诗篇第26章客家话和合本对照

相关章：

快速到节：

书卷列表：

和合本2010版诗篇26:1大卫的诗。义人的祈祷耶和华啊，求你为我伸冤，因我向来行事纯正；我倚靠耶和华，必不动摇。

现代客语汉字诗篇26:1大卫个诗。正直人个祈祷上主啊，求你宣判𠊎无罪，因为𠊎做人正直；𠊎倚靠上主，就毋惊跌倒。

现代客语全罗诗篇26:1Thai-ví ke sṳ̂.Chṳn-chhṳ̍t-ngìn ke Khì-tó Song-chú â, khiù Ngì siên-phan ngài mò-chhui,yîn-vi ngài cho-ngìn chṳn-chhṳ̍t;ngài yí-kho Song-chú, chhiu m̀ kiâng tiet-tó.

和合本2010版诗篇26:2耶和华啊，求你察看我，考验我，熬炼我的肺腑心肠。

现代客语汉字诗篇26:2上主啊，求你鑒察𠊎，考验𠊎；求你察验𠊎个心思㧯意念。

现代客语全罗诗篇26:2 Song-chú â, khiù Ngì kam-chhat ngài, kháu-ngiam ngài;khiù Ngì chhat-ngiam ngài ke sîm-sṳ̂ lâu yi-ngiam.

和合本2010版诗篇26:3因为你的慈爱常在我眼前，我也按你的真理而行。

现代客语汉字诗篇26:3你不变个慈爱常在𠊎面前；𠊎一直照你个信实来行(2526:3「𠊎一直照你个信实来行」抑係译做「你个信实一直带领𠊎」。)。

现代客语全罗诗篇26:3 Ngì put-pien ke chhṳ̀-oi sòng chhai ngài mien-chhièn;ngài yit-chhṳ̍t cheu Ngì ke sin-sṳ̍t lòi hàng( 25 26:3 “ngài yit-chhṳ̍t cheu Ngì ke sin-sṳ̍t lòi hàng” ya-he yi̍t-cho “Ngì ke sin-sṳ̍t yit-chhṳ̍t tai-liâng ngài”.).

和合本2010版诗篇26:4我未曾与虚妄的人同坐，也不与伪善的人来往。

现代客语汉字诗篇26:4𠊎毋同虚虚假假个人来往，也毋同该兜假好个人做伴。

现代客语全罗诗篇26:4 Ngài m̀ thùng hî-hî ká-ká ke ngìn lòi-vông,ya m̀ thùng ke-têu ká-hó ke ngìn cho-phân.

和合本2010版诗篇26:5我痛恨恶人的集会，必不与恶人同坐。

现代客语汉字诗篇26:5𠊎尽恼邪恶人个集会，也无爱同佢等坐共下。

现代客语全罗诗篇26:5 Ngài chhin-nâu sià-ok ngìn ke si̍p-fi,ya mò-oi thùng kì-têu chhô khiung-ha.

和合本2010版诗篇26:6耶和华啊，我要洗手表明无辜，才环绕你的祭坛；

现代客语汉字诗篇26:6上主啊，𠊎洗手来表明清白，然后正𫟧等你个祭坛来行；

现代客语全罗诗篇26:6 Song-chú â, ngài sé-sú lòi péu-mìn chhîn-pha̍k,yèn-heu chang tîn-tén Ngì ke chi-thàn lòi-hàng;

和合本2010版诗篇26:7我好发出称谢的声音，述说你一切奇妙的作为。

现代客语汉字诗篇26:7𠊎大声唱感谢个诗歌，讲起你一切奇妙个作为。

现代客语全罗诗篇26:7 ngài thai-sâng chhong kám-chhia ke sṳ̂-kô,kóng-hí Ngì yit-chhiet khì-meu ke chok-vì.

和合本2010版诗篇26:8耶和华啊，我喜爱你所住的殿和你显荣耀的居所。

现代客语汉字诗篇26:8上主啊，𠊎尽爱你住个圣殿，就係你荣光显现个所在。

现代客语全罗诗篇26:8 Song-chú â, ngài chhin-oi Ngì he̍t ke sṳn-thien,chhiu-he Ngì yùng-kông hién-hien ke só-chhai.

和合本2010版诗篇26:9不要把我的性命和罪人一同除掉，不要把我的生命和好流人血的一同除掉。

现代客语汉字诗篇26:9求你莫将𠊎个灵魂同罪人共下除掉；莫使𠊎个性命同好㓾人个共下灭亡。

现代客语全罗诗篇26:9 Khiù Ngì mo̍k chiông ngài ke lìn-fùn thùng chhui-ngìn khiung-ha chhù-thet;mo̍k pûn ngài ke sin-miang thùng hau chhṳ̀-ngìn ke khiung-ha me̍t-mòng.

和合本2010版诗篇26:10他们的手中有奸恶，他们的右手满有贿赂。

现代客语汉字诗篇26:10佢等个行事充满诡诈，又常常接受人个收买。

现代客语全罗诗篇26:10 Kì-têu ke hàng-sṳ chhûng-mân kúi-cha,yu sòng-sòng chiap-su ngìn ke sû-mâi.

和合本2010版诗篇26:11至于我，却要行事纯正；求你救赎我，怜悯我！

现代客语汉字诗篇26:11总係，𠊎照正直来行；求你救赎𠊎，怜悯𠊎！

现代客语全罗诗篇26:11 Chúng-he, ngài cheu chṳn-chhṳ̍t lòi-hàng;khiù Ngì kiu-su̍k ngài, lìn-mén ngài!

和合本2010版诗篇26:12我的脚站在平坦的地方，在聚会中我要称颂耶和华！

现代客语汉字诗篇26:12𠊎个脚企在平平个地方；𠊎爱在公共个聚会中颂讚上主！

现代客语全罗诗篇26:12 Ngài ke kiok khî chhai phiàng-phiàng ke thi-fông;ngài oi chhai kûng-khiung ke chhi-fi chûng siung-chan Song-chú!