耶利米书第49章客家话和合本对照

相关章：

快速到节：

书卷列表：

和合本2010版耶利米书49:1有关亚扪的话论亚扪人。耶和华如此说：以色列没有儿子吗？没有后嗣吗？米勒公( [ 49.1] 「米勒公」是根据七十士译本和其他古译本，亚扪人神明的名字，又名「摩洛」；原文是「他们的王」，音译「玛勒堪」；下同。)为何承受迦得为业呢？属它的百姓为何住其中的城镇呢？

现代客语汉字耶利米书49:1上主审判亚扪有关亚扪人，上主恁样讲：「以色列个男人在㖠位？以色列个后代在㖠位？做么介由在该兜拜米勒公(7549:1「米勒公」：希伯来文发音玛勒堪，係亚扪人个神像，另外一个名係摩洛，49:3共样。)个人承接迦得支族个土地，住在其中个城市呢？

现代客语全罗耶利米书49:1Song-chú Sṳ́m-phan Â-mùn Yû-koân Â-mùn-ngìn, Song-chú án-ngiòng kóng: “Yî-set-lie̍t ke nàm-ngìn chhai nai-vi? Yî-set-lie̍t ke heu-thoi chhai nai-vi? Cho-má-ke yù-chhai ke-têu pai Mí-le̍t-kûng( 75 49:1 “Mí-le̍t-kûng”: Hî-pak-lòi-vùn fat-yîm Mâ-le̍t-khâm, he Â-mùn-ngìn ke sṳ̀n-siong, nang-ngoi yit-ke miàng he Mô-lo̍k, 49:3 khiung-yong.) ke ngìn sṳ̀n-chiap Kâ-tet kî-chhu̍k ke thú-thi, he̍t chhai khì-chûng ke sàng-sṳ nè?

和合本2010版耶利米书49:2 看哪，日子将到，我必使人听见打仗的喊声，攻击亚扪人所住的拉巴的喊声。拉巴要成为废墟，属它的乡镇( [ 49.2] 「乡镇」：原文直译「女子们」；下同。)要被火焚烧。这是耶和华说的。先前承受以色列为业的，此时以色列倒要承受他们为业。这是耶和华说的。

现代客语汉字耶利米书49:2看啊，日仔会到，𠊎—上主爱使住在首都拉巴个亚扪人听到战乱中尽喊个声。拉巴会成做荒埔，属它个乡村会被火烧掉。然后以色列人会对侵略佢等个人手中收转自家个土地。𠊎—上主恁样宣布了。

现代客语全罗耶利米书49:2 Khon â, ngit-è voi-to, Ngài — Song-chú oi sṳ́ he̍t chhai sú-tû Lâ-pâ ke Â-mùn-ngìn thâng-tó chan-lon chûng chhin-hêm ke sâng. Lâ-pâ voi sàng-cho fông-phû, su̍k kì ke hiông-chhûn voi pûn fó sêu-thet. Yèn-heu Yî-set-lie̍t-ngìn voi tui chhîm-lio̍k kì-têu ke ngìn sú-chûng sû-chón chhṳ-kâ ke thú-thi. Ngài — Song-chú án-ngiòng siên-pu lé.

和合本2010版耶利米书49:3 希实本哪，要哀号，因为爱地已成荒地。拉巴的乡镇哪，要呼喊，以麻布束腰；要哭号，在篱笆中往来奔跑；因米勒公和它的祭司、官长要一同被掳去。

现代客语汉字耶利米书49:3希实本人啊，爱伤心尽噭！因为艾城毁灭了！拉巴个妇人家啊，爱大声噭！爱着麻衫哀伤，在城墙内到处撞来撞去！你等个神明米勒公㧯佢个祭司、领袖会共下被人捉走。

现代客语全罗耶利米书49:3 Hî-sṳ̍t-pún-ngìn â, oi sông-sîm chhin-kieu! Yîn-vi Ngie-sàng fí-me̍t lé! Lâ-pâ ke fu-ngìn-kâ â, oi thai-sâng kieu! Oi chok mà-sâm ôi-sông, chhai sàng-chhiòng nui to-chhu chhong-lòi chhong-hi! Ngì-têu ke sṳ̀n-mìn Mí-le̍t-kûng lâu kì ke chi-sṳ̂, liâng-chhiu voi khiung-ha pûn-ngìn chok-chéu.

和合本2010版耶利米书49:4 背道的民( [ 49.4] 「民」：原文直译「女子」。)哪，你为何因有山谷，因有水流的山谷夸耀呢？为何倚靠自己的财宝，说：「谁能来到我们这裏呢？」

现代客语汉字耶利米书49:4悖逆个国民啊，做么介夸口你等个力量像山坜充满水呢？(7649:4「力量像山坜充满水呢？」抑係译做「力量呢？你等个力量紧退了。」)做么介偎靠自家个财宝，恅到无人敢来抢？

现代客语全罗耶利米书49:4 Phoi-ngia̍k ke koet-mìn â, cho-má-ke khoâ-khiéu ngì-têu ke li̍t-liong chhiong sân-lak chhûng-mân súi nè?( 76 49:4 “li̍t-liong chhiong sân-lak chhûng-mân súi nè?” ya-he yi̍t-cho “li̍t-liong nè? Ngì-têu ke li̍t-liong kín-thui lé.”) Cho-má-ke vá-kho chhṳ-kâ ke chhòi-pó, láu-tó mò-ngìn kám lòi-chhióng?

和合本2010版耶利米书49:5 万军之主耶和华说：看哪，我要使惊吓从四围的邻邦临到你们；你们必被赶出，各人一直往前，无人收容难民。

现代客语汉字耶利米书49:5𠊎—至高个上主、万军个元帅爱使得人畏个事围等你，你等全部会逃走。逐侪顾自家个命，无人有办法将失败个军队重新组织起来。

现代客语全罗耶利米书49:5 Ngài — Chṳ-kô ke Song-chú, Van-kiûn ke Ngièn-soi oi sṳ́ tet-ngìn-vi ke sṳ vì-tén ngì, ngì-têu chhiòn-phu voi thò-chéu. Tak-sà ku chhṳ-kâ ke miang, mò-ngìn yû phan-fap chiông sṳt-phai ke kiûn-chhui chhùng-sîn chû-chṳt hí-lòi.

和合本2010版耶利米书49:6 但后来，我却要使被掳的亚扪人归回。这是耶和华说的。

现代客语汉字耶利米书49:6「总係，有一日，𠊎爱俾亚扪人转去，重整家园。𠊎—上主恁样宣布了。」上主审判以东

现代客语全罗耶利米书49:6 “Chúng-he, yû yit-ngit, Ngài oi pûn Â-mùn-ngìn chón-hi, chhùng-chṳ́n kâ-yèn. Ngài — Song-chú án-ngiòng siên-pu lé.” Song-chú Sṳ́m-phan Yî-tûng

和合本2010版耶利米书49:7有关以东的话论以东。万军之耶和华如此说：提幔不再有智慧了吗？聪明人的谋略都用尽了吗？他们的智慧尽归无有了吗？

现代客语汉字耶利米书49:7有关以东，上主—万军个元帅恁样讲：「在以东(7749:7「以东」希伯来文直译係「提幔城」，指到全国家；参考49:20。)无办法再寻到智慧係么？佢等当中贤能个人无办法再㧯佢等讲爱样般做係么？佢等个智慧全部无掉去係么？

现代客语全罗耶利米书49:7 Yû-koân Yî-tûng, Song-chú — Van-kiûn ke Ngièn-soi án-ngiòng kóng: “Chhai Yî-tûng( 77 49:7 “Yî-tûng” Hî-pak-lòi-vùn chhṳ̍t-yi̍t he “Thì-man-sàng”, chṳ́-to chhiòn koet-kâ; chhâm-kháu 49:20.) mò phan-fap chai chhìm-tó chṳ-fi he-mò? Kì-têu tông-chûng hièn-nèn ke ngìn mò phan-fap chai lâu kì-têu kóng oi ngióng-pân cho he-mò? Kì-têu ke chṳ-fi chhiòn-phu mò-thet hi he-mò?

和合本2010版耶利米书49:8 底但的居民哪，要转身逃跑，住在深密处；因为我惩罚以扫的时候，必使灾殃临到他。

现代客语汉字耶利米书49:8底但人啊，爱转身逃走！去寻所在囥起来！因为𠊎责罚以扫后代个日仔到了；𠊎爱消灭佢等！

现代客语全罗耶利米书49:8 Tí-tan-ngìn â, oi chón-sṳ̂n thò-chéu! Hi chhìm só-chhai khong hí-lòi! Yîn-vi Ngài chit-fa̍t Yî-so heu-thoi ke ngit-è to lé; Ngài oi sêu-me̍t kì-têu!

和合本2010版耶利米书49:9 摘葡萄的若来到你那裏，岂不留下几串吗？贼若夜间来到，岂不是只毁坏他们要毁坏的吗？

现代客语汉字耶利米书49:9人摘葡萄个时，会留兜葡萄在树顶；暗晡头贼仔入来，单净偷佢等所爱个定定。

现代客语全罗耶利米书49:9 Ngìn chak phù-thò ke sṳ̀, voi liù-têu phù-thò chhai su-táng; am-pû-thèu chhe̍t-é ngi̍p-lòi, tân-chhiang thêu kì-têu só-oi ke thin-thin.

和合本2010版耶利米书49:10 我却使以扫赤裸，暴露他的藏身处；他不能隐藏自己。他的后裔、弟兄、邻舍全都灭绝，他也归于无有。

现代客语汉字耶利米书49:10总係𠊎爱将以扫个后代剥到光光，露出佢等囥身个所在，使佢等无法度好囥。以东人并佢等个亲族㧯邻舍全部消灭了，无留一侪。

现代客语全罗耶利米书49:10 Chúng-he Ngài oi chiông Yî-so ke heu-thoi pok-to kông-kông, lu-chhut kì-têu khong-sṳ̂n ke só-chhai, sṳ́ kì-têu mò fap-thu hó khong. Yî-tûng-ngìn pin kì-têu ke chhîn-chhu̍k lâu lìn-sa chhiòn-phu sêu-me̍t lé, mò liù yit-sà.

和合本2010版耶利米书49:11 你撇下孤儿，我必保全他们的性命；你的寡妇可以倚靠我。

现代客语汉字耶利米书49:11将你等个孤儿交给𠊎，𠊎会保护佢等；你等个寡妇也做得倚靠𠊎。」

现代客语全罗耶利米书49:11 Chiông ngì-têu ke kû-yì kâu-pûn Ngài, Ngài voi pó-fu kì-têu; ngì-têu ke koá-fu ya cho-tet yí-kho Ngài.”

和合本2010版耶利米书49:12 耶和华如此说：「看哪，既然原不该喝那杯的一定要喝，你能免去惩罚吗？必不能免，一定要喝！

现代客语汉字耶利米书49:12上主恁样讲：「看啊，若係连该兜无应该受责罚个人全部爱啉责罚个杯，你等敢有可能毋使受责罚吗？无可能！你等一定爱啉这个杯。

现代客语全罗耶利米书49:12 Song-chú án-ngiòng kóng: “Khon â, na-he lièn ke-têu mò yin-kôi su chit-fa̍t ke ngìn chhiòn-phu oi lîm chit-fa̍t ke pî, ngì-têu kám yû khó-nèn m̀-sṳ́ su chit-fa̍t mâ? Mò khó-nèn! Ngì-têu yit-thin oi lîm liá-ke pî.

和合本2010版耶利米书49:13 我指着自己起誓，波斯拉必令人惊骇、受羞辱、被诅咒，并且全然荒废。它所有的城镇都要永远成为废墟。这是耶和华说的。」

现代客语汉字耶利米书49:13𠊎指自家发誓讲，波斯拉城会变做荒地，成做害人着惊、被人侮辱、咒诅个所在。它附近所有个城市会永远荒废。𠊎—上主恁样宣布了。」

现代客语全罗耶利米书49:13 Ngài chṳ́ chhṳ-kâ fat-sṳ kóng, Pô-sṳ̂-lâ-sàng voi pien-cho fông-thi, sàng-cho hoi ngìn chho̍k-kiâng, pûn-ngìn vú-yu̍k, chu-chú ke só-chhai. Kì fu-khiun só-yû ke sàng-sṳ voi yún-yén fông-fi. Ngài — Song-chú án-ngiòng siên-pu lé.”

和合本2010版耶利米书49:14 我从耶和华那裏听见消息，有使者被差往列国去，说：「你们要聚集前来攻击以东，要起来争战。」

现代客语汉字耶利米书49:14𠊎讲：「以东啊，𠊎对上主该位得到一个消息。佢派使者到列国，喊佢等召集军队，準备攻击你。

现代客语全罗耶利米书49:14 Ngài kóng: “Yî-tûng â, ngài tui Song-chú ke-vi tet-tó yit-ke sêu-sit. Kì phai sṳ́-chá to lie̍t-koet, ham kì-têu seu-si̍p kiûn-chhui, chún-phi kûng-kit ngì.

和合本2010版耶利米书49:15 看哪，我使你在列国中为最小，在世人中被藐视。

现代客语汉字耶利米书49:15上主爱使你成做最弱个国家；无人会看重你。

现代客语全罗耶利米书49:15 Song-chú oi sṳ́ ngì sàng-cho chui-ngio̍k ke koet-kâ; mò-ngìn voi khon-chhung ngì.

和合本2010版耶利米书49:16 住在山穴中盘据山顶的啊，你被自己的声势与心中的狂傲所蒙蔽；你虽如大鹰高高搭窝，我却要从那裏拉你下来。这是耶和华说的。

现代客语汉字耶利米书49:16你当骄傲，恅到自家尽威风；其实，你并无像自家所想恁受人敬畏。就算你住在山顶个崩岗，就算你像鹰鸟在尽高个所在做薮，上主也爱将你拉下来。上主恁样宣布了。」

现代客语全罗耶利米书49:16 Ngì tông kiêu-ngau, láu-tó chhṳ-kâ chhin vî-fûng; khì-sṳ̍t, ngì pin mò chhiong chhṳ-kâ só-sióng án su-ngìn kin-vi. Chhiu-son ngì he̍t chhai sân-táng ke pên-kông, chhiu-son ngì chhiong ên-tiâu chhai chhin-kô ke só-chhai cho-teu, Song-chú ya oi chiông ngì lâi hâ-lòi. Song-chú án-ngiòng siên-pu lé.”

和合本2010版耶利米书49:17 以东必令人惊骇；凡经过的人都惊骇，又因它一切的灾祸嗤笑。

现代客语汉字耶利米书49:17上主讲：「以东会受到得人畏个毁灭；逐个过路人看到定着会吓倒，也会看毋起它。

现代客语全罗耶利米书49:17 Song-chú kóng: “Yî-tûng voi su-tó tet-ngìn-vi ke fí-me̍t; tak-ke ko-lu ngìn khon-tó thin-chho̍k voi hak-tó, ya voi khon m̀-hí kì.

和合本2010版耶利米书49:18 耶和华说：它要像所多玛、蛾摩拉和邻近的城镇一样倾覆，必无人住在那裏，也无人在其中寄居。

现代客语汉字耶利米书49:18头摆所多玛、蛾摩拉、㧯周围个村庄样般灭掉，以东也会恁样被人灭掉，毋会再有人住。

现代客语全罗耶利米书49:18 Thèu-pái Só-tô-mâ, Ngò-mô-lâ, lâu chû-vì ke chhûn-chông ngióng-pân me̍t-thet, Yî-tûng ya voi án-ngiòng pûn-ngìn me̍t-thet, m̀-voi chai yû-ngìn he̍t.

和合本2010版耶利米书49:19 看哪，就像狮子从约旦河边的丛林上来，攻击坚固的居所，我要在转眼之间使以东人逃跑，离开这地。我拣选谁，就派谁治理这地。谁能像我呢？谁能召我出庭呢？( [ 49.19] 「谁能召我出庭呢？」原文另译「谁能与我相比呢？」)有哪一个牧人能在我面前站得住呢？

现代客语汉字耶利米书49:19看啊，就像狮仔对约旦河滣个树林走出来，去到青翠个牧场；共样，𠊎爱忽然间迫以东人逃走离开佢等个国家。然后𠊎所选立来做王个，就会统治这国家。么人做得㧯𠊎比？么人敢惹𠊎？㖠个统治者敢反对𠊎？

现代客语全罗耶利米书49:19 Khon â, chhiu-chhiong sṳ̂-é tui Yok-tan hò-sùn ke su-nà chéu chhut-lòi, hi-to chhiâng-chhui ke mu̍k-chhòng; khiung-yong, Ngài oi fut-yèn-kiên pet Yî-tûng-ngìn thò-chéu lì-khôi kì-têu ke koet-kâ. Yèn-heu Ngài só sién-li̍p lòi cho-vòng ke, chhiu voi thúng-chhṳ liá koet-kâ. Má-ngìn cho-tet lâu Ngài pí? Má-ngìn kám ngiâ Ngài? Nai-ke thúng-chhṳ-chá kám fán-tui Ngài?

和合本2010版耶利米书49:20 你们要听耶和华攻击以东所定的计划和他攻击提幔居民所定的旨意。他们羊羣当中微弱的定要被拖走，他们的草场定要变为荒凉。

现代客语汉字耶利米书49:20所以，你等爱听𠊎—上主个计划：𠊎爱㧯以东做对敌，对付提幔城个人。连佢等个细人仔全部会被人拉走，逐所在充满大着惊。

现代客语全罗耶利米书49:20 Só-yî, ngì-têu oi thâng Ngài — Song-chú ke kie-va̍k: Ngài oi lâu Yî-tûng cho tui-thi̍t, tui-fu Thì-man-sàng ke ngìn. Lièn kì-têu ke se-ngìn-è chhiòn-phu voi pûn-ngìn lâi-chéu, tak só-chhai chhûng-mân thai chho̍k-kiâng.

和合本2010版耶利米书49:21 因他们仆倒的声音，地就震动，哀号的声音传到红海( [ 49.21] 「红海」是根据七十士译本；原文是「芦苇海」。)那裏。

现代客语汉字耶利米书49:21以东横落去个响声会使全地紧颤，无葛无煞个噭声会传到红海。

现代客语全罗耶利米书49:21 Yî-tûng vang lo̍k-hi ke hióng-sâng voi sṳ́ chhiòn-thi kín-chûn, mò-kat mò-sat ke kieu-sâng voi chhòn-to Fùng-hói.

和合本2010版耶利米书49:22 看哪，仇敌必如大鹰飞起，展开翅膀攻击波斯拉。到那日，以东的勇士心中疼痛如临产的妇人。

现代客语汉字耶利米书49:22看啊，敌人就像鹰鸟打开翼胛，忽然冲下来攻击波斯拉。该日，以东个勇士会像阵痛个产妇恁样无葛无煞。」上主审判大马士革

现代客语全罗耶利米书49:22 Khon â, thi̍t-ngìn chhiu-chhiong ên-tiâu tá-khôi yi̍t-kap, fut-yèn chhung hâ-lòi kûng-kit Pô-sṳ̂-lâ. Ke-ngit, Yî-tûng ke yúng-sṳ voi chhiong chhṳn-thung ke sán-fu án-ngiòng mò-kat mò-sat.” Song-chú Sṳ́m-phan Thai-mâ-sṳ-kiet

和合本2010版耶利米书49:23有关大马士革的话论大马士革。哈马和亚珥拔蒙羞，因为他们听见兇恶的消息就融化；焦虑像海浪汹涌，不得平静。

现代客语汉字耶利米书49:23有关大马士革，上主讲：「哈马㧯亚珥拔城个人无平安，因为佢等听到坏消息。佢等个忧愁像大海浪，害佢等无法度平静。

现代客语全罗耶利米书49:23 Yû-koân Thai-mâ-sṳ-kiet, Song-chú kóng: “Ha̍p-mâ lâu Â-ngí-pha̍t-sàng ke ngìn mò phìn-ôn, yîn-vi kì-têu thâng-tó fái sêu-sit. Kì-têu ke yù-sèu chhiong thai hói-long, hoi kì-têu mò fap-thu phìn-chhin.

和合本2010版耶利米书49:24 大马士革发软，转身逃跑；战兢将它捉住，痛苦忧愁将它抓住，如临产的妇人一样。

现代客语汉字耶利米书49:24大马士革人失掉勇气，转身逃走。佢等像产妇阵痛，非常忧伤痛苦。

现代客语全罗耶利米书49:24 Thai-mâ-sṳ-kiet-ngìn sṳt-thet yúng-hi, chón-sṳ̂n thò-chéu. Kì-têu chhiong sán-fu chhṳn-thung, fî-sòng yù-sông thung-khú.

和合本2010版耶利米书49:25 我所喜乐受称讚的城，怎能被撇弃( [ 49.25] 「怎能被撇弃」是根据一些古译本；原文是「怎能不被撇弃」。)呢？

现代客语汉字耶利米书49:25这座识带给人欢喜快乐，尽有名声个城，会完全荒掉了(7849:25本节抑係译做「𠊎所欢喜快乐、尽有名声个城，做么介荒掉了？」。)。

现代客语全罗耶利米书49:25 Liá-chho sṳt tai-pûn ngìn fôn-hí khoai-lo̍k, chhin-yû miàng-sâng ke sàng, voi vàn-chhiòn fông-thet lé( 78 49:25 Pún-chiet ya-he yi̍t-cho “Ngài só fôn-hí khoai-lo̍k, chhin-yû miàng-sâng ke sàng, cho-má-ke fông-thet lé?”.).

和合本2010版耶利米书49:26 它的壮丁必仆倒在街上，当那日，战士全都静默无声。这是万军之耶和华说的。

现代客语汉字耶利米书49:26城肚个后生人会在街巷被人㓾死；所有个战士全部共日断气、毋会出声。

现代客语全罗耶利米书49:26 Sàng-tú ke heu-sâng-ngìn voi chhai kiê-hong pûn-ngìn chhṳ̀-sí; só-yû ke chan-sṳ chhiòn-phu khiung-ngit thôn-hi, m̀-voi chhut-sâng.

和合本2010版耶利米书49:27 我必用火点燃大马士革的城墙，烧灭便‧哈达的宫殿。

现代客语汉字耶利米书49:27𠊎爱用火烧大马士革个城墙，将便‧哈达王个城堡烧掉。𠊎—上主、万军个元帅恁样宣布了。」审判基达族㧯夏琐城

现代客语全罗耶利米书49:27 Ngài oi yung fó sêu Thai-mâ-sṳ-kiet ke sàng-chhiòng, chiông Phien-Ha̍p-tha̍t-vòng ke sàng-pó sêu-thet. Ngài — Song-chú, Van-kiûn ke Ngièn-soi án-ngiòng siên-pu lé.” Sṳ́m-phan Kî-tha̍t-chhu̍k lâu Ha-só-sàng

和合本2010版耶利米书49:28有关基达和夏琐的话论巴比伦王尼布甲尼撒所攻打的基达和夏琐诸国。耶和华如此说：迦勒底人哪，起来上基达去，毁灭东方人。

现代客语汉字耶利米书49:28有关被巴比伦王尼布甲尼撒打输个基达族㧯夏琐城周围个部落，上主恁样讲：「䟘起来！去攻击基达人，剿灭东方人！

现代客语全罗耶利米书49:28 Yû-koân pûn Pâ-pí-lùn-vòng Nì-pu-kap-nì-sat tá-sû ke Kî-tha̍t-chhu̍k lâu Ha-só-sàng chû-vì ke phu-lo̍k, Song-chú án-ngiòng kóng: “Hong-hí-lòi! Hi kûng-kit Kî-tha̍t-ngìn, chiáu-me̍t tûng-fông ngìn!

和合本2010版耶利米书49:29 人要夺去他们的帐棚和羊羣，人要带走他们的幔子、一切器皿，和骆驼，佔为己有。人向他们喊着说：四围都有惊吓。

现代客语汉字耶利米书49:29抢佢等个帐篷㧯羊群，拿走帐篷个布帘㧯底背一切个用品。带走佢等个骆驼，㧯佢等讲：『四周围尽得人惊！』

现代客语全罗耶利米书49:29 Chhióng kì-têu ke chong-phùng lâu yòng-khiùn, nâ-chéu chong-phùng ke pu-liàm lâu tî-poi yit-chhiet ke yung-phín. Tai-chéu kì-têu ke lo̍k-thò, lâu kì-têu kóng: ‘Si chû-vì chhin tet-ngìn-kiâng!’

和合本2010版耶利米书49:30 夏琐的居民哪，要逃奔远方，住在深密处；因为巴比伦王尼布甲尼撒设计谋害你们，起意攻击你们。这是耶和华说的。

现代客语汉字耶利米书49:30「夏琐人啊，𠊎—上主警告你等，遽遽逃走！走到远远个所在，去囥起来！巴比伦王尼布甲尼撒已经计划爱攻打你等，佢已经决定了。」

现代客语全罗耶利米书49:30 “Ha-só-ngìn â, Ngài — Song-chú kín-ko ngì-têu, kiak-kiak thò-chéu! Chéu-to yén-yén ke só-chhai, hi khong hí-lòi! Pâ-pí-lùn-vòng Nì-pu-kap-nì-sat yí-kîn kie-va̍k oi kûng-tá ngì-têu, kì yí-kîn kiet-thin lé.”

和合本2010版耶利米书49:31 迦勒底人哪，起来！上到安逸无虑的国民那裏去，他们是无门无闩、单独居住的。这是耶和华说的。

现代客语汉字耶利米书49:31上主讲：「䟘起来！去攻打该兜恅到自家当安全毋使愁个人民！佢等个城无城门，也无门闩，全无防备。

现代客语全罗耶利米书49:31 Song-chú kóng: “Hong-hí-lòi! Hi kûng-tá ke-têu láu-tó chhṳ-kâ tông ôn-chhiòn m̀-sṳ́ sèu ke ngìn-mìn! Kì-têu ke sàng mò sàng-mùn, ya mò mùn-chhôn, chhiòn mò fòng-phi.

和合本2010版耶利米书49:32 他们的骆驼必成为掠物，他们众多的牲畜必成为掳物。我要将剃鬓髮的人分散四方( [ 49.32] 「方」：原文是「风」；下同。)，使灾殃从四围临到他们。这是耶和华说的。

现代客语汉字耶利米书49:32去抢佢等个骆驼㧯所有个牛群！𠊎爱将该兜修剪头那毛来尊敬神明个人逐散到四方去；𠊎爱对四周围带灾难给佢等。

现代客语全罗耶利米书49:32 Hi chhióng kì-têu ke lo̍k-thò lâu só-yû ke ngiù-khiùn! Ngài oi chiông ke-têu siû-chién thèu-nà-mô lòi chûn-kin sṳ̀n-mìn ke ngìn kiuk-san to si-fông hi; Ngài oi tui si chû-vì tai châi-nan pûn kì-têu.

和合本2010版耶利米书49:33 夏琐必成为野狗的住处，永远荒废；无人住在那裏，也无人在其中寄居。

现代客语汉字耶利米书49:33夏琐城会永远荒废，成做野狗个窦，无人住。𠊎—上主恁样宣布了。」上主审判以拦

现代客语全罗耶利米书49:33 Ha-só-sàng voi yún-yén fông-fi, sàng-cho yâ-kiéu ke teu, mò-ngìn he̍t. Ngài — Song-chú án-ngiòng siên-pu lé.” Song-chú Sṳ́m-phan Yî-làn

和合本2010版耶利米书49:34有关以拦的话犹大王西底家登基的时候，耶和华论以拦的话临到耶利米先知，说：

现代客语汉字耶利米书49:34西底家做犹大王个初期，上主—万军个元帅㧯先知耶利米讲起有关以拦个事。

现代客语全罗耶利米书49:34 Sî-tí-kâ cho Yù-thai-vòng ke chhû-khì, Song-chú — Van-kiûn ke Ngièn-soi lâu siên-tî Yâ-li-mí kóng-hí yû-koân Yî-làn ke sṳ.

和合本2010版耶利米书49:35 「万军之耶和华如此说：看哪，我必折断以拦人的弓，那是他们战斗的主力。

现代客语汉字耶利米书49:35佢讲：「𠊎爱拗断以拦最主要个势力—弓箭。

现代客语全罗耶利米书49:35 Kì kóng: “Ngài oi áu-thôn Yî-làn chui chú-yeu ke sṳ-li̍t — kiûng-chien.

和合本2010版耶利米书49:36 我要使风从天的四方颳来，临到以拦，将他们分散四方。以拦被赶散的人没有一国不到的。

现代客语汉字耶利米书49:36𠊎爱使风对四面八方去攻击以拦，将它个子民逐散到各地，各国全部会有它个难民去到。

现代客语全罗耶利米书49:36 Ngài oi sṳ́ fûng tui si-mien pat-fông hi kûng-kit Yî-làn, chiông kì ke chṳ́-mìn kiuk-san to kok-thi, kok-koet chhiòn-phu voi yû kì ke nan-mìn hi-to.

和合本2010版耶利米书49:37 我必使以拦人在仇敌和寻索其命的人面前惊惶；我也必使灾祸，就是我的烈怒临到他们，又必使刀剑追杀他们，直到将他们灭尽。这是耶和华说的。

现代客语汉字耶利米书49:37𠊎爱使以拦人惊该兜想爱㓾佢等个敌人。𠊎—上主爱大发谴降灾祸给以拦人，用战争彻底消灭佢等。

现代客语全罗耶利米书49:37 Ngài oi sṳ́ Yî-làn-ngìn kiâng ke-têu sióng-oi chhṳ̀ kì-têu ke thi̍t-ngìn. Ngài — Song-chú oi thai fat-khién kong châi-fo pûn Yî-làn-ngìn, yung chan-chên chha̍t-tái sêu-me̍t kì-têu.

和合本2010版耶利米书49:38 我要在以拦设立我的宝座，在那裏除灭君王和官长。这是耶和华说的。

现代客语汉字耶利米书49:38𠊎—上主爱除灭佢等个君王㧯官长，在以拦建立𠊎个宝座。

现代客语全罗耶利米书49:38 Ngài — Song-chú oi chhù-me̍t kì-têu ke kiûn-vòng lâu kôn-chóng, chhai Yî-làn kien-li̍p Ngài ke pó-chho.

和合本2010版耶利米书49:39 「到末后，我却要使被掳的以拦人归回。这是耶和华说的。」

现代客语汉字耶利米书49:39总係有一日，𠊎爱俾以拦人转去，重整家园。𠊎—上主恁样宣布了。」

现代客语全罗耶利米书49:39 Chúng-he yû yit-ngit, Ngài oi pûn Yî-làn-ngìn chón-hi, chhùng-chṳ́n kâ-yèn. Ngài — Song-chú án-ngiòng siên-pu lé.”