耶利米书第9章客家话和合本对照

相关章：

快速到节：

书卷列表：

和合本2010版耶利米书9:1 但愿我的头为水，我的眼为泪水的泉源，我好为我百姓( [ 9.1] 「我百姓」：原文直译「我百姓的女儿」。)中被杀的人昼夜哭泣。

现代客语汉字耶利米书9:1愿𠊎个头那係水井，目珠係目汁个泉源！𠊎做得日夜为被人㓾死个同胞来噭。

现代客语全罗耶利米书9:1 Ngien ngài ke thèu-nà he súi-chiáng,muk-chû he muk-chṳp ke chhièn-ngièn!Ngài cho-tet ngit-ya vi pûn-ngìn chhṳ̀-sí ke thùng-pâu lòi-kieu.

和合本2010版耶利米书9:2 惟愿在旷野有旅客的客栈，我好离开我的百姓而去；因他们全都行姦淫，是行诡诈的一党。

现代客语汉字耶利米书9:2愿𠊎在旷野有出外人歇睏个所在，使𠊎做得远远避开同胞。因为佢等全係行姦淫、係全无忠心个一群。

现代客语全罗耶利米书9:2 Ngien ngài chhai khóng-yâ yû chhut-ngoi ngìn hiet-khun ke só-chhai,sṳ́ ngài cho-tet yén-yén phit-khôi thùng-pâu.Yîn-vi kì-têu chhiòn-he hàng kiên-yìm,he chhiòn-mò chûng-sîm ke yit-khiùn.

和合本2010版耶利米书9:3 他们弯起舌头像弓，为要说谎话；他们在国中增长势力，不是为诚信。他们恶上加恶，并不认识我。这是耶和华说的。

现代客语汉字耶利米书9:3佢等个舌乸弯来弯去像弓一样，佢等随时讲花撩像射箭共样；佢等得到权势毋係靠讲真实话，完全係用骗个。上主讲：「𠊎个子民长透做坏事，根本毋认识𠊎。」

现代客语全罗耶利米书9:3 Kì-têu ke sa̍t-mà vân-lòi vân-hi chhiong kiûng yit-yong,kì-têu sùi-sṳ̀ kóng fâ-liâu chhiong sa-chien khiung-yong;kì-têu tet-tó khièn-sṳ m̀-he kho kóng chṳ̂n-sṳ̍t fa,vàn-chhiòn he yung phien ke.Song-chú kóng:“Ngài ke chṳ́-mìn chhòng-theu cho fái-sṳ,kîn-pún m̀ ngin-sṳt Ngài.”

和合本2010版耶利米书9:4 你们各人当谨防邻舍，不可信赖弟兄；因为弟兄尽行欺骗，邻舍也都往来毁谤人。

现代客语汉字耶利米书9:4逐个人全部爱提防亲友，亲兄弟也信用毋得；因为兄弟全部㧯雅各共样恁诡诈，朋友来往全部搬弄是非。

现代客语全罗耶利米书9:4 Tak-ke ngìn chhiòn-phu oi thì-fòng chhîn-yû,chhîn hiûng-thi ya sin-yung m̀-tet;yîn-vi hiûng-thi chhiòn-phu lâu Ngâ-kok khiung-yong án kúi-cha,phèn-yû lòi-vông chhiòn-phu pân-nung sṳ-fî.

和合本2010版耶利米书9:5 他们互相欺骗，不说真话，训练自己的舌头说谎，竭尽所能地作恶。

现代客语汉字耶利米书9:5逐侪骗朋友；无人讲老实话；佢等教人讲花撩。佢等一直犯罪，𤸁到毋知爱悔改；

现代客语全罗耶利米书9:5 Tak-sà phien phèn-yû;mò-ngìn kóng ló-sṳ̍t fa;kì-têu kâu ngìn kóng fâ-liâu.Kì-têu yit-chhṳ̍t fam-chhui,khioi to m̀-tî oi fí-kói;

和合本2010版耶利米书9:6 你居住在诡诈的人中；他们因行诡诈( [ 9.6] 「竭尽…因行诡诈」：七十士译本是「他们不停地作恶，不知悔改；压迫又压迫，欺骗又欺骗」。)，不愿意认识我。这是耶和华说的。

现代客语汉字耶利米书9:6佢等一日到暗诈欺人、欺负人。上主讲：「佢等根本毋肯承认𠊎。」

现代客语全罗耶利米书9:6 kì-têu yit-ngit to-am cha-khî ngìn, khî-fu ngìn.Song-chú kóng:“Kì-têu kîn-pún m̀-hén sṳ̀n-ngin Ngài.”

和合本2010版耶利米书9:7 所以万军之耶和华如此说：「看哪，我要熬炼他们，考验他们；不然，为了我的百姓( [ 9.7] 「我的百姓」：原文直译「我百姓的女儿」。)，我该如何行呢？

现代客语汉字耶利米书9:7所以，上主—万军个元帅恁样讲：「看啊，𠊎爱锻鍊𠊎个子民，考验佢等。𠊎个子民做恁坏个事，若无责备佢等，样做得呢？

现代客语全罗耶利米书9:7 Só-yî, Song-chú — Van-kiûn ke Ngièn-soi án-ngiòng kóng:“Khon â, Ngài oi thon-lien Ngài ke chṳ́-mìn, kháu-ngiam kì-têu.Ngài ke chṳ́-mìn cho án-fái ke sṳ,na-mò chit-phi kì-têu, ngióng cho-tet nè?

和合本2010版耶利米书9:8 他们的舌头是毒箭，说话诡诈，跟邻舍口说平安，心却谋害他。

现代客语汉字耶利米书9:8佢等个舌乸像㓾人个利箭；佢等紧讲花舌。逐侪对邻舍嘴讲平安个话，总係心肚设计爱陷害佢。

现代客语全罗耶利米书9:8 Kì-têu ke sa̍t-mà chhiong chhṳ̀-ngìn ke li-chien;kì-têu kín-kóng fâ-sa̍t.Tak-sà tui lìn-sa choi kóng phìn-ôn ke fa,chúng-he sîm-tú sat-kie oi ham-hoi kì.

和合本2010版耶利米书9:9 我岂不因这些事向他们施行惩罚吗？像这样的国家，我岂能不报复呢？这是耶和华说的。」

现代客语汉字耶利米书9:9𠊎样做得无为这兜事来责罚佢等呢？𠊎样做得无报应像恁样个国家呢？」

现代客语全罗耶利米书9:9 Ngài ngióng cho-tet mò vi liá-têu sṳ lòi chit-fa̍t kì-têu nè?Ngài ngióng cho-tet mò po-yin chhiong án-ngiòng ke koet-kâ nè?”

和合本2010版耶利米书9:10 我要为山岭哭泣悲哀，为旷野的草场扬声哀号；因为都已枯焦，甚至无人经过。牲畜的鸣叫听不见，空中的飞鸟和地上的走兽也都逃离。

现代客语汉字耶利米书9:10𠊎讲：𠊎爱为山来悲哀大噭，为旷野个草埔唱悲伤个歌；因为它兜烧到光光，无人经过，也听毋到牛羊个声音，连飞鸟野兽全部走净净。

现代客语全罗耶利米书9:10 Ngài kóng: Ngài oi vi sân lòi pî-ôi thai-kieu,vi khóng-yâ ke chhó-phû chhong pî-sông ke kô;yîn-vi kì-têu sêu-to kông-kông,mò-ngìn kîn-ko,ya thâng m̀-tó ngiù-yòng ke sâng-yîm,lièn fî-niâu yâ-chhu chhiòn-phu chéu chhiang-chhiang.

和合本2010版耶利米书9:11 我必使耶路撒冷成为废墟，为野狗的住处，也必使犹大的城镇荒废，无人居住。

现代客语汉字耶利米书9:11上主讲：𠊎爱使耶路撒冷变做乱石堆，成做野狗个窦；𠊎爱使犹大个城镇荒废，毋会再有人住。

现代客语全罗耶利米书9:11 Song-chú kóng: Ngài oi sṳ́ Yâ-lu-sat-lâng pien-cho lon-sa̍k-tôi,sàng-cho yâ-kiéu ke teu;Ngài oi sṳ́ Yù-thai ke sàng-chṳ́n fông-fi,m̀-voi chai yû-ngìn he̍t.

和合本2010版耶利米书9:12 谁是智慧人，可以明白这事？耶和华的口可向谁述说，使他传讲呢？这地为何毁灭，枯焦如旷野，无人经过呢？

现代客语汉字耶利米书9:12𠊎问：「上主啊，做么介这土地会荒废，像沙漠恁燥旱，无人经过呢？么人有恁聪明，会明白这道理呢？你识向么人说明，使佢会向别人解释这道理呢？」

现代客语全罗耶利米书9:12 Ngài mun: “Song-chú â, cho-má-ke liá thú-thi voi fông-fi, chhiong sâ-mo̍k án châu-hôn, mò-ngìn kîn-ko nè? Má-ngìn yû án chhûng-mìn, voi mìn-pha̍k liá tho-lî nè? Ngì sṳt hiong má-ngìn sot-mìn, sṳ́ kì voi hiong phe̍t-ngìn kié-sṳt liá tho-lî nè?”

和合本2010版耶利米书9:13 耶和华说：「因为这百姓离弃我在他们面前所设立的律法，不听从我的话，不肯遵行，

现代客语汉字耶利米书9:13上主应讲：「这係因为𠊎个子民豁掉𠊎为佢等设立个教训，毋听从𠊎个话，毋实行𠊎个命令。

现代客语全罗耶利米书9:13 Song-chú en-kóng: “Liá he yîn-vi Ngài ke chṳ́-mìn vok-thet Ngài vi kì-têu sat-li̍p ke kau-hiun, m̀ thâng-chhiùng Ngài ke fa, m̀ sṳ̍t-hàng Ngài ke min-lin.

和合本2010版耶利米书9:14 反随从自己顽梗的心行事，照他们祖先所教训的随从诸巴力。」

现代客语汉字耶利米书9:14佢等当硬颈，强强爱跈祖先所教个去拜众巴力。

现代客语全罗耶利米书9:14 Kì-têu tông ngang-kiáng, khiòng-khiòng oi thèn chú-siên só-kâu ke hi pai chung Pâ-li̍t.

和合本2010版耶利米书9:15 所以万军之耶和华－以色列的上帝如此说：「看哪，我必将茵蔯给这百姓吃，又用苦水给他们喝。

现代客语汉字耶利米书9:15所以，𠊎—上主、万军个元帅、以色列个上帝恁样宣布：𠊎爱使这子民食苦果，啉毒水。

现代客语全罗耶利米书9:15 Só-yî, Ngài — Song-chú, Van-kiûn ke Ngièn-soi, Yî-set-lie̍t ke Song-ti án-ngiòng siên-pu: Ngài oi sṳ́ liá chṳ́-mìn sṳ̍t khú-kó, lîm thu̍k-súi.

和合本2010版耶利米书9:16 我要把他们分散在他们和他们祖宗所不认识的列国；我也要使刀剑追杀他们，直到将他们灭尽。」

现代客语汉字耶利米书9:16𠊎爱将佢等分散到各国，到佢等㧯祖先全毋识听过个所在去。𠊎爱使敌人逐佢等，将佢等全部㓾死。」耶路撒冷人哀求帮助

现代客语全罗耶利米书9:16 Ngài oi chiông kì-têu fûn-san to kok-koet, to kì-têu lâu chú-siên chhiòn m̀-sṳt thâng-ko ke só-chhai hi. Ngài oi sṳ́ thi̍t-ngìn kiuk kì-têu, chiông kì-têu chhiòn-phu chhṳ̀-sí.” Yâ-lu-sat-lâng-ngìn Ôi-khiù Pông-chhu

和合本2010版耶利米书9:17耶路撒冷哀求援助万军之耶和华如此说：「你们要考虑，将唱哀歌的妇女召来，差人召善哭的妇女前来，

现代客语汉字耶利米书9:17上主—万军个元帅恁样讲：你等爱想看仔：爱请代人噭个妇人家来噭，请专门唱哀歌个细妹仔来唱。

现代客语全罗耶利米书9:17 Song-chú — Van-kiûn ke Ngièn-soi án-ngiòng kóng:Ngì-têu oi sióng khon-é:Oi chhiáng thoi ngìn kieu ke fu-ngìn-kâ lòi-kieu,chhiáng chôn-mùn chhong ôi-kô ke se-moi-é lòi-chhong.

和合本2010版耶利米书9:18 叫她们速速为我们举哀，使我们泪眼汪汪，使我们的眼皮涌出泪水。

现代客语汉字耶利米书9:18人民讲：爱催姖等遽遽来为𠊎等唱哀歌，唱到𠊎等大噭、目汁双流！

现代客语全罗耶利米书9:18 Ngìn-mìn kóng:Oi chhûi kì-têu kiak-kiak lòi vi ngài-têu chhong ôi-kô,chhong to ngài-têu thai-kieu, muk-chṳp sûng-liù!

和合本2010版耶利米书9:19 因为有哀声从锡安传来：『我们竟然败落！我们何等惭愧！我们撇下土地，人拆毁了我们的房屋。』」

现代客语汉字耶利米书9:19钖安城传出哀伤个声讲：样会恁涝溃！样会恁见笑！𠊎等无离开家乡做毋得；𠊎等个屋被人拆掉了。

现代客语全罗耶利米书9:19 Siak-ôn-sàng chhòn-chhut ôi-sông ke sâng kóng:Ngióng-voi án lau-khui!Ngióng-voi án kien-seu!Ngài-têu mò lì-khôi kâ-hiông cho-m̀-tet;ngài-têu ke vuk pûn-ngìn chhak-thet lé.

和合本2010版耶利米书9:20 妇女们哪，当听耶和华的话，领受他口中的言语；当教导你们的女儿举哀，各人教导女伴唱哀歌。

现代客语汉字耶利米书9:20𠊎讲：妇人家啊，爱听上主个话；你等爱注意听佢个话。爱教你等个妹仔样般噭，逐侪爱互相学唱哀歌。

现代客语全罗耶利米书9:20 Ngài kóng:Fu-ngìn-kâ â, oi thâng Song-chú ke fa;ngì-têu oi chu-yi thâng Kì ke fa.Oi kâu ngì-têu ke moi-é ngióng-pân kieu,tak-sà oi fu-siông ho̍k-chhong ôi-kô.

和合本2010版耶利米书9:21 因为死亡从窗户进来，进入我们的宫殿，从外边剪除孩童，从街上剪除少年。

现代客语汉字耶利米书9:21死亡对窗门爬入来，进入𠊎等个城堡；死亡打横街路个细人仔，消灭广场个后生人。

现代客语全罗耶利米书9:21 Sí-mòng tui chhûng-mùn phà ngi̍p-lòi,chin-ngi̍p ngài-têu ke sàng-pó;sí-mòng tá-vang kiê-lu ke se-ngìn-è,sêu-me̍t kóng-chhòng ke heu-sâng-ngìn.

和合本2010版耶利米书9:22 你当说，耶和华如此说：人的尸首必倒在田野像粪土，又像收割的人身后遗落的禾稼，无人拾取。

现代客语汉字耶利米书9:22满遍横等尸体，像田野个粪堆，又像割跌掉个麦串，无人来拈。上主命令𠊎恁样宣布了。

现代客语全罗耶利米书9:22 Mân-phien vang-tén sṳ̂-thí,chhiong thièn-yâ ke pun-tôi,yu chhiong kot tiet-thet ke ma̍k-chhon, mò-ngìn lòi ngiâm.Song-chú min-lin ngài án-ngiòng siên-pu lé.

和合本2010版耶利米书9:23 耶和华如此说：「智慧人不要因他的智慧夸口，勇士不要因他的力气夸口，财主也不要因他的财富夸口；

现代客语汉字耶利米书9:23上主恁样讲：聪明人毋好夸口自家个聪明；勇士毋好夸口自家个勇气；有钱人毋好夸口自家个钱财。

现代客语全罗耶利米书9:23 Song-chú án-ngiòng kóng:Chhûng-mìn-ngìn m̀-hó khoâ-khiéu chhṳ-kâ ke chhûng-mìn;yúng-sṳ m̀-hó khoâ-khiéu chhṳ-kâ ke yúng-hi;yû-chhièn ngìn m̀-hó khoâ-khiéu chhṳ-kâ ke chhièn-chhòi.

和合本2010版耶利米书9:24 夸口的却要夸自己有聪明，认识我是耶和华，知道我喜悦在世上施行慈爱、公平和公义。这是耶和华说的。

现代客语汉字耶利米书9:24人若爱夸口，应该夸口了解𠊎、认识𠊎；因为𠊎係上主，𠊎实行不变个慈爱。在世间𠊎执行公平，伸张正义；因为这兜事係𠊎所欢喜个。𠊎—上主恁样宣布了。

现代客语全罗耶利米书9:24 Ngìn na-oi khoâ-khiéu,yin-kôi khoâ-khiéu liáu-kié Ngài, ngin-sṳt Ngài;yîn-vi Ngài he Song-chú, Ngài sṳ̍t-hàng put-pien ke chhṳ̀-oi.Chhai sṳ-kiên Ngài chṳp-hàng kûng-phìn, sṳ̂n-chông chṳn-ngi;yîn-vi liá-têu sṳ he Ngài só fôn-hí ke.Ngài — Song-chú án-ngiòng siên-pu lé.

和合本2010版耶利米书9:25 「看哪，日子将到，这是耶和华说的，我要惩罚只在肉身受割礼的人，

现代客语汉字耶利米书9:25上主讲：「看啊，日仔会到了！𠊎爱责罚所有单单肉体受割礼、总係心灵无受割礼个人：

现代客语全罗耶利米书9:25 Song-chú kóng: “Khon â, ngit-è voi to lé! Ngài oi chit-fa̍t só-yû tân-tân ngiuk-thí su kot-lî, chúng-he sîm-lìn mò su kot-lî ke ngìn:

和合本2010版耶利米书9:26 就是埃及、犹大、以东、亚扪人、摩押人，和住旷野所有剃鬓髮的人；因为列国都未受割礼，以色列全家心中也未受割礼。」

现代客语汉字耶利米书9:26就係埃及人、犹大人、以东人、亚扪人、摩押人、㧯该兜住在旷野剃掉头那周围个头那毛个民族(169:26「剃掉头那周围个头那毛个民族」：住在旷野个民族剃掉周围个头那毛来表示尊敬佢等个神明，以色列人严严禁止这种异教个风俗(看利未记19:27)。)。因为各国个人虽然肉体都受割礼，总係佢等㧯以色列人个心灵也全部无受割礼，无遵守割礼所象徵个约。」

现代客语全罗耶利米书9:26 Chhiu-he Âi-khi̍p-ngìn, Yù-thai-ngìn, Yî-tûng-ngìn, Â-mùn-ngìn, Mô-ap-ngìn, lâu ke-têu he̍t chhai khóng-yâ thi-thet thèu-nà chû-vì ke thèu-nà-mô ke mìn-chhu̍k( 16 9:26 “thi-thet thèu-nà chû-vì ke thèu-nà-mô ke mìn-chhu̍k”: He̍t chhai khóng-yâ ke mìn-chhu̍k thi-thet chû-vì ke thèu-nà-mô lòi péu-sṳ chûn-kin kì-têu ke sṳ̀n-mìn, Yî-set-lie̍t-ngìn ngiàm-ngiàm kim-chṳ́ liá-chúng yi-kau ke fûng-siu̍k (khon Li-vi Ki 19:27).). Yîn-vi kok-koet ke ngìn sûi-yèn ngiuk-thí tû su kot-lî, chúng-he kì-têu lâu Yî-set-lie̍t-ngìn ke sîm-lìn ya chhiòn-phu mò su kot-lî, mò chûn-sú kot-lî só siong-chṳ̂n ke yok.”