耶利米书第3章客家话和合本对照

相关章：

快速到节：

书卷列表：

和合本2010版耶利米书3:1不忠的以色列耶和华说( [ 3.1] 「耶和华说」或译「有话说」；七十士译本和其他古译本没有「耶和华说」。)：「人若休妻，妻离他而去，做了别人的妻子，前夫岂能再回到她那裏呢？那地岂不是大大污秽了吗？但你和许多情郎行淫，还是可以回到我这裏。这是耶和华说的。

现代客语汉字耶利米书3:1以色列无忠心上主讲：「若係男人㧯𡜵娘离婚，𡜵娘离开佢去㧯别人结婚，佢样做得将𡜵娘再接转来呢？佢恁样做就会打垃圾𠊎个土地。(63:1参考申命记24:1-4。)以色列啊，虽然你㧯恁多情郎行姦淫，总係这下你还想爱转来寻𠊎係么！

现代客语全罗耶利米书3:1Yî-set-lie̍t Mò Chûng-sîm Song-chú kóng: “Na-he nàm-ngìn lâu pû-ngiòng lì-fûn, pû-ngiòng lì-khôi kì hi lâu phe̍t-ngìn kiet-fûn, kì ngióng cho-tet chiông pû-ngiòng chai chiap chón-lòi nè? Kì án-ngiòng cho chhiu voi tá-lá-sap Ngài ke thú-thi.( 6 3:1 Chhâm-kháu Sṳ̂n-min Ki 24:1-4.) Yî-set-lie̍t â, sûi-yèn ngì lâu án-tô chhìn-lòng hàng kiên-yìm, chúng-he liá-ha ngì hàn sióng-oi chón-lòi chhìm Ngài he-mò!

和合本2010版耶利米书3:2 你举目向光秃的高地观看，何处没有你的淫行呢？你坐在道路旁等候，好像阿拉伯人在旷野埋伏，你的淫行和邪恶使全地污秽了。

现代客语汉字耶利米书3:2你昂头看该兜光光个山！敢能寻到一垤你毋识打垃圾个土地么？你坐在路堘等情郎，就像阿拉伯人在旷野伏等爱抢劫一样。你个淫乱㧯邪恶已经打垃圾土地；

现代客语全罗耶利米书3:2 Ngì ngo-thèu khon ke-têu kông-kông ke sân! Kám nèn chhìm-tó yit-te ngì m̀-sṳt tá-lá-sap ke thú-thi mò? Ngì chhô chhai lu-sùn tén chhìn-lòng, chhiu-chhiong Â-lâ-pak-ngìn chhai khóng-yâ phu̍k-tén oi chhióng-kiap yit-yong. Ngì ke yìm-lon lâu sià-ok yí-kîn tá-lá-sap thú-thi;

和合本2010版耶利米书3:3 因此甘霖停止，春雨不降。你还是一副娼妓之脸，不顾羞耻。

现代客语汉字耶利米书3:3所以甘霖停止，春雨毋落。你还係有一副妓女个样像，完全毋知见笑。

现代客语全罗耶利米书3:3 só-yî kâm-lìm thìn-chṳ́, chhûn-yí m̀-lo̍k. Ngì hàn-he yû yit-fu kî-ńg ke yong-siong, vàn-chhiòn m̀-tî kien-seu.

和合本2010版耶利米书3:4 你不是才向我呼叫说：『我父啊，你是我年轻时的密友，

现代客语汉字耶利米书3:4「以色列啊，这下你反转对𠊎讲：『你係𠊎个阿爸，对𠊎后生个时你就痛惜𠊎。

现代客语全罗耶利米书3:4 “Yî-set-lie̍t â, liá-ha ngì fán-chón tui Ngài kóng: ‘Ngì he ngài ke â-pâ, tui ngài heu-sâng ke sṳ̀ Ngì chhiu thung-siak ngài.

和合本2010版耶利米书3:5 人岂永远怀恨，长久存怒吗？』看哪，你虽这样说，还是竭尽所能去行恶。」

现代客语汉字耶利米书3:5你敢会对𠊎发谴到永久吗？』这係你所讲个话，总係你还一直尽命做坏事。」以色列㧯犹大爱悔改

现代客语全罗耶利米书3:5 Ngì kám voi tui ngài fat-khién to yún-kiú mâ?’ Liá he ngì só kóng ke fa, chúng-he ngì hàn yit-chhṳ̍t chhin-miang cho fái-sṳ.” Yî-set-lie̍t lâu Yù-thai Oi Fí-kói

和合本2010版耶利米书3:6以色列和犹大应当悔改 约西亚王在位的时候，耶和华对我说：「你看见背道的以色列所做的吗？她上到各高山，在各青翠的树下行淫。

现代客语汉字耶利米书3:6约西亚做犹大王个时，上主对𠊎讲：「你看到该无贞节个以色列所行个么？姖上到逐座高山顶，在逐头大树下行姦淫。

现代客语全罗耶利米书3:6 Yok-sî-â cho Yù-thai-vòng ke sṳ̀, Song-chú tui ngài kóng: “Ngì khon-tó ke mò chṳ̂n-chiet ke Yî-set-lie̍t só-hàng ke mò? Kì sông-to tak-chho kô-sân táng, chhai tak-thèu thai-su hâ hàng kiên-yìm.

和合本2010版耶利米书3:7 我说：『她行这些事以后会回转归向我』，她却不回转。她奸诈的妹妹犹大也看见了。

现代客语汉字耶利米书3:7𠊎恅到，姖做这一切以后，会转到𠊎这位来；总係姖无转来；姖无贞节个姊妹犹大也看到了。

现代客语全罗耶利米书3:7 Ngài láu-tó, kì cho liá yit-chhiet yî-heu, voi chón-to Ngài liá-vi lòi; chúng-he kì mò chón-lòi; kì mò chṳ̂n-chiet ke chí-moi Yù-thai ya khon-tó lé.

和合本2010版耶利米书3:8 我看见背道的以色列行淫，我为这缘故给她休书休了她，她奸诈的妹妹犹大还不惧怕，也去行淫。

现代客语汉字耶利米书3:8𠊎离掉无贞节个以色列，给姖离婚证书，因为姖行姦淫；该无贞节个姊妹犹大看到，总係姖并毋惊，还係去行姦淫，

现代客语全罗耶利米书3:8 Ngài lì-thet mò chṳ̂n-chiet ke Yî-set-lie̍t, pûn kì lì-fûn chṳn-sû, yîn-vi kì hàng kiên-yìm; ke mò chṳ̂n-chiet ke chí-moi Yù-thai khon-tó, chúng-he kì pin m̀-kiâng, hàn-he hi hàng kiên-yìm,

和合本2010版耶利米书3:9 因以色列轻忽了她的淫乱，与石头和木头行姦淫( [ 3.9] 「与石头和木头行姦淫」意思是「拜石头和木头」。)，她和这地就都污秽了( [ 3.9] 「她和…污秽了」：原文另译「她就使这地污秽了」。)。

现代客语汉字耶利米书3:9一些仔都无感觉见笑。姖打垃圾土地；姖拜石头、树仔，对𠊎无守贞节。

现代客语全罗耶利米书3:9 yit-si̍t-é tû mò kám-kok kien-seu. Kì tá-lá-sap thú-thi; kì pai sa̍k-thèu, su-é, tui Ngài mò sú chṳ̂n-chiet.

和合本2010版耶利米书3:10 虽有这一切的事，她奸诈的妹妹犹大还不一心归向我，不过是假意归我。这是耶和华说的。」

现代客语汉字耶利米书3:10做这一切以后，以色列无贞节个姊妹犹大诈意转来，毋係真心爱归向𠊎。𠊎—上主恁样宣布了。」

现代客语全罗耶利米书3:10 Cho liá yit-chhiet yî-heu, Yî-set-lie̍t mò chṳ̂n-chiet ke chí-moi Yù-thai cha-yi chón-lòi, m̀-he chṳ̂n-sîm oi kûi-hiong Ngài. Ngài — Song-chú án-ngiòng siên-pu lé.”

和合本2010版耶利米书3:11 耶和华对我说：「背道的以色列比奸诈的犹大还显为义。

现代客语汉字耶利米书3:11上主又㧯𠊎讲，以色列虽然无贞节，总係比无贞节个犹大有较好兜仔。

现代客语全罗耶利米书3:11 Song-chú yu lâu ngài kóng, Yî-set-lie̍t sûi-yèn mò chṳ̂n-chiet, chúng-he pí mò chṳ̂n-chiet ke Yù-thai yû kha-hó têu-é.

和合本2010版耶利米书3:12 你去向北方宣告这些话，说：『背道的以色列啊，回来吧！这是耶和华说的。我必不怒目看你们，因为我是慈爱的，这是耶和华说的。我必不永远怀怒；

现代客语汉字耶利米书3:12所以，上主命令𠊎到北方，去向以色列讲：「对𠊎无忠心个以色列啊，转到𠊎这位来！𠊎毋会对你变面，𠊎对你个痛惜无改变；𠊎毋会永久向你发谴。

现代客语全罗耶利米书3:12 Só-yî, Song-chú min-lin ngài to pet-fông, hi hiong Yî-set-lie̍t kóng: “Tui Ngài mò chûng-sîm ke Yî-set-lie̍t â, chón-to Ngài liá-vi lòi! Ngài m̀-voi tui ngì pien-mien, Ngài tui ngì ke thung-siak mò kói-pien; Ngài m̀-voi yún-kiú hiong ngì fat-khién.

和合本2010版耶利米书3:13 只要承认你的罪孽，就是违背耶和华－你的上帝，在各青翠的树下追逐外族的神明( [ 3.13] 「外族的神明」：原文是「外族」。)，没有听从我的话。这是耶和华说的。

现代客语汉字耶利米书3:13你定着爱承认自家个罪过，承认你得罪上主—你个上帝，识照自家个意思走来走去，在逐头大树下拜外国个神明，违背𠊎个命令。𠊎—上主恁样宣布了。」

现代客语全罗耶利米书3:13 Ngì thin-chho̍k oi sṳ̀n-ngin chhṳ-kâ ke chhui-ko, sṳ̀n-ngin ngì tet-chhui Song-chú — ngì ke Song-ti, sṳt cheu chhṳ-kâ ke yi-sṳ chéu-lòi chéu-hi, chhai tak-thèu thai-su hâ pai ngoi-koet ke sṳ̀n-mìn, vì-poi Ngài ke min-lin. Ngài — Song-chú án-ngiòng siên-pu lé.”

和合本2010版耶利米书3:14 背道的儿女啊，回来吧！这是耶和华说的。因为我作你们的丈夫，要将你们从一城取一人，从一族取两人，带到锡安。

现代客语汉字耶利米书3:14上主讲：「对𠊎无忠心个子民啊，倒转来！𠊎係你等个老公。𠊎爱对你等个逐只城选出一侪，每宗族选出两侪，带转锡安去。

现代客语全罗耶利米书3:14 Song-chú kóng: “Tui Ngài mò chûng-sîm ke chṳ́-mìn â, to-chón-lòi! Ngài he ngì-têu ke ló-kûng. Ngài oi tui ngì-têu ke tak-chak sàng sién-chhut yit-sà, mî chûng-chhu̍k sién-chhut lióng-sà, tai-chón Siak-ôn hi.

和合本2010版耶利米书3:15 「『我必将合我心意的牧者赏赐给你们，他们要以知识和智慧牧养你们。

现代客语汉字耶利米书3:15𠊎爱赐给你等合𠊎心意个统治者，佢等会用聪明㧯智慧来统治你等。

现代客语全罗耶利米书3:15 Ngài oi su-pûn ngì-têu ha̍p Ngài sîm-yi ke thúng-chhṳ-chá, kì-têu voi yung chhûng-mìn lâu chṳ-fi lòi thúng-chhṳ ngì-têu.

和合本2010版耶利米书3:16 你们在国中生养众多的时候，那些日子，人必不再提说耶和华的约柜，不追想，不记念，不觉缺少，也不再製造。这是耶和华说的。

现代客语汉字耶利米书3:16到你等在这垤土地上生养众多个时，人民毋会再提起𠊎—上主个约柜，毋使再想到，也毋使再纪念。佢等已经无需要约柜，也毋使另外製造。

现代客语全罗耶利米书3:16 To ngì-têu chhai liá-te thú-thi song sên-yông chung-tô ke sṳ̀, ngìn-mìn m̀-voi chai thì-hí Ngài — Song-chú ke yok-khui, m̀-sṳ́ chai sióng-tó, ya m̀-sṳ́ chai ki-ngiam. Kì-têu yí-kîn mò sî-yeu yok-khui, ya m̀-sṳ́ nang-ngoi chṳ-chho.

和合本2010版耶利米书3:17 那时，人必称耶路撒冷为耶和华的宝座；万国聚集在那裏，为耶和华的名来到耶路撒冷，他们必不再随从自己顽梗的恶心行事。

现代客语汉字耶利米书3:17到该时，佢等会称耶路撒冷做『上主个宝座』；万国万民全部会聚集在该位敬拜𠊎。佢等毋会再硬颈照邪恶个心去行事。

现代客语全罗耶利米书3:17 To ke-sṳ̀, kì-têu voi chhṳ̂n Yâ-lu-sat-lâng cho ‘Song-chú ke Pó-chho’; van-koet van-mìn chhiòn-phu voi chhi-si̍p chhai ke-vi kin-pai Ngài. Kì-têu m̀-voi chai ngang-kiáng cheu sià-ok ke sîm hi hàng-sṳ.

和合本2010版耶利米书3:18 当那些日子，犹大家要和以色列家同行，从北方之地一同来到我所赐给你们祖先为业之地。』」

现代客语汉字耶利米书3:18该时，以色列会㧯犹大联合；佢等会共下对北方转到𠊎赐给你等祖先做产业个土地。」上帝个子民拜偶像

现代客语全罗耶利米书3:18 Ke-sṳ̀, Yî-set-lie̍t voi lâu Yù-thai lièn-ha̍p; kì-têu voi khiung-ha tui pet-fông chón-to Ngài su-pûn ngì-têu chú-siên cho sán-ngia̍p ke thú-thi.” Song-ti ke Chṳ́-mìn Pai Ngiéu-siong

和合本2010版耶利米书3:19上帝的子民拜偶像「我说，我多么乐意把你列在儿女之中，赐给你美地，就是万国中最美的产业。我说，你会以『我父啊』称呼我，不再转离而跟从我。

现代客语汉字耶利米书3:19上主讲：以色列啊，𠊎乐意认你做孻仔，将全世界最好个土地—该尽肥个，赐给你做产业。𠊎恅到你定着会喊𠊎「阿爸」，永远毋会再悖逆𠊎。

现代客语全罗耶利米书3:19 Song-chú kóng:Yî-set-lie̍t â, Ngài lo̍k-yi ngin ngì cho lai-é,chiông chhiòn sṳ-kie chui-hó ke thú-thi —ke chhin-phì ke, su-pûn ngì cho sán-ngia̍p.Ngài láu-tó ngì thin-chho̍k voi ham Ngài “Â-pâ”,yún-yén m̀-voi chai phoi-ngia̍k Ngài.

和合本2010版耶利米书3:20 以色列家啊，你们向我行诡诈，真像妻子行诡诈离开丈夫。这是耶和华说的。」

现代客语汉字耶利米书3:20总係你对𠊎无忠心，像无贞节个𡜵娘跈人走。𠊎—上主恁样宣布了。

现代客语全罗耶利米书3:20 Chúng-he ngì tui Ngài mò chûng-sîm,chhiong mò chṳ̂n-chiet ke pû-ngiòng thèn-ngìn chéu.Ngài — Song-chú án-ngiòng siên-pu lé.

和合本2010版耶利米书3:21 有声音从光秃的高地传来，就是以色列人哭泣恳求的声音，因为他们走弯曲之道，忘记耶和华－他们的上帝。

现代客语汉字耶利米书3:21听啊，光光个山顶有求喊声，係以色列人噭吱哀求个声音；因为佢等偏离正路，毋记得上主—佢等个上帝。

现代客语全罗耶利米书3:21 Thâng â, kông-kông ke sân-táng yû khiù-ham sâng,he Yî-set-lie̍t-ngìn kieu-chṳ̂ ôi-khiù ke sâng-yîm;yîn-vi kì-têu phiên-lì chṳn-lu,m̀ ki-tet Song-chú — kì-têu ke Song-ti.

和合本2010版耶利米书3:22 「你们这背道的儿女啊，回来吧！我要医治你们背道的病。」「看哪，我们来到你这裏，因你是耶和华－我们的上帝。

现代客语汉字耶利米书3:22你等无忠心个人啊，倒转来！𠊎—上主爱医治你等，使你等毋会再悖逆。你等应讲：「係哦！𠊎等爱转到上主该位，因为佢係𠊎等个上帝。

现代客语全罗耶利米书3:22 Ngì-têu mò chûng-sîm ke ngìn â, to-chón-lòi!Ngài — Song-chú oi yî-chhṳ ngì-têu, sṳ́ ngì-têu m̀-voi chai phoi-ngia̍k. Ngì-têu en-kóng: “He ô! Ngài-têu oi chón-to Song-chú ke-vi, yîn-vi Kì he ngài-têu ke Song-ti.

和合本2010版耶利米书3:23 从小山来的真是枉然，大山的喧嚷也是枉然( [ 3.23] 小山和大山是拜偶像的地方。)。以色列得救，诚然在乎耶和华－我们的上帝。

现代客语汉字耶利米书3:23𠊎等在大山㧯细山顶拜偶像，事实上无得到一些仔帮助。只有上主—𠊎等个上帝正能拯救以色列。

现代客语全罗耶利米书3:23 Ngài-têu chhai thai-sân lâu se-sân táng pai ngiéu-siong, sṳ-sṳ̍t-song mò tet-tó yit-si̍t-é pông-chhu. Chṳ́-yû Song-chú — ngài-têu ke Song-ti chang nèn chṳ́n-kiu Yî-set-lie̍t.

和合本2010版耶利米书3:24 「从我们幼年以来，那可耻之物( [ 3.24] 「那可耻之物」就是「偶像」。)吞吃了我们祖先劳碌得来的，就是他们的羊羣、牛羣和他们的儿女。

现代客语汉字耶利米书3:24总係𠊎等从细拜巴力—该见笑个偶像，所以𠊎等个羊群、牛群、子女，就係𠊎等祖先自古以来劳碌建立个家业全部了净净。

现代客语全罗耶利米书3:24 Chúng-he ngài-têu chhiùng-se pai Pâ-li̍t — ke kien-seu ke ngiéu-siong, só-yî ngài-têu ke yòng-khiùn, ngiù-khiùn, chṳ́-ńg, chhiu-he ngài-têu chú-siên chhṳ-kú yî-lòi lò-luk kien-li̍p ke kâ-ngia̍p chhiòn-phu liáu chhiang-chhiang.

和合本2010版耶利米书3:25 我们在羞耻中躺卧吧！愿惭愧将我们遮盖！因为从我们幼年以来，我们和我们的祖先都得罪了耶和华－我们的上帝，没有听从耶和华－我们上帝的话。」

现代客语汉字耶利米书3:25𠊎等应该见笑到横落去，用羞耻来遮身。𠊎等㧯𠊎等个祖先长透得罪上主—𠊎等个上帝；𠊎等一直毋听从上主—𠊎等上帝个命令。」

现代客语全罗耶利米书3:25 Ngài-têu yin-kôi kien-seu to vang lo̍k-hi, yung siû-chhṳ́ lòi châ-sṳ̂n. Ngài-têu lâu ngài-têu ke chú-siên chhòng-theu tet-chhui Song-chú — ngài-têu ke Song-ti; ngài-têu yit-chhṳ̍t m̀ thâng-chhiùng Song-chú — ngài-têu Song-ti ke min-lin.”