耶利米书第8章客家话和合本对照

相关章：

快速到节：

书卷列表：

和合本2010版耶利米书8:1 耶和华说：「那时，人必将犹大诸王和领袖的骸骨、祭司和先知的骸骨，以及耶路撒冷居民的骸骨，都从坟墓中取出来，

现代客语汉字耶利米书8:1上主讲：「到该日，敌人会将犹大个王、官长、祭司、先知，㧯耶路撒冷人民个骨骸，全部对坟墓肚挖出来，

现代客语全罗耶利米书8:1 Song-chú kóng: “To ke-ngit, thi̍t-ngìn voi chiông Yù-thai ke vòng, kôn-chóng, chi-sṳ̂, siên-tî, lâu Yâ-lu-sat-lâng ngìn-mìn ke kut-hài, chhiòn-phu tui fùn-mu tú yet chhut-lòi,

和合本2010版耶利米书8:2 散布在太阳、月亮和天上众星之下，就是他们从前所喜爱、所事奉、所随从、所求问、所敬拜的。这些骸骨不被收殓，不被埋葬，必在地面上成为粪土。

现代客语汉字耶利米书8:2摆在日头、月光、㧯星仔下背。这兜天体就係佢等生前所爱慕、服事、跈从、卜卦、敬拜个。这兜骨骸无人会去收集起来埋掉，全部会变做地面上个垃圾。

现代客语全罗耶利米书8:2 pài chhai ngit-thèu, ngie̍t-kông, lâu sên-é hâ-poi. Liá-têu thiên-thí chhiu-he kì-têu sên-chhièn só oi-mu, fu̍k-sṳ, thèn-chhiùng, puk-koa, kin-pai ke. Liá-têu kut-hài mò-ngìn voi hi sû-si̍p hí-lòi mài-thet, chhiòn-phu voi pien-cho thi-mien song ke lá-sap.

和合本2010版耶利米书8:3 这邪恶家族所倖存的余民，就是在我赶他们到的各处所剩下的( [ 8.3] 有古卷和七十士译本没有「所剩下的」。)，全都宁可选死不选活。这是万军之耶和华说的。」

现代客语汉字耶利米书8:3这只邪恶民族賸到个人会在𠊎分散佢等去个所在，求死毋求生。𠊎—上主、万军个元帅恁样宣布了。」罪恶㧯责罚

现代客语全罗耶利米书8:3 Liá-chak sià-ok mìn-chhu̍k chhûn-tó ke ngìn voi chhai Ngài fûn-san kì-têu hi ke só-chhai, khiù-sí m̀ khiù-sâng. Ngài — Song-chú, Van-kiûn ke Ngièn-soi án-ngiòng siên-pu lé.” Chhui-ok lâu Chit-fa̍t

和合本2010版耶利米书8:4罪与罚「你要对他们说，耶和华如此说：人跌倒，不再起来吗？人转去，不再转回来吗？

现代客语汉字耶利米书8:4上主吩咐𠊎向佢个子民恁样讲：「人跌倒，敢无想爱䟘起来？人行差路，敢无想爱回头？

现代客语全罗耶利米书8:4 Song-chú fûn-fu ngài hiong Kì ke chṳ́-mìn án-ngiòng kóng: “Ngìn tiet-tó, kám mò sióng-oi hong-hí-lòi? Ngìn hàng chhâ-lu, kám mò sióng-oi fì-thèu?

和合本2010版耶利米书8:5 这耶路撒冷的百姓为何永久背道呢？他们抓住诡诈，不肯回头。

现代客语汉字耶利米书8:5你这兜耶路撒冷人啊，你等做么介悖逆到底呢？你等一直行诡诈，毋肯转到𠊎这位来。

现代客语全罗耶利米书8:5 Ngì liá-têu Yâ-lu-sat-lâng-ngìn â, ngì-têu cho-má-ke phoi-ngia̍k to-tái nè? Ngì-têu yit-chhṳ̍t hàng kúi-cha, m̀-hén chón-to Ngài liá-vi lòi.

和合本2010版耶利米书8:6 我留心听，听见他们说不诚实的话。无人懊悔自己的恶行，说：『我做的是甚么呢？』他们全都转奔己路，如马直闯战场。

现代客语汉字耶利米书8:6𠊎当注意听，总係你等无讲老实话。无人为自家个坏行为悔改；无人自家反省讲：『𠊎到底做么介毋着？』逐侪人照自家个意思去做，就像马仔走等去战场。

现代客语全罗耶利米书8:6 Ngài tông chu-yi thâng, chúng-he ngì-têu mò kóng ló-sṳ̍t fa. Mò-ngìn vi chhṳ-kâ ke fái hàng-vì fí-kói; mò-ngìn chhṳ-kâ fán-sén kóng: ‘Ngài to-tái cho má-ke m̀-chho̍k?’ Tak-sà ngìn cheu chhṳ-kâ ke yi-sṳ hi-cho, chhiu-chhiong mâ-é chéu-tén hi chan-chhòng.

和合本2010版耶利米书8:7 空中的鹳鸟知道自己的季节，斑鸠、燕子与白鹤也守候当来的时令；我的百姓却不知道耶和华的法则。

现代客语汉字耶利米书8:7连空中个鹳鸟都知来去个节期，定期飞转来；班鸠、燕仔、白鹤仔也全部照时节迁徙。总係𠊎个子民啊，你等偏偏毋知𠊎个法则！

现代客语全罗耶利米书8:7 Lièn khûng-chûng ke kon-niâu tû tî lòi-hi ke chiet-khì, thin-khì pî chón-lòi; pân-kiêu, yen-é, pha̍k-ho̍k-é ya chhiòn-phu cheu sṳ̀-chiet chhiên-sái. Chúng-he Ngài ke chṳ́-mìn â, ngì-têu phiên-phiên m̀-tî Ngài ke fap-chet!

和合本2010版耶利米书8:8 「你们怎么说：『我们有智慧，耶和华的律法在我们这裏』？看哪，其实文士的假笔舞弄虚假。

现代客语汉字耶利米书8:8你等样做得自夸聪明、讲你等明白𠊎个法律呢？其实，𠊎个法律已经被诡诈个经学教师改做假个法律了。

现代客语全罗耶利米书8:8 Ngì-têu ngióng cho-tet chhṳ-khoâ chhûng-mìn, kóng ngì-têu mìn-pha̍k Ngài ke fap-li̍t nè? Khì-sṳ̍t, Ngài ke fap-li̍t yí-kîn pûn kúi-cha ke kîn-ho̍k kau-sṳ̂ kói-cho ká ke fap-li̍t lé.

和合本2010版耶利米书8:9 智慧人惭愧，惊惶，被擒拿；看哪，他们背弃耶和华的话，还会有甚么智慧呢？

现代客语汉字耶利米书8:9你等个聪明人会堵到见笑，惊到愊愊掣，被人捉到。佢等拒绝𠊎个话，还有么介智慧好讲呢？

现代客语全罗耶利米书8:9 Ngì-têu ke chhûng-mìn ngìn voi tù-tó kien-seu, kiâng-to pi̍t-pi̍t-chhat, pûn-ngìn chok-tó. Kì-têu khî-chhie̍t Ngài ke fa, hàn-yû má-ke chṳ-fi hó-kóng nè?

和合本2010版耶利米书8:10 因此，我必将他们的妻子给别人，将他们的田地给别人为业；因为他们从最小的到最大的都贪图不义之财，从先知到祭司全都行事虚假。

现代客语汉字耶利米书8:10所以，𠊎爱将佢等个𡜵娘送给别人，田地也交给新个主人；因为佢等无论地位高低全部贪不义个钱财，连先知㧯祭司也全部诈欺人民。

现代客语全罗耶利米书8:10 Só-yî, Ngài oi chiông kì-têu ke pû-ngiòng sung-pûn phe̍t-ngìn, thièn-thi ya kâu-pûn sîn ke chú-ngìn; yîn-vi kì-têu mò-lun thi-vi kô-tâi chhiòn-phu thâm put-ngi ke chhièn-chhòi, lièn siên-tî lâu chi-sṳ̂ ya chhiòn-phu cha-khî ngìn-mìn.

和合本2010版耶利米书8:11 他们轻忽地医治我百姓的损伤，说：『平安了！平安了！』其实没有平安。

现代客语汉字耶利米书8:11𠊎子民个着伤，佢等也无认真医治。佢等讲：『平安！平安！』其实无平安。

现代客语全罗耶利米书8:11 Ngài chṳ́-mìn ke chho̍k-sông, kì-têu ya mò ngin-chṳ̂n yî-chhṳ. Kì-têu kóng: ‘Phìn-ôn! Phìn-ôn!’ Khì-sṳ̍t mò phìn-ôn.

和合本2010版耶利米书8:12 他们行可憎之事，应当羞愧；然而他们却一点也不觉得羞愧，又不知羞耻。因此，他们必与仆倒的人一样仆倒；我惩罚他们的时候，他们必跌倒。这是耶和华说的。

现代客语汉字耶利米书8:12佢等做恁得人恼个事应当知见笑，总係佢等毋知见笑，也毋会面红。所以，佢等会㧯别人共样跌倒。𠊎责罚佢等个时，佢等就会横到贴贴。𠊎—上主恁样宣布了。」

现代客语全罗耶利米书8:12 Kì-têu cho án tet-ngìn-nâu ke sṳ yin-tông tî kien-seu, chúng-he kì-têu m̀-tî kien-seu, ya m̀-voi mien-fùng. Só-yî, kì-têu voi lâu phe̍t-ngìn khiung-yong tiet-tó. Ngài chit-fa̍t kì-têu ke sṳ̀, kì-têu chhiu voi vang-to tap-tap. Ngài — Song-chú án-ngiòng siên-pu lé.”

和合本2010版耶利米书8:13 我必使他们全然灭绝；葡萄树上必没有葡萄( [ 8.13] 「我必…葡萄」：有古译本是「我要採收果子，但葡萄树上必没有葡萄」。)，无花果树上没有果子，叶子也必枯乾。我所赐给他们的，必离他们而去。这是耶和华说的。」

现代客语汉字耶利米书8:13上主讲：「𠊎爱将佢等所有个全部抢走，交给该兜来佔领这地方个人；到尾，葡萄树顶毋会有葡萄，无花果树顶也毋会有无花果，连叶仔也全部燥掉(148:13「𠊎爱将…燥掉」抑係译做「𠊎爱召集𠊎个子民，像收集农作物。总係佢等像葡萄树无结葡萄，像无花果树无结无花果，连叶仔也全部燥掉。所以，𠊎俾外国人来佔领佢等个土地」。)。」

现代客语全罗耶利米书8:13 Song-chú kóng: “Ngài oi chiông kì-têu só-yû ke chhiòn-phu chhióng-chéu, kâu-pûn ke-têu lòi cham-liâng liá thi-fông ke ngìn; to-mî, phù-thò-su táng m̀-voi yû phù-thò, vù-fâ-kó-su táng ya m̀-voi yû vù-fâ-kó, lièn ya̍p-é ya chhiòn-phu châu-thet( 14 8:13 “Ngài oi chiông ... châu-thet” ya-he yi̍t-cho “Ngài oi seu-si̍p Ngài ke chṳ́-mìn, chhiong sû-si̍p nùng-chok-vu̍t. Chúng-he kì-têu chhiong phù-thò-su mò kiet phù-thò, chhiong vù-fâ-kó-su mò kiet vù-fâ-kó, lièn ya̍p-é ya chhiòn-phu châu-thet. Só-yî, Ngài pûn ngoi-koet-ngìn lòi cham-liâng kì-têu ke thú-thi”.).”

和合本2010版耶利米书8:14 我们为何静坐不动呢？我们当聚集，进入坚固城，在那裏静默不言；因为耶和华－我们的上帝使我们静默不言，又将苦水给我们喝，都因我们得罪了耶和华。

现代客语汉字耶利米书8:14上帝个子民问：「𠊎等做么介还坐等毋挺动呢？䟘起来，入来去防卫个城，就係死在该位也好！上主—𠊎等个上帝已经定𠊎等死罪。佢给𠊎等毒水啉，因为𠊎等得罪佢。

现代客语全罗耶利米书8:14 Song-ti ke chṳ́-mìn mun: “Ngài-têu cho-má-ke hàn chhô-tén m̀ thîn-thûng nè? Hong-hí-lòi, ngi̍p-lòi hi fòng-ví ke sàng, chhiu-he sí chhai ke-vi ya hó! Song-chú — ngài-têu ke Song-ti yí-kîn thin ngài-têu sí-chhui. Kì pûn ngài-têu thu̍k-súi lîm, yîn-vi ngài-têu tet-chhui Kì.

和合本2010版耶利米书8:15 我们指望平安，却得不着福气；指望痊癒时刻，看哪，受了惊惶。

现代客语汉字耶利米书8:15𠊎等期待平安，希望得到医治，总係无效果，反转吓到会死。

现代客语全罗耶利米书8:15 Ngài-têu khì-thai phìn-ôn, hî-mong tet-tó yî-chhṳ, chúng-he mò háu-kó, fán-chón hak-to voi sí.

和合本2010版耶利米书8:16 「从但那裏传来敌人的马喷气的声音，壮马发出嘶声，全地就都震动；因为他们来吞灭这地和其上所有的，吞灭这城与其中的居民。

现代客语汉字耶利米书8:16敌人已经到但，𠊎等听到战马喷气。战马大声嘶，全地大震动。敌人会来打坏𠊎等个土地㧯地上个一切；佢等会来消灭𠊎等个城市㧯住在其中个人民。」

现代客语全罗耶利米书8:16 Thi̍t-ngìn yí-kîn to Tan, ngài-têu thâng-tó chan-mâ phun-hi. Chan-mâ thai-sâng sê, chhiòn-thi thai chṳ́n-thung. Thi̍t-ngìn voi lòi tá-fái ngài-têu ke thú-thi lâu thi-song ke yit-chhiet; kì-têu voi lòi sêu-me̍t ngài-têu ke sàng-sṳ lâu he̍t chhai khì-chûng ke ngìn-mìn.”

和合本2010版耶利米书8:17 看哪，我必派蛇进到你们中间，就是法术无法驱除的毒蛇，牠们必咬你们。这是耶和华说的。」

现代客语汉字耶利米书8:17上主讲：「看啊，𠊎爱将毒蛇放在你等当中，用法术也逐牠兜毋走；牠兜会咬你等。」耶利米为同胞悲伤

现代客语全罗耶利米书8:17 Song-chú kóng: “Khon â, Ngài oi chiông thu̍k-sà piong chhai ngì-têu tông-chûng, yung fap-su̍t ya kiuk kì-têu m̀-chéu; kì-têu voi ngâu ngì-têu.” Yâ-li-mí vi Thùng-pâu Pî-sông

和合本2010版耶利米书8:18耶利米为同胞悲伤忧愁时我寻找安慰( [ 8.18] 「忧愁…安慰」：七十士译本是「无法医治的忧伤压倒你们的心」。)，我心在我裏面发昏。

现代客语汉字耶利米书8:18𠊎个心非常悲伤，无法度医好，像会昏掉一样。

现代客语全罗耶利米书8:18 Ngài ke sîm fî-sòng pî-sông, mò fap-thu yî-hó,chhiong voi fûn-thet yit-yong.

和合本2010版耶利米书8:19 听啊，是我百姓呼救的声音从远地传来：「耶和华不是在锡安吗？锡安的王不是在其中吗？」「他们为甚么以自己雕刻的偶像和外邦虚无的神明( [ 8.19] 「虚无的神明」：原文是「虚无」。)惹我发怒呢？」

现代客语汉字耶利米书8:19𠊎远远就听到同胞悲伤个声讲：「上主无在锡安係么？锡安个王无在城肚係么？」上主讲：「佢等做么介拜偶像？做么介拜外国虚假个神明，来惹𠊎发谴呢？」

现代客语全罗耶利米书8:19 Ngài yén-yén chhiu thâng-tó thùng-pâu pî-sông ke sâng kóng:“Song-chú mò chhai Siak-ôn he-mò?Siak-ôn ke vòng mò chhai sàng-tú he-mò?”Song-chú kóng: “Kì-têu cho-má-ke pai ngiéu-siong?Cho-má-ke pai ngoi-koet hî-ká ke sṳ̀n-mìn, lòi-ngiâ Ngài fat-khién nè?”

和合本2010版耶利米书8:20 「秋收已过，夏季已完，我们还未得救！」

现代客语汉字耶利米书8:20人民讲：「热天过掉，收成结束了，𠊎等还係吂得救！」

现代客语全罗耶利米书8:20 Ngìn-mìn kóng:“Ngie̍t-thiên ko-thet, sû-sṳ̀n kiet-suk lé,ngài-têu hàn-he màng tet-kiu!”

和合本2010版耶利米书8:21 因我百姓的损伤，我也受了损伤。我哀恸，惊惶将我抓住。

现代客语汉字耶利米书8:21耶利米讲：同胞受伤害，𠊎也受伤害；𠊎非常悲伤，着惊到会死。

现代客语全罗耶利米书8:21 Yâ-li-mí kóng:Thùng-pâu su sông-hoi, ngài ya su sông-hoi;ngài fî-sòng pî-sông, chho̍k-kiâng to voi sí.

和合本2010版耶利米书8:22 在基列岂没有乳香呢？在那裏岂没有医生呢？我百姓( [ 8.22] 「我百姓」：原文直译「我百姓的女儿」。)为何得不着医治呢？

现代客语汉字耶利米书8:22敢讲基列(158:22「基列」：在约旦河东岸，这地区个草药在近东尽出名。)无膏药係么？敢讲该位无医生係么？做么介𠊎个同胞无得到医治呢？

现代客语全罗耶利米书8:22 Kám-kóng Kî-lie̍t( 15 8:22 “Kî-lie̍t”: Chhai Yok-tan-hò tûng-ngan, liá thi-khî ke chhó-yo̍k chhai Khiun-tûng chhin chhut-miàng.) mò kò-yo̍k he-mò?Kám-kóng ke-vi mò yî-sên he-mò?Cho-má-ke ngài ke thùng-pâu mò tet-tó yî-chhṳ nè?