诗篇第110章客家话和合本对照

相关章：

快速到节：

书卷列表：

和合本2010版诗篇110:1大卫的诗。耶和华所拣选之王耶和华对我主说：「你坐在我的右边，等我使你仇敌作你的脚凳。」

现代客语汉字诗篇110:1大卫个诗。上主㧯佢选立个王上主㧯𠊎个主讲：「你坐在𠊎个右片，等𠊎使你个仇敌伏在你个脚下。」

现代客语全罗诗篇110:1Thai-ví ke sṳ̂.Song-chú lâu Kì Sién-li̍p ke Vòng Song-chú lâu ngài ke chú kóng:“Ngì chhô chhai Ngài ke yu-phién,tén Ngài sṳ́ ngì ke sù-thi̍t phu̍k chhai ngì ke kiok-hâ.”

和合本2010版诗篇110:2耶和华必使你从锡安伸出你能力的权杖；你务要在仇敌中掌权。

现代客语汉字诗篇110:2上主爱对锡安扩展你个王权。你爱在你个敌人中掌权。

现代客语全罗诗篇110:2 Song-chú oi tui Siak-ôn khok-chán ngì ke vòng-khièn.Ngì oi chhai ngì ke thi̍t-ngìn chûng chóng-khièn.

和合本2010版诗篇110:3你在圣山上([110.3]「圣山上」或译「圣洁妆饰中」。)掌权的日子，你的子民必甘心跟随([110.3]「你的子民必甘心跟随」：七十士译本是「你必有王子的尊严」。)；从晨曦初现，你就有清晨([110.3]「清晨」：原文是「青春」。)的甘露。

现代客语汉字诗篇110:3你同敌人作战个时节，你个人民会自愿从军；你个后生人会到圣山来就你，就像朝晨头个甘露恁多(102110:3在希伯来文本节个意思无清楚。)。

现代客语全罗诗篇110:3 Ngì thùng thi̍t-ngìn chok-chan ke sṳ̀-chiet,ngì ke ngìn-mìn voi chhṳ-ngien chhiùng-kiûn;ngì ke heu-sâng-ngìn voi to sṳn-sân lòi-chhiu ngì,chhiu-chhiong chêu-sṳ̀n-thèu ke kâm-lu án-tô( 102 110:3 Chhai Hî-pak-lòi-vùn pún-chiet ke yi-sṳ mò chhîn-chhú.).

和合本2010版诗篇110:4耶和华起了誓，绝不改变：「你是照着麦基洗德的体系永远为祭司。」

现代客语汉字诗篇110:4上主已经发誓，绝对无反悔，佢讲：「你爱照麦基洗德个体制，永远做祭司。」

现代客语全罗诗篇110:4 Song-chú yí-kîn fat-sṳ, chhie̍t-tui mò fán-fí, Kì kóng:“Ngì oi cheu Ma̍k-kî-sé-tet ke thí-chṳ,yún-yén cho chi-sṳ̂.”

和合本2010版诗篇110:5在你右边的主，当他发怒的日子，必打伤列王。

现代客语汉字诗篇110:5主在你个右片；佢发谴该日爱打击列王。

现代客语全罗诗篇110:5 Chú chhai ngì ke yu-phién;Kì fat-khién ke-ngit oi tá-kit lie̍t-vòng.

和合本2010版诗篇110:6他要审判列国，尸首就布满各处；他要痛击遍地的领袖。

现代客语汉字诗篇110:6佢爱审判万国，将身尸堆起来；佢爱打击全地个统治者。

现代客语全罗诗篇110:6 Kì oi sṳ́m-phan van-koet, chiông sṳ̂n-sṳ̂ tôi hí-lòi;Kì oi tá-kit chhiòn-thi ke thúng-chhṳ-chá.

和合本2010版诗篇110:7他要喝路旁的河水，因此必抬起头来。

现代客语汉字诗篇110:7𠊎个王会在路堘啉溪水，能力就恢复，得到大胜利。

现代客语全罗诗篇110:7 Ngài ke vòng voi chhai lu-sùn lîm hâi-súi,nèn-li̍t chhiu fî-fu̍k, tet-tó thai sṳn-li.