chú!Ngài chhai sàng-tú pûn-ngìn vì-khun ke sṳ̀,Kì tui ngài hién-chhut khì-meu ke chhṳ̀-oi!

和合本2010版诗篇31:22至于我，我曾惊惶地说：「我从你眼前被隔绝。」然而，我呼求你的时候，你仍听我恳求的声音。

现代客语汉字诗篇31:22上主啊，𠊎心肝着急个时识讲：「𠊎对你个面前被你逐到远远」；总係𠊎一求你帮助，你就施恩听𠊎求喊。

现代客语全罗诗篇31:22 Song-chú â, ngài sîm-kôn chho̍k-kip ke sṳ̀ sṳt kóng:“Ngài tui Ngì ke mien-chhièn pûn Ngì kiuk-to yén-yén”;chúng-he ngài yit khiù Ngì pông-chhu,Ngì chhiu sṳ̂-ên thâng ngài khiù-ham.

和合本2010版诗篇31:23耶和华的圣民哪，你们都要爱他！耶和华保护诚实可靠的人，却加倍报应行事骄傲的人。

现代客语汉字诗篇31:23上主忠心个子民啊，你等爱敬爱上主！上主保佑对佢诚心个子民，总係严严责罚行事骄傲个人。

现代客语全罗诗篇31:23 Song-chú chûng-sîm ke chṳ́-mìn â,ngì-têu oi kin-oi Song-chú!Song-chú pó-yu tui Kì sṳ̀n-sîm ke chṳ́-mìn,chúng-he ngiàm-ngiàm chit-fa̍t hàng-sṳ kiêu-ngau ke ngìn.

和合本2010版诗篇31:24凡仰望耶和华的人，你们都要壮胆，坚固你们的心！

现代客语汉字诗篇31:24所有仰望上主个人啊，你等爱刚强，也爱勇敢！

现代客语全罗诗篇31:24 Só-yû ngióng-mong Song-chú ke ngìn â,ngì-têu oi kông-khiòng, ya oi yúng-kám!