耶利米书第31章客家话和合本对照

相关章：

快速到节：

书卷列表：

和合本2010版耶利米书31:1以色列人回乡耶和华说：「那时，我必作以色列各家的上帝，他们必作我的子民。」

现代客语汉字耶利米书31:1以色列人转故乡上主恁样讲：「到该时，𠊎爱做以色列逐族个上帝；佢等爱做𠊎个子民。

现代客语全罗耶利米书31:1Yî-set-lie̍t-ngìn Chón Ku-hiông Song-chú án-ngiòng kóng: “To ke-sṳ̀, Ngài oi cho Yî-set-lie̍t tak-chhu̍k ke Song-ti; kì-têu oi cho Ngài ke chṳ́-mìn.

和合本2010版耶利米书31:2 耶和华如此说：「从刀剑生还的百姓在旷野蒙恩；以色列寻找安歇之处。」

现代客语汉字耶利米书31:2在旷野，𠊎怜悯该兜无被刀剑㓾死个人。在以色列人尽想安息个时，

现代客语全罗耶利米书31:2 Chhai khóng-yâ, Ngài lìn-mén ke-têu mò pûn tô-kiam chhṳ̀-sí ke ngìn. Chhai Yî-set-lie̍t-ngìn chhin-sióng ôn-sit ke sṳ̀,

和合本2010版耶利米书31:3 耶和华从远方向我显现：「我以永远的爱爱你，因此，我以慈爱吸引你。」

现代客语汉字耶利米书31:3𠊎对远远个地方(5131:3「远远个地方」抑係译做「古时」。)向佢等(5231:3「佢等」係根据一古译本，希伯来文係「𠊎」。)显现。以色列人啊，𠊎永远痛惜你等，𠊎还爱用不变个慈爱痛惜你等。

现代客语全罗耶利米书31:3 Ngài tui yén-yén ke thi-fông( 51 31:3 “yén-yén ke thi-fông” ya-he yi̍t-cho “kú-sṳ̀”.) hiong kì-têu( 52 31:3 “kì-têu” he kîn-kí yit kú yi̍t-pún, Hî-pak-lòi-vùn he “ngài”.) hién-hien. Yî-set-lie̍t-ngìn â, Ngài yún-yén thung-siak ngì-têu, Ngài hàn oi yung put-pien ke chhṳ̀-oi thung-siak ngì-têu.

和合本2010版耶利米书31:4 少女以色列啊，我要再建立你，你就得以建立；你必再拿起手鼓，随着欢乐的舞者而出。

现代客语汉字耶利米书31:4𠊎爱重新建立你等。你等会再拿起铃鼓，大声唱歌跳舞。

现代客语全罗耶利米书31:4 Ngài oi chhùng-sîn kien-li̍p ngì-têu. Ngì-têu voi chai nâ-hí lìn-kú, thai-sâng chhong-kô thiau-vú.

和合本2010版耶利米书31:5 你必在撒玛利亚的山上栽葡萄园，栽种的人栽种，而且享用。

现代客语汉字耶利米书31:5你等会在撒马利亚个山顶重新种葡萄；种个人会享受到园肚个出产。

现代客语全罗耶利米书31:5 Ngì-têu voi chhai Sat-mâ-li-â ke sân-táng chhùng-sîn chung phù-thò; chung ke ngìn voi hióng-su tó yèn-tú ke chhut-sán.

和合本2010版耶利米书31:6 日子将到，守望的人必在以法莲山上呼叫：「起来吧！我们要上锡安，到耶和华－我们的上帝那裏去。」

现代客语汉字耶利米书31:6有一日，守望个人会在以法莲山顶大声喊：『来噢！𠊎等到锡安去朝见上主—𠊎等个上帝。』」

现代客语全罗耶利米书31:6 Yû yit-ngit, sú-mong ke ngìn voi chhai Yî-fap-lièn sân-táng thai-sâng hêm: ‘Lòi ô! Ngài-têu to Siak-ôn hi chhèu-kien Song-chú — ngài-têu ke Song-ti.’ ”

和合本2010版耶利米书31:7 耶和华如此说：「你们当为雅各欢乐歌唱，为万国中为首的欢呼。当传扬，颂讚说：『耶和华啊，求你拯救你的百姓( [ 31.7] 「耶和华啊…你的百姓」：七十士译本是「主已拯救他的百姓」。)，拯救以色列的余民。』

现代客语汉字耶利米书31:7上主恁样讲：你等爱为以色列大声唱歌，为最伟大个国家大声尽喊，你等爱唱颂讚个歌讲：「上主啊，求你拯救你个子民，就係以色列賸到个人民。」

现代客语全罗耶利米书31:7 Song-chú án-ngiòng kóng:Ngì-têu oi vi Yî-set-lie̍t thai-sâng chhong-kô,vi chui ví-thai ke koet-kâ thai-sâng chhin-hêm,ngì-têu oi chhong siung-chan ke kô kóng:“Song-chú â, khiù Ngì chṳ́n-kiu Ngì ke chṳ́-mìn,chhiu-he Yî-set-lie̍t chhûn-tó ke ngìn-mìn.”

和合本2010版耶利米书31:8 看哪，我必将他们从北方之地领来，从地极召集而来；同他们来的有盲人、瘸子、孕妇、产妇；他们必成羣结队回到这裏。

现代客语汉字耶利米书31:8看啊，𠊎爱对北方将佢等带转来，对天涯海角将佢等聚集起来。瞙目个、跛脚个、有身项个、𫱔细人仔个，也全部会弛岗打阵共下转来。

现代客语全罗耶利米书31:8 Khon â, Ngài oi tui pet-fông chiông kì-têu tai chón-lòi,tui thiên-ngài hói-kok chiông kì-têu chhi-si̍p hí-lòi.Mô-muk ke, pâi-kiok ke, yû sṳ̂n-hong ke, kiung se-ngìn-è ke,ya chhiòn-phu voi yê-kông tá-chhṳn khiung-ha chón-lòi.

和合本2010版耶利米书31:9 他们要哭泣而来。我要照他们恳求的引导他们，使他们在河水旁行走正直的路，他们在其上必不致绊跌；因为我是以色列的父，以法莲是我的长子。

现代客语汉字耶利米书31:9看啊，𠊎个子民会一路噭等转来；佢等会跈等𠊎行，透路祈祷。𠊎爱带佢等经过溪水边，𢱋佢等行平平个直路，使佢等毋会跌倒。𠊎係以色列个阿爸；以法莲係𠊎个长子。

现代客语全罗耶利米书31:9 Khon â, Ngài ke chṳ́-mìn voi yit-lu kieu-tén chón-lòi;kì-têu voi thèn-tén Ngài hàng, theu-lu khì-tó.Ngài oi tai kì-têu kîn-ko hâi-súi piên,thu kì-têu hàng phiàng-phiàng ke chhṳ̍t-lu,sṳ́ kì-têu m̀-voi tiet-tó.Ngài he Yî-set-lie̍t ke â-pâ;Yî-fap-lièn he Ngài ke chóng-chṳ́.

和合本2010版耶利米书31:10 列国啊，要听耶和华的话，要在远方的海岛传扬，说：「赶散以色列的必召集他，看守他，如牧人看守羊羣。」

现代客语汉字耶利米书31:10上主讲：万国啊，你等爱注意听𠊎个话，你等爱在远远个海岛传𠊎个话。𠊎逐散以色列—𠊎个子民，总係𠊎爱再聚集佢等；𠊎爱保护佢等，像牧人保护羊群。

现代客语全罗耶利米书31:10 Song-chú kóng:Van-koet â, ngì-têu oi chu-yi thâng Ngài ke fa,ngì-têu oi chhai yén-yén ke hói-tó chhòn Ngài ke fa.Ngài kiuk-san Yî-set-lie̍t — Ngài ke chṳ́-mìn,chúng-he Ngài oi chai chhi-si̍p kì-têu;Ngài oi pó-fu kì-têu, chhiong mu̍k-ngìn pó-fu yòng-khiùn.

和合本2010版耶利米书31:11 因为耶和华救赎了雅各，救赎他脱离比他更强之人的手。

现代客语汉字耶利米书31:11𠊎爱救赎雅各个后代，对强国手中将佢等救出来。

现代客语全罗耶利米书31:11 Ngài oi kiu-su̍k Ngâ-kok ke heu-thoi,tui khiòng-koet sú-chûng chiông kì-têu kiu chhut-lòi.

和合本2010版耶利米书31:12 他们来到锡安的高处歌唱，因耶和华的宏恩而喜乐洋溢，就是五穀、新酒和新的油，并羔羊和牛犊。他们必像有水浇灌的园子，一点也不再有愁烦。

现代客语汉字耶利米书31:12佢等会转来，在锡安山顶欢喜唱歌；佢等会满面欢喜，享受𠊎丰富个恩惠：就係五榖、新酒、橄榄油、牛羊。佢等会像水源充足个田园；毋会再愁么介、欠么介。

现代客语全罗耶利米书31:12 Kì-têu voi chón-lòi, chhai Siak-ôn sân-táng fôn-hí chhong-kô;kì-têu voi mân-mien fôn-hí, hióng-su Ngài fûng-fu ke ên-fi:Chhiu-he ńg-kuk, sîn-chiú, kám-lám-yù, ngiù-yòng.Kì-têu voi chhiong súi-ngièn chhûng-chiuk ke thièn-yèn;m̀-voi chai sèu má-ke, khiam má-ke.

和合本2010版耶利米书31:13 那时，少女必欢乐跳舞；年轻的、年老的，都一同欢乐；因为我要使他们的悲哀变为欢喜，并要安慰他们，使他们的愁烦转为喜乐。

现代客语汉字耶利米书31:13该时，细妹仔会欢喜跳舞；老人家㧯后生人会共下快乐。𠊎爱使佢等个悲伤变做欢喜，𠊎爱安慰佢等，使佢等个忧愁变做快乐。

现代客语全罗耶利米书31:13 Ke-sṳ̀, se-moi-é voi fôn-hí thiau-vú;ló-ngìn-kâ lâu heu-sâng-ngìn voi khiung-ha khoai-lo̍k.Ngài oi sṳ́ kì-têu ke pî-sông pien-cho fôn-hí,Ngài oi ôn-ví kì-têu, sṳ́ kì-têu ke yù-sèu pien-cho khoai-lo̍k.

和合本2010版耶利米书31:14 我必以肥油使祭司的心满足，我的百姓也要因我的恩惠知足。这是耶和华说的。

现代客语汉字耶利米书31:14𠊎爱使该兜祭司有丰足个食物，心满意足；𠊎爱使𠊎个子民全无欠缺。𠊎—上主恁样宣布了。

现代客语全罗耶利米书31:14 Ngài oi sṳ́ ke-têu chi-sṳ̂ yû fûng-chiuk ke sṳ̍t-vu̍t, sîm-mân yi-chiuk;Ngài oi sṳ́ Ngài ke chṳ́-mìn chhiòn mò khiam-khiet.Ngài — Song-chú án-ngiòng siên-pu lé.

和合本2010版耶利米书31:15耶和华怜悯以色列耶和华如此说：「在拉玛听见号咷痛哭的声音，是拉结哭她儿女，不肯因她儿女受安慰，因为他们都不在了。」

现代客语汉字耶利米书31:15上主怜悯以色列上主恁样讲：在拉玛有听到哕天哕地个噭声；係蕾洁为姖个子女大噭，毋肯接受安慰，因为佢等全部无掉去了。

现代客语全罗耶利米书31:15Song-chú Lìn-mén Yî-set-lie̍t Song-chú án-ngiòng kóng:Chhai Lâ-mâ yû thâng-tó ve-thiên ve-thi ke kieu-sâng;he Lùi-kiet vi kì ke chṳ́-ńg thai-kieu, m̀-hén chiap-su ôn-ví,yîn-vi kì-têu chhiòn-phu mò-thet-hi lé.

和合本2010版耶利米书31:16 耶和华如此说：「不要出声哀哭，你的眼目也不要流泪；因你的辛劳必有报偿，他们必从仇敌之地归回。这是耶和华说的。

现代客语汉字耶利米书31:16上主恁样讲：毋好噭了！拭燥目汁！你个辛苦会得到报赏；佢等会对敌人个国家转来。

现代客语全罗耶利米书31:16 Song-chú án-ngiòng kóng:M̀-hó kieu lé! Chhu̍t-châu muk-chṳp!Ngì ke sîn-khú voi tet-tó po-sóng;kì-têu voi tui thi̍t-ngìn ke koet-kâ chón-lòi.

和合本2010版耶利米书31:17 你末后必有指望，你的儿女必回到自己的疆土。这是耶和华说的。

现代客语汉字耶利米书31:17你个前途充满希望；你个子女会转来故乡。𠊎—上主恁样宣布了。

现代客语全罗耶利米书31:17 Ngì ke chhièn-thù chhûng-mân hî-mong;ngì ke chṳ́-ńg voi chón-lòi ku-hiông.Ngài — Song-chú án-ngiòng siên-pu lé.

和合本2010版耶利米书31:18 我听见以法莲为自己悲叹说：『你管教我，我便受管教，我如未驯服的牛犊。求你使我回转，我便回转，因为你是耶和华－我的上帝。

现代客语汉字耶利米书31:18𠊎听到以法莲(5331:18「以法莲」指到北国以色列人，20节共样。)悲伤讲：上主啊，𠊎等就像吂教乖个细牛牯，总係你训练𠊎等，使𠊎等顺服。求你带𠊎等转来，𠊎等爱归向你，因为你係上主—𠊎等个上帝。

现代客语全罗耶利米书31:18 Ngài thâng-tó Yî-fap-lièn( 53 31:18 “Yî-fap-lièn” chṳ́-to pet-koet Yî-set-lie̍t-ngìn, 20 chiet khiung-yong.) pî-sông kóng:Song-chú â, ngài-têu chhiu-chhiong màng kâu-koâi ke se ngiù-kú,chúng-he Ngì hiun-lien ngài-têu, sṳ́ ngài-têu sun-fu̍k.Khiù Ngì tai ngài-têu chón-lòi, ngài-têu oi kûi-hiong Ngì,yîn-vi Ngì he Song-chú — ngài-têu ke Song-ti.

和合本2010版耶利米书31:19 我背离以后就懊悔，受教以后就捶胸( [ 31.19] 「捶胸」：原文直译「拍腿」，表示苦恼和悲伤。)；我因担当年轻时的凌辱就抱愧蒙羞。』

现代客语汉字耶利米书31:19虽然𠊎等悖逆离开你，𠊎等即时就想爱回头。你个管教使𠊎等后悔，悲伤到捶心肝；𠊎等因为后生时个罪感觉尽见笑、受到侮辱。

现代客语全罗耶利米书31:19 Sûi-yèn ngài-têu phoi-ngia̍k lì-khôi Ngì,ngài-têu chit-sṳ̀ chhiu sióng-oi fì-thèu.Ngì ke kón-kau sṳ́ ngài-têu heu-fí, pî-sông to chhùi sîm-kôn;ngài-têu yîn-vi heu-sâng sṳ̀ ke chhui kám-kok chhin kien-seu, su-tó vú-yu̍k.

和合本2010版耶利米书31:20 以法莲是我的爱子吗？是我喜欢的孩子吗？我每逢责备他，仍深顾念他。因此，我的心肠牵挂着他，我必要怜悯他。这是耶和华说的。

现代客语汉字耶利米书31:20上主讲：以法莲啊，你係𠊎最惜个孻仔，係𠊎个心肝宝贝。𠊎逐摆责备你，还係尽顾念你(5431:20「𠊎逐摆…顾念你」抑係译做「逐摆提起你个名，𠊎个心就挂吊等你」。)。𠊎惜你惜入骨；𠊎一定会怜悯你。

现代客语全罗耶利米书31:20 Song-chú kóng:Yî-fap-lièn â, Ngì he Ngài chui-siak ke lai-é,he Ngài ke sîm-kôn pó-pi.Ngài tak-pái chit-phi ngì,hàn-he chhin ku-ngiam ngì( 54 31:20 “Ngài tak-pái ... ku-ngiam ngì” ya-he yi̍t-cho “Tak-pái thì-hí ngì ke miàng, Ngài ke sîm chhiu koa-tiau tén ngì”.).Ngài siak ngì siak ngi̍p-kut;Ngài yit-thin voi lìn-mén ngì.

和合本2010版耶利米书31:21 少女以色列啊，当为自己设立路标，为自己竖起指路牌。要留心向着大道，就是你曾走过的路；你当回转，回到你自己的城镇。

现代客语汉字耶利米书31:21你爱插好指路标，顿好路牌；你爱寻你行过个该条大路。𠊎所惜个以色列人啊，好转来了！转到你等个故乡！

现代客语全罗耶利米书31:21 Ngì oi chhap-hó chṳ́-lu-phêu, tun-hó lu-phài;ngì oi chhìm ngì hàng-ko ke ke-thiàu thai-lu.Ngài só siak ke Yî-set-lie̍t-ngìn â, hó chón-lòi lé!Chón-to ngì-têu ke ku-hiông!

和合本2010版耶利米书31:22 背道的女子啊，你翻来覆去要到几时呢？耶和华在地上造了一件新事，就是女子护卫男子。」

现代客语汉字耶利米书31:22悖逆个人啊，你捩去捩转爱到几时呢？𠊎在地上行一项新个事：妇女爱保护男人。

现代客语全罗耶利米书31:22 Phoi-ngia̍k ke ngìn â, ngì lit hi lit chón oi to kí-sṳ̀ nè?Ngài chhai thi-song hàng yit-hong sîn ke sṳ:Fu-ńg oi pó-fu nàm-ngìn.

和合本2010版耶利米书31:23上帝子民光明的前途万军之耶和华－以色列的上帝如此说：「我使被掳之人归回的时候，他们在犹大地和其中的城镇必再这样说：公义的居所啊，圣山哪，愿耶和华赐福给你。

现代客语汉字耶利米书31:23上帝子民个光明前途上主—万军个元帅、以色列个上帝恁样讲：「𠊎俾捉来个子民转到故乡个时，佢等会在犹大国内逐只城市再讲：『公义个住所，锡安圣山啊，愿上主赐福给你。』

现代客语全罗耶利米书31:23Song-ti Chṳ́-mìn ke Kông-mìn Chhièn-thù Song-chú — Van-kiûn ke Ngièn-soi, Yî-set-lie̍t ke Song-ti án-ngiòng kóng: “Ngài pûn chok-lòi ke chṳ́-mìn chón-to ku-hiông ke sṳ̀, kì-têu voi chhai Yù-thai koet-nui tak-chak sàng-sṳ chai kóng:‘Kûng-ngi ke chhu-só, Siak-ôn sṳn-sân â,ngien Song-chú su-fuk pûn ngì.’

和合本2010版耶利米书31:24 犹大和犹大城镇的人，耕地的和带着羣畜游牧的人，都要一同住在其中。

现代客语汉字耶利米书31:24犹大个土地㧯国内逐只城市将来会有尽多个农民、㧯带等羊群个牧羊人共下住在该位。

现代客语全罗耶利米书31:24 Yù-thai ke thú-thi lâu koet-nui tak-chak sàng-sṳ chiông-lòi voi yû chhin-tô ke nùng-mìn, lâu tai-tén yòng-khiùn ke mu̍k-yòng-ngìn khiung-ha he̍t chhai ke-vi.

和合本2010版耶利米书31:25 疲乏的人，我使他振作；愁烦的人，我使他满足。」

现代客语汉字耶利米书31:25𠊎爱使痶个人精神恢复，使忧闷个人心满意足。

现代客语全罗耶利米书31:25 Ngài oi sṳ́ thiám ke ngìn chîn-sṳ̀n fî-fu̍k, sṳ́ yù-mun ke ngìn sîm-mân yi-chiuk.

和合本2010版耶利米书31:26 于是我醒了，我看到我睡得香甜。

现代客语汉字耶利米书31:26因为恁样人民会讲(5531:26「因为…会讲」抑係译做「先知讲」。)：『𠊎睡醒个时，感觉睡到尽鬆爽。』

现代客语全罗耶利米书31:26 Yîn-vi án-ngiòng ngìn-mìn voi kóng( 55 31:26 “Yîn-vi ... voi kóng” ya-he yi̍t-cho “Siên-tî kóng”.): ‘Ngài soi-siáng ke sṳ̀, kám-kok soi-to chhin sûng-sóng.’

和合本2010版耶利米书31:27 「看哪，日子将到，我要使人的后代和牲畜的种，在以色列家和犹大家繁衍。这是耶和华说的。

现代客语汉字耶利米书31:27「𠊎—上主讲，日仔会到，𠊎爱使以色列㧯犹大个人口增加，头牲兴旺。

现代客语全罗耶利米书31:27 “Ngài — Song-chú kóng, ngit-è voi-to, Ngài oi sṳ́ Yî-set-lie̍t lâu Yù-thai ke ngìn-khiéu chen-kâ, thèu-sâng hîn-vong.

和合本2010版耶利米书31:28 我先前怎样看守他们，为要拔出、拆毁、毁坏、倾覆、苦害，也必照样看守他们，为要建立、栽植。这是耶和华说的。

现代客语汉字耶利米书31:28𠊎头摆样般用心将佢等挷掉、拆掉、推翻、破坏，并降灾；𠊎也爱样般用心栽培佢等、建立佢等。

现代客语全罗耶利米书31:28 Ngài thèu-pái ngióng-pân yung-sîm chiông kì-têu pâng-thet, chhak-thet, thûi-fân, pho-fái, pin kong-châi; Ngài ya oi ngióng-pân yung-sîm châi-phì kì-têu, kien-li̍p kì-têu.

和合本2010版耶利米书31:29 当那些日子，人不再说：『父亲吃了酸葡萄，儿子牙齿就酸倒。』

现代客语汉字耶利米书31:29该时，人毋会再讲：『爷𡟓食酸葡萄，却酸到子女个牙齿。』

现代客语全罗耶利米书31:29 Ke-sṳ̀, ngìn m̀-voi chai kóng:‘Yà-ôi sṳ̍t sôn phù-thò,sa sôn-tó chṳ́-ńg ke ngà-chhṳ́.’

和合本2010版耶利米书31:30 但各人要因自己的罪死亡；凡吃酸葡萄的，自己的牙必酸倒。

现代客语汉字耶利米书31:30反转，么人食酸葡萄，就酸到么人个牙齿；逐侪爱因为自家个罪来死。」

现代客语全罗耶利米书31:30 Fán-chón, má-ngìn sṳ̍t sôn phù-thò, chhiu sôn-tó má-ngìn ke ngà-chhṳ́; tak-sà oi yîn-vi chhṳ-kâ ke chhui lòi-sí.”

和合本2010版耶利米书31:31 「看哪，日子将到，我要与以色列家和犹大家另立新的约。这是耶和华说的。

现代客语汉字耶利米书31:31上主讲：「日仔会到，𠊎爱㧯以色列并犹大个人民立新个约。

现代客语全罗耶利米书31:31 Song-chú kóng: “Ngit-è voi-to, Ngài oi lâu Yî-set-lie̍t pin Yù-thai ke ngìn-mìn li̍p sîn ke yok.

和合本2010版耶利米书31:32 这约不像我拉着他们祖宗的手，领他们出埃及地的时候与他们所立的约。我虽作他们的丈夫，他们却背了我的约。这是耶和华说的。

现代客语汉字耶利米书31:32毋像𠊎牵等佢等祖先个手带领佢等出埃及个时，㧯佢等所立个约。在该契约中，𠊎係佢等个老公，总係佢等违背该约。

现代客语全罗耶利米书31:32 M̀-chhiong Ngài khiên-tén kì-têu chú-siên ke sú tai-liâng kì-têu chhut Âi-khi̍p ke sṳ̀, lâu kì-têu só-li̍p ke yok. Chhai ke khie-yok chûng, Ngài he kì-têu ke ló-kûng, chúng-he kì-têu vì-poi ke-yok.

和合本2010版耶利米书31:33 那些日子以后，我与以色列家所立的约是这样：我要将我的律法放在他们裏面，写在他们心上。我要作他们的上帝，他们要作我的子民。这是耶和华说的。

现代客语汉字耶利米书31:33到该日以后，𠊎爱㧯以色列人民立个新约係恁样：𠊎爱将𠊎个法律放入佢等个心肚，写在佢等个心上。𠊎爱做佢等个上帝，佢等爱做𠊎个子民。

现代客语全罗耶利米书31:33 To ke-ngit yî-heu, Ngài oi lâu Yî-set-lie̍t ngìn-mìn li̍p ke sîn-yok he án-ngiòng: Ngài oi chiông Ngài ke fap-li̍t piong-ngi̍p kì-têu ke sîm-tú, siá chhai kì-têu ke sîm-song. Ngài oi cho kì-têu ke Song-ti, kì-têu oi cho Ngài ke chṳ́-mìn.

和合本2010版耶利米书31:34 他们各人不再教导自己的邻舍和弟兄说：『你该认识耶和华』，因为他们从最小的到最大的都必认识我。我要赦免他们的罪孽，不再记得他们的罪恶。这是耶和华说的。」

现代客语汉字耶利米书31:34佢等毋会再教邻舍㧯自家个兄弟讲：『爱认识上主』，因为对最细个到最大个，佢等拢总会认识𠊎。𠊎爱赦免佢等个罪，毋会再记得佢等个过犯。𠊎—上主恁样宣布了。」

现代客语全罗耶利米书31:34 Kì-têu m̀-voi chai kâu lìn-sa lâu chhṳ-kâ ke hiûng-thi kóng: ‘Oi ngin-sṳt Song-chú’, yîn-vi tui chui-se ke to chui-thai ke, kì-têu lûng-chúng voi ngin-sṳt Ngài. Ngài oi sa-miên kì-têu ke chhui, m̀-voi chai ki-tet kì-têu ke ko-fam. Ngài — Song-chú án-ngiòng siên-pu lé.”

和合本2010版耶利米书31:35 耶和华使太阳白昼发光，按定例使月亮和星辰照耀黑夜，又搅动大海，使海中波浪澎湃，万军之耶和华是他的名，他如此说：

现代客语汉字耶利米书31:35上主指定日头在日时头发光，派月光星仔做暗晡头个光。佢搅动大海，使海浪吼吼滚。佢个名係上主—万军个元帅。

现代客语全罗耶利米书31:35 Song-chú chṳ́-thin ngit-thèu chhai ngit-sṳ̀-thèu fat-kông,phai ngie̍t-kông sên-é cho am-pû-thèu ke kông.Kì kiâu-thûng thai-hói, sṳ́ hói-long ho-ho-kún.Kì ke miàng he Song-chú — Van-kiûn ke Ngièn-soi.

和合本2010版耶利米书31:36 「这些定例若能在我面前废掉，以色列的后裔才会在我面前断绝，永远不再成国。这是耶和华说的。」

现代客语汉字耶利米书31:36佢讲：若係这兜定律在𠊎面前废掉，以色列个后代也就在𠊎面前永远毋会成做国家。

现代客语全罗耶利米书31:36 Kì kóng: Na-he liá-têu thin-li̍t chhai Ngài mien-chhièn fi-thet,Yî-set-lie̍t ke heu-thoi ya chhiu chhai Ngài mien-chhiènyún-yén m̀-voi sàng-cho koet-kâ.

和合本2010版耶利米书31:37 耶和华如此说：「若有人能测量上面的天，探索下面地的根基，我才会因以色列后裔所做的一切弃绝他们。这是耶和华说的。」

现代客语汉字耶利米书31:37上主又恁样讲：若係人有办法量出天有几高，测出地个根基有几深，𠊎正会因为以色列个后代一切所行个来豁掉佢等。

现代客语全罗耶利米书31:37 Song-chú yu án-ngiòng kóng:Na-he ngìn yû phan-fap liòng-chhut thiên yû kí-kô,chhet-chhut thi ke kîn-kî yû kí-chhṳ̂m,Ngài chang voi yîn-vi Yî-set-lie̍t ke heu-thoiyit-chhiet só-hàng ke lòi vok-thet kì-têu.

和合本2010版耶利米书31:38 看哪，日子将到，这城必为耶和华而造，从哈楠业楼直到角门。这是耶和华说的。

现代客语汉字耶利米书31:38上主讲：「看啊，日仔会到，归座耶路撒冷城，爱为𠊎重新建造，对哈楠业楼到角门。

现代客语全罗耶利米书31:38 Song-chú kóng: “Khon â, ngit-è voi-to, kûi-chho Yâ-lu-sat-lâng-sàng, oi vi Ngài chhùng-sîn kien-chho, tui Ha̍p-nàm-ngia̍p-lèu to Kok-mùn.

和合本2010版耶利米书31:39 丈量的绳子要往外拉出，直到迦立山，又转到歌亚；

现代客语汉字耶利米书31:39城个西片还爱向外量到迦立山，又捩到歌亚。

现代客语全罗耶利米书31:39 Sàng ke sî-phién hàn-oi hiong-ngoi liòng-to Kâ-li̍p-sân, yu lit-to Kô-â.

和合本2010版耶利米书31:40 抛尸的全谷和倒灰之处，并一切田地，直到汲沦溪，又到东边马门的角落，都要归耶和华为圣；不再拔出，不再倾覆，直到永远。

现代客语汉字耶利米书31:40归只堆等身尸㧯尘灰个山坜，还有汲沦溪到东片马门转角一切个荒地，全部爱分别做圣，归入上主个圣城。这城绝对毋会挷掉，永远毋会横掉。」

现代客语全罗耶利米书31:40 Kûi-chak tôi-tén sṳ̂n-sṳ̂ lâu chhṳ̀n-fôi ke sân-lak, hàn-yû Khi̍p-lùn-hâi to tûng-phién Mâ-mùn chón-kok yit-chhiet ke fông-thi, chhiòn-phu oi fûn-phe̍t cho-sṳn, kûi-ngi̍p Song-chú ke sṳn-sàng. Liá-sàng chhie̍t-tui m̀-voi pâng-thet, yún-yén m̀-voi vang-thet.”