诗篇第106章客家话和合本对照

相关章：

快速到节：

书卷列表：

和合本2010版诗篇106:1上帝对他子民的良善哈利路亚！你们要称谢耶和华，因他本为善，他的慈爱永远长存！

现代客语汉字诗篇106:1上帝用慈爱对待佢悖逆个子民哈利路亚！爱感谢上主，因为佢係至善；佢个慈爱永远长存！

现代客语全罗诗篇106:1Song-ti Yung Chhṳ̀-oi Tui-thai Kì Phoi-ngia̍k ke Chṳ́-mìn Hâ-li-lu-yá!Oi kám-chhia Song-chú, yîn-vi Kì he chṳ-san;Kì ke chhṳ̀-oi yún-yén chhòng-chhùn!

和合本2010版诗篇106:2谁能传扬耶和华的大能？谁能表明他一切的美德？

现代客语汉字诗篇106:2上主所做个大事，么人讲得尽？有么人能讲明佢一切个美善？

现代客语全罗诗篇106:2 Song-chú só-cho ke thai-sṳ, má-ngìn kóng tet-chhin?Yû má-ngìn nèn kóng-mìn Kì yit-chhiet ke mî-san?

和合本2010版诗篇106:3凡遵守公平、常行公义的，这人有福了！

现代客语汉字诗篇106:3行事公平、一直伸张公义个，这种个人实在有福气！

现代客语全罗诗篇106:3 Hàng-sṳ kûng-phìn, yit-chhṳ̍t sṳ̂n-chông kûng-ngi ke,liá-chúng ke ngìn sṳ̍t-chhai yû fuk-hi!

和合本2010版诗篇106:4耶和华啊，你恩待你百姓的时候，求你记念我；你拯救他们的时候，求你眷顾我，

现代客语汉字诗篇106:4上主啊，你好款待你子民个时，求你顾念𠊎；你拯救佢等个时，求你帮助𠊎。

现代客语全罗诗篇106:4 Song-chú â, Ngì hó khoán-thai Ngì chṳ́-mìn ke sṳ̀,khiù Ngì ku-ngiam ngài;Ngì chṳ́n-kiu kì-têu ke sṳ̀,khiù Ngì pông-chhu ngài.

和合本2010版诗篇106:5好使我经历你选民的福分，享受你国民的喜乐，与你的产业一同夸耀。

现代客语汉字诗篇106:5求你俾𠊎看到你选民个幸福，也爱俾𠊎分享你子民个欢喜，俾𠊎同属你个人共下颂讚你。

现代客语全罗诗篇106:5 Khiù Ngì pûn ngài khon-tó Ngì sién-mìn ke hen-fuk,ya oi pûn ngài fûn-hióng Ngì chṳ́-mìn ke fôn-hí,pûn ngài thùng su̍k Ngì ke ngìn khiung-ha siung-chan Ngì.

和合本2010版诗篇106:6我们与我们的祖宗一同犯罪，偏邪行恶。

现代客语汉字诗篇106:6𠊎等同祖先一样犯了罪；𠊎等拢总作恶、做坏事。

现代客语全罗诗篇106:6 Ngài-têu thùng chú-siên yit-yong fam-liáu chhui;ngài-têu lûng-chúng chok-ok, cho fái-sṳ.

和合本2010版诗篇106:7我们的祖宗在埃及不明白你的奇事，不记念你丰盛的慈爱，反倒在红海([106.7]「红海」是根据七十士译本，原文是「芦苇海」；本卷书下同。)行了悖逆。

现代客语汉字诗篇106:7𠊎等个祖先在埃及个时，毋明白上帝奇妙个作为；佢等毋记得佢丰盛个慈爱，反转在红海前就悖逆全能者(94106:7「在…全能者」希伯来文係「在海滣，就係在红海前悖逆」。)。

现代客语全罗诗篇106:7 Ngài-têu ke chú-siên chhai Âi-khi̍p ke sṳ̀,m̀ mìn-pha̍k Song-ti khì-meu ke chok-vì;kì-têu m̀ ki-tet Kì fûng-sṳn ke chhṳ̀-oi,fán-chón chhai Fùng-hói chhièn chhiu phoi-ngia̍k Chhiòn-nèn-chá( 94 106:7 “chhai ... Chhiòn-nèn-chá” Hî-pak-lòi-vùn he “chhai hói-sùn, chhiu-he chhai Fùng-hói chhièn phoi-ngia̍k”.).

和合本2010版诗篇106:8然而，他因自己的名拯救他们，为要彰显他的大能。

现代客语汉字诗篇106:8总係，上帝还係因为佢个名救佢等，为到爱显明佢自家个大权能。

现代客语全罗诗篇106:8 Chúng-he, Song-ti hàn-he yîn-vi Kì ke miàng kiu kì-têu,vi-tó oi hién-mìn Kì chhṳ-kâ ke thai khièn-nèn.

和合本2010版诗篇106:9他斥责红海，海就乾了，带领他们走过深海，如走旷野。

现代客语汉字诗篇106:9佢责备红海，海水就燥掉；佢带佢等对海底行过去，像行燥地。

现代客语全罗诗篇106:9 Kì chit-phi Fùng-hói, hói-súi chhiu châu-thet;Kì tai kì-têu tui hói-tái hàng ko-hi, chhiong hàng châu-thi.

和合本2010版诗篇106:10他拯救他们脱离恨他们之人的手，从仇敌手中救赎他们。

现代客语汉字诗篇106:10佢救佢等脱离怨恨佢等个人；佢对仇敌个手中救佢等出来。

现代客语全罗诗篇106:10 Kì kiu kì-têu thot-lì yen-hen kì-têu ke ngìn;Kì tui sù-thi̍t ke sú-chûng kiu kì-têu chhut-lòi.

和合本2010版诗篇106:11水淹没他们的敌人，没有一个存留。

现代客语汉字诗篇106:11水将仇敌淹死；连一侪也无賸。

现代客语全罗诗篇106:11 Súi chiông sù-thi̍t yim-sí;lièn yit-sà ya mò chhûn.

和合本2010版诗篇106:12那时，他们才信他的话，歌唱讚美他。

现代客语汉字诗篇106:12该时，佢等正相信佢个应许；因为恁样，佢等唱歌颂讚佢。

现代客语全罗诗篇106:12 Ke-sṳ̀, kì-têu chang siông-sin Kì ke yin-hí;yîn-vi án-ngiòng, kì-têu chhong-kô siung-chan Kì.

和合本2010版诗篇106:13很快地，他们就忘了他的作为，不仰望他的指引，

现代客语汉字诗篇106:13佢等尽遽就毋记得佢个作为；佢等黏时就毋肯等候佢个旨意。

现代客语全罗诗篇106:13 Kì-têu chhin-kiak chhiu m̀ ki-tet Kì ke chok-vì;kì-têu ngiàm-sṳ̀ chhiu m̀-hén tén-heu Kì ke chṳ́-yi.

和合本2010版诗篇106:14反倒在旷野起了贪婪之心，在荒地试探上帝。

现代客语汉字诗篇106:14在旷野，佢等充满贪食个心，在沙漠，佢等试探上帝。

现代客语全罗诗篇106:14 Chhai khóng-yâ, kì-têu chhûng-mân thâm-sṳ̍t ke sîm,chhai sâ-mo̍k, kì-têu sṳ-tham Song-ti.

和合本2010版诗篇106:15他将他们所求的赐给他们，却使他们心灵软弱。

现代客语汉字诗篇106:15佢照佢等所求个赐给佢等；总係，佢也降下病痛在佢等中间。

现代客语全罗诗篇106:15 Kì cheu kì-têu só-khiù ke su-pûn kì-têu;chúng-he, Kì ya kong-hâ phiang-thung chhai kì-têu chûng-kiên.

和合本2010版诗篇106:16他们在营中嫉妒摩西和耶和华的圣者亚伦。

现代客语汉字诗篇106:16在营房中佢等嫉妒摩西，㧯上主分别为圣个亚伦。

现代客语全罗诗篇106:16 Chhai yàng-fòng chûng kì-têu chhit-tu Mô-sî,lâu Song-chú fûn-phe̍t vì-sṳn ke Â-lùn.

和合本2010版诗篇106:17地就裂开，吞下大坍，掩盖亚比兰一伙的人。

现代客语汉字诗篇106:17地就裂开，将大坍吞落去，将亚比兰㧯佢全家生埋。

现代客语全罗诗篇106:17 Thi chhiu lie̍t-khôi, chiông Thai-thân thûn lo̍k-hi,chiông Â-pí-làn lâu kì chhiòn-kâ sâng-mài.

和合本2010版诗篇106:18有火在他们党中点燃，有火焰烧燬了恶人。

现代客语汉字诗篇106:18有火降在佢等同伴个身上，将该兜作恶个人烧死净净。

现代客语全罗诗篇106:18 Yû fó kong chhai kì-têu thùng-phân ke sṳ̂n-song,chiông ke-têu chok-ok ke ngìn sêu-sí chhiang-chhiang.

和合本2010版诗篇106:19他们在何烈山造了牛犊，叩拜铸成的像，

现代客语汉字诗篇106:19佢等在何烈山铸造牛像，跪拜人个手所做个偶像。

现代客语全罗诗篇106:19 Kì-têu chhai Hò-lie̍t-sân chu-chho ngiù-siong,khúi-pai ngìn ke sú só-cho ke ngiéu-siong.

和合本2010版诗篇106:20将他们荣耀的主换为吃草之牛的像，

现代客语汉字诗篇106:20佢等将上帝个荣光，换做食草个牛个像。

现代客语全罗诗篇106:20 Kì-têu chiông Song-ti ke yùng-kông,von-cho sṳ̍t-chhó ke ngiù ke siong.

和合本2010版诗篇106:21忘了上帝－他们的救主，就是曾在埃及行大事，

现代客语汉字诗篇106:21佢等毋记得救佢等个上帝，就係在埃及行大事个上帝。

现代客语全罗诗篇106:21 Kì-têu m̀ ki-tet kiu kì-têu ke Song-ti,chhiu-he chhai Âi-khi̍p hàng thai-sṳ ke Song-ti.

和合本2010版诗篇106:22在含地行奇事，在红海行可畏之事的那位。

现代客语汉字诗篇106:22佢识在含个地方行神蹟，识在红海行得人惊个事。

现代客语全罗诗篇106:22 Kì sṳt chhai Hàm ke thi-fông hàng sṳ̀n-chiak,sṳt chhai Fùng-hói hàng tet-ngìn-kiâng ke sṳ.

和合本2010版诗篇106:23因此，他说要灭绝他们；若非他所拣选的摩西在他面前站在破裂之处，使他的愤怒转消，恐怕他就灭绝他们了。

现代客语汉字诗篇106:23上帝讲佢爱消灭佢个子民该时，佢拣选个僕人摩西企在佢面前，同佢争论，求佢收回佢个大发谴，正解除以色列人受消灭个危机。

现代客语全罗诗篇106:23 Song-ti kóng Kì oi sêu-me̍t Kì ke chṳ́-mìn ke-sṳ̀,Kì kién-sién ke phu̍k-ngìn Mô-sî khî chhai Kì mien-chhièn,thùng Kì chên-lun, khiù Kì sû-fì Kì ke thai fat-khién,chang kié-chhù Yî-set-lie̍t-ngìn su sêu-me̍t ke ngùi-kî.

和合本2010版诗篇106:24他们又藐视那美地，不信他的话，

现代客语汉字诗篇106:24后来，佢等藐视该美好个地；佢等对上帝个应许无信心。

现代客语全罗诗篇106:24 Heu-lòi, kì-têu méu-sṳ ke mî-hó ke thi;kì-têu tui Song-ti ke yin-hí mò sin-sîm.

和合本2010版诗篇106:25在自己帐棚内发怨言，不听耶和华的声音。

现代客语汉字诗篇106:25佢等在自家个帐篷肚埋怨，毋肯听从上主个话。

现代客语全罗诗篇106:25 Kì-têu chhai chhṳ-kâ ke chong-phùng tú mài-yen,m̀-hén thâng-chhiùng Song-chú ke fa.

和合本2010版诗篇106:26所以他向他们起誓，必叫他们倒在旷野，

现代客语汉字诗篇106:26佢就严严警告佢等：爱使佢等横在旷野，

现代客语全罗诗篇106:26 Kì chhiu ngiàm-ngiàm kín-ko kì-têu:Oi pûn kì-têu vang chhai khóng-yâ,

和合本2010版诗篇106:27叫他们的后裔倒在列国之中，分散在各地。

现代客语汉字诗篇106:27使佢等个子孙散到列国，使佢等流亡到外国去。

现代客语全罗诗篇106:27 pûn kì-têu ke chṳ́-sûn san-to lie̍t-koet,pûn kì-têu liù-mòng to ngoi-koet hi.

和合本2010版诗篇106:28他们又与巴力‧毗珥连合，吃了祭死人的物。

现代客语汉字诗篇106:28后来，上帝个子民在批珥拜巴力，食该兜拜过死人(95106:28「死人」抑係译做「死神」。)个祭物。

现代客语全罗诗篇106:28 Heu-lòi, Song-ti ke chṳ́-mìn chhai Phî-ngí pai Pâ-li̍t,sṳ̍t ke-têu pai-ko sí-ngìn( 95 106:28 “sí-ngìn” ya-he yi̍t-cho “sí-sṳ̀n”.) ke chi-vu̍t.

和合本2010版诗篇106:29他们这样行，惹耶和华发怒，就有瘟疫流行在他们中间。

现代客语汉字诗篇106:29佢等个行为惹上主大发谴，就有瘟疫在佢等当中流行。

现代客语全罗诗篇106:29 Kì-têu ke hàng-vì ngiâ Song-chú thai fat-khién,chhiu yû vûn-yi̍t chhai kì-têu tông-chûng liù-hàng.

和合本2010版诗篇106:30那时，非尼哈起而干预，瘟疫这才止息。

现代客语汉字诗篇106:30总係非尼哈䟘起来刑罚罪，恁样，瘟疫正无继续遰下去。

现代客语全罗诗篇106:30 Chúng-he Fî-nì-ha̍p hong-hí-lòi hìn-fa̍t chhui,án-ngiòng, vûn-yi̍t chang mò ki-siu̍k chhe hâ-hi.

和合本2010版诗篇106:31那就算他为义，世世代代，直到永远。

现代客语汉字诗篇106:31这件事就算做佢个义，对该时直到世世代代。

现代客语全罗诗篇106:31 Liá-khien sṳ chhiu son-cho kì ke ngi,tui ke-sṳ̀ chhṳ̍t-to sṳ-sṳ thoi-thoi.

和合本2010版诗篇106:32他们在米利巴水又惹耶和华发怒，甚至摩西也因他们的缘故受亏损，

现代客语汉字诗篇106:32佢等也在米利巴泉水该位，激上主发谴，害摩西受连累。

现代客语全罗诗篇106:32 Kì-têu ya chhai Mí-li-pâ chhièn-súi ke-vi,kit Song-chú fat-khién, hoi Mô-sî su lièn-lui.

和合本2010版诗篇106:33是因他们触怒了他的灵，摩西就用嘴说了急躁的话。

现代客语汉字诗篇106:33因为佢等刺伤摩西个心(96106:33「因为…个心」抑係译做「因为佢等违背上主个灵」。)，害到佢讲无应该讲个话。

现代客语全罗诗篇106:33 Yîn-vi kì-têu chhiuk-sông Mô-sî ke sîm( 96 106:33 “Yîn-vi ... ke sîm” ya-he yi̍t-cho “Yîn-vi kì-têu vì-poi Song-chú ke Lìn”.),hoi-tó kì kóng mò yin-kôi kóng ke fa.

和合本2010版诗篇106:34他们不照耶和华所吩咐的灭绝外邦人，

现代客语汉字诗篇106:34佢等违背上主个命令，无将该兜外族人消灭，

现代客语全罗诗篇106:34 Kì-têu vì-poi Song-chú ke min-lin,mò chiông ke-têu ngoi-chhu̍k-ngìn sêu-me̍t,

和合本2010版诗篇106:35反倒与列国相交，学习他们的行为，

现代客语汉字诗篇106:35反转去㧯佢等通婚，学佢等个风俗习惯。

现代客语全罗诗篇106:35 fán-chón hi lâu kì-têu thûng-fûn,ho̍k kì-têu ke fûng-siu̍k si̍p-koan.

和合本2010版诗篇106:36事奉他们的偶像，这就成了自己的圈套。

现代客语汉字诗篇106:36上帝个子民还去拜偶像，这就係佢等灭亡个原因。

现代客语全罗诗篇106:36 Song-ti ke chṳ́-mìn hàn hi-pai ngiéu-siong,liá chhiu-he kì-têu me̍t-mòng ke ngièn-yîn.

和合本2010版诗篇106:37他们把自己的儿女祭祀鬼魔，

现代客语汉字诗篇106:37佢等将亲生个子女牺牲，做祭物献给迦南个鬼神。

现代客语全罗诗篇106:37 Kì-têu chiông chhîn-sên ke chṳ́-ńg hî-sên,cho chi-vu̍t hien-pûn Kâ-nàm ke kúi-sṳ̀n.

和合本2010版诗篇106:38流无辜人的血，就是自己儿女的血，用他们祭祀迦南的偶像，那地就被血玷污了。

现代客语汉字诗篇106:38佢等㓾无辜个人，流自家子女个血，将佢等献给迦南个偶像，该地方被所流个血打垃圾。

现代客语全罗诗篇106:38 Kì-têu chhṳ̀ vù-kû ke ngìn,liù chhṳ-kâ chṳ́-ńg ke hiet,chiông kì-têu hien-pûn Kâ-nàm ke ngiéu-siong,ke thi-fông pûn só-liù ke hiet tá-lá-sap.

和合本2010版诗篇106:39这样，他们被自己所做的玷污了，在行为上犯了淫乱。

现代客语汉字诗篇106:39佢等个行为也将自家打垃圾，在上帝面前做悖逆变节个人。

现代客语全罗诗篇106:39 Kì-têu ke hàng-vì ya chiông chhṳ-kâ tá-lá-sap,chhai Song-ti mien-chhièn cho phoi-ngia̍k pien-chiet ke ngìn.

和合本2010版诗篇106:40耶和华的怒气向他的百姓发作，他憎恶自己的产业，

现代客语汉字诗篇106:40所以，上主对佢等发谴；佢尽恼佢自家个子民。

现代客语全罗诗篇106:40 Só-yî, Song-chú tui kì-têu fat-khién;Kì chhin-nâu Kì chhṳ-kâ ke chṳ́-mìn.

和合本2010版诗篇106:41将他们交在外邦人手裏，恨他们的人就辖制他们。

现代客语汉字诗篇106:41佢使佢等落在外族人个手中；佢由在佢等个敌人辖制佢等。

现代客语全罗诗篇106:41 Kì sṳ́ kì-têu lo̍k chhai ngoi-chhu̍k-ngìn ke sú-chûng;Kì yù-chhai kì-têu ke thi̍t-ngìn hot-chṳ kì-têu.

和合本2010版诗篇106:42他们的仇敌欺压他们，他们伏在敌人手下。

现代客语汉字诗篇106:42佢等被仇敌欺压，被仇敌揿到贴贴。

现代客语全罗诗篇106:42 Kì-têu pûn sù-thi̍t khî-ap,pûn sù-thi̍t khim-to tap-tap.

和合本2010版诗篇106:43他屡次搭救他们，他们却图谋悖逆，就因自己的罪孽降为卑下。

现代客语汉字诗篇106:43上主拯救佢等尽多摆，总係佢等计谋悖逆佢，陷落罪恶中，紧来紧深。

现代客语全罗诗篇106:43 Song-chú chṳ́n-kiu kì-têu chhin-tô pái,chúng-he kì-têu kie-mèu phoi-ngia̍k Kì,ham-lo̍k chhui-ok chûng, kín-lòi kín-chhṳ̂m.

和合本2010版诗篇106:44然而，他听见他们哀告的时候，就眷顾他们的急难，

现代客语汉字诗篇106:44总係，佢顾念佢等个苦难；佢等一求喊，佢就听佢等。

现代客语全罗诗篇106:44 Chúng-he, Kì ku-ngiam kì-têu ke khú-nan;kì-têu yit khiù-ham, Kì chhiu thâng kì-têu.

和合本2010版诗篇106:45为了他们，他记念自己的约，照他丰盛的慈爱改变心意，

现代客语汉字诗篇106:45为到佢等，上主想起佢个契约；照佢丰盛个慈爱，佢回心转意。

现代客语全罗诗篇106:45 Vi-tó kì-têu, Song-chú sióng-hí Kì ke khie-yok;cheu Kì fûng-sṳn ke chhṳ̀-oi, Kì fì-sîm chón-yi.

和合本2010版诗篇106:46使他们在凡掳掠他们的人面前蒙怜悯。

现代客语汉字诗篇106:46佢使捉佢等去个人全部怜悯佢等。

现代客语全罗诗篇106:46 Kì sṳ́ chok kì-têu hi ke ngìn chhiòn-phu lìn-mén kì-têu.

和合本2010版诗篇106:47耶和华－我们的上帝啊，求你拯救我们，从列国中召集我们，我们好颂扬你的圣名，以讚美你为夸胜。

现代客语汉字诗篇106:47上主—𠊎等个上帝啊，拯救𠊎等！求你将𠊎等对列国聚集起来，使𠊎等有好颂讚你个圣名，用感谢你来做𠊎等个荣光！

现代客语全罗诗篇106:47 Song-chú — ngài-têu ke Song-ti â, chṳ́n-kiu ngài-têu!Khiù Ngì chiông ngài-têu tui lie̍t-koet chhi-si̍p hí-lòi,pûn ngài-têu yû-hó siung-chan Ngì ke sṳn-miàng,yung kám-chhia Ngì lòi cho ngài-têu ke yùng-kông!

和合本2010版诗篇106:48耶和华－以色列的上帝是应当称颂的，从亘古直到永远。愿全体百姓都说：「阿们！」哈利路亚！s第五卷（一百零七至一百五十篇）

现代客语汉字诗篇106:48愿上主—以色列个上帝受称颂，对永远到永远！愿万民同声来讲：「阿愐！」哈利路亚！

现代客语全罗诗篇106:48 Ngien Song-chú — Yî-set-lie̍t ke Song-ti su chhṳ̂n-siung,tui yún-yén to yún-yén!Ngien van-mìn thùng-sâng lòi-kóng:“Â-mén!”Hâ-li-lu-yá!