诗篇第122章客家话和合本对照

相关章：

快速到节：

书卷列表：

和合本2010版诗篇122:1大卫上行之诗。耶路撒冷颂我喜乐，因人对我说：「我们到耶和华的殿去。」

现代客语汉字诗篇122:1大卫上京个诗。颂讚耶路撒冷有人对𠊎讲：「𠊎等来去上主个圣殿！」该时，𠊎实在当欢喜！

现代客语全罗诗篇122:1Thai-ví sông-kîn ke sṳ̂.Siung-chan Yâ-lu-sat-lâng Yû-ngìn tui ngài kóng:“Ngài-têu lòi-hi Song-chú ke sṳn-thien!”Ke-sṳ̀, ngài sṳ̍t-chhai tông fôn-hí!

和合本2010版诗篇122:2耶路撒冷啊，我们的脚站在你门内。

现代客语汉字诗篇122:2这下，𠊎等来到这位，双脚企在耶路撒冷个城门内。

现代客语全罗诗篇122:2 Liá-ha, ngài-têu lòi-to liá-vi,sûng-kiok khî chhai Yâ-lu-sat-lâng ke sàng-mùn-nui.

和合本2010版诗篇122:3耶路撒冷被建造，如同连结整齐的一座城。

现代客语汉字诗篇122:3耶路撒冷已经起好了，係一座连结整齐个城。

现代客语全罗诗篇122:3 Yâ-lu-sat-lâng yí-kîn hí-hó lé,he yit-chho lièn-kiet chṳ́n-chhè ke sàng.

和合本2010版诗篇122:4众支派就是耶和华的支派，上那裏去，按以色列的法度颂扬耶和华的名。

现代客语汉字诗篇122:4各支族，就係属上主个各支族，拢总上去，照以色列所领受个法令颂讚上主个名。

现代客语全罗诗篇122:4 Kok kî-chhu̍k, chhiu-he su̍k Song-chú ke kok kî-chhu̍k, lûng-chúng sông-hi,cheu Yî-set-lie̍t só liâng-su ke fap-lin siung-chan Song-chú ke miàng.

和合本2010版诗篇122:5他们在那裏设立审判的宝座，就是大卫家的宝座。

现代客语汉字诗篇122:5这位有设伸张正义个宝座，就係大卫家个宝座。

现代客语全罗诗篇122:5 Liá-vi yû sat sṳ̂n-chông chṳn-ngi ke pó-chho,chhiu-he Thai-ví-kâ ke pó-chho.

和合本2010版诗篇122:6你们要为耶路撒冷求平安：「愿爱你的人兴旺！

现代客语汉字诗篇122:6爱为耶路撒冷求和平，讲：「愿爱惜你个人拢总兴旺！

现代客语全罗诗篇122:6 Oi vi Yâ-lu-sat-lâng khiù fò-phìn, kóng:“Ngien oi-siak ngì ke ngìn lûng-chúng hîn-vong!

和合本2010版诗篇122:7愿你城中有平安！愿你宫内得平静！」

现代客语汉字诗篇122:7愿你个城肚有和平！愿你个宫内尽兴旺！」

现代客语全罗诗篇122:7 Ngien ngì ke sàng-tú yû fò-phìn!Ngien ngì ke kiûng-nui chhin hîn-vong!”

和合本2010版诗篇122:8为我弟兄和同伴的缘故，我要说：「愿你平安！」

现代客语汉字诗篇122:8为到𠊎个亲戚朋友，𠊎爱对耶路撒冷讲：「愿你平安！」

现代客语全罗诗篇122:8 Vi-tó ngài ke chhîn-chhit phèn-yû,ngài oi tui Yâ-lu-sat-lâng kóng:“Ngien ngì phìn-ôn!”