诗篇第138章客家话和合本对照

相关章：

快速到节：

书卷列表：

和合本2010版诗篇138:1大卫的诗。感恩之祷我要一心称谢你([138.1]「我要一心称谢你」：有古卷和古译本是「耶和华啊！我要一心称谢你」。)，在诸神面前歌颂你。

现代客语汉字诗篇138:1大卫个诗。感谢个祈祷上主啊，𠊎全心感谢你，在众神明面前歌颂你。

现代客语全罗诗篇138:1Thai-ví ke sṳ̂.Kám-chhia ke Khì-tó Song-chú â, ngài chhiòn-sîm kám-chhia Ngì,chhai chung sṳ̀n-mìn mien-chhièn kô-siung Ngì.

和合本2010版诗篇138:2我要向你的圣殿下拜，我要因你的慈爱和信实颂扬你的名；因你使你的名和你的言语显为大，超乎一切([138.2]「因你…一切」：原文是「因你使你的言语大过你一切的名声」。)。

现代客语汉字诗篇138:2𠊎爱向你个圣所跪拜；𠊎爱因为你个慈爱㧯信实颂讚你个名；因为你有使你个名㧯你个话超越一切(120138:2「你个名…一切」希伯来文係「你个话超越你个名」。)。

现代客语全罗诗篇138:2 Ngài oi hiong Ngì ke sṳn-só khúi-pai;ngài oi yîn-vi Ngì ke chhṳ̀-oi lâu sin-sṳ̍t siung-chan Ngì ke miàng;yîn-vi Ngì yû sṳ́ Ngì ke miàng lâu Ngì ke fa chhêu-ye̍t yit-chhiet( 120 138:2 “Ngì ke miàng ... yit-chhiet” Hî-pak-lòi-vùn he “Ngì ke fa chhêu-ye̍t Ngì ke miàng”.).

和合本2010版诗篇138:3我呼求的日子，你应允我，使我壮胆，心裏有能力。

现代客语汉字诗篇138:3𠊎求喊个时，你就应𠊎；你用你个大能鼓励𠊎。

现代客语全罗诗篇138:3 Ngài khiù-ham ke sṳ̀, Ngì chhiu en ngài;Ngì yung Ngì ke thai-nèn kú-li ngài.

和合本2010版诗篇138:4耶和华啊，地上的君王都要称谢你，因他们听见了你口中的言语。

现代客语汉字诗篇138:4上主啊，地上个君王爱颂讚你，因为佢等有听到你所讲个话。

现代客语全罗诗篇138:4 Song-chú â, thi-song ke kiûn-vòng oi siung-chan Ngì,yîn-vi kì-têu yû thâng-tó Ngì só-kóng ke fa.

和合本2010版诗篇138:5他们要歌颂耶和华的作为，因耶和华大有荣耀。

现代客语汉字诗篇138:5佢等爱歌颂上主个作为，因为上主个荣光十分大。

现代客语全罗诗篇138:5 Kì-têu oi kô-siung Song-chú ke chok-vì,yîn-vi Song-chú ke yùng-kông sṳ̍p-fûn thai.

和合本2010版诗篇138:6耶和华虽崇高，却看顾卑微的人；骄傲的人，他从远处即能认出。

现代客语汉字诗篇138:6上主至高，总係看顾卑微个人；相离尽远，总係佢知么人骄傲。

现代客语全罗诗篇138:6 Song-chú chṳ-kô, chúng-he khon-ku pî-mì ke ngìn;siông-lì chhin yén, chúng-he Kì tî má-ngìn kiêu-ngau.

和合本2010版诗篇138:7我虽困在患难中，你必将我救活；我的仇敌发怒，你必伸手抵挡他们，你的右手也必拯救我。

现代客语汉字诗篇138:7𠊎被患难围困，总係你庇佑𠊎，使𠊎安全；仇敌对𠊎发谴，你伸手阻挡，用大能救𠊎。

现代客语全罗诗篇138:7 Ngài pûn fam-nan vì-khun, chúng-he Ngì pí-yu ngài, pûn ngài ôn-chhiòn;sù-thi̍t tui ngài fat-khién, Ngì chhûn-sú chú-tóng, yung thai-nèn kiu ngài.

和合本2010版诗篇138:8耶和华必成全他在我身上的旨意；耶和华啊，你的慈爱永远长存！求你不要离弃你手所造的。

现代客语汉字诗篇138:8上主一定会成全佢对𠊎个应许！上主啊，你个慈爱永远长存！求你毋好放掉你亲手所做个！

现代客语全罗诗篇138:8 Song-chú yit-thin voi sṳ̀n-chhiòn Kì tui ngài ke yin-hí!Song-chú â, Ngì ke chhṳ̀-oi yún-yén chhòng-chhùn!Khiù Ngì m̀-hó piong-thet Ngì chhîn-sú só-cho ke!