诗篇第130章客家话和合本对照

相关章：

快速到节：

书卷列表：

和合本2010版诗篇130:1上行之诗。求助的祈祷耶和华啊，我从深处求告你！

现代客语汉字诗篇130:1上京个诗。祈祷求帮助上主啊，𠊎在绝望中求喊你！

现代客语全罗诗篇130:1Sông-kîn ke sṳ̂.Khì-tó Khiù Pông-chhu Song-chú â, ngài chhai chhie̍t-mong chûng khiù-ham Ngì!

和合本2010版诗篇130:2主啊，求你听我的声音！求你侧耳听我恳求的声音！

现代客语汉字诗篇130:2主啊，求你听𠊎个声音！求你侧耳听𠊎个哀求来帮助𠊎！

现代客语全罗诗篇130:2 Chú â, khiù Ngì thâng ngài ke sâng-yîm!Khiù Ngì chet-ngí thâng ngài ke ôi-khiù lòi pông-chhu ngài!

和合本2010版诗篇130:3耶和华啊，你若究察罪孽，主啊，谁能站得住呢？

现代客语汉字诗篇130:3上主啊，若係你记录人个罪恶，么人闪得开你个责罚哪？

现代客语全罗诗篇130:3 Song-chú â, na-he Ngì ki-liu̍k ngìn ke chhui-ok,má-ngìn sám tet-khôi Ngì ke chit-fa̍t nò?

和合本2010版诗篇130:4但在你有赦免之恩，要叫人敬畏你。

现代客语汉字诗篇130:4总係你赦免人，所以人会敬畏你。

现代客语全罗诗篇130:4 Chúng-he Ngì sa-miên ngìn,só-yî ngìn voi kin-vi Ngì.

和合本2010版诗篇130:5我等候耶和华，我的心等候；我也仰望他的话。

现代客语汉字诗篇130:5𠊎等候上主，𠊎个心等候佢，𠊎仰望佢个话。

现代客语全罗诗篇130:5 Ngài tén-heu Song-chú,ngài ke sîm tén-heu Kì,ngài ngióng-mong Kì ke fa.

和合本2010版诗篇130:6我的心等候主，胜于守夜的等候天亮，胜于守夜的等候天亮。

现代客语汉字诗篇130:6𠊎仰望主，比掌更个人等天光还较着急，比掌夜个人等天光还较迫切！

现代客语全罗诗篇130:6 Ngài ngióng-mong Chú,pí chóng-kâng ke ngìn tén thiên-kông hàn-kha chho̍k-kip,pí chóng-ya ke ngìn tén thiên-kông hàn-kha pet-chhiet!

和合本2010版诗篇130:7以色列啊，你当仰望耶和华，因耶和华有慈爱，有丰盛的救恩。

现代客语汉字诗篇130:7以色列啊，爱仰望上主，因为上主有不变个慈爱，又有丰盛个救恩。

现代客语全罗诗篇130:7 Yî-set-lie̍t â, oi ngióng-mong Song-chú,yîn-vi Song-chú yû put-pien ke chhṳ̀-oi,yu yû fûng-sṳn ke kiu-ên.

和合本2010版诗篇130:8他必救赎以色列脱离一切的罪孽。

现代客语汉字诗篇130:8佢的确爱拯救以色列民离开佢等一切个罪恶。

现代客语全罗诗篇130:8 Kì tit-khok oi chṳ́n-kiu Yî-set-lie̍t-mìnlì-khôi kì-têu yit-chhiet ke chhui-ok.

圣经-旧约

圣经-新约