诗篇第146章客家话和合本对照

相关章：

快速到节：

书卷列表：

和合本2010版诗篇146:1讚美耶和华的救助哈利路亚！我的心哪，你要讚美耶和华！

现代客语汉字诗篇146:1颂讚拯救者上帝哈利路亚！𠊎个心啊，你爱讚美上主！

现代客语全罗诗篇146:1Siung-chan Chṳ́n-kiu-chá Song-ti Hâ-li-lu-yá!Ngài ke sîm â, ngì oi chan-mî Song-chú!

和合本2010版诗篇146:2我一生要讚美耶和华！我还活着的时候要歌颂我的上帝！

现代客语汉字诗篇146:2𠊎还生个时节爱讚美上主！𠊎一生人爱歌颂𠊎个上帝！

现代客语全罗诗篇146:2 Ngài hàn sâng ke sṳ̀-chiet oi chan-mî Song-chú!Ngài yit-sên-ngìn oi kô-siung ngài ke Song-ti!

和合本2010版诗篇146:3你们不要倚靠君王，不要倚靠世人，他一点也不能帮助。

现代客语汉字诗篇146:3你等毋好倚靠有权势个人，毋好倚靠世间人；佢一些仔都不能帮助。

现代客语全罗诗篇146:3 Ngì-têu m̀-hó yí-kho yû khièn-sṳ ke ngìn,m̀-hó yí-kho sṳ-kiên-ngìn;kì yit-si̍t-é tû put-nèn pông-chhu.

和合本2010版诗篇146:4他的气一断，就归回尘土，他所打算的，当日就消灭了。

现代客语汉字诗篇146:4佢等个气一断就归土；佢等个计划当日就无用。

现代客语全罗诗篇146:4 Kì-têu ke hi yit-thôn chhiu kûi-thú;kì-têu ke kie-va̍k tông-ngit chhiu mò-yung.

和合本2010版诗篇146:5以雅各的上帝为帮助、仰望耶和华－他上帝的，这人有福了！

现代客语汉字诗篇146:5得到雅各个上帝来帮助个人，真有福气噢！仰望上主—佢个上帝，这人实在有福气噢！

现代客语全罗诗篇146:5 Tet-tó Ngâ-kok ke Song-ti lòi pông-chhu ke ngìn, chṳ̂n-yû fuk-hi ô!Ngióng-mong Song-chú — kì ke Song-ti,liá ngìn sṳ̍t-chhai yû fuk-hi ô!

和合本2010版诗篇146:6耶和华造天、地、海和其中的万物，他守信实，直到永远。

现代客语汉字诗篇146:6上帝创造天、地、海㧯其中个万物；佢持守信实直到永远。

现代客语全罗诗篇146:6 Song-ti chhóng-chho thiên, thi, hói lâu khì-chûng ke van-vu̍t;Kì chhṳ̀-sú sin-sṳ̍t chhṳ̍t-to yún-yén.

和合本2010版诗篇146:7他为受欺压的伸冤，赐食物给饥饿的人。耶和华释放被囚的，

现代客语汉字诗篇146:7佢为到该兜受欺压个主持公道；佢给肚饥个人有好食。上主使该兜被人关个得到自由；

现代客语全罗诗篇146:7 Kì vi-tó ke-têu su khî-ap ke chú-chhṳ̀ kûng-tho;Kì pûn tú-kî ke ngìn yû-hó sṳ̍t.Song-chú sṳ́ ke-têu pûn-ngìn koân ke tet-tó chhṳ-yù;

和合本2010版诗篇146:8耶和华开了盲人的眼睛，耶和华扶起被压下的人，耶和华喜爱义人。

现代客语汉字诗篇146:8上主使瞙目个人看得到。上主扶持该兜受压制个人；上主痛惜正直个人。

现代客语全罗诗篇146:8 Song-chú pûn mô-muk ke ngìn khon-tet-tó.Song-chú fù-chhṳ̀ ke-têu su ap-chṳ ke ngìn;Song-chú thung-siak chṳn-chhṳ̍t ke ngìn.

和合本2010版诗篇146:9耶和华保护寄居的，扶持孤儿和寡妇，却使恶人的道路弯曲。

现代客语汉字诗篇146:9上主保护出外人，扶持孤儿寡妇；总係佢爱破坏恶人个诡计。

现代客语全罗诗篇146:9 Song-chú pó-fu chhut-ngoi-ngìn,fù-chhṳ̀ kû-yì koá-fu;chúng-he Kì oi pho-fai ok-ngìn ke kúi-kie.

和合本2010版诗篇146:10耶和华要作王，直到永远！锡安哪，你的上帝要作王，直到万代！哈利路亚！

现代客语汉字诗篇146:10上主爱做王到永远！锡安啊，你个上帝爱掌权到万代！哈利路亚！

现代客语全罗诗篇146:10 Song-chú oi cho Vòng to yún-yén!Siak-ôn â, ngì ke Song-ti oi chóng-khièn to van-thoi!Hâ-li-lu-yá!