腓立比书第3章客家话和合本对照

相关章：

快速到节：

书卷列表：

和合本2010版腓立比书3:1真正的义末了，我的弟兄们，你们要靠主喜乐。我把这些话再写给你们，对我并不困难，对你们却是妥当的。

现代客语汉字腓立比书3:1真个义兄弟姊妹啊，总讲：你等爱因为同主结连来欢喜！𠊎将这兜话再写给你等，对𠊎係无麻烦，对你等也係妥当。

现代客语全罗腓立比书3:1Chṳ̂n ke Ngi Hiûng-thi chí-moi â, chúng-kóng: Ngì-têu oi yîn-vi thùng Chú kiet-lièn lòi fôn-hí! Ngài chiông liá-têu fa chai siá pûn ngì-têu, tui ngài he mò mà-fàn, tui ngì-têu ya he thó-tong.

和合本2010版腓立比书3:2 应当防备犬类，防备作恶的，防备妄自行割的。

现代客语汉字腓立比书3:2你等爱提防该兜作恶个人，该兜狐群狗党，就係该兜坚持爱割自家身体个人。

现代客语全罗腓立比书3:2 Ngì-têu oi thì-fòng ke-têu chok-ok ke ngìn, ke-têu fù-khiùn kiéu-tóng, chhiu-he ke-têu kiên-chhṳ̀ oi kot chhṳ-kâ sṳ̂n-thí ke ngìn.

和合本2010版腓立比书3:3 因为真受割礼的，就是我们这藉着上帝的灵敬拜、以基督耶稣为夸耀、不依靠肉体的。

现代客语汉字腓立比书3:3其实，接受真割礼个，毋係佢等，係𠊎等；因为𠊎等係通过上帝个灵来敬拜、所夸口个係基督耶稣、毋係倚靠外表个礼仪。

现代客语全罗腓立比书3:3 Khì-sṳ̍t, chiap-su chṳ̂n kot-lî ke, m̀-he kì-têu, he ngài-têu; yîn-vi ngài-têu he thûng-ko Song-ti ke Lìn lòi kin-pai, só khoâ-khiéu ke he Kî-tuk Yâ-sû, m̀-he yí-kho ngoi-péu ke lî-ngì.

和合本2010版腓立比书3:4 其实，我也可以靠肉体；若是别人以为他可以依靠肉体，我更可以。

现代客语汉字腓立比书3:4其实，𠊎也做得靠外表个礼仪。若係有人恅到佢做得靠外表个礼仪，𠊎还较做得恁样做。

现代客语全罗腓立比书3:4 Khì-sṳ̍t, ngài ya cho-tet kho ngoi-péu ke lî-ngì. Na-he yû-ngìn láu-tó kì cho-tet kho ngoi-péu ke lî-ngì, ngài hàn-kha cho-tet án-ngiòng cho.

和合本2010版腓立比书3:5 我出生后第八天受割礼；我是以色列族、便雅悯支派的人，是希伯来人所生的希伯来人。就律法说，我是法利赛人；

现代客语汉字腓立比书3:5𠊎出世第八日就受割礼。𠊎生来就係以色列人，属便雅悯支族，係血统纯正个希伯来人。对遵守犹太教教规这点来讲，𠊎係属法利赛派；

现代客语全罗腓立比书3:5 Ngài chhut-se thi-pat-ngit chhiu su kot-lî. Ngài sên-lòi chhiu he Yî-set-lie̍t-ngìn, su̍k Phien-ngâ-mén kî-chhu̍k, he hiet-thúng sùn-chṳn ke Hî-pak-lòi-ngìn. Tui chûn-sú Yù-thai-kau kau-kûi liá-tiám lòi kóng, ngài he su̍k Fap-li-soi-phai;

和合本2010版腓立比书3:6 就热心说，我是迫害教会的；就律法上的义说，我是无可指责的。

现代客语汉字腓立比书3:6对热心来讲，𠊎识迫害教会；对遵守法律就算係义来讲，𠊎无么介好被人责备个。

现代客语全罗腓立比书3:6 tui ngie̍t-sîm lòi kóng, ngài sṳt pet-hoi kau-fi; tui chûn-sú fap-li̍t chhiu son he ngi lòi kóng, ngài mò má-ke hó pûn-ngìn chit-phi ke.

和合本2010版腓立比书3:7 只是我先前以为对我是有益的，我现在因基督的缘故而当作是有损的。

现代客语汉字腓立比书3:7总係，头摆𠊎认为有利益个一切，这下为到基督个缘故，𠊎全部看做係损害。

现代客语全罗腓立比书3:7 Chúng-he, thèu-pái ngài ngin-vì yû li-yit ke yit-chhiet, liá-ha vi-tó Kî-tuk ke yèn-ku, ngài chhiòn-phu khon-cho he sún-hoi.

和合本2010版腓立比书3:8 不但如此，我已把万事当作是有损的，因我以认识我主基督耶稣为至宝。我为他已经丢弃万事，看作粪土，为要赢得基督，

现代客语汉字腓立比书3:8毋单净恁样，𠊎更将万事拢总看做损害，因为𠊎看认识𠊎个主基督耶稣做最宝贵个。所以，𠊎将一切準做垃圾㧒掉，为到爱得到基督，

现代客语全罗腓立比书3:8 M̀ tân-chhiang án-ngiòng, ngài kien chiông van-sṳ lûng-chúng khon-cho sún-hoi, yîn-vi ngài khon ngin-sṳt ngài ke Chú Kî-tuk Yâ-sû cho chui pó-kui ke. Só-yî, ngài chiông yit-chhiet chún-cho lá-sap fit-thet, vi-tó oi tet-tó Kî-tuk,

和合本2010版腓立比书3:9 并且得以在他裏面，不是有自己因律法而得的义，而是有信基督的义( [ 3.9] 「有信基督的义」或译「有藉基督的信而来的义」。)，就是基于信，从上帝而来的义，

现代客语汉字腓立比书3:9完全同佢结连。𠊎所有个毋係自家对守法律来得到个义，係通过信基督(63:9「通过信基督」抑係译做「通过基督个信实」。)所领受个义；这个义係凭信心对上帝来领受个。

现代客语全罗腓立比书3:9 vàn-chhiòn thùng kì kiet-lièn. Ngài só-yû ke m̀-he chhṳ-kâ tui sú fap-li̍t lòi tet-tó ke ngi, he thûng-ko sin Kî-tuk( 6 3:9 “thûng-ko sin Kî-tuk” ya-he yi̍t-cho “thûng-ko Kî-tuk ke sin-sṳ̍t”.) só liâng-su ke ngi; liá-ke ngi he phìn sin-sîm tui Song-ti lòi liâng-su ke.

和合本2010版腓立比书3:10 使我认识基督，知道他复活的大能，并且知道和他一同受苦，效法他的死，

现代客语汉字腓立比书3:10𠊎一切所盼望个就係认识基督，体验佢复活个能力，分担佢个苦难，效法佢个死，

现代客语全罗腓立比书3:10 Ngài yit-chhiet só phan-mong ke chhiu-he ngin-sṳt Kî-tuk, thí-ngiam kì fu̍k-fa̍t ke nèn-li̍t, fûn-tâm kì ke khú-nan, háu-fap kì ke sí,

和合本2010版腓立比书3:11 或许我也得以从死人中复活。 向着标竿直跑

现代客语汉字腓立比书3:11希望对恁样𠊎自家也会对死复活。向目标走

现代客语全罗腓立比书3:11 hî-mong tui án-ngiòng ngài chhṳ-kâ ya voi tui sí fu̍k-fa̍t. Hiong Muk-phêu Chéu

和合本2010版腓立比书3:12 这不是说我已经得着了，已经完全了；而是竭力追求，或许可以得着基督耶稣( [ 3.12] 「基督耶稣」：有古卷是「基督」。)所要我得着的( [ 3.12] 「所要我得着的」或译「所以得着我的」。)。

现代客语汉字腓立比书3:12这毋係讲𠊎已经成功，抑係已经完全了。𠊎继续紧走，爱得到该奖赏；其实，为到爱使𠊎达成这个目标，基督耶稣已经先使𠊎归属佢。

现代客语全罗腓立比书3:12 Liá m̀-he kóng ngài yí-kîn sṳ̀n-kûng, ya-he yí-kîn vàn-chhiòn lé. Ngài ki-siu̍k kín chéu, oi tet-tó ke chióng-sóng; khì-sṳ̍t, vi-tó oi pûn ngài tha̍t-sṳ̀n liá-ke muk-phêu, Kî-tuk Yâ-sû yí-kîn siên sṳ́ ngài kûi-su̍k kì.

和合本2010版腓立比书3:13 弟兄们，我不是以为自己已经得着了；我只有一件事，就是忘记背后，努力面前的，

现代客语汉字腓立比书3:13兄弟姊妹啊，𠊎毋敢讲𠊎已经得到该奖赏；𠊎只有专心一件事：就係毋记得后背，全力追求头前个事。

现代客语全罗腓立比书3:13 Hiûng-thi chí-moi â, ngài m̀-kám kóng ngài yí-kîn tet-tó ke chióng-sóng; ngài chṳ́-yû chôn-sîm yit-khien sṳ: Chhiu-he m̀ ki-tet heu-poi, chhiòn-li̍t chûi-khiù thèu-chhièn ke sṳ.

和合本2010版腓立比书3:14 向着标竿直跑，要得上帝在基督耶稣裏从上面召我来得的奖赏。

现代客语汉字腓立比书3:14𠊎向目标直直紧走，为到爱得到奖赏；这奖赏就係属天个新生命，係上帝通过基督耶稣呼召𠊎去领受个。

现代客语全罗腓立比书3:14 Ngài hiong muk-phêu chhṳ̍t-chhṳ̍t kín chéu, vi-tó oi tet-tó chióng-sóng; liá chióng-sóng chhiu-he su̍k-thiên ke sîn sâng-miang, he Song-ti thûng-ko Kî-tuk Yâ-sû fû-seu ngài hi liâng-su ke.

和合本2010版腓立比书3:15 所以，我们中间凡是成熟的人，总要存这样的心；若在甚么事上存别样的心，上帝也会把这些事指示你们。

现代客语汉字腓立比书3:15所以，𠊎等中间所有灵性成熟个人，全部爱有这种个心志；若係你等有别样个看法，上帝也会清清楚楚指示你等。

现代客语全罗腓立比书3:15 Só-yî, ngài-têu chûng-kiên só-yû lìn-sin sṳ̀n-su̍k ke ngìn, chhiòn-phu oi yû liá-chúng ke sîm-chṳ; na-he ngì-têu yû phe̍t-yong ke khon-fap, Song-ti ya voi chhîn-chhîn chhú-chhú chṳ́-sṳ ngì-têu.

和合本2010版腓立比书3:16 然而，我们达到甚么地步，就当照这个地步行。

现代客语汉字腓立比书3:16无论样般，𠊎等爱照𠊎等一旦所遵守个规矩向前行。

现代客语全罗腓立比书3:16 Mò-lun ngióng-pân, ngài-têu oi cheu ngài-têu yit-tán só chûn-sú ke kûi-kí hiong-chhièn hàng.

和合本2010版腓立比书3:17 弟兄们，你们要一同效法我，也当留意看那些效法我们榜样的人。

现代客语汉字腓立比书3:17兄弟姊妹啊，你等爱继续效法𠊎。𠊎等已经为你等做榜样；你等爱认真学该兜效法𠊎等个人。

现代客语全罗腓立比书3:17 Hiûng-thi chí-moi â, ngì-têu oi ki-siu̍k háu-fap ngài. Ngài-têu yí-kîn vi ngì-têu cho póng-yong; ngì-têu oi ngin-chṳ̂n ho̍k ke-têu háu-fap ngài-têu ke ngìn.

和合本2010版腓立比书3:18 因为，我屡次告诉你们，现在又流泪告诉你们：许多人行事是基督十字架的仇敌。

现代客语汉字腓立比书3:18𠊎已经劝你等好多摆，这下𠊎流目汁再一摆劝话你等：有兜人个行为使佢等成做基督十字架个仇敌。

现代客语全罗腓立比书3:18 Ngài yí-kîn khien ngì-têu hó-tô pái, liá-ha ngài liù muk-chṳp chai yit-pái khien-va ngì-têu: Yû-têu ngìn ke hàng-vì sṳ́ kì-têu sàng-cho Kî-tuk sṳ̍p-sṳ-ka ke sù-thi̍t.

和合本2010版腓立比书3:19 他们的结局就是灭亡。他们的神明是自己的肚腹；他们以自己的羞辱为光荣，专以地上的事为念。

现代客语汉字腓立比书3:19佢等个结局係灭亡，因为佢等个神就係自家个肚笥。佢等拿自家见笑个事来夸口，所想个无一项毋係世间个事。

现代客语全罗腓立比书3:19 Kì-têu ke kiet-khiu̍k he me̍t-mòng, yîn-vi kì-têu ke sṳ̀n chhiu-he chhṳ-kâ ke tú-sṳ́. Kì-têu nâ chhṳ-kâ kien-seu ke sṳ lòi khoâ-khiéu, só sióng ke mò yit-hong m̀-he sṳ-kiên ke sṳ.

和合本2010版腓立比书3:20 我们却是天上的国民，并且等候救主，就是主耶稣基督从天上降临。

现代客语汉字腓立比书3:20总係，𠊎等係天顶个公民；𠊎等一心等候𠊎等个救主，就係主耶稣基督对天顶降临。

现代客语全罗腓立比书3:20 Chúng-he, ngài-têu he thiên-táng ke kûng-mìn; ngài-têu yit-sîm tén-heu ngài-têu ke Kiu-chú, chhiu-he Chú Yâ-sû Kî-tuk tui thiên-táng kong-lìm.

和合本2010版腓立比书3:21 他要按着那能使万有归服自己的大能，把我们这卑贱的身体改变形状，和他自己荣耀的身体相似。

现代客语汉字腓立比书3:21佢爱用使万有归服佢个能力，来改变𠊎等软弱会死个身体，使𠊎等同佢共样，有荣光个身体。

现代客语全罗腓立比书3:21 Kì oi yung sṳ́ van-yû kûi-fu̍k kì ke nèn-li̍t, lòi kói-pien ngài-têu ngiôn-ngio̍k voi sí ke sṳ̂n-thí, pûn ngài-têu thùng kì khiung-yong, yû yùng-kông ke sṳ̂n-thí.