耶利米书第10章客家话和合本对照

相关章：

快速到节：

书卷列表：

和合本2010版耶利米书10:1拜偶像和真敬拜 以色列家啊，要听耶和华对你们所说的话，

现代客语汉字耶利米书10:1拜偶像㧯正经个敬拜以色列人啊，你等爱听上主向你等讲个话。

现代客语全罗耶利米书10:1Pai Ngiéu-siong lâu Chṳn-kîn ke Kin-pai Yî-set-lie̍t-ngìn â, ngì-têu oi thâng Song-chú hiong ngì-têu kóng ke fa.

和合本2010版耶利米书10:2 耶和华如此说：「不要效法列国的行为，任凭列国因天象惊惶，你们不要惊惶。

现代客语汉字耶利米书10:2上主恁样讲：你等毋好学列国个风俗习惯，也毋好像列国恁样被天顶个万象吓倒。

现代客语全罗耶利米书10:2 Song-chú án-ngiòng kóng:Ngì-têu m̀-hó ho̍k lie̍t-koet ke fûng-siu̍k si̍p-koan,ya m̀-hó chhiong lie̍t-koet án-ngiòng pûn thiên-táng ke van-siong hak-tó.

和合本2010版耶利米书10:3 万民的习俗是虚空的；偶像( [ 10.3] 「偶像」：原文是「它」。)不过是从树林中砍来的木头，是匠人用斧头做成的手工。

现代客语汉字耶利米书10:3佢等所信奉个全係虚空，不过係对树林中斩下来个树仔，木匠师傅用刀仔雕刻个作品，

现代客语全罗耶利米书10:3 Kì-têu só sin-fung ke chhiòn he hî-khûng,put-ko he tui su-nà chûng chám hâ-lòi ke su-é,muk-siong sṳ̂-fu yung tô-é tiâu-khiet ke chok-phín,

和合本2010版耶利米书10:4 人用金银妆饰它，用钉子和锤子钉稳，使它不动摇。

现代客语汉字耶利米书10:4然后镶金镶银来打扮，用钉仔㧯鎚仔来固定，使它兜毋会横掉。

现代客语全罗耶利米书10:4 yèn-heu siông-kîm siông-ngiùn lòi tá-pan,yung tâng-é lâu chhùi-è lòi ku-thin,sṳ́ kì-têu m̀-voi vang-thet.

和合本2010版耶利米书10:5 偶像好像瓜田裏的稻草人，不能说话，不能行走，必须有人抬着。不要怕它们，因它们不能降祸，也无力降福。」

现代客语汉字耶利米书10:5佢等个偶像像瓜田肚用禾秆扎个人：它兜毋会讲话，毋会行路，爱人扛等行。所以毋使惊它兜！它兜毋会降灾，也无能力降福。

现代客语全罗耶利米书10:5 Kì-têu ke ngiéu-siong chhiong koâ-thièn tú yung vò-kón chat ke ngìn:Kì-têu m̀-voi kóng-fa,m̀-voi hàng-lu, oi ngìn kông-tén hàng.Só-yî m̀-sṳ́ kiâng kì-têu!Kì-têu m̀-voi kong-châi,ya mò nèn-li̍t kong-fuk.

和合本2010版耶利米书10:6 耶和华啊，没有谁能与你相比！你本为大，你的名也大有能力。

现代客语汉字耶利米书10:6上主啊，无人㧯你比抑得；你当伟大，你个圣名大有能力。

现代客语全罗耶利米书10:6 Song-chú â, mò-ngìn lâu Ngì pí é-tet;Ngì tông ví-thai, Ngì ke sṳn-miàng thai-yû nèn-li̍t.

和合本2010版耶利米书10:7 万国的王啊，谁不敬畏你？敬畏你本是合宜的；列国所有的智慧人中，在他们一切的国度裏，都没有能与你相比的。

现代客语汉字耶利米书10:7你係万国个君王，么人敢毋敬畏？你应该受尊敬。列国个智慧人㧯君王无一侪㧯你比抑得。

现代客语全罗耶利米书10:7 Ngì he van-koet ke kiûn-vòng, má-ngìn kám m̀ kin-vi?Ngì yin-kôi su chûn-kin.Lie̍t-koet ke chṳ-fi ngìn lâu kiûn-vòng mò yit-sà lâu Ngì pí é-tet.

和合本2010版耶利米书10:8 他们如同畜牲，尽都愚昧。偶像的训诲算甚么呢？偶像不过是木头，

现代客语汉字耶利米书10:8佢等全部戆戆档档；佢等对树仔刻个偶像领受虚假个教训。

现代客语全罗耶利米书10:8 Kì-têu chhiòn-phu ngong-ngong tong-tong;kì-têu tui su-é khat ke ngiéu-siong liâng-su hî-ká ke kau-hiun.

和合本2010版耶利米书10:9 锤炼的银片是从他施来的，金子则从乌法( [ 10.9] 「乌法」：有古译本是「俄斐」。)而来，都是匠人和银匠的手工；又有蓝色和紫色的衣服，全都是巧匠的作品。

现代客语汉字耶利米书10:9佢等个偶像镶等对他施进口个银仔，㧯对乌法进口个金仔，全部係木匠㧯银匠个手工。它兜着蓝色、紫色个衫裤，全部係手艺尽好个人刺个。

现代客语全罗耶利米书10:9 Kì-têu ke ngiéu-siong siông-tén tui Thâ-sṳ̂ chin-khiéu ke ngiùn-è,lâu tui Vû-fap chin-khiéu ke kîm-é,chhiòn-phu he muk-siong lâu ngiùn-siong ke sú-kûng.Kì-têu chok làm-set, chṳ́-set ke sâm-fu,chhiòn-phu he sú-ngi chhin-hó ke ngìn chhiak ke.

和合本2010版耶利米书10:10 惟耶和华是真上帝，是活的上帝，是永远的王。他一发怒，大地震动；他一恼恨，列国担当不起。

现代客语汉字耶利米书10:10上主啊，只有你係真神，係永生个上帝，永远个君王。你一发谴，大地就紧颤；你一受气，万国就企毋住。

现代客语全罗耶利米书10:10 Song-chú â, chṳ́-yû Ngì he chṳ̂n-sṳ̀n,he yún-sên ke Song-ti, yún-yén ke kiûn-vòng.Ngì yit fat-khién, thai-thi chhiu kín-chûn;Ngì yit su-hi, van-koet chhiu khî m̀-he̍t.

和合本2010版耶利米书10:11 你们要对他们这样说：「那些不是创造天地的神明，必从地上、从天下被除灭！」( [ 10.11] 本节原文是亚兰文。)

现代客语汉字耶利米书10:11𠊎个子民啊，你等爱向佢等宣告，偶像毋係创造天地个神；它兜一定会对天地间消灭。颂讚上帝个诗

现代客语全罗耶利米书10:11 Ngài ke chṳ́-mìn â, ngì-têu oi hiong kì-têu siên-ko, ngiéu-siong m̀-he chhóng-chho thiên-thi ke sṳ̀n; kì-têu yit-thin voi tui thiên-thi kiên sêu-me̍t. Siung-chan Song-ti ke Sṳ̂

和合本2010版耶利米书10:12颂讚上帝的诗耶和华以能力创造大地，以智慧建立世界，以聪明铺张穹苍。

现代客语汉字耶利米书10:12上主用能力创造大地；佢用智慧建立世界，用聪明展开天空。

现代客语全罗耶利米书10:12 Song-chú yung nèn-li̍t chhóng-chho thai-thi;Kì yung chṳ-fi kien-li̍p sṳ-kie,yung chhûng-mìn chán-khôi thiên-khûng.

和合本2010版耶利米书10:13 他一出声，天上就有众水澎湃；他使云雾从地极上腾，造电随雨而闪，从仓库中吹出风来。

现代客语汉字耶利米书10:13佢一响雷公，天空个水就吼吼滚；佢使云对地平线冲等上。佢使𥍉爧在雨中发光；佢使风对自家个仓库吹出。

现代客语全罗耶利米书10:13 Kì yit-hióng lùi-kûng, thiên-khûng ke súi chhiu ho-ho-kún;Kì sṳ́ yùn tui thi-phìn-sien chhung-tén sông.Kì sṳ́ ngiap-lang chhai yí-chûng fat-kông;Kì sṳ́ fûng tui chhṳ-kâ ke chhông-khu chhôi-chhut.

和合本2010版耶利米书10:14 人人都如同畜牲，毫无知识；银匠都因偶像羞愧，他所铸的偶像本是虚假，它们裏面并无气息。

现代客语汉字耶利米书10:14人对这光景全部戆档，无智识；打金师傅造偶像，反转无面子，因为佢等造个神明係假个，毋会透气。

现代客语全罗耶利米书10:14 Ngìn tui liá kông-kín chhiòn-phu ngong-tong, mò chṳ-sṳt;tá-kîm sṳ̂-fu chho ngiéu-siong, fán-chón mò mien-chṳ́,yîn-vi kì-têu chho ke sṳ̀n-mìn he ká ke, m̀-voi théu-hi.

和合本2010版耶利米书10:15 偶像都是虚无的，是迷惑人的作品，到受罚的时刻必被除灭。

现代客语汉字耶利米书10:15偶像全係虚空，係当见笑个东西；上主审判个时，它兜全部会消灭。

现代客语全罗耶利米书10:15 Ngiéu-siong chhiòn he hî-khûng, he tông kien-seu ke tûng-sî;Song-chú sṳ́m-phan ke sṳ̀, kì-têu chhiòn-phu voi sêu-me̍t.

和合本2010版耶利米书10:16 雅各所得的福分不是这样，因主( [ 10.16] 「主」：原文是「他」。)是那创造万有的，以色列是他产业的支派，万军之耶和华是他的名。

现代客语汉字耶利米书10:16雅各个上帝毋係像这兜偶像：佢创造万物，拣选以色列做自家个子民。上主—万军个元帅係佢个名。

现代客语全罗耶利米书10:16 Ngâ-kok ke Song-ti m̀-he chhiong liá-têu ngiéu-siong:Kì chhóng-chho van-vu̍t,kién-sién Yî-set-lie̍t cho chhṳ-kâ ke chṳ́-mìn.Song-chú — Van-kiûn ke Ngièn-soi he Kì ke miàng.

和合本2010版耶利米书10:17预告被掳受围困的居民哪，当收拾你的行囊，离开这地。

现代客语汉字耶利米书10:17预言佢等会流亡受包围个耶路撒冷人啊，将你等爱带走个东西收好。

现代客语全罗耶利米书10:17Yi-ngièn Kì-têu voi Liù-mòng Su pâu-vì ke Yâ-lu-sat-lâng-ngìn â, chiông ngì-têu oi tai-chéu ke tûng-sî sû-hó.

和合本2010版耶利米书10:18 因为耶和华如此说：「看哪，这一次，我必将此地的居民抛出去，又必加害他们，使他们觉悟( [ 10.18] 「使他们觉悟」：七十士译本是「你的灾难就被发现」。)。」

现代客语汉字耶利米书10:18因为上主这下爱将你等对这土地拂出去。佢爱降灾难在你等身项，你等会被人捉走。上主恁样宣布了。

现代客语全罗耶利米书10:18 Yîn-vi Song-chú liá-ha oi chiông ngì-têu tui liá thú-thi fin chhut-hi. Kì oi kong châi-nan chhai ngì-têu sṳ̂n-hong, ngì-têu voi pûn-ngìn chok-chéu. Song-chú án-ngiòng siên-pu lé.

和合本2010版耶利米书10:19 祸哉！我受损伤，我的伤痕极其重大。我却说：「这真的是我必须忍受的痛苦。」

现代客语汉字耶利米书10:19耶利米代表耶路撒冷人讲：(1710:19「耶利米…讲」原文无这句话，总係对内容做得恁样了解。)惨了！𠊎样会着伤到恁严重？总係𠊎也会想：「这个痛苦係𠊎一定爱忍受个。」

现代客语全罗耶利米书10:19 Yâ-li-mí thoi-péu Yâ-lu-sat-lâng-ngìn kóng:( 17 10:19 “Yâ-li-mí ... kóng” ngièn-vùn mò liá-ki fa, chúng-he tui nui-yùng cho-tet án-ngiòng liáu-kié.)Chhám lé! Ngài ngióng-voi chho̍k-sông to án ngiàm-chhung?Chúng-he ngài ya voi sióng:“Liá ke thung-khú he ngài yit-thin oi ngiûn-su ke.”

和合本2010版耶利米书10:20 我的帐棚毁坏，我的绳索折断，我的儿女都离我而去，不在了。再无人来支搭我的帐棚，挂起我的幔子。

现代客语汉字耶利米书10:20𠊎个帐篷被人破坏，帐篷个索仔全部断掉。子女离开𠊎走净净了；毋会再有人来㧯𠊎搭帐篷，也无人来㧯𠊎吊布帘。

现代客语全罗耶利米书10:20 Ngài ke chong-phùng pûn-ngìn pho-fái,chong-phùng ke sok-è chhiòn-phu thôn-thet.Chṳ́-ńg lì-khôi ngài chéu chhiang-chhiang lé;m̀-voi chai yû-ngìn lòi lâu ngài tap chong-phùng,ya mò-ngìn lòi lâu ngài tiau pu-liàm.

和合本2010版耶利米书10:21 因为牧人如同畜牲，没有寻求耶和华，所以不得顺利；他们的羊羣也都分散了。

现代客语汉字耶利米书10:21因为𠊎等个领袖无智识；佢等毋寻求上主。所以，佢等失败，人民全部四散掉。

现代客语全罗耶利米书10:21 Yîn-vi ngài-têu ke liâng-chhiu mò chṳ-sṳt;kì-têu m̀ chhìm-khiù Song-chú.Só-yî, kì-têu sṳt-phai,ngìn-mìn chhiòn-phu si-san thet.

和合本2010版耶利米书10:22 有风声！看哪，来了！有大扰乱从北方而来，要使犹大的城镇变为废墟，成为野狗的住处。

现代客语汉字耶利米书10:22听啊！有风声传来讲：「有看到一大群军队对北方来，会使犹大逐只城市荒掉，成做野狗个窦。」

现代客语全罗耶利米书10:22 Thâng â! Yû fûng-sâng chhòn-lòi kóng:“Yû khon-tó yit thai-khiùn kiûn-chhui tui pet-fông lòi,voi sṳ́ Yù-thai tak-chak sàng-sṳ fông-thet,sàng-cho yâ-kiéu ke teu.”

和合本2010版耶利米书10:23 耶和华啊，我知道人的道路不由自己，行路的人也不能定自己的脚步。

现代客语汉字耶利米书10:23上主啊，𠊎知无人能决定自家个命运；无人能安排自家个前途。

现代客语全罗耶利米书10:23 Song-chú â, ngài tî mò-ngìn nèn kiet-thin chhṳ-kâ ke miang-yun;mò-ngìn nèn ôn-phài chhṳ-kâ ke chhièn-thù.

和合本2010版耶利米书10:24 耶和华啊，求你按公平管教我，不要在你的怒中惩治我，免得你使我归于无有。

现代客语汉字耶利米书10:24上主啊，求你照公当来管教𠊎等；求你毋好在发谴中消灭𠊎等。

现代客语全罗耶利米书10:24 Song-chú â, khiù Ngì cheu kûng-tong lòi kón-kau ngài-têu;khiù Ngì m̀-hó chhai fat-khién chûng sêu-me̍t ngài-têu.

和合本2010版耶利米书10:25 求你将愤怒倾倒在不认识你的列国中，倾倒在不求告你名的各族上；因为他们吞了雅各，不但吞了，而且灭绝，使他的住处变为荒凉。

现代客语汉字耶利米书10:25求你将大发谴倒在毋承认你个列国，㧯毋敬拜你个人身上。因为佢等㓾雅各个后代；佢等彻底毁灭𠊎等，使𠊎等个家园荒废。

现代客语全罗耶利米书10:25 Khiù Ngì chiông thai fat-khién tó chhai m̀ sṳ̀n-ngin Ngì ke lie̍t-koet,lâu m̀ kin-pai Ngì ke ngìn sṳ̂n-song.Yîn-vi kì-têu chhṳ̀ Ngâ-kok ke heu-thoi;kì-têu chha̍t-tái fí-me̍t ngài-têu,sṳ́ ngài-têu ke kâ-yèn fông-fi.