诗篇第13章客家话和合本对照

相关章：

快速到节：

书卷列表：

和合本2010版诗篇13:1大卫的诗。交给圣咏团长。求耶和华看顾耶和华啊，你忘记我要到几时呢？要到永远吗？你转脸不顾我要到几时呢？

现代客语汉字诗篇13:1大卫个诗，交给圣歌队长。祈求帮助上主啊，你毋记得𠊎爱到几时呢？爱到永远係么？你揞等面毋搭𠊎爱到几时呢？

现代客语全罗诗篇13:1Thai-ví ke sṳ̂, kâu-pûn Sṳn-kô Chhui-chóng.Khì-khiù Pông-chhu Song-chú â, Ngì m̀ ki-tet ngài oi to kí-sṳ̀ nè? Oi to yún-yén he-mò?Ngì êm-tén mien m̀-tap ngài oi to kí-sṳ̀ nè?

和合本2010版诗篇13:2我心裏筹算，终日愁苦，要到几时呢？我的仇敌升高压制我，要到几时呢？

现代客语汉字诗篇13:2𠊎忍气吞声，日夜忧愁爱到几时呢？仇敌高高在上赢过𠊎，爱到几时呢？

现代客语全罗诗篇13:2 Ngài ngiûn-hi thûn-sâng, ngit-ya yù-sèu oi to kí-sṳ̀ nè?Sù-thi̍t kô-kô chhai-song yàng-ko ngài, oi to kí-sṳ̀ nè?

和合本2010版诗篇13:3耶和华－我的上帝啊，求你看顾我，应允我！求你使我眼目明亮，免得我沉睡至死；

现代客语汉字诗篇13:3上主—𠊎个上帝啊，求你看顾𠊎，应𠊎；求你使𠊎重见光明，免得睡死掉去。

现代客语全罗诗篇13:3 Song-chú — ngài ke Song-ti â, khiù Ngì khon-ku ngài, en ngài;khiù Ngì pûn ngài chhùng-kien kông-mìn, miên-tet soi-sí thet-hi.

和合本2010版诗篇13:4免得我的仇敌说「我胜了他」；免得我的敌人在我动摇的时候喜乐。

现代客语汉字诗篇13:4莫俾仇敌对𠊎讲：「𠊎赢过佢了！」莫俾𠊎个敌人因为𠊎横落去欢喜。

现代客语全罗诗篇13:4 Mo̍k pûn sù-thi̍t tui ngài kóng:“Ngài yàng-ko kì lé!”Mo̍k pûn ngài ke thi̍t-ngìn yîn-vi ngài vang lo̍k-hi fôn-hí.

和合本2010版诗篇13:5但我倚靠你的慈爱，我的心因你的救恩快乐。

现代客语汉字诗篇13:5总讲，𠊎倚靠你不变个慈爱；𠊎个心因为你个拯救会快乐。

现代客语全罗诗篇13:5 Chúng-kóng, ngài yí-kho Ngì put-pien ke chhṳ̀-oi;ngài ke sîm yîn-vi Ngì ke chṳ́n-kiu voi khoai-lo̍k.

和合本2010版诗篇13:6我要向耶和华歌唱，因他厚厚地恩待我。

现代客语汉字诗篇13:6𠊎爱唱歌颂讚上主，因为佢大施恩，好款待𠊎。

现代客语全罗诗篇13:6 Ngài oi chhong-kô siung-chan Song-chú,yîn-vi Kì thai sṳ̂-ên, hó khoán-thai ngài.