诗篇第103章客家话和合本对照

相关章：

快速到节：

书卷列表：

和合本2010版诗篇103:1大卫的诗。耶和华的慈爱我的心哪，你要称颂耶和华！凡在我裏面的，都要称颂他的圣名！

现代客语汉字诗篇103:1大卫个诗。上帝个痛惜𠊎个心啊，爱颂讚上主！𠊎个身心灵爱颂讚佢个圣名！

现代客语全罗诗篇103:1Thai-ví ke sṳ̂.Song-ti ke Thung-siak Ngài ke sîm â, oi siung-chan Song-chú!Ngài ke sṳ̂n-sîm-lìn oi siung-chan Kì ke sṳn-miàng!

和合本2010版诗篇103:2我的心哪，你要称颂耶和华！不可忘记他一切的恩惠！

现代客语汉字诗篇103:2𠊎个心啊，爱颂讚上主！毋好毋记得佢一切个恩惠！

现代客语全罗诗篇103:2 Ngài ke sîm â, oi siung-chan Song-chú!M̀-hó m̀ ki-tet Kì yit-chhiet ke ên-fi!

和合本2010版诗篇103:3他赦免你一切的罪孽，医治你一切的疾病。

现代客语汉字诗篇103:3佢赦免𠊎所有个罪恶；佢医好𠊎一切个病痛。

现代客语全罗诗篇103:3 Kì sa-miên ngài só-yû ke chhui-ok;Kì yî-hó ngài yit-chhiet ke phiang-thung.

和合本2010版诗篇103:4他救赎你的命脱离地府，以仁爱和怜悯为你的冠冕。

现代客语汉字诗篇103:4佢救𠊎脱离死亡；佢用慈爱㧯怜悯做𠊎个冕旒。

现代客语全罗诗篇103:4 Kì kiu ngài thot-lì sí-mòng;Kì yung chhṳ̀-oi lâu lìn-mén cho ngài ke miên-liù.

和合本2010版诗篇103:5他用美物使你的生命([103.5]「你的生命」：七十士译本是「你所愿的」。)得以满足，以致你如鹰返老还童。

现代客语汉字诗篇103:5佢用最好个东西来满足𠊎，使𠊎一直青春，勇健像鹰鸟。

现代客语全罗诗篇103:5 Kì yung chui-hó ke tûng-sî lòi mân-chiuk ngài,pûn ngài yit-chhṳ̍t chhiâng-chhûn, yúng-khien chhiong yîn-tiâu.

和合本2010版诗篇103:6耶和华施行公义，为所有受欺压的人伸冤。

现代客语汉字诗篇103:6上主代受压迫个伸冤；佢为到佢等伸张公义。

现代客语全罗诗篇103:6 Song-chú thoi su ap-pet ke sṳ̂n-yên;Kì vi-tó kì-têu sṳ̂n-chông kûng-ngi.

和合本2010版诗篇103:7他使摩西知道他的法则，使以色列人晓得他的作为。

现代客语汉字诗篇103:7佢对摩西启示佢个计划，使以色列人知佢个作为。

现代客语全罗诗篇103:7 Kì tui Mô-sî khí-sṳ Kì ke kie-va̍k,pûn Yî-set-lie̍t-ngìn tî Kì ke chok-vì.

和合本2010版诗篇103:8耶和华有怜悯，有恩惠，不轻易发怒，且有丰盛的慈爱。

现代客语汉字诗篇103:8上主有怜悯㧯恩典，无随便发谴，满有不变个慈爱。

现代客语全罗诗篇103:8 Song-chú yû lìn-mén lâu ên-tién,mò sùi-phien fat-khién, mân-yû put-pien ke chhṳ̀-oi.

和合本2010版诗篇103:9他不长久责备，也不永远怀怒。

现代客语汉字诗篇103:9佢毋会一直责备；佢毋会永远发阏。

现代客语全罗诗篇103:9 Kì m̀-voi yit-chhṳ̍t chit-phi;Kì m̀-voi yún-yén pot-at.

和合本2010版诗篇103:10他没有按我们的罪待我们，也没有照我们的罪孽报应我们。

现代客语汉字诗篇103:10佢无照𠊎等个罪过责罚𠊎等；佢也无因为𠊎等个罪恶报应𠊎等。

现代客语全罗诗篇103:10 Kì mò cheu ngài-têu ke chhui-ko chit-fa̍t ngài-têu;Kì ya mò yîn-vi ngài-têu ke chhui-ok po-yin ngài-têu.

和合本2010版诗篇103:11天离地何等的高，他的慈爱向敬畏他的人也是何等的大！

现代客语汉字诗篇103:11天离地有几高，对敬畏佢个人，佢个慈爱也有几大！

现代客语全罗诗篇103:11 Thiên lì thi yû kí-kô,tui kin-vi Kì ke ngìn, Kì ke chhṳ̀-oi ya yû kí-thai!

和合本2010版诗篇103:12东离西有多远，他叫我们的过犯离我们也有多远！

现代客语汉字诗篇103:12东离西有几远，佢使𠊎等个过犯离开𠊎等也有恁远！

现代客语全罗诗篇103:12 Tûng lì sî yû kí-yén,Kì sṳ́ ngài-têu ke ko-fam lì-khôi ngài-têu ya yû án-yén!

和合本2010版诗篇103:13父亲怎样怜悯他的儿女，耶和华也怎样怜悯敬畏他的人！

现代客语汉字诗篇103:13阿爸係样般痛惜自家个子女，上主也样般痛惜敬畏佢个人。

现代客语全罗诗篇103:13 Â-pâ he ngióng-pân thung-siak chhṳ-kâ ke chṳ́-ńg,Song-chú ya ngióng-pân thung-siak kin-vi Kì ke ngìn.

和合本2010版诗篇103:14因为他知道我们的本体，思念我们不过是尘土。

现代客语汉字诗篇103:14佢知𠊎等个本质；佢记得𠊎等不过係泥做个。

现代客语全罗诗篇103:14 Kì tî ngài-têu ke pún-chṳt;Kì ki-tet ngài-têu put-ko he nài cho ke.

和合本2010版诗篇103:15至于世人，他的年日如草一样。他兴旺如野地的花，

现代客语汉字诗篇103:15论到世人，佢等个生命就像草。佢等像野地个花，生到恁靓；

现代客语全罗诗篇103:15 Lun-tó sṳ-ngìn, kì-têu ke sâng-miang chhiu-chhiong chhó.Kì-têu chhiong yâ-thi ke fâ, sâng-to án-chiâng;

和合本2010版诗篇103:16经风一吹，就归无有，它的原处也不再认识它。

现代客语汉字诗篇103:16被风一吹就无掉去，无人再寻得到它。

现代客语全罗诗篇103:16 pûn fûng yit chhôi chhiu mò-thet hi,mò-ngìn chai chhìm tet-tó kì.

和合本2010版诗篇103:17但耶和华的慈爱归于敬畏他的人，从亘古到永远；他的公义也归于子子孙孙，

现代客语汉字诗篇103:17总係上主个慈爱归给敬畏佢个人，对上古到永远；佢个公义也归给佢等个子子孙孙，

现代客语全罗诗篇103:17 Chúng-he Song-chú ke chhṳ̀-oi kûi-pûn kin-vi Kì ke ngìn, tui song-kú to yún-yén;Kì ke kûng-ngi ya kûi-pûn kì-têu ke chṳ́-chṳ́ sûn-sûn,

和合本2010版诗篇103:18就是那些遵守他的约、记念他的训词而遵行的人。

现代客语汉字诗篇103:18就係该兜诚心守佢个契约、忠实遵行佢诫命个人。

现代客语全罗诗篇103:18 chhiu-he ke-têu sṳ̀n-sîm sú Kì ke khie-yok,chûng-sṳ̍t chûn-hàng Kì kie-min ke ngìn.

和合本2010版诗篇103:19耶和华在天上立定宝座，他的国统管万有。

现代客语汉字诗篇103:19上主在天顶设宝座；佢做王统治所有个一切。

现代客语全罗诗篇103:19 Song-chú chhai thiên-táng sat pó-chho;Kì cho vòng thúng-chhṳ só-yû ke yit-chhiet.

和合本2010版诗篇103:20听从他命令、成全他旨意、有大能的天使啊，你们都要称颂耶和华！

现代客语汉字诗篇103:20大有能力个天使啊，听佢命令、顺从佢旨意个使者啊，你等爱颂讚上主！

现代客语全罗诗篇103:20 Thai-yû nèn-li̍t ke thiên-sṳ́ â,thâng Kì min-lin, sun-chhiùng Kì chṳ́-yi ke sṳ́-chá â,ngì-têu oi siung-chan Song-chú!

和合本2010版诗篇103:21你们行他所喜悦的，作他诸军，作他僕役的啊，都要称颂耶和华！

现代客语汉字诗篇103:21天顶一切有权能、遵行佢旨意个奴僕啊，你等爱颂讚上主！

现代客语全罗诗篇103:21 Thiên-táng yit-chhiet yû khièn-nèn,chûn-hàng Kì chṳ́-yi ke nù-phu̍k â,ngì-têu oi siung-chan Song-chú!

和合本2010版诗篇103:22你们一切被他造的，在他所治理的各处，都要称颂耶和华！我的心哪，你要称颂耶和华！

现代客语汉字诗篇103:22一切佢所创造个啊，爱颂讚上主！爱在佢统治个逐所在颂讚佢！𠊎个心啊，爱颂讚上主！

现代客语全罗诗篇103:22 Yit-chhiet Kì só chhóng-chho ke â,oi siung-chan Song-chú!Oi chhai Kì thúng-chhṳ ke tak só-chhai siung-chan Kì!Ngài ke sîm â, oi siung-chan Song-chú!